-Во 2018 та година за прв пат, покрената е иницијатива за отстранување на бесправно поставените лимени гаражи на земјиште во сопственост на Република Македонија. Во таа насока општината спроведи низа акции за отстранување на гаражи на повеќе локации во градот. Овие простори прераснаа во убави зелени површини кои сега ги користат граѓаните – напиша на ФБ градоначалникот на општина Кавадарци, Митко Јанчев.

Брзата интервенција на пожарникарите од Територијалната Противпожарна Единица од Велес утрово спречиле експлозија на цистерната којашто се запалила на автопатот Велес – Градско во близина на бензиската пумпа „Дади Компани“.

Како што соопштуваат од ТППЕ Велес, утрово во 9:08 часот добиле дојава за запалениот шлепер цистерна во близина на бензиската „Дади Компани“ , по што веднаш се упатиле кон местото на настанот со две противпожарни возила и пет пожарникари.

– По пристигнувањето пристапено беше кон гаснење на пожарот и поради брзата итервенција не дојде до експлозија на цистерната, велат од ТППЕ Велес.

Оттаму апелираат доколку граѓаните забележат пожар веднаш да се јават на бесплатните телефонски броеви 112 или 193.

Од кога пред неколку дена Бисера ,,свечено” стави купола, за да вчера 8.04.2024 градежните фирми во државава реагираат на условите кои министерство за култура ги бара за ИЗВЕДУВАЧ. Замислете ИЗВЕДУВАЧ, а салата се гради!

На 8.02.2024 ја прашав министерката за култура Бисера Костадинова – Стојческа кога распиша тендер за реконструкција на Универзална сала? — вели пратеничката од редовите на ВМРО-ДПМНЕ, Ане Лашкоска.

На сајт за јавни набавки, ваква набавка министерството нема.Која фирма ја избрале за изведувач и како? Кој е и како го избрал надзорот?

На 16.02.2024 кога се пофали Бисера дека почнале со градба и го кажав следново:

Од кога пред неколку дена Бисера ,,свечено” стави купола, за да вчера 8.04.2024 градежните фирми во државава реагираат на условите кои министерство за култура ги бара за ИЗВЕДУВАЧ. Замислете ИЗВЕДУВАЧ, а салата се гради!

И денес сум гневна! Многу гневна за неодговорноста на Бисера!

Денес, кога Универзална сала гори, повторно, еве за прв пат потенцирам, пратеник актуелен во Собрание на Р. Македонија јавно прашувам: Дали универзална сала е ОСИГУРАНА?

И кој ќе сноси одговорност за ова за ова денес што се случи?!?!

Замислете, Владата презеде објект од локална Власт и со одлука го даде на МК. Ова е башибозук од невидени размери!

Денешниов пожар бара РЕВИЗИЈА и ОДГОВОРНОСТ! — пишува таа на Фејсбук.

Анксиозноста претставува природна реакција на вашето тело на стрес, која се манифестира на различни начини. На пример, едно лице може да доживее чувство на немир, друго лице може да има напади на паника, кошмари или пак лоши мисли. Анксиозноста се третира со когнитивна бихевиорална терапија, одредени лекови како редовна терапика, но постојат и неколку начини како самите можете да си помогнете во борбата против истата.

1.Бидете активни

Редовното вежбање покрај тоа што е важно за физичкото здравје, тоа исто така е важно и за менталното здравје, затоа што може да ви го одвлече вниманието од нешто што ве прави да се чувствувате вознемирени. Според Американската психолошка асоцијација (АПА) редовното вежбање може да доведе до зголемена концентрација и енергија, што може да помогне при симптоми на анксиозност.

2. Избегнувајте алкохол

Консумирањето на алкохол на почетокот може да ја ублажи анксиозноста, поради тоа што е природен седатив, но сепак пиењето на алкохол може да ја наруши рамнотежата на невротрансмитерите кои се клучни за менталното здравје. Алкохолот може да го наруши спиењето, а добриот сон е особено корисен во борбата против анксиозноста. Алкохолот создава зависност и токму затоа потребно е истиот да се избегнува особено при состојба на анксиозност.

3. Медитирајте

Медитирањето му помага на организмот, доведува до чувство на смиреност и задоволство. Познато е дека медитацијата ги ублажува стресот и анксиозноста. Истражувањето на Институтот Џон Хопкинс сугерира дека 30 минути дневна медитација може да ги ублажи симптомите на анксиозност и да дејствува како антидепресив.

4. Ограничете го внесот на кофеин

Ако имате хронична анксиозност, кофеинот не е ваш пријател. Истражувањата покажуваат дека кофеинот може да ги влоши анксиозните нарушувања, но исто така може да предизвика и напади на паника. Кај некои лица, отстранувањето на кофеин може значително да ги подобри симптомите на анксиозност. Умерениот внес на кофеин е безбеден за повеќето луѓе.

