На 10.05.2025 г. во Скопје, во просториите на ПМФ се одржа Државниот натпревар по Биологија. На натпреварот во неколку категории се натпреваруваа гимназијалците од прилепската гимназија “Мирче Ацев”, кои постигнаа одлични резултати. Вкупно освоија 12 награди од кои две први награди, шест втори награди и четири трети награди.

Во категоријата ученици од прва година нашите натпреварувачи ги постигнаа следните резултати:

Под менторство на проф. Петкана Цветкоска:

Ангела Петреска I награда
Галина Гешоска II награда
Михаела Богевска II награда
Филип Мазнејков II награда
Петар Шукуроски III награда
Дијана Милошоска III награда
Mила Вршкоска III награда

Под менторство на проф. Снежана Спиркоска:

Катерина Јорданоски – III награда.

Во категоријата ученици од втора година под менторство на проф.Софија Крстеска:

Милош Игнатовски – I награда
Михаела Андриеска – II награда
Ева Петреска – II награда
Јован Митов – II награда

ГОЛЕМО БРАВО за ученицте и за менторите!

Безбедносната состојба во Прилеп се движи кон точката на вриење. Вчеравечер во угостителски објект во нашиот град беше фрлена бомба која, за среќа, не експлодирала – истакна на денешната прес конференција, Петра Лукароска, претседателка на ОО СДСМ Прилеп.

Прес конференцијата во целост ја пренесуваме во продолжение:

-Точно 16 месеци одговорноста за безбедноста во државата е во рацете на ДПМНЕ и министерот Панче Тошковски. Во тој период во дневните полициски билтени беа регистрирани два инцидента со експлозивни направи, триесетина запалени автомобили, еден опожарен ноќен клуб и недефиниран број на оружени пресметки и насилства во угостителските објекти и градските улици.

Прилеп наликува на Дивиот Запад од неговите најславни времиња. Официјалните бројки на регистрирани инциденти само го потврдуваат фактот, дека власта на ДПМНЕ го направи Прилеп опасно и небезбедно место за живеење.

Граѓаните се оправдано загрижени за личната безбедност и безбедноста на своите најблиски. Како одговорна политичка партија, СДСМ уште еднаш алармира за сериозноста на проблемот кој и локалната и централната власт упорно го игнорираат.

Во таа насока е и нашиот апел до министерот Тошковски, но и до Советот на општина Прилеп: разрешувањето на началникот на ОВР Прилеп, Марјан Станоески и командирот на Полициската станица од општа надлежност, Горан Колонџоски, ќе биде првиот чекор во создавањето услови за нормализирање на безбедносната состојба.

Време е за одговорност!

Тимот јавни обвинители кои работат на предметот за најголемата трагедија во историјата на Македонија кога во пожар во дискотеката „Пулс“ загинаа 62 луѓе, а околу 200 беа повредени побара мерката притвор да се замени со куќен притвор за поранешниот министер за економија Крешник Бектеши, но и поранешен државен секретар во ова Министерство.

Обвинителскиот тим кој постапува во предметот на Основното јавно обвинителство Кочани во врска со пожарот во дискотеката “Пулс” ги привршува дејствијата на распити на сведоци – очевидци на настанот.

Од Јавното обвинителство велат дека распитите на осомничените и на други лица се реализираат без отстапувања и согласно утврдената динамика.

-Интензивно се работи на повеќе вештачења и се вкрстуваат податоците од анализите на обезбедените електронски уреди. Согласно фазата во која се наоѓа постапката и доказите кои веќе се обезбедени, обвинителството до Основниот суд во Кочани достави предлог за замена на претходно определената мерка притвор со мерка куќен притвор за двајца осомничени – поранешен министер и поранешен државен секретар во Министерството за економија, додека за 18 лица предложено е продолжување на претходно определени мерки притвор и куќен притвор. По предлoзите на обвинителството ќе одлучува Судот, велат од ОЈО.

Друштвото за производство, трговија, услуги и градежништво ТОП БИЛД ДООЕЛ експорт-импорт Скопје е избрано за најповолен понудувач за изградба на новиот кружен тек на мостот “Табана” во Прилеп.

Сепак потпишувањето на договорот и почетокот на работите ќе почека, бидејќи во моментов се води жалбена постапка по поднесена жалба од друга фирма.

Изградбата на кружен тек на улиците „11-ти Октомври“, „Кеј 9-ти Септември“ и улица „Кеј 1-ви Мај“ (мост „Табана“), треба да се реализира во рок од 300 денови сметано од денот на воведување во работа.

Изградбата на кружен тек на мостот “Табана” е проект кој датира уште од 2017 година, за кој средства беа обезбедени од Светска банка, а го најави тогашниот градоначалник Марјан Ристески. За жал проектот беше откажан од следната владеачка гарнитура предводена од Илија Јованоски, за кого овој проект веројатно беше голем залак.

