Доналд Трамп, кандидат за претседателските избори во САД во ноември успеал да собере повеќе од 50,5 милиони долари за својата изборна кампања за време на вечерата во Палм Бич, недалеку од Мар а Лаго, луксузната резиденција на поранешниот претседател на Флорида.

Настанот го организираше милијардерот Џон Полсон. Меѓу гостите беа и бизнисменот Роберт Бигелоу, кој своето богатство го заработи во угостителската индустрија пред да биде на чело на компанија за истражување на воздухопловството и Џон Кациматидис, сопственик на синџир продавници за намирници. На настанот беше присутна и сопругата на Трамп, Меланија.

Трамп истакна дека ноќта била неверојатна уште пред да започне и дека луѓето сакале да донираат за да ја направат Америка повторно голема.

Пред околу една недела, демократот Џо Бајден организираше слична вечера во Њујорк со учество на поранешните претседатели Бил Клинтон и Барак Обама, но тогаш успеа да собере само 25 милиони долари.

Собраните суми се користат за финансирање на турнеите на претседателските кандидати низ земјата, за плаќање на нивните тимови, за издавање анкети и за плаќање на телевизиски реклами.

Трамп се спореди себеси со Нелсон Мандела, што предизвика остри критики од таборот на Бајден.

Во изминатата година, поранешниот претседател беше обвинет во четири случаи, од кои сите се изложени на ризик од затвор. Меѓу другото, тој е обвинет дека договарал сомнителни плаќања на порно ѕвезда во судскиот процес што ќе започне на 15 април.

Трамп редовно го напаѓаше судијата кој ќе го води судењето, поради што судијата Хуан Меркан му наметна ограничувања на говорот. Вчера Трамп потсети на овие ограничувања во објава на својата социјална мрежа „Truth Social“, во која рече дека судијата „го прекршил законот и уставот“.

-Ако овој тотално зависен шарлатан сака да ме стави во затвор за кажување на најочигледните вистини, би бил среќен да станам модерен Нелсон Мандела – тоа би било голема чест, рече Трамп.

Неколку дена претходно републиканецот објави лажна скица од судско рочиште, но на која седи до Исус Христос.

Кампањата за реизбор на претседателот Џо Бајден го критикуваше.

Во другите случаи, Трамп е обвинет за обид за поништување на резултатите од претседателските избори во 2020 година, како и за невнимателно ракување со доверливи документи.

Празник на радосната вест и на пролетната убавина.

Денеска честитајте именден на сите што го носат името: Благоја, Благојка, Блаже, Благица, Баже, Блага, итн.

Празникот Свето Благовештение, меѓу народот познат како Благовец, Благоец, Блошчојне и сл. се смета за тежок празник. некои дури го сметаат за голем празник како Велигден поради што се вели: „Благовец, прв Велигден“.

Празникот Свето Благовештение се вбројува во постојаните празници и секогаш е на 7 април според новиот, или на 25 март според стариот календар. Меѓу народот повеќе е познат како Благовец, Благоец, Блошчојне и сл. и се смета за тежок празник поради што тогаш не се работи. Некои дури го сметаат за голем празник како Велигден поради што се вели: „Благовец прв ден Велигден“. Тогаш се оди на именден кај оние што имаат име Благоја, Блаже, Благојка, Благица и тн.

Поради тоа што Благовец е благ ден тогаш, се верува дека и раната не боли па на малите деца им ги дупат ушите за обетки. Во Гевгелиско ушите ги дупеле рано наутро уште додека не јаделе за да не добијат краста…

Со Благовец е поврзано и доаѓањето на птиците преселници, штркот, ластовицата, кукавицата, пупунецот, славејот и др. Се верува дека тие ќе дојдат на овој ден дури и да врне снег. За кукавицата се вели дека и таа радувајќи се на овој благословен ден отворала уста и кукала но никогаш не кукала пред Благовец како што пупал пупунецот.

Се верува дека ако наутро гладен, како што се вели на гладно срце, слушнеш некоја од овие птици, ќе те разбие и не ќе имаш напредок во текот на годината. Затоа луѓето веднаш по станувањето каснувале барем еден залак леб.

