Лапароскопска гинеколошка операција во живо од Болница Плодност – Hospital Plodnost , беше изведена за прв пат во Македонија.

Деновиве во Скопје во хотелот Холидеј ин, се одржа симпозиум за микроинвазивна хирургија во гинекологијата и акушерството во Македонија со присуство на странски предавачи.

Прим. д-р Таше Трпчевски беше предавач и со слајдови и видеопрезентација ги изнесе досегашните искуства на Болница Плодност за примената на микроинвазивната хирургија- лапароскопија и хистероскопија кај гинеколошките заболувања.
Во исто време, д-р Христијан Трпчевски директно од оперативната сала во болницата од Битола, ВО ЖИВО, демонстрираше оперативен зафат кај пациентка со гинеколошко заболување – вадење на матка и лимфни жлезди.

“Ме радува фактот што е ова прва ваква презентација во живо во Македонија од оперативна сала, тешка и сложена операција со вадење на лимфните жлезди околу крвните садови. Прво би истакнал дека вакви операции по лапароскопски пат многу малку гинеколози прават во Македонија, а второ, за прв пат во живо е пренесувана оваа сложена и деликатна операција, пред голем аудиториум на стручњаци од оваа област. Да имате храброст и би рекол дрскост да ја презентирате оваа технологија пред компетентни лица кои ја разбираат оваа проблематика, значи дека добро ја владеете оваа техника и имате вештина и знаење за нејзино изведување. Сакаме нашето знаење и искуство да го пренесеме и на сите останати колеги кои се заинтересирани за оваа проблематика, нонкстовремено и да ги увериме и запознаеме сите останати колеги дека болницата Плодност стана референтен центар за т.н. Напредната лапароскопска хирургија Во иднина се надевам ова ќе ни стане пракса во живо да пренесуваме операции на други симпозиуми,секции и конгреси”, вели д-р Христијан Трпчевски експерт во областа на ендоскопската микроинвазивна хирургија.

Центарот за управување со кризи (ЦУК) информира дека во последното деноноќие имало вкупно 1 920 повици на Единствениот повикувачки број за итни случаи 112, од коишто „реални“ повици биле 38,56%, а 61,44% за други потреби на граѓаните што не биле итни. Кон Полиција биле упатени 71,09%, кон Итната медицинска помош 23,47%, кон пожарникарите 1,70%, а кон АМСМ 0,34% од реалните повици кон 112 во ЦУК. Инаку, 1 162 повици за итни случаи на 112 во ЦУК, што се вкупен збир од тие што биле за комбинирано решавање од „реални“ повици 3,40% и на 61,44% именувани како „неитни повици“, биле предмет на примање, на обработка во ЦУК, а и на директно коордирнирање за нивно решавање со повеќе ангажирани институции и служби во Системот за управување со кризи (СУК), согласно природата на пријавените „реални“ итни случаи.

Имаше два пожари на отворено во последното деноноќие. Конкретно, Регионалниот ЦУК Куманово информира за две интервенции, при што пожарникарите од ТППЕ Куманово во период од 14:50 до 15:40 часот, со три пожарникари и едно противпожарно возило, гаснеле запалена ниска вегетација кај село Лопате, а во период од 17:55 до 19:45 часот, со три пожарникари и едно противпожарно возило, гаснеле запалена ниска вегетација покрај улицата „Тоде Мендол“ во Куманово.

Во Прилеп и околината имаше проблеми од големите врнежи дожд, бидејќи за изминатите 24 часа наврнале 35 литри дожд за 24 часа.

РЦУК Прилеп извести дека вчера, преку 112 во ЦУК се примени повеќе пријави за комунални проблеми – затрупани канали што може да предизвикаат поплавувања на дворови и подруми. Конкретно, во општина Кривогаштани во село Славеј и во село Крушеани биле затрупани каналите. При комуникацијата со надлежните во општина Кривогаштани од таму информирале дека интервенира Јавното комунално претпријатие од Кривогаштани на тој терен.

Од Општина Долнени беше пријавено дека во село Пешталево при секој дожд има поплавување на двор и подрум од една куќа после изградбата на локален пат во ова село. Од ЦУК е известена е локалната самоуправа Долнени, од каде што информирале дека градежна машина веќе интервенира на терен.

Од Општина Прилеп е добиена пријава за поплавување на нискиот дел од патот (стариот пат за Битола) кај фабриката „Партизанка“, што се поплавувал при секој дожд. Од ЦУК е звестена локалната самоуправа Прилеп.

Гранична полиција – Витолиште извести дека имало мал одрон од камења на регионалниот пат Прилеп – Витолиште на кривината пред село Витолиште. Веднаш е звестено ЈП Македонија Пат од каде посочиле дека ќе интервенираат. Сообрајќајот не е во прекин, велат од ЦУК.

Регионалниот ЦУК Тетово извести дека вчера околу 10:45 часот на 112 е добиена пријава дека во месноста „Јелак“ на Шар Планина, мечка нападнала дански турист, кој бил дел од група скијачи во близина на Попова Шапка. Мечката, којшто била со малечки мечиња во елките до групата скијачи, со туркање, гризнување и гребење му нанела повреди на нозете на скијачот. Со ратрак на „Ескимо фри рајд“ го симнале до Попова Шапка од каде што екипа на Итната медицинска помош од Тетово го транспортирала повредениот скијач во тетовска болница, а по укажувањето на медицински третман, данскиот турист, со самостојно движење, ја напуштил болницата.

Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации.

Истовремено, ЦУК информира дека потребно и е корисно да се следат препораките и информациите од медиумите за превенција, а и за реагирање при итни случаи.

Владата вчера донесе одлука со која ја продолжи набавката на американските преносни системи за противоклопна борба, наменети за пешадијата на Лесната пешадиска баталјонска група.

Како што беше соопштено, владата на Талат Џафери на 9-та седница „ја разгледа и ја усвои Информацијата на Министерството за одбрана за потребата од доделување договор влада со влада за набавка на преносни системи за противоклопна борба, со склучување на договор меѓу Владата на Македонија и Владата на Соединетите Американски Држави“.

„Воедно, утврден е усогласен текст на амандман кон Писмото за понуда и прифаќање (Амандман 1 на писмото за понуда и прифаќање) MK-B-UCF JAVELIN – JLTV, помеѓу владата на Република Македонија и владата на Соединетите Американски Држави“, се наведува во соопштението.

Нагласено е дека со одлуката на Владата на Македонија, продолжува процесот на набавка на преносни системи за противоклопна борба, наменети за пешадијата на Лесната пешадиска баталјонска група.

Одлуката е во насока на определбата за Министерството за одбрана за модернизација и опремување на Армијата на Република Македонија за постигнување целосна интероперабилност со армиите на земјите партнери во НАТО и во тие рамки опремување на лесната пешадиска баталјонска група со современа борбена техника, односно лесни оклопни возила на тркала, што како проект е предвидено да се реализира во периодот од 2019 – 2027 година.

Основното јавно обвинителство Битола поведе постапка против 35-годишен жител на селото Долно Оризари кој е осомничен за кривично дело – Предизвикување општа опасност од член 288 став 1 од Кривичниот законик.

На 2 март, во вечерните часови, осомничениот влегол во казино на улицата „Лазо Трповски“ во Битола, се качил на спратот од објектот каде што имало и други лица, па истурил бензин врз шест слот-машини и ги запалил. Со тоа предизвикал пожар кој зафатил дел од инвентарот и предизвикал значителна опасност по животот и телото на луѓето и по имотот од големи размери.

По предлог од надлежниот јавен обвинител, судијата на претходна постапка од Основниот суд во Битола определи мерка притвор во траење од осум дена за осомниченото лице.

Откако случајот стана актуелен и за истиот информираа сите медиуми, излезе и видео од настанот на социјалните мрежи:

Во храмовите Св. Кирил и Методиј (Параклис) и во Света Петка во нас. Точила во петок (08.03) и сабота (09.03) ќе се пеат помени за покој на душите на починатите во периодот од 7:30 до 9:30 часот и попладне од 16:00 до 17:00 часот.

Во петок (08.03) и сабота (09.03) на Новите градски гробишта помените ќе се пеат со почеток во 12:00 часот, а на Старите градски гробишта со почеток во 13:00 часот.

Бог да ги прости починатите и да им дарува Царство Небесно.

На 04.03.2024 во 07.15 часот во Полициската станица Прилеп било пријавено дека околу 05.50 часот во продажен објект во Прилеп, едно лице искористило згодна прилика и одзело пари од дневен промет.

Се преземаат мерки за расчистување на случајот – информираат од СВР Битола.

Синоќа околу 23.35 часот на ул.„Васко Карангелевски“ полициски службеници од Полициската станица за безбедност на сообраќајот при СВР Битола дале знак за запирање на возило „тојота рав 4“, кое го управувал пријавениот, но возилото продолжило со движење.

Полициските службеници со службено возило го следеле и откако влегле во подземна гаража од станбена зграда, Д.И. ја затворил вратата и не сакал да ја отвори – информираат од СВР Битола.

Со полагање свежо цвеќе пред спомен бистата пред училиштето и пригодна програма, одбележан патрониот празник на ООУ “Страшо Пинџур” во населеното место Мало Коњари.

ООУ „Страшо Пинџур“ во населено место Мало Коњари денеска одбележува 109 години од раѓањето на својот патрон, како и 69 години од постоењето на училиштето.

За патрониот празник учениците подготвија богата културна програма на која преку рецитали, драмски изведби, танци … го претставија живот и делото на народниот херој, Страшо Пинџур.

Гоце Ристов вчера до ДИК ја доставил својата иницијатива за собирање на потписи. Тој е 14тиот кандидат кој ќе се обиде да стигне до бројката од 10.000. На последниот пресек, заклучно со вчерашниот ден може да се види дека тој нема собрано ниту еден потпис.

„Денес, до Државната Изборна комисија е доставена Иницијатива за собирање на потписи за кандидатура за Претседател на Република Северна Македонија, од страна на Гоце Ристов.

Потписите ќе се собираат во подрачните одделенија/канцеларии на Државната изборна комисија на цела територија на државата.“ – објави вчера ДИК

Во претседателската трка веќе влегоа 7 кандидати.
Прв до 10.000 стигна Бујар Османи по што следеше Таравари, Димитриевски, Ванковска, Јакимовски, Силјановска и Пендаровски.
Кандидатите кои стигнаа до 10.000 веќе не организираат собирање на потписи па нивните бројки денеска се речи си идентични како и оние вчера.