5. Наспиjте се добро

Сонот е важен за добро ментално здравје и може да го направите приоритет на неколку начини. Спијте само навечер, а не и преку ден. Не гледајте телевизија во кревет, не користете телефон, таблет или пак компјутер во кревет. Избегнувајте кофеин и големи оброци пред спиење. Одржувајте ја вашата соба темна и со малку пониска температура од останатите простории, а дополнително, настојувајте да легнувате секоја вечер во исто време.

6. Откажете се од цигарите

Пушачите често посегнуваат по цигара во стресни моменти. Но, како и конзумирањето алкохол, пушењето цигара кога сте под стрес може да ја влоши анксиозноста со текот на времето. Доколку сепак не се откажувате, а не сакате да не ги внесувате штетните материи од чадот од цигарите, преминете на алтернатива. Иновативните електронски уреди кои го загреваат тутунот и до 95% ја намалуваат изложеноста на штетни материи. Преку оваа нова технологија нема чад од цигари, што е штетен и претставува примарен причинител за болестите предизвикани од пушењето. Иновативните електронски уреди кои загреваат испуштаат 95% помалку штетни материи, што не значи дека е без ризик, бидејќи ослободува никотин.

Пролетта во центарот на Прилеп е магична кога ќе расцветаат јапонските цреши.

Розевиот цвет на овие раскошни дрвца, му дава посебна убавина на градот од средината на април, па речиси до крајот на месец мај.

Глетката е висинско уживање…

Градоначалникот на општина Битола, Тони Коњановски и директорот на Центарот за развој на Пелагонискиот плански регион, Јосиф Балтов, извршија увид на активностите за почеток на реализација на проектот за изградба на пешачка патека на потегот Тумбе кафе – Смолево. Градоначалникот Коњановски, информираше дека покрај на овој проект, на терен се работи и на други локации, а ја најави и планираната динамика на општината за дел од оваа градежна сезона:

“Денес, се наоѓаме на една посебна локација, која за сите нас битолчани значи многу, особено со почетокот на топлите денови, во кои многу сограѓани имаат навика да пешачат во овој дел на градот. Токму затоа, почетокот на градежната сезона го користиме за реализација на овој важен проект, кој градот го заслужува, а се однесува на Изградба на пешачка патека на потегот Тумбе кафе – Смолево, проект кој локалната самоуправа го реализира во соработка со Центарот за развој на Пелагонискиот плански регион. Вредноста на склучениот договор изнесува 11.596.320 денари и верувам дека согласно договорената динамика, оваа летна сезона, ќе имаме еден прекрасно уреден простор за одмор и рекреација.

Додека, траат овие активности, паралелно веќе сме во завршна фаза со реконструкција на улиците во населба Недопирливи, потоа во Долно Оризари, оваа недела очекувам целосно да биде завршена улицата Захарија Шумлјанска кај Светонеделските гробишта, а пред асфалтирање се и улиците во Горно Оризари, каде што се работи на водоводна, канализациона мрежа и нов коловоз.

Продолжуваме со реконструкцијата на улица Солунска, се поставува хоризонтална сигнализација на улица Крушевска република, ќе се асфалтира отворената делница на улица Стив Наумов, каде изведувачот на сопствен трошок ќе ги санира оштетувањата кои се појавија.

Од страна на изведувачите, без дополнителен надомест од општината, ќе се извршат корекции и на кружниот тек кај Ветеринарната станица, a на мое барање, изведувачот на топловодот ќе ги санира оштетувањата на улица „Македонски гемиџии“.

Ја завршуваме првата фаза од изградбата на детската градинка во АРМ и во тек се подготовките за втората фаза, теренот се подготвува за реконструкција и на улица Бурса (Индустриска), додека за изградбата на противпожарниот дом, избран е изведувач и наскоро очекувам да започнат работните активности“, изјави градоначалникот на општина Битола, Тони Коњановски.

Градоначалникот Коњановки, нагласи дека уште во првиот квартал постигната е реализација на општинскиот буџет од околу 27%, што најавува подобра динамика од минатогодишната, кога согласно извештаите од одделенијата за 2023 година, реализацијата на Програмата за уредување на градежно земјиште изнесува 71%, Програмата за улично осветлување е реализирана со 93,2%, а од програмата за економски развој, реализирани се 62,1%. Со ваквата динамика, Битола, повторно станува привлечно место за нови инвестиции:

„Изградените и реконструирани улици, водоводни и канализациони мрежи, Новиот парк во Нова Битола, подобрувањето на енергетската ефикасност на неколку станбени згради, поставените фотоволтаици на училиштето Даме Груев во Долно Оризари, подобрените услови во Спортската сала „Боро Чурлевски“, новите паркинг простори и многу други реализирани проекти, кои се видливи за битолчани, се најголемиот извештај, кој е моја должност пред граѓаните и на што секојдневно и посветено продолжувам да работам.

