Прилепските борачи и борачки од “7-ми Мај” имаа напорен натпреварувачки викенд на два фронта. Училишен натпревар во Кочани, како и тежок Меѓународен натпревар во Стара Загора, Бугарија.

Анабела Стојаноска, Ангела Трајкоска, Јована Тодороска и Тамара Цветкоска предводени од тренерите Стојанче Тушески и Филип Јованоски, во Прилеп од Бугарија се враќаат со два медали, еден златен и еден бронзен.

Тамара Цветкоска беше прогласена за најдобар странски борач помеѓу борачки од: Бугарија, Македонија, Косово, Турција, Молдавија и Романија, и сосема заслужено дома се враќа со победничкиот пехар во својата категорија.

Одлична беше и Анабела Стојаноска, која освои бронзен медал во категорија до 46 кг.

Честитки за девојките и нивните тренери и желби за уште поголеми успеси во иднина!

Прилепската екипа Мега Баскет синоќа забележа убедлив триумф над вториот тим на МЗТ Скопје и ги задржа шансите за пласман во плеј-оф разигрувањето во Втората кошаркарска лига.

Во спортската сала во “ДОБРЕ”, скопјани беа поразени со 72 -61, а голема заслуга за тоа има мотивираноста на момците да направат резултат во клучни моменти, како и поддршката на прилепската спортска јавност, која верува дека Прилеп е подготвен после долги години да довие прволигаш.

Стевананџија постигна 16 поедни, Велески 19, а одлични беа и Јованоски со 14, како и Настески со 12 поени.

Во последното коло од регуларниот дел од сезоната, Мега Баскет игра со вториот тим на Работнички, екипа која е далеку послабо рангирана од прилепчани, па реално е да се очекува уште еден триумф, и пласман во плеј-оф разигрувањето.

РК Прилеп е непрепознатлив и воопшто не наликува на тимот во регуларниот дел од сезоната на ракометната Супер лига.

Синоќа прилепчани запишаа нов триумф над Вардар Неготино (27-22), и сигурно чекорат кон сигурен опстанок во најелитниот ракометен ранг и идната сезона.

Прилепчани во првиот дел одиграа одлична одбрана, го контролираа резултатот во најголемиот дел од натпреварот и не дозовлија гостинот да има премногу шанси да дојде во позиција за гол.

На полувремето прилепчани имаа огромна предност од 17:9, а гостите од Неготино се консолидираа во вториот дел, па во еден момент стигнаа до 3 гола негатива 22:19.

Тоа беше аларм за момците на Божидар Мојсов, кои одново го најдоа својот ритам и стигнаа до заслужениот триумф на крајот.

Прилеп останува непоразен со 5 победи и 1 нерешен резултат, а во наредното коло следува гостувањето кај вториот тим на Еурофарм Пелистер.

Сè поголем е бројот на граѓаните кои се незадоволни од работата на оваа влада, се зголемува и процентот на определените гласачи кои би излегле на гласање, расте рејтингот и на опозициската партија ВМРО-ДПМНЕ и на нејзиниот лидер Христијан Мицкоски. Ова се дел од резултатите од телефонската анкета спроведена на 1.200 испитаници од агенцијата Маркет вижн од 15 до 24 март, по нарачка на редакцијата на МКД.мк.

На прашањата за тоа во кој политичар веруваат и во кој лидер на политичките партии имаат најголема доверба, според одговорите на испитаниците на двете листи на прво место е Христијан Мицкоски (25,1 % и 16,6 %). На овие прашања интересен е резултатот на Максим Димитриевски, претседателот на ЗНАМ, кој покажува поголема популарност и од Стево Пендаровски.

Според рејтингот на политичките партии, коалицијата предводена од ВМРО-ДПМНЕ е во убедливо водство – 27,2 %. Коалиција предводена од СДСМ би освоиле 10,7 отсто од гласачите, ДУИ – 8,7%, коалицијата Вреди 7,7%, ЗНАМ 5,5%, Левица 5,3%…

Анкетирањето беше спроведено од 15 до 24 март со употреба на CATI метода – телефонско анкетирање со помош на компјутер на примерок од 1.200 испитаници (статистичка грешка: 3%; интервал на доверба: 99%).

