Боењето јајца за Велигден е омилена традиција во многу домови, но често се случува јајцата да пукнат при готвењето, што може да го расипе совршениот изглед на празничната корпа.

За да ја избегнете оваа непријатност, ви пренесуваме неколку проверени трикови кои ќе ви помогнат вашите јајца да останат цели и убаво обоени.

1. Изберете свежи, но не премногу свежи јајца

Иако изгледа дека најсвежите јајца се најдобри, всушност е идеално да користите јајца стари од 7 до 10 дена. Со текот на времето, мембраната малку се одвојува од лушпата, што ја намалува можноста за пукање при готвењето.

2. Оставете ги јајцата да достигнат собна температура

Една од главните причини за пукање е наглата промена на температурата. Ако ставите ладни јајца директно во топла вода, термичкиот шок може да предизвика пукање на лушпата. Извадете ги од фрижидер најмалку еден час пред готвење.

3. Додајте сол или оцет во водата

Додавањето лажица сол или оцет зајакнува делумно лушпата и може да спречи ширење на белката ако се појави пукнатина. Оцетот, исто така, помага бојата поуспешно да се прилепи за лушпата при боeње.

4. Загревајте ја водата постепено

Наместо да ги ставите јајцата директно во зовриена вода, ставете ги во ладна вода и загревајте ги полека на средна температура. Така се избегнува термички шок и се намалува ризикот од пукање.

5. Додајте неколку капки масло

Овој помалку познат трик навистина помага – неколку капки масло во водата го намалуваат триењето меѓу јајцата и садот, како и меѓу самите јајца, со што се спречува пукање.

6. Варете на умерена температура

Претераното вриење и мешање може да предизвика удирање на јајцата едно во друго, што често води до пукнатини. Варете ги на тивок оган околу 10–12 минути за најдобри резултати.

7. Ладете ги постепено

По варењето, не ги ставајте веднаш во ладна вода – ненадејната промена на температурата може да предизвика пукање. Оставете ги неколку минути во топлата вода, а потоа префрлете ги во млака.

Следејќи ги овие совети, вашите велигденски јајца ќе бидат не само убаво обоени, туку и цели – без пукнатини и без непотребен стрес за време на празничната подготовка

Тетово доби нов спортски центар со ново фудбалско игралиште со вештачка трева, терен за одбојка со вештачка трева, кошаркарско игралиште со полипропиленски под според ФИБА стандарди и трибина со капацитет од околу 300 седишта, објави денеска министерот за спорт Борко Ристовски, откако заедно со тетовскиот градоначалник Касами, го ставија во употреба новиот спортски центар.

-Ова е уште еден доказ дека инвестираме со цел и визија! Продолжуваме да работиме посветено за современа и достапна спортска инфраструктура ширум цела држава, за младите и за спортот – порача на социјалните мрежи министерот Ристовски.

Проектот во Тетово имаше експресна реализација, ако се земе во предвид дека Ристовски и Касами го најавија кон крајот на јануари годинава.

-Од средбата, Ристовски ги посочи следните работни активности во Тетово: изградба на терени со вештачки тревник во Спортскиот центар, реновирање на постојаното игралиште и поставување на монтажни трбини, како и терен со хибридна подлога. Ристовски најави и нов фудбалски терен со вештачка трева и 100 столчиња во трибинскиот простор при Основното училиште „Лирија”, додека на друга локација ќе започне изградба на ново кошаркарско игралиште со современ под и терен за одбојка – стоеше во тогашното соопштение од Министерството за спорт.

Во меѓувреме прилепчани, спортистите и спортските работници во Прилеп, се’ уште чекаат на реализација на ветувањето за ставање во употреба на Универзалната сала, спортскиот храм кој со години на милост и немилост е оставен да пропаѓа.

При последната посета на министерот во Прилеп, што се случи на на почетокот од минатиот месец, каде патем го пушти во употреба реконструираното спортско игралиште во кругот на прилепската гимназија „Мирче Ацев“, тој изјави дека Универзалната спортска сала во Прилеп за релативно кратко време ќе добие нов подолгорочен концесионер.

Ристовски изјави дека компанијата „Комфи Ангел“ е заинтересирана да стопанисува со овој спортски објекти и дека преговорите се веќ во тек.

