Општинската организација на Сојузот на борци од НОАВМ 1941-1945 и граѓаните продолжувачи од ГРАДОТ ХЕРОЈ – ПРИЛЕП, кој дал огромен придонес во борбата против фашизмот и слободата на македонската држава, даваат целосна ПОДДРШКА на нашите колеги од ТЕТОВО, градот кој исто така дал голем придонес во антифашистичката борба, по однос на иницијативата за преименување на улиците кои ги носат имињата на личности и настани од славното антифашистичко минато на македонскиот народ и припадници на другите заедниците вклучени во таа борба – стои во соопштението на социјалните мрежи од прилепскиот Сојуз на борци.

-Таа борба за слобода на МАКЕДОНИЈА во периодот 1941-1945 година е морална и историска обврска што треба да ја почитуваме и зачуваме. Преку истата, се дојде до уставотворните одлуки на АСНОМ и создавање на државноста на МАКЕДОНИЈА. Историјата не смее да се менува по дневно-политички интереси. Историјата не ја учиме само за да го знаеме минатото, туку и како да се однесуваме во иднината. Историјата треба да биде основа за заедништво и соживот – велат од Сојузот на борци од Прилеп.

-На 28.01.2025 во 13.10 часот во ОВР Прилеп било пријавено дека на ул.„Трајко Тарцан“ во Прилеп, патничко моторно возило „ренџ ровер”со англиски национални ознаки, управувано од Д.М.(45) од Прилеп, удрило во Д.Б.(69) од Прилеп.

Во несреќата Д.Б. се здобила со тешки телесни повреди, констатирани во Градска болница Прилеп.

Увид извршила увидна екипа на ОВР Прилеп – информираат од МВР.

-Полициски службеници од СВР Велес, вчера во 10:10 часот, го лишиле од слобода 21 годишниот А.К. од село Бузалково, велешко, постапувајќи по претходна пријава дека, поради незадоволство од резултат од полагање на возачки испит, се заканувал на Д.Р.(62) од Прилеп, претседател на испитна комисија и на М.К. од Кавадарци, испитувач во испитниот центар.

Како што попладнево информираат од СВР Велес, А.К. бил приведен во полициска станица и по документирање на настанот против него ќе биде поднесена соодветна пријава.

Два големи супермаркети ќе подлежат на ригорозни контроли околу начинот на кој ги формираат цените. Премиерот Мицкоски денеска на прес конференција рече дека заедно со надлежните инспекции и министерства влегува во длабока контрола на овие два ланци.

Според Мицкоски оние кои што шпекулативно и со притисоци влијаат на формирањето на цените при тоа трупајќи големи маржи го напаѓаат стандардот на граѓаните а со тоа и државата

„Ние како Влада сме должни да го браниме стандардот на граѓаните“ – рече Премиерот.

-На 28.01.2025 во 17 часот во просториите на Клиничка болница Битола, полициски службеници од СВР Битола го лишиле од слобода М.С.(64), лекар во Хируршко одделение во Клиничка болница Битола.

Тој се сомничи дека сторил кривично дело „примање поткуп“ по член 357 од Кривичниот законик, односно дека по завршен хируршки зафат побарал и примил поткуп од лице од битолско. Кај него биле пронајдени и одземени парите, кои претходно биле обележани.

М.С. е задржан во полициска станица и по целосно документирање на случајот, против него е поднесена кривична пријава – информираат од СВР Битола.

-На 27.01.2025 во 10.40 часот во ОВР Прилеп, 61 – годишен маж од Прилеп пријавил дека бил измамен од едно лице за сума од 175.000 денари.

Според пријавеното, во периодот од средината на август 2024 година до 24.09.2024 контактирал со лицето кое го довело до заблуда дека ќе инвестира во криптовалути, при што бил наведен на неговиот мобилен телефон да инсталира мобилна апликација за која мислел дека служи за купување на криптовалути.

Како што е пријавено, преку апликацијата лицето пристапило во неговиот мобилен телефон и аплицирали за добивање на кредит од финансиско друштво, кој му бил пуштен на неговата трансакциска сметка, од каде пак лицето ги повлекло парите.

Се преземаат мерки за расчистување на случајот – информираат од СВР Битола.

