Советот на општина Прилеп, утре 26.12.2024, со почеток од 09:00 часот, ќе ја одржи 54-тата седница, на која ќе се гласа општинскиот буџет за 2025година, а покрај буџетските прашања, советниците ќе гласаат и по следните точки:

Д Н Е В Е Н Р Е Д

1. Предлог-Буџет на Општина Прилеп за 2025 година.

2. Предлог-Одлука за извршување на Буџетот на Општина Прилеп за 2025 година.

3. Предлог-Одлука за утвдување на вредност на бодот за платите на административни службеници, за 2025 година.

4. Предлог-Одлука за определување на висината на благајничкиот максимум.

5. Предлог-Програма за субвенционирање на Јавните Комунални Претпријатија основани од ЕЛС Општина Прилеп за 2025 година.

6. Предлог-Буџетски Календар на Општина Прилеп, за 2025 година.

7. Предлог-Програма за субвенционирање на месечните трошоци за вода на социјално ранливи категории на граѓани за 2025 година.

8. Предлог-Програма за уредување на градежно земјиштето на подрачјето на Општина Прилеп, за 2025 година.

9. Предлог-Програма за работа на Советот на Општина Прилеп, за 2025 година.

10. Предлог- Програма за социјална заштита, заштита на децата и здравствена заштита на Општина Прилеп, за 2025 година.

11. Предлог-Програма за обезбедување на оброк за учениците во прво, второ и трето одделение од основните училишта во Општина Прилеп, за 2025 година.

12. Предлог-Програма за доделување на еднократна парична помош за новороденче, за 2025 година.

13. Предлог-Програма за доделување на стипендии на студенти од Општина Прилеп, за 2025 година.

14. Предлог-Програма за спроведување на општи мерки за заштита на населението од заразни болести, во 2025 година.

15. Предлог-Програма за спорт на Општина Прилеп, за 2025 година.

16. Предлог-Програма за образование во Општина Прилеп, за 2025 година.

17. Предлог-Програма за култура-фестивали и манифестации, за 2025 година.

18. Предлог-Програма за одбележување на значајни настани, личности и празници, за 2025 година.

19. Предлог- Програма за доделување на награди за талентирани (наградени) ученици во основните и средните училишта во Општина Прилеп, за 2025 година.

20. Предлог- Програма за доделување награди за најдобар наставник во одделенска и предметна настава во општинските основни училишта и најдобар наставник во средните општински училишта во Општина Прилеп, за 2025 година.

21. Предлог-Програма за доделување награди за најдобар воспитувач и најдобар неговател вработени во ЈОУДГ ,,Наша иднина‘‘ Прилеп, за 2025 година.

22. Предлог-Програма за поддршка на локалниот економски развој, за 2025 година.

ООУ “Климет Охридски” Прилеп организираше прекрасен новогодишен базар во просториите на училиштето, и тоа не било каков базар, туку настан кој зрачеше со посебна енергија и убавина. Училиштето блеска од стотици светилки, украсена е секоја просторија, секој ходник, секое ќоше…. Една магична празнична атмосфера во која уживаа сите, колективот, родителите, учениците…

-Со гордост можеме да кажеме дека ова не е само базар, туку и израз на нашата колективна енергија и дух. Погледнете ги сите овие прекрасни производи и идеи, кои се резултат на трудот и талентот на секој од вас. Во оваа година, секој чекор што го направивте, секоја изговорена добра реченица, секој момент на тимска работа ни донесе до оваа точка. Вашата упорност, креативност и желба за успех ќе бидат водич за сите нас и во новата година. Како и песната..училиштето и учењето можат да бидат бајка…нели? – напиша на социјалните мрежи директорот на училиштето, Ахил Јаков.

Заборавете на чекањето и нервозите за пратки од “АЛИ ЕКСПРЕС”, сега имате каде да се обратите за најсигурна и најбрза достава!

“ЕЛС-Еко логистик” брзата пошта е признаена како најбрз и најдоверлив партнер за испорака на пратките од “ТЕМУ” и “АЛИ ЕКСПРЕС”, што ги одвојува од конкуренцијата не само во Македонија, туку и во целиот регион.

