Снежните врнежи кои деновиве ја зафатија општина Прилеп им приредија големи потешкотии на градските власти.

Освен чистењето на улиците и пешачките патеки, каде голем број граѓани реагираат со критики, особено за расчистувањето на споредните улици, вистинска катастрофа се случи и во градскиот пазар, каде падна дел од кровот.

Завеани со снег се повеќе тезги, а нарушена е безбедноста како на пазарџиите, така и на купувачите.

За состојбата со покриениот дел на пазарот, каде кровот е дотраен и е потребна итна реконструкција, реакции имаше и во минатото, а сега се докажа дека раководството на ова јавно претпријатие требало да реагира многу порано.

Реакција стигна и од ОО СДСМ Прилеп, од каде објавија фотографии и побараа оставки:

По бурните и слабопосетени средби со членството, неофицијално се искристализирале два кандидати од СДСМ за градоначалничката функција во Прилеп.

Иако се очекувало еден од нив да е Кристијан Пиличев, во последен момент неговото место наводно го зазел Пачешкоски, можеби и оправдано, бидејќи и тој долго време беше дел од високата политика и носител на најзначајните функции.

Но, по се изгледа пресуден ќе биде моментот и потегот на вториот кандидат, кој според нашите соговорници убеден во неговиот рејтинг и победата на локалните избори, ја понудил и оставката од пратеничката функција?

Тоа е голем потег и доказ како се сака партијата и членството.

Вечниот функционер Талевски, од тој момент се смета за најсериозен кандидат за татко на градот. Следната недела ќе се знае и поконкретно начинот на избор и гласањето во ова финале. Секој си има свој табор и тим што би застанал зад него.

Ракометната федерација на Македонија се прости од поранешниот македонски репрезентативец и тренер, Александар Јовиќ кој почина ненадејно ноќеска.

-Почина Александар Јовиќ – човек кој сиот свој работен и животен век го посвети на ракометот. Ракометната и спортската јавност, денес изгубија вреден спортски работник , Ракометната Федерација на Македонија упатува искрено и длабоко сочуство до семејството на Јовиќ, стои во објавата на РФМ.

Јовиќ почина на 51-годишна возраст, а последно работеше како тренер на македонскиот суперлигаш Пролет.

Низ тренерската кариера беше асистент на Лино Червар во Металург, а самостојно го водеше и Металург 2 и Еурофарм Пелистер со кого стана шампион на Македонија.

Како играч, Јовиќ беше дел од Металург, Вардар, Пелистер, Преспа, Борец од Македонија, како и Болоња од Италија, Сплит од Хрватска, Апатин од Србија, и Слобода Тузла од БиХ.

Она што пред неколку години го започнаа триесетина спортисти и ентузијасти од Прилеп, денеска прерасна во една прекрасна традиција.

И оваа година големиот христијански празник Богојавление – Водици, ќе се одбележи со осветување на водите во езерцето кај Плетвар.

Изминатите години настанот доби голема масовност и голем интерес кај прилепчани, а голем број учесници се очекуваат и оваа година.

Интересно е тоа што во годините кога езерцето беше замрзнато, организаторите правеа крст во мразот, а учесниците влегуваа во ледените води.

Оваа година домаќини и кумови се: Валентин Трајкоски, Даниел Димоски, Тони Дамкоски, Александар Најдоски и Бојан Минчески, кои ги покануваат сите верници и посетители кои сакаат да бидат дел од овој настан, да се јават на телефонскиот број: 078 520 792, или во порака најкасно до 17-ти јануари.

-Надворешната канцеларија за криминалистички работи Делчево поднесе кривична пријава против 17-годишник од Прилеп поради постоење основи на сомнение за сторено кривично дело „оштетување и неовластено навлегување во компјутерски систем“.

Во периодот од 19.08. до 23.08.2024 во Дојран, пријавениот искористил прилика и неовластено обезбедил податоци од дебитна картичка на едно лице, по што со мобилен телефон од друго лице извршил четири трансакции со картичката – информираат од МВР.

-На 13.01.2025 во 13.00 часот во СВР Скопје, Љ.С.(28) од Прилеп пријавила дека на 10.01.2025 околу 23.08 часот на подрачјето на општина Аеродром, едно лице со употреба на физичка сила ѝ ја одзело чантата со документи, пари и други предмети.

Се преземаат мерки за расчистување на случајот – информираат од МВР.

Македонската ракометна репрезентација вечер ќе се соочи со Унгарија во првиот свој настап на Светското првенство 2025.