Поединечни трговци и трговски ланци се однесуваат неодговорно заработувајќи преку енормни цени на производи кои ги плаќаат граѓаните. Ова меѓу другото го разбирам и како напад врз сопствената држава, граѓаните и заедничкиот интегритет. Растот на цените ја нагласува потребата за одлучна, одговорна и транспарентна акција. Како Влада, остануваме целосно посветени на борбата против неправедните трговски практики и злоупотребите кои директно влијаат на животниот стандард, порача денеска премиерот Христијан Мицкоски во објава на Фејсбук.

Тој ова го објави по средбата, која денеска ја остварил со Комисијата за заштита на конкуренцијата, министерот за економија, заменик министерот за економија и директорот на пазарната инспекција, на која, како што посочи наложил засилени контроли и итна реакција на терен.

– Во духот на солидарноста, го разбирам повикот за бојкот на маркетите, како чин на граѓански отпор против монополското однесување и општествената неодговорност на поединечни трговци. Имам јасни сознанија дека одредени субјекти на шпекулативен начин се обидуваат да генерираат огромни профити на грбот на граѓаните. Ова е неприфатливо и нема да биде толерирано!, напиша Мицкоски.

Нагласи дека сите кои учествувале на состанокот имаат јасна задача да го проверат однесувањето на трговците и да спречат какви било злоупотреби.

– Ќе инсистирам на транспарентност и ригорозни казни за сите кои ќе се утврди дека го изигруваат законот и ги злоупотребуваат граѓаните и добавувачите. Заедно ќе се спротивставиме на сите кои мислат дека ќе се богатат на наша сметка. Ќе се справиме со овој проблем и ќе направиме сè што е во наша моќ за да го заштитиме животниот стандард на сите наши граѓани! Во исто време, ќе продолжиме и со субвенционирање на најпогодените категории на граѓани за дополнително да ги минимизираме негативните ефекти од растот на цените, објави Мицкоски.

Тој ги повика сите надлежни институции, но и трговците, да се однесуваат со максимална одговорност и почит кон народот.

-Ова се времиња на чесност, фер игра и солидарност! Заедно ќе изградиме систем кој ќе биде во корист на сите, наспроти интересите на неколкумина кои сакаат да се богатат на маката на граѓаните!, се наведува во Фејсбук објавата.

По примерот на Хрватска, на социјалните медиуми се појавија повици утре граѓаните во земјава да не пазарат во маркетите поради високите цени, а деновиве оваа акција се проширува и на други балкански земји како Босна и Херцеговина, Црна Гора, Словенија. Организацијата на потрошувачите на Македонија, иако не е организатор на овие активности, ги поддржува повиците за бојкот, особено што, како што вели нејзината претседателка Мирјана Лончар, граѓаните секојдневно се соочуваат со зголемување на цените на прехранбените производи.

– Организацијата на потрошувачи го поддржува граѓанскиот повик на социјалните медиуми за бојкот на маркетите. Не сме организатори на оваа акција, но ги поддржуваме граѓаните со цел да се поттикне бизнис секторот да ги намали цените на производите, особено на прехранбените производи бидејќи тие се навистина поскапени, вели Лончар во изјава за МИА.

Одите во продавница, особено во големите супермаркети, вели Лончар, и не знаете која цена ќе ве пречека.

– Иако знаеме како се формираат цените на производите сепак постои нешто што се вика стандард на граѓаните. Се надеваме дека Владата ќе ги поддржи граѓаните и ќе се направи нешто подолгорочно. На пример пролетна кошничка која би важела три месеци наместо еден, вели Лончар.

За време на полицискиот час Државниот пазарен инспекторат во секој град има дежурни екипи кои ќе вршат проверка на маркети кои работат и дали имаат соодветни дозволи, изјави директорот на држ

Мицкоски вчера на прес-конференција во Владата одговарајќи на новинарски прашања во врска со повиците за бојкот истакна дека има лично разбирање за акцијата за бојкот на маркетите в петок поради високите цени на прехранбените производи и повтори дека институциите ја следат состојбата и реагираат кај оние трговци што генерираат висок профит. Тој вчера вети дека ќе се обрати до соодветните институции за преземање мерки по прашањето дека дел од производителите се уценувани од големите ланци маркети, кои се обидувале да го изиграат законот за нефер трговски практики и им давале договори со 10 отсто маржа, но потоа нуделе специјални договори за маржа и до 45 отсто.

ВМРО-ДПМНЕ вчера соопшти дека ја поддржува иницијативата за бојкот на маркетите и нагласи дека институциите ќе ги истражат сите злоупотреби. Додаваат дека нема никаква економска причина за зголемување на цените надвор од своеволноста на трговците, која тоа го оправдува освен голиот профит на грбот на граѓаните.