Во Радовишко ако луѓето ја чуеле кукавицата откако нешто ќе каснеле сметале дека тие ја „пребиле“ па три пати ќе и викнеле: „Чух те пребих те”.

Во Дебарца ако некого го разбила кукавицата на Благовец тој и враќал на Ѓурѓовден кога ќе излезел пред сонце над селото и три пати ќе и викнел: „Куку, куку, кукајце, кукајце, ти мене ме разби, сега јас те разбив“.

Екипата на Победа попладнево забележа нов добар резултат на тешкото гостување во Радовиш кај Детонит. Црвено-белите играа со третопласираниот на табелата и стигнаа до вреден бод во борбата за сигурен опстанок во Втората фудбалска лига.

Прилепчани поведоа со голот на Давид Дебрешлиоски уште во 12-та минута од натпреварот, а домаќините израмнија на 1:1 во 44-та, резултат кој се задржа до самиот крај.

Со овој резултат Победа целосно му ги замрси сметките на Детонит, а ако се земе во предвид дека есеноска во Прилеп беше 2:0 за победашите, тогаш прилепчани би можеле да им бидат главни виновници на денешните домаќини, доколку не успеат во намерата да се изборат за пласман во најелитното фудбалско друштво.

Во следното коло Победа го пречекува Кожуф, а после 23-то коло, црвено-белите се наоѓаат на тринаесеттата позиција на табелата.

Во несреќен случај, од пожар загина 63-годишен прилепчанец кој палел стрниште на својата нива. При палењето на стрништето прилепчанецот бил зафатен од пожарот и починал на местото на несреќата. Итната помош само констатирала смрт и поради несреќата нема да се изврши обдукција зашто нема траги на насилство.

Како што информира основниот јавен обвинител Стевчо Биноски, несреќата се случила околу 13 часот.

-Прилепчанецот запалил стрниште на својата нива во месноста викана Поводенци кај Прилеп. Пожарот излегол од контрола, ги зафатил и другите ниви, но го опфатил и 63-годишниот прилепчанец со иницијали С.Д. Прилепчанецот загинал на местото на несреќата. Екипата на итната помош само констатирала смрт. Пожарот ги зафатил и другите ниви, но од противпожарната единица од Прилеп е изгаснат, рече основниот јавен обвинител Стевчо Биноски.

Според командирот на прилепската противпожарна единица Кристијан Момироски, екипите на единицата за брзо време го изгаснале пожарот, но доцна било за 63-годишниот прилепчанец.

-Излеговме на терен со 2 возила и 8 пожарникари. За брзо време пожарот е изгаснат, но кога пристигнала нашата екипа возилото на Итната помош веќе заминувало од местото на настанот со телото на починатиот, рече Момироски.

Од Итната помош во Прилеп истакнаа дека нивната екипа можела само да констатира смрт.

Угостителските услуги во март во споредба со февруари годинава се зголемени за 0.2 %, а во однос на март лани за а 6.0 %, соопшти Државниот завод за статистика.

Споредено по групи на услуги, зголемување е забележано во групите Храна за 0.3 % и Алкохолни пијалаци за 0.1 %.

Кумулативно, цените на угостителските услуги за периодот јануари – март 2024 година, во однос на истиот период од минатата година, е зголемен за 6.2 %.

Во саботата, на 06.04.2024 започна одбојкарската лига за ветерани во машка конкуренција. Самата лига брои 8 екипи, а меѓу другите тука е и прилепската екипа ОК ” 11 Октомври” – ветерани.

Првото коло се одигра во Гевгелија, а нашиот тим ја победи фаворизираната екипа на Струмица 1 со резултат 2:1 во сетови. Тимот на “11 Октомври” е во состав:

Жарко Илиески, Димитар Стрезоски, Зоран Пилоски, Славчо Кузманоски, Мартин Наумоски, Теодор Ангелески, Гоце Бурнески, Васко Гајтаноски, Петар Толески, Кирил Котески, Никола Димоски, Александар Савиноски, Далибор Раевиќ и Павле Стефаноски.

Да им посакаме среќа и во следните натпревари, и пласман на самиот врв на крајот од лигата.