Избраниците на селекторот Кирил Лазаров вчеравечер го одработија последниот тренинг пред почетокот на Мундијалот и подготвени го очекуваат дуелот против фаворизираните Унгарци.

Натпреварот ќе се игра во Вараждин со почеток во 20:30 часот.

Се очекува во Хрватска да допатуваат илјадници припадници на „Фалангата“ која ќе ја бодри Македонија во обид да се изненади силниот ривал.

Кирил Лазаров и неговите момци тренираа во малата сала во Вараждин Арена, го направија последниот договор пред утрешниот дуел со Унгарија (20:30 часот).

Претходно, од 18 часот, во првиот натпревар од Д-групата ќе играат Холандија и Гвинеја.

Пласман во Главната групна фаза ќе обезбедат првите три селекции на табелата.

Во Старата прилепска чаршија на цветната улица, се најдува бутикот BABY BOOM, едно од најубавите катчиња каде ќе најдете се’ за вашите најмали.

Квалитетна облека изработена од убедливо најквалитетни материјали, облека во која вашите дечиња ќе се чувствуваат удобно, заштитено и што е најважно топло во овие зимски денови.

И за момчиња и за девојчиња, од најмали нозе, па се до школска возраст. Најмодерни блузи, кошули, огромен избор на зимски вентијаги, палтенца, шпикозни, фустанчиња…

Во BABY BOOM ќе најдете и преубав избор на меки шалчиња и капчиња, како и богата бебешка колекција. Убавиот глас се слуша надалеку, па не случајно нивниот дуќан често го посетуваат и жители на други градови.

Со еден збор BABY BOOM е бренд на прилепската чаршија кога станува збор за детска облека!

Посетете ги уште денеска, во BABY BOOM имаат подготвено одлична новогодишна понуда, по најниски цени за вашите најмали.

Се известуваат сите верници дека по повод христијанскиот празник Богојавление (Водици), чинот на Големиот Богојавленски водосвет и фрлањето на светиот Крст ќе се изврши во водите на базенот при хотелот Салида (Аквапарк), на 19 јануари (недела) со почеток во 12:00 часот – информираат од општина Прилеп.

-Пријавувањето за учесниците ќе биде во Општина Прилеп (во приемно одделение), задолжително со копија од лична карта, на 15. и 16. јануари (среда и четврток) од 09:00 до 15:00 часот – стои во соопштението на општината.

Со гордост ја информираме јавноста за пуштањето во употреба на експресниот пат Градско – Дреново, проект кој има огромно значење за граѓаните на Прилеп, Битола, Ресен, Крушево, Градско и целиот Прилепско-Пелагониски регион кој е потврда на вистинските политики на СДСМ, рече на денешната прес конференција пратеникот на СДСМ, Миле Талески.

„Овој проект, вреден над 37 милиони евра, е резултат на посветената работа на Владата предводена од СДСМ, која преку одговорни и визионерски политики вложуваше во развојот на патната инфраструктура и подобрувањето на животот на нашите граѓани,“ рече Талески.

Проектот, реализиран со над 92% од страна на претходната влада на СДСМ и опфати:

Изградба на трите клучки кај Градско, Росоман и Дреново;

Четири вијадукти;

Сите мостови, надпатници и подпатници;

Поставување на 98% од асфалтот.

„Актуелната власт денеска ќе се кити со туѓи перја, завршувајќи само 50 метри асфалт пред пуштањето во употреба. Но важно е што граѓаните конечно добиваат целосно функционален пат кој ги задоволува највисоките европски стандарди,“ додаде Талески.

СДСМ очекува дека наскоро ќе биде завршена и делницата од Дреново до Фариш, која е веќе над 80% реализирана благодарение на претходната работа на владата на СДСМ.

„Ова е пат кој значи економски развој, подобра поврзаност и повисока безбедност за сите жители на регионот,“ истакна Талески, потсетувајќи на претходните инвестиции во патната инфраструктура:

Обновената делница кај Плетвар;

Патот од Прилеп кон езерото;

Започнатата изградба на автопатот Прилеп-Битола, дел од Коридорот 10д, прв автопат во овој регион.

Талески упати благодарност до сите градежни работници, инженери и проектанти кои вложија труд во реализацијата на овој значаен проект.

„Ова е потврда дека СДСМ работи за реалните потреби на граѓаните, создавајќи проекти кои го унапредуваат животот во нашата земја,“ заклучи пратеникот на СДСМ, Миле Талески.