Конечно граѓаните не се грижат дали нивните пратки кои доаѓаат од странство нема да загинат. Ова е признание со кое ретко која брза пошта може да се пофали.

-Со овој документ, ви благодариме за успешната испорака на пратки од страна на Али Експрес и ТЕМУ како наш партнер за испорака на пратки. Според мерењата што ги ажурираме секој ден, од јуни до ноември, вашата компанија Eco Logistics Service е пошта со најбрза и најсигурна испорака на шифрирани пратки, каде што им овозможувате на вашите партнери да се чувствуваат безбедно. при испраќање пратки без можност за манипулација од страна на примачите. Ви благодариме што сте наш партнер – стои во признанието кое го добиле од “Еко Логистик”

EЛС е ваш партнер за сигурна и брза испорака!

Претседателот на Фудбалската федерација на Македонија, Масар Омерагиќ и спортскиот директор на Национални селекции, Горан Пандев одржаа состанок во „Куќа на фудбалот“ со селекторот на македонската А репрезентација, Благоја Милевски.

Oтворено и конструктивно разговараа за сите актуелни настани и важни теми поврзани со најдобрата македонска репрезентација, но и за други аспекти од соработката што допрва започнува меѓу Горан Пандев како спортски директор на Националните селекции и селекторот на нашата А репрезентација.

„Имавме отворен и пред се искрен разговор. Претседателот на федерацијата ја повтори искажаната поддршка за работата на А македонската репрезентација. Со Горан се согласивме дека репрезентацијата секогаш треба да биде над сите нас. Тоа е национален интерес и секогаш ќе биде во прв план. Сите треба да се ставиме во функција на тоа и на Македонија. Се надевам дека ќе имаме добра соработка во интерес на тимот, но и на сите кои ја поддржуваат македонската репрезентација,изјави селекторот на А репрезентацијата, Благоја Милевски.

„Драго ми е што отворено разговаравме за тоа што може да биде подобро во иднина и дека заедно ќе се стремиме да одиме напред кон нови победи“, изјави Горан Пандев.

„Заедно со претседателот Омерагиќ ни беше важно да разговараме отворено со селекторот за сите теми и му благодарам што го сфати она што го сметаме за правилно, а тоа е дека како мала држава мораме да се потпреме на сите расположливи сили и фудбалерите кои имаат квалитет мора да помогнат и со настапи во репрезентацијата. Секако, доколку тоа го заслужуваат. Верувам дека ги решивме сите такви прашања и се радувам на новите предизвици“, додаде Горан Пандев.

Свети Спиридон живеел во четвртиот век на островот Кипар. Родителите му биле прости луѓе и тој од младоста чувал овци. Кога му дошло времето, се оженил, но наскоро останал вдовец, па целиот свој имот почнал да го користи за да им помага на бедните. Подоцна бил избран за епископ во кипарскиот град Тримитунт. Господ го прославил овој чудесен човек со даровите на чудотворство и прозорливост. Откако добро и послужил на Црквата, се упокоил во 350 година. Неговите мошти се пренесени во седмиот век во Цариград, а во времето на турското освојување биле пренесени на грчкиот остров Крф.

Моштите на Св Спиридон поседуваат единствени својства. Не само што се нетрулежни со векови, туку се меки и кревки што е ствојствено на живо човечко тело. Кивотот на Светителот е украсен со даровите од луѓето на кои им помогнал. Местото каде што се наоѓаат моштите е заклучено и се одклучува за православните христијани, додека на католиците им е дозволено само да го целиваат кивотот.

Преку стаклото на кивотот многу добро се гледа лицето на Светителот. Одлично зачувана коса, бели заби, кожата малку потемнета и збрчкана но ја сочувала својата форма. Телото на Св. Спиридон има стална температура од 36,6 степени, му растат косата и ноктите. И што е најчудно облеката која му е облечена се менува на секои 6 месеци, затоа што се троши. Како да не лежи во кивотот, како да оди(шета).Чуварот на кивотот раскажувал, дека не можел многу пати да го стави клучот во кивотот за да го одклучи. Тогаш свештениците знаат, Светителот едноставно не е во кивотот, тој шета на островот.