Според најавите, прилепската компанија ќе вложи околу половина милион евра во реконструкција на спортската сала, а за тоа да се случи најпрво Универзална треба да биде предадена од ПУИГ на Министерството за спорт.

Прилепската спортска јавност и спортските клубови, со нетрпение очекуваат да се реализираат овие планови, па се надеваме дека ваквите планови ќе се реализираат ден поскоро.

Со голема радост ве известуваме дека е завршена фреската на Светите 40 севастиски маченици – МЛАДЕНЦИ, сместена во јужниот дел на нашиот храм – информираат од храмот Св. Петка во населбата Точила во Прилеп, каде во изминатиот период активно се работи на комплетирање на фрескоживописот во храмот.

-Овој светол момент на духовно и уметничко збогатување на светиот храм го должиме на дарежливоста на еден благочестив донатор, кој со својата несебична поддршка ја овозможи реализацијата на ова свето дело. И не само на ова дело! Овој донатор овозможи реализација и на неколку фрески претходно а ќе биде донатор и на композицијата на Преображението Господово. Изразуваме длабока благодарност и молитвено се молиме Бог да го благослови со здравје, духовен мир и секое добро! Нека фреската на овие храбри сведоци на Христовата љубов биде постојано потсетување за нашата вера, трпение и надеж во Воскресението – велат од храмот Св. Петка.

Фудбалската федерација на Македонија (ФФМ) со гордост го најавува најновото партнерство со еден од најпрепознатливите домашни брендови – Витаминка Прилеп. Соработката претставува поврзување на нашиот фудбал со компанија која претставува составен дел од животите на неколку генерации.

Витаминка ќе обезбеди финансиска поддршка за ФФМ за активности насочени пред се кон младинскиот фудбал и детска лига. Визијата е заедничка: поддршка на младинскиот развој и здравиот начин на живот.

Производите на Витаминка, особено оние наменети за деца, ќе бидат дел од промотивните активности на ФФМ, со посебен фокус на ФФМ Детската лига – најголемата платформа за младински фудбал во државата, која инспирира илјадници деца да го следат својот спортски сон.

„Визијата е заедничка: поддршка на младинскиот развој и здравиот начин на живот“, посочуваат од ФФМ.

„Чест ни е да ја претставиме Витаминка како нов член на фудбалското семејство на ФФМ. Како компанија која има долгогодишна традиција и грижа за здравјето на децата, Витаминка е идеален партнер во нашата мисија за поттикнување на детскиот фудбал и поддршка за младинскиот спорт. Заедно ќе создаваме услови за здрав раст и спортски развој на идните генерации.“,вели Масар Омерагиќ – претседател на ФФМ.

„Со голема радост се приклучуваме кон фудбалската приказна на Македонија. Преку поддршката на Детската лига, ќе бидеме уште поблиску до децата и ќе придонесеме кон нивната активна и здрава иднина. Ова партнерство ја отсликува нашата посветеност кон заедницата и спортот.“, посочува Сашо Наумоски – генерален директор на Витаминка.

Фудбалската федерација на Македонија и Витаминка започнуваат заедничка иницијатива која ќе ги инспирира најмладите генерации да растат здраво, активно и со спортски дух.

Како да ја направиме ЕУ повторно силна кога се соочува со низа предизвици како на безбедносен, така и на економски план? На оваа тема на Универзитетот Скопје, дебатираа амбасадори, министри и професори, во присуство на почесниот гостин министерот за европски прашања на Унгарија, Јанош Бока кој одржа и предавање пред студентите.

Тој рече дека само обединета, здружена и единствена Европа може да одолее на сите предизвици и да стане повторно силна.

,, Македонската влада, преку спроведување на неопходните реформи покажува силна волја за европските интеграции, а Унгарија е подготвена да ја сподели својата експертиза и искуства за да помогне во тој процес”, порача министерот Бока.

Ректорот на Универзитет Скопје, проф.д-р Аце Миленковски како домаќин на настанот се заблагодари на Унгарија за долгогодишното пријателство, кое се темели на идејата за создавање на силни и економски просперитетни општества.

,,Нашиот сон за Македонија е да биде подобро место за живеење за сите. Како високообразовна институција постојано вложуваме во подобрување на квалитетот на наставата и за тоа секогаш се водиме од потребите на студентите, бидејќи младите се најважни не само за нашиот Универзитет, туку тие се иднината на државата” порача Ректорот Миленковски.