Со таква динамика и конструктивни и развојни програми и оваа градежна сезона инвестираме во град кој се менува, што ја докажува и заинтересираноста на домашните и странските компании, за кои Битола, повторно станува привлечна дестинација за нови инвестиции, како ЛИДЛ, БЛИС, КАМ и неколку други“, рече градоначалникот Коњановски.

Регулаторната комисија за енергетика донесе одлука за новите цени на нафтените деривати.

Согласно новата одлука на РКЕ, поскапуваат сите горива. За еден денар поскапи ЕУРОСУПЕР БС-98, за 1,5 денари се зголеми цената на ЕУРОСУПЕР БС-95. За два денари од полноќ поскапи дизелот и Екстра лесното масло за домаќинство.

Ова се новите цени на горивата:

– Моторен бензин – ЕУРОСУПЕР БС – 95 – 86,50 (денари/литар)
– Моторен бензин – ЕУРОСУПЕР БС – 98 – 88,50 (денари/литар)
– Дизел гориво – ЕУРОДИЗЕЛ БС (Д-Е V) – 78,00 (денари/литар)
– Масло за горење – Екстра лесно 1 (ЕЛ-1) – 77,00 (денари/литар)
– Мазут М-1 НС – 45,173 (денари/килограм)

Иницијативниот одбор за доизградба на манастирските конаци во манастирот Св. Никола, село Загорани, прилепско, ве поканува на вториот хуманитарен концерт, кој ќе се одржи на 25.април во ресторант “Центар” во Прилеп.

-Со вашето присуство и купување на картата, со дел од средствата директно ќе помогнете во донациите за помош за доизградба на манастирскиот конак. На овој концерт ќе ве забавуваат голем број гости и звезди од македонската естрада, кои се одважија и дадоа безрезервна поддршка и придонес во доизградбата на овој храм. Ве очекуваме во голем број! ЗАБАВУВАЈ СЕ И ПОМОГНИ – стои во поканата на социјалните мрежи.

Караванот на претседателскиот кандидат од Движењето ЗНАМ – За наша Македонија, Максим Димитриевски и денеска беше во охридскиот регион.
„Јас како кандидат за Претседател на државата којшто сака да го даде својот максимум за наша Македонија, заедно со членовите и претставниците од Движењето ЗНАМ вчера и денеска поминавме многу домови, се сретнавме со многу граѓани од Охрид и регионот. Проблемите се секаде исти во Македонија“, рече Димитриевски во обраќањето до медиумите.

„Во рамките на нашата програма и мојата програма како претседателски кандидат, Манифест за Македонија, има голем број на решенија кои ги
нудиме.И ќе ги реализираме, нема да останат само зборови на хартија. Едно од најбитните е дека Македонија ќе добие Претседател од граѓаните, којшто нема да биде во функција на политичките субјекти, туку првенствено ќе ги штити граѓанските интереси. Со тоа што никогаш нема да дозволам да потпишам закон или каков било дргу акт којшто е спротивен на вољата на граѓаните и секогаш истиот ќе добие вето и ќе биде вратен на повторно разгледување пред законодавниот дом“, објасни Димитриевски и додаде дека тоа што граѓаните ќе дадат поддршка на еден ваков концепт, ќе значи дека ќе добијат Претседател на државата од своите редови, човек којшто излегува од самите граѓани. Човек кој не должи никому, ниту на еден политички субјект.

Тој рече дека Движење ЗНАМ-ЗА наша Македонија е мал политички субјект кој добил повеќе потписи во делот на подршката за неговата кандидатура, отколку што имал членови во тој момент и верува дека граѓаните ќе ја дадат нивната поддршка на денот на изборите.

Запрашан за што најмногу се жалат граѓаните, Димитриевски рече:

„Најголемите проблеми кои ги наведуват се владеењето на правото, неказнивоста, селективната правда, нефункционална држава и
финансиско-социјалната состојба во којашто е државата,а знааеме дека е многу лоша. Недостаток на уреден систем кадешто можат институционално да ги решаваат проблемите. На средбите со капетаните коишто се тука и даваат услуги на туристите рекоа дека, на пример, нема Марина каде што може да се снабдат со основната работа на прописен начин, а тоа е горивото. Со години се ветува дека ќе се реши, но реално тие децениски проблеми не се решаваат. Сметам дека нивото на организацијата во делот
на туризмот треба да се подобри“, потенцира Димитриевски.

Неговиот караван денеска ќе ги посети населенните места во Дебарца. Вчера претседателскиот кандидат Максим Димитриевски имаше повеќе средби со граѓаните на Вевчани и Струга, а се обрати и пред граѓаните на Охрид.