Ракометарите на Еурофарм Пелистер 2 забележаа витална победа во борбата за опстанок во лигата и го совладаа соседниот Прилеп со 32-21 (15-12). Битолчани водеа од првата до последната минута, па победата во ниту еден момент не беше доведена во прашање.

Митревски со седум и Хаџиќ со шест гола беа најефикасни кај битолчани, додека осум кола за Прилеп постигна Органџиев.

Oва е прв пораз за прилепчани во плеј-аут разигрувањето, па после седум одиграни кола им го препуштија првото место токму на битолчани, со кои имаат ист број бодови, но пелистерци имаат подобра гол разлика.

Во наредното коло РК Прилеп гостува кај Скопје.

По повод Светскиот ден на здравјето 7 Април, на Интернационалниот конгрес ICRC за ретки случаи, одржан во Скопје во организација на Македонското лекарско друштво, д-р Александар Јовановски, специјалист гинеколог-акушер во болницата “Плодност” во Битола, одржа предавање за редок и тежок случај кај пациентка, кој успешно беше решен.

Во продолжение целосното соопштение од болницата “Плодност”:

-Пациентка, на 40 години, на која претходно не и била дијагностицирана коагулопатија, се породува со царски рез во нашата болница, поради бебе од 4 килограми, но со обилно постпартално крварење.

За нашиот врвен медицински тим, најголем подарок е сигурноста, која пациентката ја чувствуваше во нивните раце, во текот на двете бремености.

На социјалните мрежи граѓани објавија фотографии од очајната состојба во која се наоѓа еден од најпосетуваните паркови во Прилеп.

Паркот пред Основниот суд е целосно запоставен, ги нема пајките, тревниците се руинирани, езерцето е претворено во бара….

Крајно време е комуналците да се сетат и да го вратат сјајот на ова семејно катче, во кое уживаат голем број дечиња со нивните родители, баби, дедовци…

„Нам никога не ни паднало на памет да ги тепаме другите пратеници, но опозицијата тоа го направи на 27 април. И денес најавуваат дека тие насилници ќе добијат амнестија, дали ви се верува?“ запраша претседателот Стево Пендаровски на граѓанската трибина во Охрид.

Тој додаде дека партијата која во 2012 ги избрка новинарите и пратениците од Собрание, а во 2017 засилени со толпа која тие ја организираа тепаа пратеници и ги доведоа до работ меѓу живот и смрт сега ќе ги амнестирале насилниците.

„Немајте верба во луѓето кои насилниците ги нарекуваат уставобранители, а нас не нарекуваат предавници. Не верувајте во луѓе кои велат дека тие се патриоти, ние изроди. Не верувајте на луѓе кои сакаат да се доберат до власт и после да владеат како ништо да не се сменило од 2017 година. Од вас барам масовна поддршка и мобилизација, затоа што мое длабоко уверување е дека на 24 април ќе се оцртаат и знаат и резултатите од 8 мај“ рече Пендаровски.

Претседателот додаде дека добро е да се покаже на оние кои не мислат добро и даваат вакви испробани модели, да им се покаже дека просперитетот на народот и државата се поважни.

-Денеска ( 07.04.2024) околу 17 часот на фудбалскиот стадион во с. Средно Коњари за време на фудбалскиот натпревар помеѓу ФК “БВК Коњаре” и ФК “Куманово”, на дваесетина минути пред крајот на натпреварот дошло до обид домашната публика да се пресмета со гостинските играчи. Обидот е спречен од страна на службите кои го обезбедуваа натпреварот и натпреварот бил прекинат. За време на интервенцијата, од страна на две лица нападнати се припадници на Единицата за брзо распоредување. Лицата кои го извршиле нападот веднаш се приведени и утврдено е дека станува збор за Ф.С.(33) од с. Арачиново и Н.Ј. (26) од с. Арачиново, додека С.Б. (40) од с. Арачиново е приведен за учество во тепачка. Дополнително, околу 18 часот, при преглед на патничко возило “дачија дастер”, сопственост на Ф.С., а управувано од Ф.А.(34) од с. Кондово со сопатник А.Р. (21) од с. Кондово, во багажникот е пронајден пиштол. СВР Скопје презема мерки за целосно расчистување и документирање на случајот, велат од МВР.

