Во Ликовната галерија од НУЦК „Марко Цепенков“ отворена е изложба на слики и цртежи од Среќко Здравковиќ од Србија, со која одбележува 50 години творештво. Уметникот е годинашен учесник на меѓународната ликовна колонија Дрен 2024, што ја реализира ЦК „Марко Цепенков“.

Изложбата ја отвори м-р Каролина Мицевска која потенцираше дека Среќко е препознатлив, со автентичен уметнички ракопис, дека неговите дела се преполни со фигурација, со симболи и дека е зрел автор во уметничкото изразување.

Авторот Здравковиќ посочи дека е среќен што со оваа изложба и уште неколку други низ Србија одбележува 50 години уметничко творештво.

СРЕЌКО ЗДРАВКОВИЌ, дипломиран сликар, професор има околу 70 самостојни изложби, околу 500 групни изложби, а учествувал и на голем број ликовни колонии. Добитник е на бројни награди и признанија за исклучителен придонес во културата во Србија. Покрај со уметничката работа, се занимава и со графички дизајн и педагошка дејност. Графички уредувал 150 книги, плакати, брошури, каталози, дизајнирал 100 меморандуми-заштитни знаци. Има извајано десетина портрети во бронза, реализирани неколку мозаици на цркви и насликани околу 50 икони и насликани цркви („ал-секо“ фрески).

На 09.08.2024 година во 23.10 часот полициски службеници од ОВР Прилеп, во колонијална продавница на ул. „Цар Самоил“ во Прилеп го лишиле од слобода Б.Ц.(33) од Прилеп.

Имено, истиот бил фатен при вршење на кражба во колонијална продавница, при што кај него биле пронајдени и одземени разни шишиња со вода, сок, енергетски напитоци, ладен чај, сладолед и друго.

Украденото е одземено и вратено на сопственикот.

По документирање на настанот против лицето ќе следува соодветна пријава – стои во соопштението од СВР Битола.

Спомен плочата во чест на загинатите бранители кај Карпалак беше скршена, само еден ден по одбележувањето на годишнината од нивната смрт. Властите покренаа истрага за откривање на одговорните.

Еден ден по годишнината по повод смртта на бранителите кај Карпалак, спомен плочата со нивните имиња беше пронајдена скршена, со венци и свеќи расфрлани и уништени во блиското поле. Овој вандалски чин ја шокираше јавноста и останува под истрага на локалните власти. Спомен плочата, симбол на сеќавање, сега е во фокусот на итна реакција на Министерството за одбрана.

Некогаш свеченото место сега ги отсликува последиците од она што се чини дека е насочен чин на вандализам. Сторителите, засега непознати од полицијата, направија значителна штета, оставајќи зад себе сцена на сквернавење што наиде на широка осуда. Уништувањето на спомен плочата е особено вознемирувачко со оглед на тековните напори да се воспостави потрајна почит на загинатите бранители.

Министерството за внатрешни работи беше веднаш известено за инцидентот и започна со напори за откривање на одговорните за овој грозоморен чин. Како одговор, Министерството за одбрана најави дека планира што поскоро да постави нова спомен плоча. Информации за инцидентот стигнаа и до меѓународната заедница, нагласувајќи ја сериозноста на прекршокот и важноста од заштита на таквите споменици.

-За настанот веднаш било известено Министерството за внатрешни работи, кое сега ги презема неопходните чекори за откривање на одговорните за овој немил чин. Во согласност со дипломатските протоколи, случајот е доставен и до меѓународната заедница. Министерството за одбрана брзо започна напори за поставување на нова спомен плоча, која ќе биде поставена во најкраток можен рок, велат од Министерството за одбрана

Повеќе од една година државата не можеше да иницира изградба на достоинствен споменик за паднатите бранители кај Карпалак и покрај постојаните напори на граѓаните и семејствата на загинатите. Ова е во голема контраст со големите споменици и музејски комплекси на УЧК што се градат на низ земјата. Вандализмот на постоечката спомен плоча ја нагласува итната потреба од решение.

На 8 август 2001 година, воен конвој кој се движеше по патот Скопје-Тетово кај селото Карпалак беше нападнат од заседа, при што загинаа десет војници: Сашо Китаноски, Марко Деспотоски, Нане Наумоски, Љубе Грујоски, Бранко Секулоски, Дарко Вељаноски, Горан Миноски, Пеце Секулоски, Веби Рушидоски и Ердован Шабаноски. Нивниот спомен оттогаш се почитува секоја година, иако недостатокот на постојан споменик, надвор од вандализираната спомен плоча, остана точка на расправа.