На 06.04.2024 во 00.30 часот во ОВР Прилеп било пријавено дека околу 00.20 часот на бул.„Гоце Делчев“ во Прилеп, З.З. од Прилеп не извршил наредба дадена од полициски службеници и со врата од своето возило „фолксваген голф“ нанел повреди на полициски службеник кој извршувал службени дејствија, по што го напуштил местото.

Се преземаат мерки за расчистување на случајот – информираат од СВР Битола.

Најсовремената самоуслужна автоперална во Прилеп, GALA WASH e повторно со вас! Лоцирана покрај Градската река, на улица “Кеј 1-ви Мај”, GALA WASH е местото каде можете да му пружите најдобра нега на вашето возило, и сето тоа без чекање, сами, а сега и по најниски цени во целиот град.

Цената на еден жетон е само 25 денари, а со тоа добивате 90секунди. Само тука вашето возило можете да го перете со топла вода (55 Степени помешана со шампон), а ако сакате вашиот миленик на четири тркала навистина да заблеска, тогаш на располагање ви е и опцијата за нанесување восок со ладен воден млаз.

Покрај тоа GALA WASH нуди и можност за плакнење на возилото без бришење, со дестилирана вода, а откако добро ќе го светнете возилото однадвор, редно е да се упатите на следната станица, односно добро да ја исчистите внатрешноста. За 1 жетон од 25денари добивате 180 секудни за користење на правосмукалка.

Она што мора да се потенцира е тоа дека автопералната користи исклучиво докажан бренд на хемиски средства, односно од реномираниот белгиски производител NERTA.

На вас останува после дождливото време, да ги посетите и да се уверите во пишаниот збор одблиску.

Се смета за тежок празник поради што тогаш не се работи. Некои дури го сметаат за голем празник како Велигден поради што се вели: „Благовец, прв ден Велигден“. Тогаш се оди на именден кај оние што имаат име Благоја, Блаже, Благојка, Благица…

Свето Благовештение е празник на Пресвета Богородица, а со тоа е и денот на мајките, затоа што Богородица е заштитничка на сите мајки кои зачнале и станале мајки.

Тоа е ден на мајката која дала нов живот. Тогаш децата и благодарат на мајката, ја гушкаат и и даваат дарови во знак на љубов, почит и внимание. Мајките, пак, ги благословуваат децата и тие да имаат свои рожби и радости.

Така што првото нешто што треба да го направите тоа утро – бакнете ја мајка ви!

На овој ден се покажува особена сострадалност и помош кон сирачињата, кон бедните и кон унесреќените.

Оние кои сакаат да имаат деца да одат во црквите и манастирите, кај иконите посветени на Благовештение и да се помолат.

Според народните верувања овој ден е благ, па и раната не боли, па затоа на малите деца им ги дупат ушите за обетки. Се верувало дека Благовештение жените не треба да се чешлаат.

Со Благовец е поврзано и доаѓањето на птиците преселници, штркот, ластовицата, кукавицата, пупунецот, славејот и др. Се верува дека тие ќе дојдат на овој ден дури и да врне снег.

На 05.04.2024 во 20.15 часот во Прилеп, полициски службеници од ОВР Прилеп ги лишиле од слобода С.М.(21), О.И.(26) и А. А.(34), сите од Прилеп, затоа што околу 19.00 часот во близина на Градскиот часовник во Прилеп физички го нападнале С.Ч.(54) од Прилеп.

По наредба на јавен обвинител, лицата биле задржани во полициска станица и по целосно документирање на случајот против нив ќе биде поднесена соодветна пријава – информираат од СВР Битола.

Maркукуле од очевидци дознава дека причината за настанот, во кој сега лишените од слобода лица го нападнале сопственикот на кафуле пред неговиот локал, е повеќе од банална.

Според исказите, тој бил крвнички нападнат откако им рекол да го фрлат отпадот кој го правеле во корпа за отпадоци, а не на платото пред Градскиот Саат.

С.Ч. од нападати се здобил со телесни повреди и е пренесен во градската болница “Борка Талески”, каде му е укажана лекарска помош.