На социјалните мрежи се појави и видео од апсењето на новинарот.

https://www.facebook.com/share/v/6XJ8ymdRdu6fqPWC/?mibextid=oFDknk

На 7-ми април далечната 1902 година во нерамна битка против 500 војници турски аскер, Методија Патчев и неговата дружина после 24 часовна борба, сами си го одзеле животот, а нивниот подвиг предизвикал восхит не само кај својот народ туку и кај непријателот

Херојската саможртва на Патчев и денеска се памети, па голем број патриоти присуствуваа и денеска во Кадино Село и му оддадоа почит на војводата и неговата чета.

Патчев е роден на 14 мај 1875 година во Охрид. Во родниот град завршил гимназија, а потоа отишол да работи како чирак кај еден свој сограѓанин – кожар во Пловдив.

Кога заштедил нешто средства од работата и со малата помош што ја добил од родителите, во почетокот на 1886 година го напуштил родниот град и тргнал да бара помош. Прво отишол во Солун, а од таму во Софија. Ниту во Солун, ниту во Софија не добил потребна парична помош за понатамошно школување во некое средно училиште. Во Самоков почнал да го посетува специјалното училиште. Во училиштето ги посетувал сите занаети што се изучувале, а истовремено работел и во револуционерниот кружок, во чија активност веднаш се вклучил. Овој ученички кружок бил мошне активен, бидејќи бил посетуван од раководителите на ВМРО, а од време-навреме и од самиот Гоце Делчев. Од материјални причини Методија набргу го напуштил Самоков, бидејќи не можел да обезбеди стипендија за да учи во некое средно училиште.

По излегување од затворот, во учебната 1901/1902 година Методија Патче бил назначен за учител во Прилеп. Но, откако турската власт му забранила да работи како учител, тој преминал во илегала и се приклучил на четата на Марко Лерински (Георги И. Ѓуров). Тој бил бугарски офицер кој, придобиен од Гоце Делчев и Ѓорче Петров во 1900 година, учествувал во македонското револуционерно движење како член и војвода на Македонската револуционерна организација. Марко бил испратен во леринскиот крај, а неговата чета, благодарение на неговата официрска подготовка и организациски способности, станала училиште за обука на македонските револуционери и војводи. Меѓу оние кои ја поминале неговата обука бил и учителот Патче. Во октомври 1901 година, Методија Патче бил назначен за војвода на првата агитационо-организациска чета во Прилепско. Со намера да привлече и зачлени поголем број комити во Организацијата, патува низ прилепскиот регион и за релативно кусо време, ќе дојдат до израз неговите организаторски способности. Во текот на март 1902 година, заради разврат го ликвидирал и прилепскиот војвода Тале Горанов.

Но, откако на 6 април 1902 година, на селскиот празник, Благоец, дошол со шестмина соборци во Кадино Село, Прилепско, за да покрсти нови членови за организацијата, бил предаден и опкружен од турскиот аскер и башибозук. Додека војводата со четата биле сместени во старата кула, а народот за тоа време бил во црква, околу пладне во селото дошле околу 500 вооружени луѓе, меѓу кои аскер од Битола и познатиот разбојник Расим со 25 души.

Претходно четата не била известена за движењето на силниот аскер кон Кадино Село и немала ниту време и можност да се извлечат од кулата и селото. Опколени од сите страни, четата се забрикадирала во кулата. Започнала нерамноправна јуначка борба која траела до наредниот ден (7 април 1902 година), се до моментот кога на четата им снемало муниција. На Патче и комитите не им преостанало ништо друго освен да се предадат или да умрат. На повикот од аскерот да се предадат одговориле дека македонски борци не се предаваат. Со песна, после 24-часовна борба, Методи Патчев и неговите соборци со последните куршуми извршиле групно самоубиство.

По престанокот на пукотниците, кога Турците влегле во кулата, глетката била потресна и величенствена. Со прострелни смртоносни рани, со радосни лица во пресрет на смртта, комитите како да ѝ оддавале последен поздрав на својата мајка земја и на својата татковина Македонија. Командантот, потпоручникот Нијази-бег, подоцна еден од истакнатите членови на Младотурската револуција, покажувајќи на положените тела на комитите, пред аскерот изјавил: “Тоа се херои. Гледајте како се бореа за својата идеја. Сами се убија.” Потоа со плотун преку мртвите тела, Турците им оддале почит на загинатите македонски борци.