Заменик- министерката за европски прашања, доц.д-р Викторија Трајков рече дека сите ние би требало да ја направиме Македонија повторно силна за сите граѓани, кои заслужуваат европски живот.

,,Новата Влада донесе промени, но промени на подобро. Со сите наши капацитети се вложивме за да ги зацврстиме нашите позиции, нашите пријателства и да обезбедиме нови партнерства. Со Унгарија негуваме долгогодишно пријателство, кое се темели на идејата за создавање на силни и економски просперитетни општества. Токму со помошта на Унгарија успеавме да ги совладаме тековните предизвици и да помогнеме во заздравување на македонската економија”, порача заменик-министерката Трајков.

Предавањето на министерот за европски прашања на Унгарија, побуди голем интерес и кај медиумите, но и кај студентите кои слушнаа интересни пораки и приказни за патот на Унгарија до европското семејство.

Портпаролката на Владата, Марија Митева денеска соопшти дека врз основа на надлежните инспекциски служби, донесени се 28 решенија за забрана за работа на oбјекти без лиценца или поради неисполнување на условите и 12 решенија за отстранување на неправилности за прекршоци утврдени согласно Законот за угостителство.

Инспекциските служби по налог на Владата контролирале субјекти на различни активности по катастрофалниот пожар во дискотеката „Пулс“ во Кочани, за кој веднаш беше утврдено дека нема дозвола, односно има фалсификувана лиценца.

Во пожарот загинаа 59 претежно млади лица, додека речиси 200 беа повредени, при што двајца починаа подоцна при хоспитализацијата во Литванија.

Мерката за ограничување на бруто профитните маржи за празниците дава резултати и има дефлација од 1,3 отсто во однос на претходниот месец и намалување на цените на основните прехранбени производи и пијалаци од три отсто, оцени денеска заменик министерот за економија и труд Марјан Ристески.

-Претходно направивме и одредени законски промени, особено во Законот за заштита на потрошувачи со транспарентност на цените согласно кои малите, големите и средните маркети мора транспарентно да ги објавуваат цените на нивните веб страници. Тоа ќе им даде можност на купувачите да одлучат од каде ќе купуваат, изјави Ристески во одговор на новинарско прашање пред почетокот на економскиот форум „Зајакнување на работоспособните жени: Стратегии за отклучување на потенцијалот и зголемување на продуктивноста“, во организација на Finance Think – Институт за економски истражувања и политики, Скопје.

Нагласи дека тоа е израелски модел за контрола на цените на производите кој се применува во Израел, Италија, Хрватска.

– Една од новите можности за контрола на цените е и промената во Законот за прекршоци каде покрај парична казна од 500 до 10.000 евра, во зависност од големината на маркетите, е воведена и поригорозна мерка затворање на маркетот од 15 дена. Покрај тоа, оперативно делува и Комисијата за заштита на конкуренција, која ревносно работи од јануари наваму, откако почнаа нејзините законски обврски и се комплетира во однос на контрола на договорите помеѓу добавувачите и трговците на големо и мало, прецизира Ристески.

Со поставување на времен режим на сообраќај и работни активности на улицата „11 Март“, Општина Битола започна со реализација на проектот за реконструкција на четири улици кај Здравствениот дом.

Со овај проект се опфаќа целосна реконструкција на улиците: „Панде Николов“, „11-ти Март“, „Козара“, кракот од ул. „Козара’ и ул. „Чеде Филиповски“ кои што се наоѓаат во централното градското подрачје опфатено со деталниот урбанистички план – „ДУП Централно градско подрачје 1 дел”.

Реконструкцијата на водоводна мрежа со вкупна должина од 1.060,0 м и реконструкцијата на мешовитата канализациона мрежа со вкупна должина од 1.049,0 м, го финанисра Министерството за транспорт, а изведувач на работите е АД Енергомонт Скопје. Вредноста на договорот за реконструкција на водоводна мрежа и реконструкција на мешовита канализациона мрежа изнесува 9.057.122,00 ден, додека надзор над реконструкцијата на водоводната мрежа и мешовитата канализациона мрежа, ќе врши Евро Консалтинг Скопје.