Чудо на Св. Спиридон во храмот во Каристос, Грција 1930 г.

Празникот на св. Спиридон особено свечено се слави од страна на Вистинските Православни Христијани, бидејќи на тој ден новокалендарците го слават римо-католичкиот Божиќ. Во Грција на овој ден често може да се видат литии од старокалендарците кои по улиците на селата и градовите ја носат иконата на св. Спиридон за да им покажат на новокалендарците дека тој ден според православниот календар не се слави Божиќ. Пред нас е сведоштвото за едно чудо на св. Спиридон кое многу новокалендарци преобрати во Вистински Православни Христијани.

За чудото на св. Спиридон, во 1976 г., раскажуваше старица Зиновија Сидери (доживеа 102 години), една од многуте сведоци кои присуствувале на тоа случување, а за кое во свое време пишуваше и атинското списание „Скрип“. Еве што раскажа старица Зиновија:

„Беше празникот Рождество Христово според новиот календар. Јас тогаш сеуште не бев преминала кај старокалендарците. Дојдов на сеноќно бдение во храмот Св. Николај. Храмот беше преполн со народ. Стоев на левата страна покрај еден столб. Над мене на тој столб висеше иконата на Св. Спиридон, дар од Антониј Лумидис од Пиреја. Иконата беше украсена со цвеќе, кое остана уште од празнувањето на светителот според новиот календар. Кога свештеникот кој што служеше литургија, отец Сила, по малиот вход почна да кади и да го пее тропарот на Божиќ „Рождество Твоје Христе Боже наш…“, иконата на св. Спиридон наеднаш почна да се удира од столбот толку силно што сето цвеќе кое што беше на неа испопаѓа на земјата. Народот гледајќи го ова чудо се ужасна. Свештеникот и псалтите престанаа со пеењето. Тогаш некој од народот повика: „Денес според стариот календар е празникот на св. Спиридон. Пеејте го неговиот тропар!“ Певците и свештениците „занемеа“. Во тој миг верниот народ почна да пее: „Собора перваго показалсја јеси поборник и чудотворец, Богоносне Спиридоне, отче наш…“ (тропарот на светителот). И дури за време на пеењето на тропарот на светителот, неговата икона пополека почна да се смирува за на крајот целосно да престане да удира на столбот.“

Следниот ден, весникот „Карестини“ објави соопштение за тоа чудно случување. Сите жители на Каристос и околината говореа за тоа и признаваа дека старокалендарците се во право. Подоцна, на 29 декември, весникот „Карестини“ објави: „…Наредниот ден иконата не беше на своето место. Многумина мислат дека намерно е тргната за да не се продолжи дискусијата за проблемот околу календарот, за кое правовремено почнаа да дебатираат верниците, од кои повеќето преминаа кај старокалендарците. И така јавноста на Каристос правдољубиво негодува и мисли дека некој злобно си подигрува со религиозните чувства и светите икони, бидејќи до сега иконата не е вратена на своето место, иако инстистираат сите жители“.

Нови маки за кандидатите за возачи од Битола и регионот. Ако досега проблем беше тоа што кандидатите мораа да полагаат најмалку три пати, а по некогаш и четири и пет пати, а со тоа да трошат огромни парични средства за да се стекнат со возачка дозвола, капак на се’, лиценцата на Испитниот центар кој ја покрива Битола и регионот истече, па сега идните возачи не знаат колку ќе треба да чекаат за да дојдат до возачка дозвола.

Во овој вакум простор додека битолчани и жителите на регионот кој го покрива СВР Битола, не можат да полагаат за возачка дозвола, многу интригантни написи беа објавувани по социјалните мрежи и медиуми и видлива беше бурната реакција на граѓаните.

Заклучокот кој што се наметнува е дека традицијата трикратно, па дури и петкратно да се полага, особено вториот дел од практичниот возачки испит најверојатно исклучиво е во функција на остварување профит за фирмата, а не е во прашање знаењето или незнаењето на кандидатите?