Од СДСМ, пак, оценија дека акцијата за бојкот на маркетите се прелева и кај нас бидејќи Владата не ги заштитила граѓаните од зголемувањето на цените.

Над 20 години искуство во угостителство е навистина долг период, кој со себе влече добро познавање на пулсот на чаршијата и на она што им треба на прилепчани. Ресторан “ПОРТА” од Прилеп и после две децении продолжува да им го нуди на прилепчани и на сите посители во Прилеп, НАЈДОБРОТО!

И овој викенд најбогата музичка програма, со каква никој не може да се пофали.

Во петок, 31.01. – ТАЈФАТА НА З’Ц – одличниот квартет кој добро ќе ве загрее на почетокот од викендот после работното време. (Почеток 16:00часот)

Единствено во Прилеп, денска забава во сабота – 01.02. со ГРУПА “АНТИКА” – почеток 14:00часот

Маестралните битолчани ќе бидат најава за тоа што следува вечерта, а доаѓа уште еден битолски состав кој ќе ви приреди одлична забава.

Тие се веќе “одомаќинети” во Прилеп, а нивниот репертоар е репер за одличен помин.

Резервирајте навреме, тимот на РЕСТОРАН “ПОРТА” ве’ очекува!

Драги пријатели, Виктор Николоски е 26-годишен млад човек од Прилеп, посветен сопруг и татко на прекрасно четиримесечно бебе. Животот му донесе радост со доаѓањето на неговото прво дете, но и тежок предизвик кој никој не би го посакал.

Пред една недела, веднаш по крштевањето на нашето дете Виктор дозна дека има тумор на главата, дијагноза која го промени текот на неговото секојдневие, но и на целото негово семејство. За да има шанса за живот и да остане со своето семејство, неопходна е ИТНА операција која може да се изврши во клиника во Турција.

Трошоците за операцијата, патувањето и лекувањето се огромни и не можеме да ги покриеме без ваша помош. Апелираме до сите хумани луѓе да се вклучат во оваа битка и да му дадат на Виктор шанса да продолжи да го гледа растењето на своето дете.

Секоја донација, без разлика на износот, е од огромна важност! Доколку не сте во можност да донирате, ве молиме споделете го апелот за да стигне до што повеќе луѓе.

Виктор верува дека со ваша помош и поддршка ќе ја добие оваа животна битка. Да му помогнеме да остане столбот на своето семејство и да има светла иднина!

Од денеска активен за донации е и телефонскиот број за корисниците на А1 мрежата – 143 467

Сите останати можат да донираат на линкот во продолжение:

https://pavelandreev.org/mk/campaign/pomosh-za-viktor-mlada-nadej-sto-se-bori-za-jivot?fbclid=IwY2xjawIF51lleHRuA2FlbQIxMQABHTBeZE4Jq2OIzD1vB-DzrY6PHTi7ytdWkC5P7gQJXd-z2Kfs24EcwiKhkA_aem_3Pkr2_uUpiLm7L45DzUY5A

Или на трансакциската сметка на Виктор на Халк Банка:

Веќе четврт ден во тек е акцијата за целосно гаснење на пожарот на депонијата кај Алинци, кој според првичните информации најверојатно е предизвикан од човечки фактор. Во изминатите три-четири дена, под координација на ЈКП Комуналец, со максимална ангажираност и координација, работиме на справување со оваа состојба – информираа попладнево од општина Прилеп.

-Со помош на механизацијата на нашите јавни претпријатија, како и поддршката од општествено одговорни компании, досега успеавме да посипеме со земја огромен дел од депонијата. Дополнително, цистерните со вода се постојано активни, а екипите дејствуваат деноноќно со цел целосно елиминирање на огнот иако временските услови се исклучително тешки и видливоста е намалена од маглата.

Ги повикуваме сите сограѓани на одговорност и свесност – да не дозволуваме вакви ситуации, кои што ја загрозуваат нашата животна средина и здравјето на сите нас. Само со заедничка грижа можеме да обезбедиме подобри услови за живот.

Општина Прилеп изразува голема благодарност до сите кои се вклучени во оваа акција и Ве уверуваме дека продолжуваме со максимални напори за што поскоро решавање на оваа ситуација – стои во соопштението од општината.