Реконструкцијата на постоечката коловозна конструкција и тротоарите со вкупна должина од 735,0 м и реконструкцијата на уличното осветлување ќе се финансираат од општинскиот буџет. Општина Битола за реконструкција на коловозот на улиците: “11 Март, Панде Николов, Козара и Чеде Филиповски Даме“ склучи договор за изведба во вредност од 13.149.817,00 ден, додека за реконструкција на уличното осветлување склучен е договор во износ од 1.586.392,00 денари.

Регулаторната комисија за енергетикa донесе Одлука со која се врши намалување на малопродажните цени на нафтените деривати во просек за 2,40 % во однос на одлуката од 10.04.2025 година.

Малопродажната цена на бензинот ЕУРОСУПЕР БС-95 се намалува за 2,50 ден/лит. Малопродажните цени на бензинот ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за 2,00 ден/лит. Малопродажната цена на Мазутот М-1 НС не се менува.

Од 12.4.2025 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 71,50 (денари/литар)
Моторен бензин ЕУРОСУПЕР БС – 98 74,00 (денари/литар)
Дизел гориво ЕУРОДИЗЕЛ БС (Д-Е V) 64,50 (денари/литар)
Масло за горење Екстра лесно 1 (ЕЛ-1) 64,50 (денари/литар)
Мазут М-1 НС 37,708 (денари/килограм)

Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 5,777%, кај дизелот за 5,057%, кај екстра лесното масло за 5,078% и кај мазутот намалувањето е за 1,745%. Курсот на денарот во однос на доларот во изминатиот период по кој беа формирани цените со претходната пресметка е понизок за 0,4851%.

Лазарова сабота или Лазарици или Лазаровден — еден од поголемите христијански празници од пролетниот циклус којшто е променлив празник и секогаш се паѓа еден ден пред Цветници, кои се точно една недела пред најголемиот празник Велигден. На овој ден се споменува чудесното воскресение на четиридневно упокоениот Лазар извршено од Исус Христос. Овој настан бил на шест дена пред предавството и убиството на Христос на Голгота. На Лазарева сабота обичај е да се носат гранчиња од врба што симболично претставува свечено Христово влегување во Ерусалим, каде што го пречекале следбениците.

Во Македонија овој празник има големо значење и масовно се прославува низ целата земја. Од раните утрински часови групи девојчиња облечени во традиционална невестинска облека одат низ населените места и пеат лазарски песни. Има повеќе лазарски песни и се користат според личниот, семејниот или општествениот статус на лицето за кое е наменета песната.

Песните обично се со оптимистична и духовита содржина и посакуваат здравје, успех и напредок.Лазарова сабота или Лазарици или Лазаровден — еден од поголемите христијански празници од пролетниот циклус којшто е променлив празник и секогаш се паѓа еден ден пред Цветници, кои се точно една недела пред најголемиот празник Велигден.

На овој ден се споменува чудесното воскресение на четиридневно упокоениот Лазар извршено од Исус Христос. Овој настан бил на шест дена пред предавството и убиството на Христос на Голгота. На Лазарева сабота обичај е да се носат гранчиња од врба што симболично претставува свечено Христово влегување во Ерусалим, каде што го пречекале следбениците.

Во Македонија овој празник има големо значење и масовно се прославува низ целата земја. Од раните утрински часови групи девојчиња облечени во традиционална невестинска облека одат низ населените места и пеат лазарски песни. Има повеќе лазарски песни и се користат според личниот, семејниот или општествениот статус на лицето за кое е наменета песната. Песните обично се со оптимистична и духовита содржина и посакуваат здравје, успех и напредок.

Исус веќе четврта година го проповедал своето учење, а бидејќи за Пасха мноштво народ доаѓал во Ерусалим за да го прослави празникот и Исус по четврти пат доаѓал како учител. Но тогаш разбрал дека неговиот пријател Лазар од Витанија е тешко болен. Исус веднаш се упатил тамо но стигнал четири дена по неговата смрт и по погребот. Сестрите на Лазар, Марта и Марија го прекориле Исуса велејќи му дека ако дојдел на време немало Лазар да умре. Марта уште му рекла: „Господи, ако беше Ти овде, немаше да умре брат ми.

Но и сега знам што и да посакаш од Бога, Бог ќе ти даде“. Легендата вели дека Бог сакал Лазар да умре за врз него да се манифестира силата Божја. Кога дошол до гробот Исус го повикал Лазара: „Лазаре, излези надвор“. И Лазар веднаш излегол завиткан со платно на рацете и нозете и со крпа околу лицето. Сите што го виделе тоа се почудиле и поверувале дека Исус е синот Божји. Со овој чин Исус уште повеќе се здобил со слава. И пак се упатил кон Ерусалим.

