-На 22.12.2024 во 20.30 часот во ОВР Прилеп било пријавено дека околу 19.30 часот на ул.„Поп Аврамија” во Прилеп било забележано едно лице како фрла експлозивна направа, при што настанала експлозија пред куќа и патничко моторно возило „пежо 207″ со прилепски регистарски ознаки, сопственост на С.Л.(21) од Прилеп.
Нема повредени лица.
Се преземаат мерки за расчистување на настанот – информираат од МВР.
Компанијата “АВТОКОНТРОЛ” од Прилеп по којзнае кој пат ја покажа својата општествена одговорност, овојпат донирајќи 55 комплетчиња со капчиња, шалчиња и ракавици за децата од посебните паралелки во ООУ “Климет Охридски”.
– Денеска компанијата “Автоконтрол” ја демонстрираше својата општествена одговорност и хуманост со својата донација, верувајќи во моќта на образованието за сите деца, без разлика на нивните предизвици. Вашата поддршка е светло за иднината на децата со посебни образовни потреби, овозможувајќи им да го остварат својот потенцијал и да изградат самодоверба во своите способности. Благодарение на фирмите како вас, тие добиваат шанса да се развиваат и да се издигнат во подобри личности – напишаа од училиштето на социјалните мрежи.
Подароците ги врачи Генералната менаџерка на компанијата, Даниела Перканоска, која притоа на дечињата им посака Среќна Нова година, исполнета со радост, успеси и многу насмевки.
-Секој ваш сон заслужува да се оствари, секој ваш труд заслужува аплауз. Нека срцата ви бидат исполнети со љубов, а деновите со светлина и топлина, истакна Перканоска.
Над 150 дечиња ќе учествуваат во Бадниковата поворка оваа година во Прилеп. Дечињата веќе одржуваат редовни проби и ја подготвуваат песната “Вечниот Бог”, како и неколку други духовни песнички, кои на Бадник ќе ги испејат на Камената бина во центарот на Прилеп.
Од Здружението “Бадникови поворки – Прилеп”, ги повикуваат дечињата да дојдат и на последната проба за оваа година, која ќе се одржи на 24.12.2024 вторник во 18:00 часот во фоајето на НУЦК Марко Цепенков.
-Побројни заедно да пееме и да го најавиме Христовото раѓање! На последната проба ќе бидат поделени материјали за изработка на ѕвездичките за тие кои што не зедоа – стои во поканата.
Битола викендов подготвена го пречека 30-то поединечно Државно првенство во бокс, при што домашната публика во спортската сала „Боро Чурлевски“ и македонската јавност имаше можност да ги види најдобрите боксери од цела Македонија во сите возрасни и тежински категории.
Државното првенство во бокс е во организација на националната боксерска федерација, на чело со претседателот Кристијан Андреевски, а во партнерство со нашиот БК Пелистерски јунак и со поддршка на Општина Битола.
Свое учество на првенството имаше и прилепскиот боксерски клуб АС, од каде свој настап имаа тројца боксери. Прилепските боксери ги постигнаа следните резултати:
-Стефан Пупалески до 80кг. го освои златниот медал во сениорска конкуренција
-Мартин Трајкоски до 52 кг.го освои сребрениот медал во кадетска конкуренција.
-Влатко Димоски до 66 кг. го освои брозениот медал во јуниорска конкуренција.
-Сите наши боксери покажаа добри борби со прикажана одлична техника. Со овој голем резултат ја завршивме сезоната со натпревари. Од наредна година почнуваме со боксерската лига на Македонија во која планираме да се пласираме во првите позиции и да направиме нови шампиони. Честитки за нашите боксери – порачаа од прилепскиот боксерски клуб AС.
Доналд Трамп, кој ќе ја преземе функцијата претседател на САД на 20 јануари, најави серија контроверзни мерки. Говорејќи пред поддржувачи во Феникс, Аризона, тој изјави дека веднаш по инаугурацијата ќе потпише укази со кои ќе се забрани присуството на транссексуалци во војската и училиштата и ќе се ограничи пристапот до медицински процедури за промена на пол кај малолетници.
Трамп нагласи дека официјалната политика на САД ќе биде признавање на само два пола – машки и женски. Оваа тема предизвикува длабоки поделби во американското општество, особено во поглед на трансродовите права и нивниот пристап до спортови и јавни установи.
Покрај тоа, Трамп најави дека ќе започне најголемата операција за депортација на нелегални мигранти во историјата на САД. Тој исто така вети крај на војната во Украина, запирање на хаосот на Блискиот Исток и спречување на Трета светска војна, но не даде детали за начинот на кој планира да ги реализира овие цели.
“20 јануари ќе биде ден за ослободување на Америка”, порача Трамп на собирот.
Битола подготвена го пречека 30-то поединечно Државно првенство во бокс, при што домашната публика во спортската сала „Боро Чурлевски“ и македонската јавност имаше можност да ги види најдобрите боксери од цела Македонија во сите возрасни и тежински категории.
Ова беше празник на боксот каде ги добивме новите државни шампиони, а во исто време е возобновен големиот боксерски турнир „Битолски победник“.
Државното првенство во бокс е во организација на националната боксерска федерација, на чело со претседателот Кристијан Андреевски, а во партнерство со нашиот БК Пелистерски јунак и со поддршка на Општина Битола.
„Домаќините БК Пелистерски јунак го прифатија предизвикот заедно со градоначалникот на општината Тони Коњановски и се надеваме дека и битолската публика уживаше во овој боксерски хепенинг, воедно и почеток на една голема традиција во името на Битолски победник.