Турците кај Патче пронашле шифрирани документи од кои ја откриле целата револуционерна мрежа на Организацијата во Прилепско. Османлиската војска правејќи голем зулум, извршила претрес и апсења во 18 прилепски и 6 мариовски села, при што биле затворени 92 припадници на Организацијата. На судењето во Битола, на разни затворски казни биле осудени 16 души, а другите биле ослободени. Врз основа на разни добиени податоци се смета дека предавството го извршиле Станко Ачкоски, кмет на селото, познат врховист и турски шпиони, и неговиот заменик Јонче Врбоски. Ачковски бил осуден на смрт од Организацијата и истото лето бил убиен.

Македонската револуционерна борба пред и по Илинденското востание памети многу колективни самоубиства на македонски војводи и комити, кои со посегањето по сопствениот живот предизвикувале восхит не само кај својот народ туку и кај непријателот. Меѓутоа самоубиството на охриѓанецот Методија Патче и неговата дружина е прв таков чин по чиј пример подоцна ќе тргнат многумина македонски синови.

Селаните ги закопале македонските херои во црквата “Света Богородица”, а подоцна ги откопале и ги погребале во заедничка гробница на селските гробишта. За војводата Методија Патче испеани се повеќе песни. Една од нив е и песната „Јас Методи Патче од Охрида“

На 06.04.2024 во 11.00 часот во Полициското одделение Новаци, Ж.А. пријавил дека при работа во неговата нива во с.Рибарци, битолско, пронашoл 80 стари гранати.

За настанот бил известен пиротехничар од Дирекцијата за заштита и спасување, кој утврдил дека се работи за минофрлачки гранати од Првата светска војна со калибар 60мм и кој безбедно ги подигнал.

Бугарија е членка на Европската Унија од 2007 година, или цели 17 години. А дали во тие 17 години членство доби и европски излгед, проценете сами:

Видеото кое стана вирално на социјалните мрежи пишува дека е направено во април годинава.

На 06.04.2024 околу 23.50 часот во Битола, полициски службеници од СВР Битола лишиле од слобода малолетник од Битола. Тој бил фатен при обид за извршување „тешка кражба“ на ул.„Бонде Скерлевски“ во Битола.

По документирање на настанот, против малолетникот ќе биде поднесена соодветна пријава – стои во соопштението од СВР Битола.

Доналд Трамп, кандидат за претседателските избори во САД во ноември успеал да собере повеќе од 50,5 милиони долари за својата изборна кампања за време на вечерата во Палм Бич, недалеку од Мар а Лаго, луксузната резиденција на поранешниот претседател на Флорида.

Настанот го организираше милијардерот Џон Полсон. Меѓу гостите беа и бизнисменот Роберт Бигелоу, кој своето богатство го заработи во угостителската индустрија пред да биде на чело на компанија за истражување на воздухопловството и Џон Кациматидис, сопственик на синџир продавници за намирници. На настанот беше присутна и сопругата на Трамп, Меланија.

Трамп истакна дека ноќта била неверојатна уште пред да започне и дека луѓето сакале да донираат за да ја направат Америка повторно голема.

Пред околу една недела, демократот Џо Бајден организираше слична вечера во Њујорк со учество на поранешните претседатели Бил Клинтон и Барак Обама, но тогаш успеа да собере само 25 милиони долари.

Собраните суми се користат за финансирање на турнеите на претседателските кандидати низ земјата, за плаќање на нивните тимови, за издавање анкети и за плаќање на телевизиски реклами.

Трамп се спореди себеси со Нелсон Мандела, што предизвика остри критики од таборот на Бајден.

Во изминатата година, поранешниот претседател беше обвинет во четири случаи, од кои сите се изложени на ризик од затвор. Меѓу другото, тој е обвинет дека договарал сомнителни плаќања на порно ѕвезда во судскиот процес што ќе започне на 15 април.

Трамп редовно го напаѓаше судијата кој ќе го води судењето, поради што судијата Хуан Меркан му наметна ограничувања на говорот. Вчера Трамп потсети на овие ограничувања во објава на својата социјална мрежа „Truth Social“, во која рече дека судијата „го прекршил законот и уставот“.

-Ако овој тотално зависен шарлатан сака да ме стави во затвор за кажување на најочигледните вистини, би бил среќен да станам модерен Нелсон Мандела – тоа би било голема чест, рече Трамп.

Неколку дена претходно републиканецот објави лажна скица од судско рочиште, но на која седи до Исус Христос.

Кампањата за реизбор на претседателот Џо Бајден го критикуваше.

Во другите случаи, Трамп е обвинет за обид за поништување на резултатите од претседателските избори во 2020 година, како и за невнимателно ракување со доверливи документи.