View this post on Instagram

A post shared by Патриотско Друштво (@patriotskodrustvo)

Д-р Кире Јоноски и официјално ја презеде функцијата прв човек на прилепската болница со проширена дејност “Борка Талески”. Тој преку објава на социјалните мрежи вели дека состојбата која ја затекнал е катастрофална.

-Чест и задоволство ми е да Ве информирам, дека денес ја превзедов функцијата директор на Општа болница со проширена дејност Прилеп. Состојбата која ја затекнав на прв поглед е катастрофална има многу да се работи за да се донесе во подобар ред и подобри услови за работа на вработените, но и подобра услуга за пациентите. Ве уверувам дека ќе дадам сè од себe, како што минатиов период успеав да го кренам стандардот за работа на одделението за Ортопедија и трауматологија така ќе успееме и на другите оддели во болницата. Исто така сакам да Ве известам дека ќе продолжам со амбулантските прегледи и оперативните интервенции, ќе бидам достапен и во служба на Вас граѓаните 24/7 – напиша Д-р Јоноски.

На 10-ти aвгуст 2024г. на летната сцена од ЦК „Марко Цепенков“ од 18.00 часот, во организација на Клубот на литературни творци – Прилеп, ќе се одржи седумнаесеттата по ред традиционална меѓународна поетска манифестација ПОЕТСКО МАРКУКУЛЕ 2024.

-И оваа година манифестацијата предизвика огромен интерес кај поетите од Македонија и од странство. Со самото тоа, на 10-ти Август Прилеп повторно ќе биде центарот на поезијата и убавиот пишан збор, а присутните ќе имаат можност да уживаат во поетските восклици на присутните поети – вели Андриана Ристеска, претседател на Клубот на литературни творци – Прилеп, поканувајќи ги љубителите на поезијата на манифестацијата.

Воедно ќе биде промовиран и Зборникот Поетско Маркукуле 2024, во кој со поезија се застапени околу 220 поети од десетина различни земји.

На 9 август 2024 /петок/ од 20.00 часот во Ликовната галерија од НУЦК „Марко Цепенков“ ќе биде отворена излжба на слики и цртежи од Среќко Здравковиќ од Србија, со која ќе одбележи 50 години творештво. Уметникот е годинашен учесник на меѓународната ликовна колонија Дрен 2024.

За творештвото…

Среќко ѝ пристапува на креативноста на најспонтан начин од голема љубов и чувство за сопствена дарба, покажувајќи дека она што го прави автентичен и препознатлив уметник е едноставниот креативен пристап и острото чувство за просторот и личноста во него. Овој едноставен принцип е толку сложено чист и во изразот и во духот… Со оваа изложба уметникот докажува дека е сосема точна изјавата дека уметниците кои се занимаваат со фигурација претставуваат ретки поединци. Фигурацијата е првенствено за оние кои точно знаат што сакаат, па затоа најмногу одговара на зрелоста на нивните верувања, но и на процесот на рано иницирање во тајните на уметничкото изразување… (Фрагмент од критика од Д-р Соња Петровиќ, историчар на уметност)

Податоци за авторот

СРЕЌКО ЗДРАВКОВИЌ, дипломиран сликар, професор. Роден на 15 мај 1957 година во Доњи Душник, во подножјето на Сува Планина. Основно училиште завршил во Параќин, гимназија во Чуприја, Виша педагошка уметничка педагогија, конзервација и реставрација во Белград и Академија за ликовни уметности во Нови Сад. Член е на ULUS од 1985 година, како и на Меѓународната асоцијација на уметници (IAA AIAP UNESCO). Самостојно изложувал околу седумдесет пати (прв независен судски суд во 1974 година во изложбениот простор на Домот на АРМ во Ќуприја), групно изложувал на околу 500 изложби, учествувал и на голем број ликовни колонии и ликовни собири (околу 250 учества). како на меѓународни симпозиуми за уметност (Словачка, Полска, Унгарија, Македонија). Добитник на наградата за унапредување на културата и за исклучителен придонес во културата (Меѓународна колонија „КРИВ НА СРБИЈА“ Лепосавиќ) … но најомилени награди се: пофалница на наставничката Данилка Ристиќ во 4-то одделение основно училиште, и 1-ви (прво) место на натпреварувачкиот дел (Акварел во минијатура), на Меѓународната акварел колонија „САВА“ во Босански Брод во Република Српска. Покрај уметничката работа, се занимава и со графички дизајн и педагошка работа (Отворено студио-уметничко училиште „СРЕЌКО“ за подготовка на ученици и студенти за продолжување на образованието од областа на визуелните и ликовните уметности) Графички уредувал 150 книги, плакати, брошури, каталози, дизајнирал 100 меморандуми-заштитни знаци. Има извајано десетина портрети во бронза, реализирани неколку мозаици на цркви и насликани околу 50 икони и насликани цркви („ал-секо“ фрески).