Примерокот е репрезентативен на ниво на Македонија според: регион, пол, возраст и етничка припадност според податоците за резидентното население од пописот 2021 година.

Украинските сили ќе мора да ѝ отстапат поголема територија на Русија доколку американската воена помош не пристигне наскоро, предупреди украинскиот претседател Володимир Зеленски во својот најнов и најсериозен апел до Конгресот на САД да усвои пакет воена помош од повеќе милијарди долари.

Администрацијата на претседателот Џо Бајден се обидува да протурка во Претставничкиот дом пакет за меѓународна помош од 95 милијарди долари, кој вклучува 60 милијарди долари за Украина. Во Претставничкиот дом републиканците го блокираат овој пакет-помош повеќе од еден месец откако беше усвоен во Сенатот.

Зеленски предупреди дека недостигот на помош е драматичен и може да ги загрози големите украински градови.

Ако нема американска поддршка, тоа значи дека немаме противвоздушна одбрана, ракети Патриот, уреди за попречување на електронското војување, артилериски гранати од 155 милиметри – изјави тој за Вашингтон пост за време на интервјуто објавено викендов. „Тоа значи дека ќе се вратиме, ќе се повлекуваме, чекор по чекор, со мали чекори“, додаде Зеленски.

Тој оцени дека Киев ќе биде принуден да направи помалку во војната и да ги зачува ресурсите, што може да има сериозни последици.

– Ако ви требаат 8.000 куршуми дневно за да ја одбраните линијата на фронтот, а имате само, на пример, 2.000 гранати, немате друг избор освен да работите помалку – објасни тој, велејќи дека решението може да биде скратување на линијата на фронтот.

– Ако пукне, Русите би можеле да ги нападнат големите градови, предупреди Зеленски. Голем дел од источна Украина беше под руска воена контрола откако Москва ја започна својата инвазија пред повеќе од две години.

Минатиот месец Киев објави дека се повлекува од Авдијивка, еден од најголемите градови на источниот фронт, кој со месеци беше под руска опсада и е целосно уништен.

ВМРО-ДПМНЕ не се бори за победа, ВМРО-ДПМНЕ на овие парламентарни избори се бори за поголема разлика се брои за 61 пратеник за да имаме стабилна влада која ќе ја врати гордоста на македонскиот народ и која ќе ја врати Македонија на едни нормални патеки до кои е извадена сега, рече Александар Николоски, потпретседател на ВМРО-ДПМНЕ на гостување на телевизија Алфа во емисијата „Вечерно шоу на Богдан Илиевски“.

„За чист мандат потребна ни е референдумска излезност, ни треба стабилно мнозинство. Не е идејата да правиме влада со некои актуелни партии. СДС и ДУИ мора да одат во опозиција тие се причината зошто македонскиот народ е понижен, зошто е газен и понижуван, тие се причина зошто се смени името. Тие се изворот на сите зла, тие се извор и на криминалот и корупцијата. Затоа во Македонија е потребна радикална промена“, изјави Николоски.

Николоски вели дека за изборните листи на СДС и СДС како партија немаат поддршка.

„Една ПР агенција нуди по 100 евра портал за да се објави промотивен текст за мојот против кандидат. Тука е прашањето од кај им се толку пари. Значи освен Изреалецот и оваа агенција не можам да видам кој го поддржува СДС. Но, можам да видам многу кеш и нечисти пари кај СДС, а за тоа ќе има одговорност по избори“, вели Николоски кој укажа дека се што е објавувано за криминал и корупција е поткрепено со аргументи и докази.

Оттука, додаде Николоски, после избори ќе има одговорност за сите кои правеле криминал.

„За сите за кои ќе има докази или ќе се обезбедат докази ќе одговараат по изборите“, кажа Николоски.

ПОВРЗАНИ ТЕМИ

Летното сметање на времето почнува од 02:00 часот по полноќ, кога стрелките на часовникот ќе се поместат еден час понапред и времето ќе се смета како 03:00 часот.