Градоначалникот Тони Коњановски истакна дека Битола како спортски град, но и како град на еден од најдобрите боксерски клубови во нашата држава го прифати предизвикот, а уште позначајно е што се возобнови традиционалниот турнир “Битолски победник”, кој своите почетоци ги имаше во 80-тите, а последен пат се организирал во далечната 1996 година.
Џудо федерацијата на Македонија на пригодна манифестација ги избра најдобрите за 2024 година.
Најдобар џудист на Макеоднија за 2024 година е олимпиецот Еди Шерифовски, додека признанието кај дамите го понесе Kaтерина Ацевска.
За најдобар клуб во 2024 година е прогласе ЏК Миоки од Скопје, додека во топ три се и прилепските ЏК Сеишин и ЏК Пролетер.
НАЈУСПЕШНИ СПОРТИСТИ ВО 2024 ГОДИНА
1. Најуспешна помлада пионерка – Марија Китевска
2. Најуспешен помлад пионер – Виктор Трчков
3. Најуспешна пионерка – Тамара Илиоска
4. Најуспешен пионер – Амар Бајрамовски
5. Најуспешна кадетка – Ива Богдановска
6. Најуспешен кадет – Михаил Стојановски
7. Најуспешна јуниорка – Борјана Поп Атанасова
8. Најуспешен јуниор – Сергеј Димитриоски
9. Најуспешна ветеранка – Јелена Јовевска
10. Најуспешен ветеран – Марјан Димески
11. Најуспешна сениорка – Катерина Ацевска
12. Најуспешен сениор – Еди Шерифовски
НАЈУСПЕШНИ ЏУДО КЛУБОВИ ВО 2024 ГОДИНА
1. ЏК МИОКИ – Скопје – 1 место
2. ЏК СЕИШИН – Прилеп – 2 место
3. ЏК ПРОЛЕТЕР – Прилеп – 3 место
По повод 20-годишнина од постоењето на ПЗУ МЕД ИНТЕРНА Д-Р ТАСЕСКИ, а во пресрет на Новогодишните и Божикните празници, д-р Оливер Тасески извршува бесплатни прегледи за ехо на абдомен. Прегледите се наменети само за пациенти кои боледуваат од разни видови на карциноми, како најранлива група пациенти на кои ваквите прегледи им се најнеопходни. Иницијативата е дел од определбата на д-р Тасески постојано да се грижи за здравјето на своите пациенти. Прегледите ќе се извршат во сабота (28.12.2024). Закажување на телефон 048/410-510.
,,За почисто Кавадарци” и ,,Произведено во Македонија” се натписите на новите возила метларки кои почнаа да го чистат Кавадарци. Општина Кавадарци набави три метларки-свипери од домашно производство, односно од марката Грин Машинс на БРАКО и со оваа набавка, машинскиот парк на комуналното претпријатие сега е зголемен со три нови возила, кои се ефикасни и економични, а предност е што одржувањето и сервисирањето го обезбедува самиот производител кој се наоѓа во Велес.
Директорот на Грин Машинс, Ангел Анѓушев, при предавањето на возилата на комуналното претпријатие во Кавадарци, се заблагодари на довербата на градот, и потенцираше дека иако Грин Машинс продава во 50 држави низ целиот свет и дека годинава само во еден голем светски град се продадени 40 возила, сепак овие три возила во Кавадарци и значат многу на компанијата и на нејзините вработени затоа што ќе работат и ќе чистат дома, во Македонија.
Градоначалникот на Кавадарци, Митко Јанчев нагласи дека општината секогаш вложува во модерни решенија за подобри услуги за граѓаните и дека е прва општина по главниот град која во 2018г започна со машинско метење на градските улици.
Претседателот на Владата на Република Македонија, Христијан Мицкоски денеска присуствуваше на поставување на камен темелник на изградба на трговски центар во Гевгелија.
„Многу амбициозен е планот на инвеститорот, но не и неостварлив бидејќи до сега како што и самиот инвеститор во својот говор овде кажа во рекордно време благодарение на амбициозниот тим и амбициозната работа на градоначалникот на Општина Гевгелија овој проект доаѓа во оваа фаза во која што е денеска, да можеме да поставиме камен темелник на инвестиција вредна самите слушнавте околу 20тина милиони евра. Од тоа што можев во разговорите да дознаам некој детал повеќе дека ќе имаме околу 350 нови вработувања на почеток до максималниот капациет и 500тини.
Оваа точка е навистина значајна бидејќи околу 15 милиони возила годишно ќе поминуваат тука, тоа значи голема можност за бизнис, голема можност и за ширење и за проширување на инвестицијата.
За Гевгелија ќе значи тоа многу, така што како претседател на Владата ценам дека секогаш кога во Македонија ќе се прават ваков тип на објекти ние сме тука да помогнеме, да го забрзаме овој процес, да го одблокираме ако е закочен за да можат овие инвестиции да бидат реалност.
Нашата цел веќе неколку пати повторена во јавност е да оваа година за прв пат забележиме, ние рекордот го поминавме, но да забележиме бројка на инвестиции која што ќе надмине една милијарда евра, со што како држава ќе бидеме во првите три по глава на жител кога станува збор за странски инвестиции.
Така што уште еднаш честитки на инвеститорот за одлучноста, благодарност до општината, до администрацијата, до сите што помагаа за оваа инвестиција да дојде во оваа фаза во која што е денес“, порача Мицкоски.
