Чистачката во бугарскиот конзулат во Битола Весна Котевска спроведувала интервјуа со кандидати за бугарско државјанство, а поради тоа многу барања биле одбиени, откри бугарскиот пратеник Ангел Георгиев од партијата Преродба – oбјави “ДЕНЕШЕН.МК”.

Тврдењето на пратеникот било повод случајот да го испита вицепремиерката Марија Габриел, пишува Њуз.бг. Георгиев за случајот постави пратеничко прашање во бугарскиот парламентдо Габриел.

Министерката, која истовремено е и вицепремиерка, му одговори дека имало системски пропусти во бугарскиот конзулат во Битола, и дека чистачката веќе нема пристап до архивата и конзулската служба. Но, таа негираше дека чистачката вршела интервјуа за бугарско државјанство.

-Ваквите пропусти се недозволиви, кажа Габриел.

Таа додаде дека 2.719 досиеја се вратени на докомплетирање во конзулатот во Битола поради сериозни нарушување во процесот за добивање бугарско државјанство.

Вицепремиерката Габриел побарала увид во дејноста на конзуларната служба и рекла дека хигиеничарката повеќе нема пристап до архивата и до конзуларното претставништво.

– Немаше докази дека таа правела интервјуа за бугарско државјанство. Сепак, откриените прекршувања се недозволиви, изјавила Габриел.

Денеска, со почеток од 14часот, на градскиот стадион “Гоце Делчев” во Прилеп, Победа ја дочекува Беласица, дерби кое своевремено носеше илјадници на трибините.

Но ситуацијата е сега многу поразлична. Победа грчевито се бори да избори опстанок во Втората лига, а ништо подобар не е ниту струмичкиот тим, кој се наоѓа четири места погоре на табелата.

Црвено-белите од Прилеп во пролетниот дел од сезоната забележаа два порази и две ремија и немаат постигнато ниту еден гол.

Претседателот на Турција, Реџеп Тајип Ердоган синоќа најави повлекување од политичкиот живот.

Тој наведе дека локалните избори во Турција што треба да се одржат на 31 март ќе бидат негови „последни“.

– Изборите на 31 март ќе ми бидат последни во согласност со законот. Нивниот резултат ќе биде пренесување на довербата на моите браќа кои ќе дојдат по мене, посочи Ердоган.

Ердоган политичката кариера ја почна како градоначалник на Истанбул во периодот од 1994 до 1998 година. Тој е основач на владејачката Партијата на правдата и развојот (АКП). Тој беше премиер на Турција од 2003 до стапувањето на претседателската функција во 2014 година.

Православните христијани денеска ја одбележуваат Задушница во знак на сеќавање на починатите.

Оваа Задушница секогаш се паѓа в сабота пред месопусната недела во пресрет на велигденскиот пост и празникот Прочка.

Црквата пропишала посебни денови – задушници, четирипати годишно, кога верниците се молат за покој на душите на починатите. Задушница е секогаш в сабота, ден што црквата го одредила за помен и молитва за упокоените.

На задушница се оди во црква каде што се служи литургија и парастос. На овој ден се посетуваат гробиштата каде што со молитва, пченица и лепче осветено со црвено вино се изразува помен за починатите. На Задушница верните им даваат милостина на сиромашните во име на покојните и се молат за покој на нивните души.

Најстарата авто школа во Прилеп, АМД Прилепец, на одличен начин им го честиташе 8-ми Март, на сите припадничките од понежниот пол на кои наиде нивната сообраќајна патрола. Дамите ги почестија со цвет и специјални ваучери со попусти, гест кој наиде на огромно задоволство.

-На денот во кој го одбележуваме празникот на родова еднаквост, најстарата авто школа во градот на жените возачи им подарува пригоден поклон од асортиманот на своите услуги во станицата за технички преглед и авто сервисот. Кај нас жените возачи за своите возила можат да ја добијат најбрзата и најквалитетна сервисна услуга механика, електроника, дијагностика – велат од “АМД Прилепец”.

Инаку, сервисот за технички преглед при АМД Прилепец од Прилеп, нуди голема поволност за припадничките од понежниот пол, кои овој месец ќе се одлучат да ги регистрираат своите возила кај нив.