Вредноста на проектот во тоа време требаше да изнесува околу 2 милиони, обезбедени преку кредит од Светска банка, со три години грејс период и рок на отплата од 10 години. Кредитот вклучуваше и енормно ниска камата која беше доста поволна за општината, а после завршувањето на проектот, општината требаше да добие ГРАНТ во вредност од 500.000 евра за успешно завршување на проект.

На таков начин Прилеп ќе добиеше средства за финансирање на друг капитален проект што ќе беше од огромно значење за градот.

Што се однесува пак до изградбата на улицата “ПОБЕДА”, тендер кој првично го доби фирма од Велес, по жалбена постапка, тендерот беше повторен, па сега за најповолен понудувач е избрано Друштвото за производство, промет и услуги ИБО ПОД увоз-извоз ДООЕЛ Прилеп.

Улицата е еден од четирите капитални проекти со кои општина Прилеп минатата година аплицираше до Министерството за локална самоуправа, по повикот од Владата за државна финансиска помош на општините.

,,Победа“ треба да обезбеди ново поврзување во градот, и тоа од крстосницата на ул.,,Александар Македонски“ кај Авто мото сојузот, до крстосницата со улица ,,Павел Шатев“.

Предвидени средства за изградбата на оваа улица беа 43 милиони денари.

Средствата за изградба на двата капитални проекти се обезбедени од Министерството за транспорт и врски.

До крајот на овој месец, Христијан Мицкоски, како претседател на ВМРО-ДПМНЕ, ќе излезе со предлози за градоначалници за престојните избори. За ова се разговарало и на вчерашниот состанок на Извршниот комитет.

-Редовен состанок на Извршниот комитет. Имаше кадровски прашања. Очекувам до крајот на месецот да излезам со предлози за кандидати за градоначалници, па оттаму оди на Централниот комитет, рече Мицкоски.

Засега, неофицијално, познато е дека неколку од градоначалниците, како од Скопје, така и од внатрешноста, нема да бидат поддржани за нов мандат.

Македонија освои два бронзени медала на 59. Меѓународна хемиска олимпијада „Менделеев“ што се одржа од 5 до 13 мај во Бело Хоризонте, Бразил.

Најголемиот македонски успех на ова престижно натпреварување за ученици, во конкуренција на околу 40 држави, го донесоа Петар Мирчевски од СОУ „Мирче Ацев“ од Прилеп и Марио Ванчоски од СОУ „Славчо Стојменски“ од Штип.

Мирчевски Ванчоски во последните три години имаат освоено вкупно еден сребрен и пет бронзени медали на меѓународната сцена, а следен предизвик ќе им биде Светската хемиска олимпијада IChO 2025 што ќе се одржи во Дубаи.

На 59. Меѓународна олимпијада „Менделеев“ учествуваа 192 натпреварувачи од 39 држави од целиот свет. Учеството на нашиот тим овој натпревар го помогнаа руската амбасада во Скопје и амбасадорот Сергеј Баздникин и компанијата „Лукоил“.

Во првиот квартал од 2025 година, во градската болница во Кавадарци се родиле 25% повеќе новороденчиња во споредба со истиот период од 2024 година.

-Оваа статистика не е само бројка – таа претставува живот, иднина и надеж. Радосни сме што сѐ повеќе семејства го започнуваат својот најважен животен момент токму во нашата установа, каде што стручноста и грижата за пациентите се на прво место.

Нека се множат убавите вести – за градот, за нашите семејства, за иднината – информираат од кавадаречката болница.

Во ноември 2011 година УНЕСКО официјално го одреди 30 април како Меѓународен ден на џезот, со цел да се истакне џезот и неговата дипломатска улога да ги обединува луѓето од сите страни на светот.

Меѓународниот ден на џезот обединува заедници, училишта, уметници, историчари, академици и џез ентузијасти ширум светот за да го прослават и да научат за џезот и неговите корени, иднина и влијание, да се подигне свеста за потребата од меѓукултурен дијалог и меѓусебно разбирање и зајакнување на меѓународната соработка и комуникација. Секоја година, на 30 април, оваа меѓународна уметничка форма е препознаена за промовирање на мирот, дијалогот меѓу културите, различноста и почитувањето на човековите права и човечкото достоинство, искоренување на дискриминацијата и промовирање на слободата на изразување.

Градот Прилеп и Прилепскиот џез фестивал во соработка со неколку општествено одговорни компании ќе го одбележат меѓународниот ден на џезот со организација на џез концерт во центарот на градот и ќе им овозможат на сите љубители на џезот и на убавата музика да уживаат во истиот.
Голема Благодарност до Pro Credit Banka за финансиската поддршка на фестивалот, на CLS equipment за техничката поддршка и на Михајло Мотески за изработката на дизајнот!

Концертот ќе се одржи на 15. мaj 2025г (четврток) со почеток во 19.00ч на цветната улица во старата прилепска чаршија, пред филијалата на Pro Credit Bank.