Летното сметање на времето завршува на 27 октомври во 03:00 часот, така што тогаш со поместување за еден час наназад, времето во 03:00 часот, ќе се смета како 02:00 часот.

Одлуката за воведување на летното сметање на времето е согласно Законот за сметање на времето („Службен весник на Република Македонија“ бр.17/96 и 16/97) и согласно европски директиви, информираше Владата во вторникот.

Во текот на вчерашниот ден (29.03.2024) во период од 13-19 часот Секторот за внатрешни работи Битола спроведе акциска контрола на територијата на СВР Битола за санкционирање на возила кои се движат со брзина поголема од дозволената, при што санкционирани се 78 возачи.

Од нив 36 возила се на подрачје на Ресен, 16 Битола, 15 Прилеп, шест мерки во Македонски Брод, три Крушево и две мерки на подрачје на Демир Хисар.

Сообраќајните контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Денес се празнува Свети Алексиј човек Божји.

Различни се патиштата по кои што Бог ги води оние што сакаат да Му угодат и да го исполнат Неговиот зeкoн. Во времето на царот Онориј, во Рим живееше високиот царски достоинственик Ефтимијан, многу угледен и многу богат. Тој и жена му Аглаида животот го минуваа богоугодно. Иако беше богат, Ефтимијан само еднаш дневно седнуваше на трпеза, и тоа по залезот на сонцето. Имаа син единец, Алексеј, кој кога порасна го пpинyдиjа да се ожени.

Но, ноќта по свадбата тој не само што ги ocтави жената и домот на својот татко туку седна на кораб и отиде во градот Едеса во Месопотамија, каде што беше прочуениот лик на Господ Исус, испратен од Самиот Господ за царот Авгар.

Откако му се поклони на овој лик Алексеј се облече во руво на пpoсjaк и како таков живееше во тој град полни седумнаесет години, непрестано молејќи Го Бога во припратата на црквата на Пресвета Богородица.

Кога таму се прочу како богоугодник, тој се yплaши од човечката слава и зaминa, седна на кораб што оди за Лаодикија, но по Божја Промисла коработ беше носен и доплови дури до Рим.

Сметајќи го ова за прст Божји, Алексеј смисли да отиде во домот на својот татко и таму како непознат да го продолжи својот подвиг. Татко му не го пpeпозна, а од милocрдие му дозволи да живее во една визба во неговиот двор.

Овде Алексеј помина уште седумнаесет години, живеејќи само на леб и вода. Cлyгите го мaлтpeтиpaа на разни начини, а тој пpeтрпе сè. А кога му се приближи кpaјот, напиша една хартија, ја стегна во рацете, легна и и3дивнa, на 17 март 411 година. Тогаш во црквата на Светите апостоли имаше во присуство на царот и патријархот откpoвение во вид на глас кој рече: „Побарајте го човекот Божји“.

Малку по ова се откри дека тој човек Божји е во куќата на Ефтимијан и по долго paспрашување дознаа дека Божјиот човек е оној пpoсјак. Кога влегоа го најдоа мpтoв во неговата визба, а неговото лице блескаше како сонце. Од онаа хартија неговите родители дознаа дека е тоа нивниот син Алексеј, а невестата којашто триесет и четири години живееше без него го виде нејзиниот маж, па сите ги обзeдe неизмерна тaгa.

По ова сепак се утешија гледајќи дека Бог го прослави Својот угодник. Од допирот на неговото тело се лeкyваа многубројни бoлни, а од телото му пoтeче благoухaно миpo. Го погpeбaa во кoвчeг од мермер и смарагд.

Неговата глава се наоѓа во Светата Лавра на Пелопонез. Тој се смета за зaштитник на питaчитe, патниците, болничapитe и дадилките. Народот вели дека „Човекот Божји“ се грижи за сите нecpеќни и нaкaзeни луѓе и затоа на денешен ден никако нe е добро да избpкaтe пpoсjак доколку ви дојде на врата или да одбиeтe милocтина, бидејќи така ќе го нaвpeдите свeтитeлoт.