Не е лесно да се справите со опсесивната љубомора, а најдобар пример за тоа е оваа девојка која никогаш не може да му докаже на сопругот дека не го изневерува.

„Оваа одвратна епизода започна пред три години кога се вративме од погреб во Шкотска. Мојот сопруг одеднаш се претвори од пријатна и нежна личност во пргав и нервозен човек. Кога се вративме дома, тој видел моја слика од одмор од пред многу години со моето семесјтво каде еден млад човек стои покрај мене со раката над моето рамо“, вели жената и продолжува:

„Иако тој беше пријател на моите браќа кој воопшто не го познавав и кој, случајно, се сликаше со нас, сопругот си помисли дека го изневерувам секоја вечер. Сите овие години тој беше убеден дека човекот на сликата е мојот таен љубовник“.

Таа додава дека лудилото одело дотаму што верувал дека за време на свадба заминала во хотелска соба да го изневерува.

„Ниту тоа никогаш не се случи. Лудилото не заврши тука, неодамна разговарав на телефон со семеен пријател и кога завршив со разговорот, сопругот ми рече дека сигурно ќе имам секс со тој пријател ако тој (мојот сопруг) не бил таму“, наведува Британката и продолжува

„Ме натера да одам на детектор за лаги и плати скоро 700 евра за да му докаже дали го изневерувам“

После тоа вели биле и на брачно советување, а за да бидат работите уште позабавни, ние ссе во брак 20 години.

„Пробав сè, но не знам како да го убедам. Ако детекторот за лаги не го убеди, не знам што сака. Јас сум многу тажна затоа што имам чувство дека нашиот среќен брак е уништен “, заклучи разочараната жена.

На 02.04.2024 во 17.00 часот во ОВР Прилеп било пријавено дека во с.Небрегово-прилепско Ѓ.М.(54) од с.Небрегово додека управувал мопед „томос“ без регистарски таблици, изгубил контрола над него и паднал.

Во несреќата на местото на настанот починал возачот, а смрт била констатирана од страна на лекар од Итна медицинска помош Прилеп.

Извршен бил увид од увидната екипа од ОВР Прилеп.

Во сабота (06.04.), со почеток од 19:30ч, претставата “Стапица за глувци” од Агата Кристи

**************************
Режија: Борис Василески
Драматург и превод: Лидија Митоска-Ѓорѓиевска
Сценографија и дизајн на светло: Мартин Манев
Костимографија: Марта Дојчиновска
Музика: Томе Темелкоски
Дизајн на плакат: Илина Василеска

**************************

Играат:

МОЛИ РОЛСТОН – Сара Спиркоска
ЖИЛ РОЛСТОН – Илија Волчески
КРИСТОФЕР РЕН – Дарко Карбески
ГОСПОЃА БОЈЛ – Марија Спиркоска Илијеска
МАЈОРОТ МЕТКАФ – Александар Тодески
ГОСПОЃИЦА КЕЈСВЕЛ – Даниела Иваноска
ГОСПОДИН ПАРАВИЧИНИ – Михајло Миленкоски
ДЕТЕКТИВОТ – НАРЕДНИК ТРОТЕР – Димитар Ѓорѓиевски

****************************

Инспициент: Елена Иваноска
Суфлер: Лилјана Батлеска
Светло мајстор: Ристе Гркоски
Сликар исполнител: Пеце Ристески
Реквизитер: Гоце Тодороски
Гардеробер: Снежана Ѓорѓиоска
Фризер-перикер: Даринка Богоеска
Декоратери: Сашо Смоквоски, Роберт Стојкоски, Владимир Владимироски, Јане Јанкулоски

Популарниот водител Мими Марковски на Прочка со неговото југо бил во Прилеп, и снимал интервју со нашата пејачка Елена Јовческа. И се убаво, Мими се паркираше пред “Марко Цепенков”, ја пречека Елена и разговорот тргна низ прилепските улици. Арно ама без да знае пред него во Прилеп пристигнаа и неговите другари Кумба и Јоцо, кои пак претходно му вградиле нешто во југото.

Што точно се случувало на раскрсниците во Прилеп, погледнете во видеото во продолжение:

На 30.03.2024 година во Скопје во организација на Џудо федерацијата на Македонија и техничка организација на ЏК “Ипон” – Скопје, се одржаа државните првенства за пионери/ки и сениори/ки. ЏК СЕИШИН – Прилеп настапи со вкупно 30 натпреварувачи, а освоени се 27 медали (10 златни, 6 сребрени и 11 бронзени медали).

Резултати поединечно:

Пионерки:

1. Матеја Николоска 1 место
2. Дила Пупаловиќ 1 место
3. Јана Ангелески 1 место
4. Тамара Илиоска 1 место
5. Теодора Илиоска 2 место
6. Софија Ѓорѓиеска 2 место
7. Мила Здравеска 3 место

Пионери:

1. Немања Џагадуроски 1 место
2. Благојче Мантароски 1 место
3. Дарио Нанески 1 место
4. Марко Ацески 1 место
5. Ратко Ацески 2 место
6. Марко Василески 3 место
7. Марко Марковски 3 место
8. Ване Ацески 3 место
9. Арсениј Димески 3 место
10. Ангел Стојковски 3 место
11. Димитар Илијоски 3 место

Со 8 златни медали односно исто толку шампионски титули ЏК Сеишин е најуспешен клуб во пионерска конкуренција.