Пред прилепската публика ќе се претстават нашите стари пријатели TOTAL GYM во состав:

Владан Дробицки – тромбон
Ѓоле Максимовски – бас гитара
Дино Милосављевиќ – тапани
Васко Бојаџиски – саксофон

Видеолотарија Касинос Австрија и годинава е поддржувач на Виенскиот бал во Македонија, настан кој ја слави елеганцијата, културната традиција и уметноста.

Поддршката на културните настани е важен дел од заложбите на Видеолотарија Касинос Австрија за развојот и промоција на културата, младите таленти и интернационалната соработка.

Виенскиот бал е симбол на елеганција, достоинство, отменост, поврзување и хуманост, а Видеолотарија Касинос Австрија го препозна и го поддржа неговото значење за македонската културна сцена. За нас, Виенскиот бал не е само настан, туку е платформа каде се спојуваат елеганцијата, младоста, уметноста и традицијата во совршен спој. Со поддршката на овој значаен културен настан, ја реафирмираме нашата посветеност кон вредностите кои ги негува културата.

Настанот кој традиционално се одржува под покровителство на Амбасадата на Република Австрија во земјава, Градот Виена, Министерството за култура и туризам, а во организација на Здружението за културна соработка Јохан Штраус, годинава се одржа по 24-ти пат во хотелот „Александар Палас“. И ова издание на балот имаше хуманитарен карактер, годинашните донации беа наменети за настраданите од пожарот во ноќниот клуб во Кочани.

Видеолотарија Касинос Австрија и во иднина, ќе продолжи да ги негува и да вложува во вредностите кои го збогатуваат општеството и културниот развој на Македонија.

Според календарот на МПЦ (Јулијанскиот календар) денеска е 1 мај. Денеска е Св. пророк Еремиј.

Еремија се празнува како еден од поголемите пролетни празници, а обичаите и верувањата поврзани со него се во функција на магиска заштита од змии, гуштери и други.

Роден 600 години пред Христа, во селото Анатот, недалеку од Јерусалим. Почна да пророкува во својата петнаесетта година, во времето на царот Јосиј. Им пророкуваше за поkајание на царот и на неговите големци, на лажните пророци и на свештениците и во времето на овој цар, Јосиј, одвај си ја спаси гла вата од уби ствените раце на огорчените големци.

На царот Јоаким му прорече дека неговиот погpеб ќе биде како погpеб на магаре, т. е. мpтов ќе биде исфрлен надвор од Јерусалим и телото долго ќе му се влечка по земјата непогpебано. Заради ова Јеремија беше фpлен во 3атвор. Бидејќи во 3атворот не можеше да пишува, го повика Варух, којшто застана покрај неговото 3атворско прозорче, а Јеремија почна да му диктира. Кога му го прочитаа ова проpоштво на царот, тој гн евен ја фрли хартијата во оган. Промислата Божја го спаcи Јеремија од затворот, а врз Јоаким се исполни зборот на пpорокот. На царот Јехониј, пак, му прорече дека со целото семејство ќе биде одведен во Вавилон и дека ќе ум ре таму, што наскоро и се случи.

Под царот Седекија, Јеремија си стави јарем на вратот и така одеше по градот Јерусалим, пророкувајќи го со тоа падот на Јерусалим и ропството под јаремот на Вавилонците. На еврејските pобови во Вавилон им пишуваше да не се надеваат да се вратат во Јерусалим, зашто ќе останат во Вавилон седумдесет години – така и беше. Во долината Тотеф, под Јерусалим, каде што Евреите им принесуваа на идолите деца како жртви, Јеремија зеде здрав лонец во рацете, го скрши пред народот, пророкувајќи ја брзата пропаст на Јудејското царство.

Наскоро Вавилонците го зазедоа Јерусалим, го уби ја царот Седекија, го разоpија и го огpабија градот, а огромен број Евреи беа заkлани во долината Тотеф, на местото каде што Пpорокот го искpши оној лонец. Јеремија со левитите го зеде кивотот од храмот и го однесе на ридот Нават – каде што умpе Мојсеј – и овде го скpи во една пештера. Огнот од храмот пак, го скри во еден длабок бунар.

Некои Евреи го при нудија да оди со нив во Египет, каде поживеа четири години, а потоа беше од своите сонародници убиен со камења. На Мисирците им прорече дека идолите ќе им бидат разбиени и дека Дева со Младенецот ќе дојде во Мисир. Постои предание дека самиот цар Александар Македонски го посетил гр обот на Пророкот Јеремија. На наредба од Александар, телото на Јеремија е пренесено и со почести пог ребано во Александрија. Мисирците речиси го обожаваа Пророкот Јеремија. Затоа и го пог ребаа како крал. Го сметаа за чудотворец и после смpтта. Правот од неговиот гpоб го земаа како лек против каcнувања од змија. И ден денес мнозина христијани во молитва го повикуваат Пророкот Јеремија против 3мии.