Како би се квалификувал овој процес можеме само да претпоставуваме, ама повеќе од очигледно е дека кога профит е во прашање, грижата за граѓаните не постои.

Математички, како што имавме прилика да прочитаме од медиумите и социјалните мрежи, дека дополнителниот износ кој го плаќаат кандидатите е околу 9.200 денари, и тоа ако само, како што и најчесто се случува, најмалку три пати неуспешно го полагааат вториот практичен дел.

На овој начин станува збор за профит од околу 9 милиони 159 илјади денари, и тоа ако од 1.500 кандидати годишно, просечно изнесува дури околу илјада најмалку три пати го полагаат вториот практичен дел. 9 милиони денари се околу 150.000 евра. А, можете да замислите колкав е износот, ако наместо по три пресметката се направи по пет пати.

За проблематиката во повеќе наврати пишуваа и од битолскиот портал “БАБАМ БИТОЛА”, каде стотици граѓани со свои коментари го искажаа својот гнев:

Ски-центарот “Стрежево” е сместен во падините на Баба Планина, лоциран над селото Нижополе на надморска висина од 1.300 до 1.610 метри и со градот Битола е поврзан со асфалтен пат со должина од 15 км.

Скијачката сезона најчесто започнува од почетокот на месец декември и трае до крајот на месец март. Долж ски-патеките има и кафе-бар (бачило), кое работи секој ден преку целата година, па посетителите можат да се освежуваат со топли напитоци по најпопуларни цени во државата.

Јавното претпријатие “Стрежево”, ги презеде сите чекори за успешна и континуирана скијачка сезона. Скијачкиот центар е целосно подготвен и екипиран за непречено и безбедно функционирање на ски-терените.

Спроведени се редовните технички подготовки и активности за почеток и тек на новата скијачка сезона, извршено е обележување на постојните патеки, a скијачките терени се подготвени со помош на машините за подготовка на скијачките патеки.

Ски-центарот “Стрежево” организира денско и ноќно скијање. Сезонскиот билет е 5.000 денари, дневниот билет чини 500 денари, ноќната карта чини 400 денари, додека за деца до 14 години сезонскиот билет изнесува 3.000 денари, односно 300 денари за денско скијање.

Скијачката сезона оваа година започна на почетокот на декември. Добрите временски услови, снегот и добро уредените ски стази, беа причина Ски-центарот “Стрежево” да го посетат неколку илјади гости.

Според вработените во скијачкиот центар, ова е добар старт на сезоната, а снегот кој падна изминатиот период, дава реална надеж дека и оваа година ќе го има доволно, а со тоа ќе има и се повеќе посетители.

Она што вреди да се забележи е дека Ски-центарот “Стрежево” почнува да блеска во сиот свој сјај, а сите оние кои сакаат барем малку да избегаат од градските гужви, треба да се упатат кон овој туристички бисер на Македонија.

Патиштата се чисти и проодни, но сепак ви препорачуваме да возите внимателно, и секако, да не заборавите да ја понесете задолжителната зимска опрема. Се надеваме на магична зимска бајка во периодот што следи и да ја продолжиме успешно започнатата скијачка сезона во новата година.

На 23.12.2024 во ОВР Прилеп било пријавено дека во камп приколка во атар на с.Беловодоица, прилепско, бил пронајден починат С.Д.(57) од Прилеп.

Лекар констатирал смрт, а по наредба на јавен обвинител телото на починатиот било дадено на обдукција.

Увид извршила увидна екипа на ОВР Прилеп – информираат од МВР.

Утре (среда) 25.12.2024, со почеток од 20часот, во народниот театар “Војдан Чернодрински” Прилеп, ќе се одигра премиерата на претставата „Ученикот“ во режија на Кирил Петрески.

