Освен Танасовден зимски кој се слави на 31 јануари, денеска е летен Танасовден, кој во многу места низ Македонија се празнува како селска или куќна слава.

Роден во Александрија во 296 година. Од детството наклонет кон духовниот призив. Беше ѓакон кај архиепископот Александар, и го придружуваше својот архиепископ на Првиот Вселенски Собор во Никеја.

На овој Собор многу се прослави со неговата ученост, благочестие и ревност за Православието. Многу придонесе за побивањето на Ариевата ерес и за утврдувањето на Православието.

Го напиша Символот на Верата кој на Соборот беше усвоен. По смртта на Александар, свети Атанасиј беше избран за архиепископ Александриски. Во архиепископскиот чин остана над четириесет години, иако не беше цело време на архиепископскиот престол. Речиси сиот живот беше гонет од еретиците.

Од царевите најмногу го гонеа: Констанциј, Јулијан и Валент; од епископите Евсевиј Никомидиски со уште мнозина други; а од еретиците Ариј и неговите следбеници. Беше принуден да се крие од гонителите дури и во бунар, во гроб, по приватните куќи, по пустините. На двапати бегаше во Рим.

Едвај недолго пред смртта едно време проживеа мирно како добар пастир сред своето стадо, коешто вистински го љубеше. Мал е бројот на светителите што се толку клеветени и толку злосторнички гонети како светиот Атанасиј. Но, неговата голема душа најпосле излезе победоносна од сета таа долготрајна и страшна борба.

За совет, утеха и морална потпора често одеше кај свети Антониј, кого го почитуваше како свој духовен отец. Човекот којшто ја формулираше најголемата вистина мораше и да пострада за таа вистина, додека Господ не го упокои во своето Царство овој Свој верен раб, во 373 година.

Општина Прилеп се вклучува во иницијативата ,,ГЕНЕРАЛКА ВИКЕНД” 2024, и за таа цел ги поканува сите граѓани, во петок на 17. мај, да се приклучат во акцијата за чистење на околината околу вештачкото езеро.

-Ве покануваме сите кои сте во можност да земете учество со почеток од 09:30ч. Да излезиме заедно, да го собериме отпадот од нашата непосредна околина и со тоа да придонесиме за поздрава и позелена иднина за сите! За секои 10кг собран отпад, Министерството за земјоделство ќе обезбеди по едно дрво за пошумување нови шуми. Да се извалкаме и да чистиме – стои во поканата.

Ставовите од ЕУ и НАТО, но и внатрешните реакции во Грција, односно позициите на опозициските партии и секако на Владата во однос на Договорот од Преспа и понатаму се во фокусот на грчките медиуми, јави дописничката на МИА од Атина.

Весникот „Катимерини“ во текстот под наслов „Атина ја очекува новата Влада во Скопје“ го пренесува ставот на актуелната грчка Влада дека државата има континуитет и дека покрај нивното несогласување пред да се изгласа Договорот од Преспа, сега го почитуваат.

Истакнува дека следниот чекор што се очекува е формирањето на Владата кај нас на крајот на мај, кога ќе биде претставена програмата „што ќе покаже каде одат соседите“.

Грчката телевизија „Опен“ во прилогот од Скопје, пренесува ставови на граѓани кои ја истакнуваат важноста на европската перспектива на земјата, но и изјава на поранешниот премиер Зоран Заев, кој го коментира ставот на новата претседателка.

-Неусогласувањето носи одговорности и сериозни последици за државата што веднаш ќе се почувствуваат од граѓаните. Одговорноста не е само политичка, туку и правна. Па така, како носители на највисоките државни функции, ќе треба да ги почитуваат Уставот, меѓународниот Договор од Преспа и законите, вели Заев за телевизијата „Опен“.

Maтурантите ширум Македонија овие денови го прославуваат завршувањето на четиригодишното средно образование и ќе ги исполнат плоштадите во сите градови.

Денеска први кои го разиграа центарот на Прилеп, беа матурантите од СОУ “Ристе Ристески-Ричко”, кои развиорија оро, заиграа чочек, а напред одеа двајца знаменосци.

Во пресрет на деновите кога треба да се одлучат каде ќе го продолжат своето образование, заслужуваат да се провеселат и за последен пат да се дружат со целата своја генерација.

Дечки со среќа!