Сениори:

1. Никола Магдески 1 место
2. Христијан Стојкоски 1 место
2. Михаил Стојановски 2 место
3. Антонио Талески 2 место
4. Стефан Талески 3 место
5. Митко Костоски 3 место

Сениорки:

1. Теа Настоска 2 место
2. Кристина Мантароска 3 место
3. Александра Најдоска 3 место

Екипата ја водеа тренерите Мартин Ристески, Марио Тошески и Дејан Мицкоски кои се задоволни од освоените резултати, а посебно во пионерска конкуренција што знак дека клубот создава нова генерација шампиони.

Клубот продолжува со подготовки за наредните меѓународни и државни првенства.

На 01.04.2024 во 19.40 часот во Пoлициската станица Македонски Брод, од Здравствен дом Македонски Брод било пријавено дека кај нив со повреди од остар предмет била донесена 76 – годишна жена од село од Македонски Брод. Според пријавеното, таа била повредена од нејзината ќерка.

Увид бил извршен и се преземаат мерки за расчистување на случајот – информираат од МВР.

При посетата на Центарот за социјална работа Прилеп се разговараше и се разменија идеи како да го смениме и подобриме системот за социјална заштита. Детектирани се системски недостатоци како и во цела Македонија и тоа ќе биде приоритет за корекција во наредниот период. Центарот се соочува и со зголемен број на предмети и намален број на вработени. Во крушевскиот центар разговаравме за актуелните состојби со исплатата на гарантираната минимална плата и просторите проблеми кои ги има центарот – информираше техничкиот министер за труд и социјална работа Ѓоко Велковски.

На средбите со пензионерите во Прилеп и Крушево беше истакнато дека за првпат по 1945 година излегоа на протести во градовите низ Македонија и го дигнаа својот глас за она што им следи како луѓе коишто ги ставиле темелите на оваа држава. Не се живее со 100 денари на ден, велат пензионерите – стои во соопштението на социјалните мрежи.

„Несистемските мерки коишто на пензионерите им даваат статистичко порамнување на пензиите, се средства со коишто еден пензионер не може да го помине месецот знаејќи колку се покачени цените на производите. Затоа сме и на терен, да ги детектираме работите за да можеме да дадеме реална поддршка и на локалните самоуправи и да обезбедиме подобри услови за сите граѓани“, истакна Велковски.

Општина Битола, во соработка со јавното претпријатие за паркирање, ја заврши постапката за реализација на одлуката донесена од општинскиот совет која се однесува на обезбедување на хуманитарни паркинг места за хуманитарни цели. Согласно оваа одлука, пренамената во хуманитарни паркинг простори се врши во подзона Б6 на улица Цар Самоил и улица Борка Левата – 17 паркинг места, зона А3 од железниот мост првите 2 места во правец запад исток и зона С4 крајот на Градскиот Парк, во близина на ресторан Император. Собраните средства од паркирањето, општината ќе ги доделува на ранливите категории и граѓани кои имаат потреба од хуманитарна помош.

Градоначалникот Коњановски, денес изрази благодарност до советниците за дадената иницијатива и донесената одлука од Советот, повикувајќи ги граѓаните да ги користат овие простори, притоа овозможувајќи им поддршка на оние на кои им е неопходна:

„Со паркирањето на моето возило, на едно од 19 те хуманитарни паркинг места и регулирањето на обврската со испраќање СМС порака, постапка што редовно ја практикувам кога се возам со автомобил, сакам да ги повикам и другите сограѓани, да ги користат овие простори и заедно, почитувајќи ја одлуката на Советот, да создадеме можности за помош онаму каде што е неопходно, во хуманитарни цели.

Уште еднаш, сакам да се заблагодарам и до јавното претпријатие за паркирање, за подготвеноста за спроведување на оваа одлука, со која градот ја потврдува својата хуманост на дело“, изјави градоначалникот на општина Битола, Тони Коњановски.

На 01.04.2024 околу 17.30 часот во ОВР Прилеп било пријавено дека во Градска болница Прилеп со тешки телесни повреди бил донесен Б.И.(70) од с.Црнилиште, општина Долнени. Според пријавеното, додека го поправал тракторот во дворот од семејната куќа, тракторот се придвижил и Б.И. се здобил со тешки телесни повреди.

Увид бил извршен и се преземаат мерки за расчистување на настанот – информираат од ОВР Прилеп.

Тимот за маркетинг и промоција на Универзитет “Скопје” со силна и интензивна кампања во пелагониските градови, ги претставува своите факултети – eкономија, информатика, туризам, човечки ресурси, меѓународен маркетинг и менаџмент и меѓународни односи и дипломатија.

Матурантите со својата масовна посетеност на презентациите од Универзитет Скопје, покажуваат дека сакаат да студираат онаму каде што можат да се стекнат со европски призната диплома, стекната преку современа методологија на учење – европски кредит трансфер систем.

Условите за студирање и можностите кои ги нуди Универзитетот, ќе бидат претставени пред идните студенти во: Прилеп, Крушево, Битола, Ресен.