УЧЕНИКОТ

Режија и драматургија: Кирил Петрески
Сценографија и плакат : Владо Ѓорески
Костимографија : Александар Џинго
Музика : Серафим Чернит

Играат:

Бенџамин Синклер – Зоран Иваноски
Ингрид Синклер – Марија Спиркоска Илијеска
Вили Белфорд – Александар Тодески
Ерика Вајт – Лора Штарго
Маркус Диксон – Наум Ѓорѓиески
Отец Декстер Менрат – Димитар Паскоски
Лидија Вебер – Марија Талеска
Џорџ Хансен – Иво Јездиќ

********************

Инспициент: Елена Иваноска
Суфлер: Давид Папазоски
Тон мајстор: Томе Темелкоски
Светло мајстор; Рисо Гркоски
Сликар исполнител: Пеце Ристески
Реквизитер: Гоце Тодороски
Гардеробер: Снежана Ѓорѓиоска
Фризер – перикер : Даринка Богоеска
Декоратери : Сашо Смоквоски, Роберт Стојкоски, Владимир Владимироски,
Јане Јанкулоски

*******************

Директор Марија Попова Јованоска

***************

Mариус фон Маербург (1972, Минхен) е германски драмски писател. Завршил студии на Универзитетот за уметности во Берлин. Неговата прва драма, „Харман”, за прв пат била изведена во Бараке (Дојче театар во Берлин) во 1996 година. „Огненото лице” напишана во 1997 година, била неговиот пробив како драмаски писател. Следувала „Клајст”, во Франкфурт (Одер) и во Дојчес Шауспиелхаус во Хамбург. Неговата драма „Збунетиот” премиерно е поставена на англиски јазик во 2014 година во Сиднеј а „Маченик” (Märtyrer) во театарот Unicorn во Лондон во 2015 година. Во 2016 година е направена филмска адаптација на „Маченик” преведена и снимена во Русија под наслов „Студент”, која била добро прифатена од меѓународната критика. За „Огненото лице” Маербург ја доби наградата „Клајст” за млади драматурзи и наградата на Фондацијата на автори од Франкфурт. Драмите на Маербург се преведени на повеќе од триесет јазици и се изведени во Германија и во многу други земји. Маербург е најмногу заинтригиран од сложеноста на семејството и другите човечки односи. Бидејќи е очигледен набљудувач на аномалиите на современото општество, неговите драми се карактеризираат со жестокост во комбинација со остар хумор. „Маченик” е суптилнен и повеќеслоен текст. Оваа провокативна, духовита и потресна драма, се занимава со несигурните стапици на современиот општествен екстремизам во сите сегменти на апсурдната денешна егзистенција.

**************

Претставата „Ученикот“ , според драмскиот текст „Маченик“ од Мариус фон Маербург, со кратки сцени, со филмски јазик, ги прикажува современите предизвици на младата генерација. Во време на екстремности политички, културолошки и социјални, една млада личност се спротивставува на противречностите на општеството. Својот начин на борба го одбира во религиозниот фанатизам. На тој пат, прво се судира со своето најблиско опкружување: со своето семејство, со професорите во училиштето, со учениците со кои што учи. Новата генерација, генерацијата Z, барајќи се себе си во еден Чудесен Нов Свет, кој што го изгубил својот Центар, моралните вредности, семејството, религијата потполно незаштитена, изложена е на влијанија од сите страни. Таа станува лесна цел за манипулација и плен на фанатици од политичка, религиозна, квазиполитичка и квазирелигозна провениенција. Губејќи ја врската со традицијата и семејството, оставена сама на себе, потполно неподготвена за она што ја очекува, ранлива и дезориентирана, стои изложена на нападите на потрошувачкото општество. Ова нé потсетува исто така, дека цивилизациските, индивидуалните, политичките придобивки како слобода и демократија не се засекогаш, дека ги земаме здраво за готово. Забораваме дека тие многу лесно можеме да ги изгубиме ако не ги браниме доволно храбро, доволно силно и дрско и бескомпромисно и со уште поголема вера во нив од оние кои што ја чекаат својата шанса да ни ги одземат.