Сместен на една од најубавите панорамски локации во Мариово, на врвот Панделе во близина на село Полчиште, манастирот Св. Пантелејмон во изминатите години прераснува во едно прекрасно светилиште кое го посетуваат стотици верници.

Иако до самиот манастир не води пристапен пат, управата изминатите години прави вистински чуда да донесе до местото разно-разни градежни материјали и постојано да го осовременува ова прекрасно место.

И денеска за патронот на манастирот, Св. Пантелејмон, традиционално таму е весело и разиграно, а голем број иселеници од ова село во градовите ширум Македонија и во странство, се таму и уживаат во убавото време и недопрената природа. Во очекување на фотографии и видео материјал од денешното празнување на празникот, се потсетуваме на едно мало чудо кое се случи минатата година.

Во Прилеп и прилепско постои обичај да се направи аукција, кога разни дарови кои верниците ги оставаат во манастирот се продаваат, а со цел да се соберат што повеќе средства и истите да се вложат во некој неопходен зафат за манастирот.

Минатата година за Св. Пантелејмон, две тегли мед, кои ги оставил некој неименуван пчелар, биле продадени по неверојатни 55.000 денари, или за околу 2.000 евра.

За мештаните и верниците кои на празникот го посетија манастирот ова беше чудо. Тие веруваа дека самиот светец ги натерал наддавачите на аукцијата толку многу да ја кренат цената.

Аукцијата и дел од празничната атмосфера можете да ги погледнете во видеото во продолжение:

Да им посакаме да имаат ваква богата аукција и оваа година, за што повеќе да се разубавува ова свето место и што повеќе луѓе во иднина да го посетуваат и уживаат во недопрената мариовска природа.

Денеска (09.08.2024) Надворешната канцеларија за криминалистички работи при ОВР Македонски Брод до Основното јавно обвинителство Кичево поднесе кривична пријава против Д.Т.(57) од Прилеп поради постоење основи на сомнение за сторено кривично дело „предизвикување шумски пожар“, казниво по член 227 став 5 од Кривичниот законик.

Пријавениот во повеќе наврати, на 15.07.2024, на 30.07.2024, 02.08.2024, на 05.08.2024 и на 07.08.2024 во атарите на с.Слатина и с.Грешница, општина Македонски Брод, предизвикувал пожар на отворен простор, кој се проширувал и настанувале пожари на поголема површина, каде горела трева и нискостеблести растенија. Сите пожари биле изгаснати од екипи на Територијалната противпожарна единица Македонски Брод и Подрачното шумско стопанство „Сандански“ – Македонски Брод.

При преземање на мерки во врска со пожарите, полициски службеници од ОВР Македонски Брод го затекнале пријавениот Д.Т. на местото на настанување на пожар и при преглед кај него биле пронајдени предмети со кои може да се предизвика пожар. Со пријавениот бил извршен службен разговор, при што тој ги признал делата.

Свети Пантелејмон се родил во Никомидија од татко незнабожец, Евсторгиј, и мајка христијанка, Евула. Во младоста ја изучи лекарската вештина. Подоцна поверува во Христа и се крсти. Господ му имаше дадено голема благодат да лечи од секакви болести, не само користејќи ја лекарската вештина, туку и со силна молитва. Така излечи и еден слепец од кого сите лекари веќе беа дигнале раце. А тоа ги побуди истиве, поради нивната завист, да го обвинат пред властите како христијанин. Свети Пантелејмон беше ставен на маки, а откако стана јасно дека ништо не може да го поколеба во верата во преслаткиот Господ го испратија на губилиште, под некое маслиново дрво. Тој клекна на колена, се помоли на Бога, а потоа му беше отсечена главата. Пострада во 304 година. Чудотворец во текот на животот, тој продолжи да исцелува и преку неговите свети мошти кои се зачуваа.

Доколку планирате да започнете некаков бизнис, денеска е вистинскиот ден за тоа. Се верува дека секое работење на Свети Пантелејмон е благословено и ќе ве направи успешни.

Исто така, доколку сте планирале патување, тргнете токму на овој ден.

Свети Пантелејмон бил голем патник, а денес е заштитник на сите оние на кои улицата им е втор дом.

Доколку на овој ден во црква се сретнат две непознати лица кои денешниот ден го слават како куќна слава, веднаш треба да си честитаат и прегрнат, бидејќи се верува дека се роднини.