-Не само денот на жената 8ми Март, ние го славиме месецот Март како месец на жената. По тој повод ви нудиме одлична понуда за Вас жените, понуда на услуги која можете да ја искоростите до крајот на месецот. За сите жени кои ги регистрираат возилата во месецот на жената, добиваат гратис сервисна услуга во сервисот во АМД! Најбрза и најквалитетна сервисна услуга за возила во градот – информираат од АМД Прилепец.

Сите припаднички на понежниот пол ќе можат да искористат гратис услуга за промена на масло или филтри, замена на дискови, сијалички, гуми, како и бесплатна дијагностика.

Светската здравствена организација (СЗО) денеска ги повика националните влади во светот да го земат предвид полот кога развиваат политики за консумирање алкохол, предупредувајќи дека маркетингот во индустријата сè повеќе ги таргетира жените кои се соочуваат со поголеми здравствени ризици од мажите и од помалку алкохол.

Агенцијата на ОН со седиште во Женева соопшти дека има докази дека мажите, жените и малцинските групи се различно погодени од штетата поврзана со алкохолот и дека индустријата го прилагодила својот маркетинг за да таргетира различни полови. „Политиките за контрола на алкохолот во голема мера остануваат слепи за половите“, вели СЗО, повикувајќи ги владите да го земат предвид полот при дизајнирање контролни мерки.

Индустријата се повеќе користи родови пристапи за привлекување потрошувачи, истакнува СЗО, додавајќи дека е од клучно значење да се остане во чекор со овие променливи маркетинг тактики. По успехот во борбата против влијанието на другите производи, како што се цигарите, врз јавното здравје, СЗО сè повеќе го насочува вниманието кон решавање на прашањето за штетното дејство на алкохолот.

Светската здравствена организација ги нагласува студиите кои откриле дека индустријата сè повеќе ги таргетира жените – од пакувања до реклами кои ги нагласуваат аспектите на феминизмот или женското пријателство. Мажите се исто така цел на маркетинг кој ги нагласува традиционалните поими за мажественост и се изложени на поголем ризик од прекумерно пиење, развој на проблеми со алкохолот и вклучување во агресивно или ризично однесување, забележа СЗО. Но, жените претрпуваат поголема штета при пониски нивоа на консумирање алкохол.

ЛГБТК+ заедницата, исто така, се соочува со различни штети, често консумирајќи повеќе алкохол и има повеќе проблеми со зависност од хетеросексуалните луѓе, додека наследството на колонијализмот и економската маргинализација, исто така, ги ставија домородните народи во зголемен ризик, наведува СЗО.

Оваа организација посочува дека консумирањето алкохол е причински фактор за повеќе од 200 болести и повреди, меѓу кои и некои видови на рак, цироза на црниот дроб и кардиоваскуларни заболувања.

Државниот санитарен и здравствен инспекторат (ДСЗИ) денеска ја доби одлуката од министерот за здравство, врз основа на препораките од Комисијата за заразни болести, да изврши вонредни инспекциски надзори и забрани прием на деца во предучилишни установи, кои не се имунизирани, или се нецелосно имунизирани со ДТП, информираат попладнево од Инспекторатот.

-Вонредните инспекциски надзори ќе започнат во понеделник, 11 март, со издавање решение за забрана на прием на деца, кои не се имунизирани или се нецелосно имунизирани со ДТП, како и други наложени епидемиски мерки, појаснуваат од ДСЗИ.

Исто така, додаваат оттаму, ќе се задолжат одговорните лица во предучилишните установи да изготват список на сите невакцинирани деца со ДТП.

-Да не се примаат деца со други инфективни заболувања, како и за секое зголемено отсуство да биде известен Центарот за јавно здравје – Скопје, истакнуваат од Инспекторатот.

По повод 8 Март Денот на жената, ден што се прославува ширум светот за да се почести и признае придонесот на жените во сите сфери на животот, па и во учеството во сообраќајот, Станицата за технички преглед Авто Контрол Прилеп во соработка со МВР и сообраќајната стpука при С.О.У “Ристе Ристески – Ричко” Прилеп, организираше превентивна активност во центарот на градот Прилеп, преку делење на флаери со едукативна содржина, а со цел да се подигне свеста за правата на жените, за рамноправност и за изборорт да бидат слободни и еманципирани во сообраќајот.