Режисер: Кирил Петрески

Да создадете уметничко дело кое ќе треба долги години да краси нечиј дом, а притоа секојдневно да предизвикува воздишки и восхит, воопшто не е лесно. Не е потребно да имате само уметничка душа за нешто такво, туку да поседувате и доволно љубов, умешност, трпеливост и голема пасија за да постигнете ремек дело. Само тогаш знаете дека сте ја постигнале целта и сте допреле до нечие срце и душа.

Тоа и оди од рака на Марина Деаноска од Прилеп. Во нејзиното студио таа секојдневно создава нешто ново и ја вложува целата своја имагинација и креативност. Мирна рака, око за убаво и умешност да се вгради живот, се само дел од тајните кои ја красат нејзината работа.

Изработува прекрасни филиграни за различни поводи и животни настани. Украсни, персонални, за годишнини, родендени… Не постои момент од животот кој оваа вредна прилепчанка не може да го направи посебен.

Тука се и преубавите икони, блескави, чиниш ќе проговорат. Тие красат голем број семејни домови, цркви, манастири, а често патуваат и надвор од нашата држава.

Вели дека е горда на секое свое дело, а како и не би била кога создава уметност што плени. Вели дека се чувствува посебно и преблагодарно кога ќе израдува некого со крајниот резултат, а кој не би се израдувал и кој не би бил среќен со вакви изработки.

Тука не можеме, а да не ја спомнеме ремек делото – Св. Никола со димензии 1м х 70цм, кое Марина го изработи неодамна и кое денес го краси домот на нашинци во Германија.

Со еден збор креациите на Марина се совршен подарок за секоја пригода, нешто што останува во вечен спомен и што ќе се пренесува од генерација на генерација.

Kaжи ни како се роди кај тебе пасијата за овој занает?

-Со оваа уметност почнав да се занимавам од хоби, но тоа хоби ми прерасна во нешто повеќе. Патот досега ми беше доста трнлив, затоа што немав каде да се обратам за помош кога станува збор за оваа техника. Филигран техничката е единствена и препознатлива за нашата држава. Начинот на изработка сака премногу трепеливост, имагинација, упорност… и се разбира многу љубов. Изработувам најразлични мотиви за секакви пригоди, но она што ме издвојува од конкуренцијата е тоа што работам современа уметност во филигран техника.

Можат ли да се избројат сите дела кои ги имаш креирано досега?

-Досега имам сработено 1.400 филигран слики на кои сум премногу горда, но најголемо дело што го имам направено е филигран сликата на Св. Никола, која беше со димензии од 1 метар висина и 70цм ширина, која патем го краси домот на нашинци во Германија. Сликата ја изработив за 45 работни часа, а исто така можам да напоменам дека бев дел и од програмата за размена на студенти поддржана од невладината организација ERASMUS+, за кој сработив 40 филигран слики, кои отпатуваа во 6 земји. Сето тоа ми дава уште поголема мотивација да работам напорно и да се искачувам скала по скала погоре.

Што се користи за изработка на твоите дела, кои материјали и алати ги користиш најчесто?

-Од идеја до реализација се поминуваат неколку фази. Основен репроматеријал е срмениот конец, кој може да се најде во многу бои и дебелини, потоа е лепакот, мотивот, позадините, циркони, украсните детали и рамките. Првиот чекор на изработка на филигран е мотивот, па следува фаза на печатење на она што треба да се изработи. Наредна фаза е изработката на самата слика, а потоа следува лепење на соодветна позадина, за на крај сликата да се урами. Репроматеријал најчесто набавувам од главниот град. Особено сум горда што моите дела често патуваат надвор од границите на нашата држава, или досега во 12 земји во светот.

Марина вели дека прилепчани ги ценат рачните изработки, умеат да препознаат што е убаво и знаат да подарат во секоја пригода. Ако и вие се двоумите што да им подарите на вашите родители за годишнина, на домаќините за слава и именден, на вашите најмили за роденден и слично…. уште денеска побарајте ја Марина и раскажете и’ ја вашата идеја.

Нам ни останува да и’ посакаме на нашата вредна прилепчанка уште многу успешно реализирани проекти, а вам ве упатуваме да ги посетите профилите Marina Filigran Studioo на Фејсбук и на Инстаграм.