Во Македонија со Лазаревата сабота се поврзани повеќе обичаи и песни познати како лазарски. Ги изведуваат девојки во групи одејќи по куќите и низ населените места и пресретнувајќи ги луѓето. Лазарките му пеат посебна песна на секој човек зависно од неговата возраст и општествената положба и за тоа добиваат дарови, најчесто пари. Во овие песни се велича личноста, се посакуват напредок на семејството здравје и среќен живот на поединецот. Овој обичај се нарекува Лазарување.

На овој ден обично се оди на река и се вели: Колку далеку го фрлив овој камен, толку подалеку да биде змијата од мене! На овој ден се бере цвеќе, но не се внесува дома, туку важно е да се остави во дворот. Со цвеќето се кити домот, а со водата каде стоело се замиваат домашните.

Неделата, една седмица пред Велигден е празникот Цветници познат уште и како Цветоносна недела и Врбица, што се празнува во спомен на влегувањето на Исус во Ерусалим, кога неговите ученици и симпатизери кршеле цвеќе од дрвјата и врбови гранки и со нив, како и со својата облека му го постилале патот по кој минувал. Саботата пред Цветници се вика Лазарева Сабота или Лазарица, односно Лазара. Според преданието, во саботата умрел Лазар од Витанија, а во неделата Исус го воскреснал. Поради тоа во народот неделата се смета за поголем празник од саботата.

Според тогашните закони учител можело да биде само лице што наполнило триесет години. Исус веќе четврта година го проповедал своето учење, а бидејќи за Пасха мноштво народ доаѓал во Ерусалим за да го прослави празникот и Исус по четврти пат доаѓал како учител.

Но тогаш разбрал дека неговиот пријател Лазар од Витанија е тешко болен. Исус веднаш се упатил таму, но стигнал четири дена по неговата смрт и по погребот. Сестрите на Лазар, Марта и Марија, го прекориле Исуса велејќи му дека ако дојдел на време немало Лазар да умре. Марта му рекла: „Господи, ако беше Ти овде, немаше да умре брат ми. Но и сега знам што и да посакаш од Бога, Бог ќе ти даде“.

Легендата вели дека Бог сакал Лазар да умре за врз него да се манифестира силата Божја. Кога дошол до гробот, Исус го повикал Лазара: „Лазаре, излези надвор“. И Лазар веднаш излегол завиткан со платно на рацете и нозете и со крпа околу лицето. Сите што го виделе тоа се почудиле и поверувале дека Исус е синот Божји. Со овој чин Исус уште повеќе се здобил со слава. И пак се упатил кон Ерусалим.

Кога стигнал во подножјето на Маслиновата гора, Исус пратил двајца свои ученици во Витфагија за да му донесат осле (магаре) и ослица. Им рекол: „Одете во селоно, што е наспроти вас и веднаш ќе најдете врзана ослица и осле со неа; одврзете ги и доведете ми ги. А ако ви рече некој нешто, ќе му кажете дека му се потребни на Господа и веднаш ќе ги прати“.

Учениците ги донесле, а потоа ги ставиле на ослето своите облеки врз кои седнал Исус и така влегол во Ерусалим поздравен од мноштво народ. Ваквиот пречек на Исус во Ерусалим бил последица од неговата голема популарност меѓу народот уште повеќе зголемена по воскреснувањето на Лазара. Се поставува прашањето, зошто Исус во Ерусалим влегол качен на магаре?

Толкувачите на Светото Писмо истакнуваат дека кај источните народи магарето било симбол на мирот, наспроти коњите што служеле за водење војни. Магарето мирно му служело на човекот, како што и Исус му служел на народот. Пречекувајќи го Исуса воодушевениот народ со цвеќе, врбови гранки, но и со својата облека го постилал патот и пеел: „Осана на синот Давидов. Благословен е оној кој доаѓа во името Господово. Осана на вистините“.

Во спомен на ова свечено влегување на Исус во Ерусалим уште од најраните христијански времиња е востановен празникот Цветници кој, меѓутоа, се празнува од III век. На иконата овој чин е насликан како Исус јава на магаре, а неговите ученици и народот му го постилаат патот со цвеќе и облека.