За најсмелите жени

Денешниот ден е Ваш ден. Денот на жената е прилика да се покаже вашата смелост, вашата постојаност и вашата неодолива сила. Во светот на патот, вие сте симол на увереност и независност. Вашиот ум и Вашиот дух ја поминувааат секоја далечина. Бидејќи во секој миг на возење, го докажувате вашето величество. Секое возење е ваша приказна, секој притсок на туража е ваш напредок, а секоја стапка на кочница е ваша одлучност. Бидете смели и верувајте во себе, секој километар е нова приказна за испишување.Во вашите раце е сила да го поминете секој пат пред вас.

Денес сетете се дека сте нешто повеќе од возач.

Драги дами денес и секој нареден ден потсете се на вашата сила и вредност, вие сте водечка сила!

Среќен 8 ми Март !

Фото/Курир

„Остануваме на ветувањето дека со следната власт предводена од ВМРО-ДПМНЕ, пензионерите ќе добијат 5.000 денари линеарно покачување. Средства ќе се најдат. Буџетот е како сопствениот буџет дома во семејството, ако треба за нешто да се даде допринос, да се интервенира, во тој случај си правиш добар план, заштедуваш и ги насочуваш парите таму каде што треба. Истото станува збор и тука со пензионерите. Со домаќинско работење со буџетот, да нема крадење како што беше досега бидејќи буквално го покрадоа буџетот овие што се на власт, тогаш релокацијата на средствата во делот на зголемување на пензиите може да биде реален и ќе биде реален и остварен после 8 мај“, вели техничкиот министер за труд и социјална политика, Ѓоко Велковски во вчерашното гостување во емисијата „Заспиј ако можеш“ на ТВ Алфа.

Тој уште еднаш го истакна фактот дека моменталното покачување од 5% како што го нарекува власта, е само статистичко порамнување на пензиите и овде политичарите треба да бидат искрени без да ги лажат пензионерите.

„Тоа статистичко порамнување знаеме дека денеска инфлацијата во Македонија статистички покажува дека е 14% официјално, меѓутоа реално гледаме дека е многу многу повеќе и допрва расте. Пред 4-5 дена ги тргнаа замрзнатите цени на производи и веднаш на пазарот и во маркетите цените отидоа повторно нагоре. И сега да се навратиме дека 5% е само порамнување и тука треба да бидеме искрени. Што е најважно, пензионерите знаат. Во комуникација со нив велат дека знаат точно секој еден денар од каде е, зошто им се дава и каде треба да заврши, знаете дека они се прецизни. Уверен сум дека пензионерите ќе добијат покачување, вистинско, а не вакво како сега“, додава Велковски.

Новинарот Зоран Момироски ја овјави својата 76-та по ред колумна од серијалот “Во Прилеп нема проблем, а се’ е проблем”, каде неминовно повторно спомена неколку двевно-политички “пикантерии”. Овојпат меѓу другите, на листата на актуелности се најде и пратеникот од СДСМ, Миле Талевски, за кого Момироски прашува, дали е вистина дека со службено возило и возач од прилепската болница патувал до Скопје?

-Во предизборен период нормално да се шират различни информации и дезинформации. За да бидат нештата по јасни, ако не пред јавноста, тогаш пред членството неки прашања треба да бидат и чесно одговорени. Прво дали е точно дека актуелниот пратеник на СДСМ од Прилеп, Миле Талески ,,Чвргата,, во овој предизборен период за да ги изврши своите службено пратенички обврски, користи службено возило со возач од прилепската болница, со кое го носеле од Прилеп до Скопје. Таму го чекал возач и кола и пак го враќал во Прилеп. Дали е точно дека ако загуби СДСМ во градов, а ќе загуби,по редот на нештата оставка од Претседател на ОО на СДСМ би требало да си поднеси Зоран Пачешкоски – Цакио, и на негово место наводно го токмеле еден од неговите најблиски соработници Христијан Пиличев-Пиличо?!? И дали е точно дека ако победи ВМРО-ДПМНЕ и формира влада, на голема врата како советник во болницата би се вратила неговата мајка Роза Пиличева, која по пензионирањето како медицинска сестра си формирала Здружение за дезинфекција и стерилизација?! – пишува новинарот Момироски.