На 14.05.2024 во 18.00 часот во Битола, полициски службеници од СВР Битола го лишиле од слобода П.П.(42) од Битола. При претрес во неговиот дом, извршен со судска наредба, била пронајдена и одземена кафеава прашкаста материја.

Лицето било приведено во полициска станица и по целосно документирање на настанот против него ќе биде поднесена соодветна пријава.

Да ти е мерак да го запишеш детето. Пуштете им на вашите дечиња и уживајте заедно:

На 19. мај кога се одбележува 5-годишнината од осветувањето на црквата Св. Петка во прилепско Ново Лагово, со почеток од 09часот, ќе се одржи света литургија, а ќе има и богата музичка програма.

Управата на црквата ги поканува сите верници и добронамерници да присуствуваат на настанот и заедно да поминат еден убав ден.

За музиката ќе се погрижат естрадните пејачи Анета Љумаковска и Спасен Силјаноски и оркестар “Маестрал”.

Овој прекрасен црковен храм беше осветен на 19.05.2019 година, а со чинот на осветувањето тогаш чиноначалствуваше Митрополитот Преспанско-пелагониски господин Петар.

Темелите на црквата во ова населено место беа поставени и осветени во 2001 година.

Хрватскиот фестивал за едноминутни филмови е меѓународен филмски фестивал кој секоја година се одржува во Пожега.

Фестивалот прв пат се одржа во 1993 година, а 32-то издание ќе се одржи од 5-9 јуни.

На натпреварот со два филма ќе настапи Зоран Пиловски од Прилеп, кој воедно е и единствен претставник од Македонија на овој престижен интернационален фестивал.

Филмовите на Пиловски се насловени како: Carefree-selfie и Childhood is not for sale, а вкупно на програмата се 60 филмови од различни земји ширум светот.

На Пилоски му посакуваме успех и секако да се врати со некоја награда.

Претседателот на Демократскиот сојуз Павле Трајанов смета дека Коалицијата предводена од ВМРО-ДПМНЕ ќе има 63 или 64 пратеници и без коалицијата Вреди на албанска опозиција.

-Направено е едно парламентарно мнозинство кое е стабилно и од тој аспект не може ниту една политичка партија да уценува. Според проценките и информациите во јавноста, некаде веќе 63 или 64 пратеници ќе има без албанската опозиција во Парламентот. Тоа е силно парламентарно мнозинство, рече вечерва Трајанов во гостување на ТВ 24.

Тој не прецизира кои се тие пратеници, но посочи дека се од помалите партии кои порано но и сега се дел од коалицијата предводена од Социјалдемократскиот сојуз.

Трајанов наведува дека вака широкоорганизиран фронт на ВМРО-ДПМНЕ му е потребен за гласање на измените на Законот за Влада со цел да дојде до реализација на изборните ветувања за нова структура на Владата.

18-годишната Мелиса Зијадиќ од село Лажани, општина Долнени, се пласираше во четвртфиналето на најпопуларното балканско шоу “Ѕвездите на Гранд”.

Мелиса победи во дуелот со една година повозрасната Адела Смајловиќ, но повторно доби благи критики од стручното жири.

На маестралниот настап и пеење, жирито и’ замери нареден пат да биде послободна на сцената, како и да се поклони кон публиката за добиените аплаузи.

“Мелиса душо моја, не е срамота да се поклониш кон публиката на аплауз, немој да бегаш. Тоа мора да биде составен дел од твојот настап и пеење. Немој да ти биде непријатно што си тука, инаку си супер”, коментираше Драган Стојковиќ – Босанац.

“Мелиса, премногу си скромна, тебе скромноста те убива кога ќе застанеш тука. Тоа може да биде мана во оваа работа. Ти си добар вокал и се’ што отпеа беше точно”, истакна Вики Мирковиќ.

Од друга страна пак Снежана Ѓуришиќ ја поздрави скромноста на нашата девојка.

“Мелиса сакам да ти честитам. Таа твоја скромност во однесувањето можеби се пренесува на пеењето, но немој да се грижиш, пееше фантастично”, истакна Ѓуришиќ.

Meѓу пораките од жирито беше и тоа дека Мелиса има потенцијал да стигне до големото финале.

За тие кои пропуштија, настапот на Мелиса погледнете го oд 38-та минута од емисијата во продолжение: