Aко некаде во Прилеп знаат да направат прекрасен спој на љубовта, добрата храна и виното, тоа сигурно е во “РЕСТОРАН ПОРТА”.

Kaко и секоја година и оваа, ноќта посветена на виното и љубовта најсилно ќе пулсира токму таму, во срцето на прилепската Стара чаршија, со одлична музичка понуда, беспрекорно вкусна храна, а друштво ќе ви прават и одлично избрани француски и шпански вина по промотивни цени.

Викендот стартува во петок со почеток од 20:30часот, кога настапува дуото Никола и Гоце acoustic.

Саботата е резервирана за две дружења со Аcoustico Light. За тие кои уживаат во денот, забавата започнува во 14:00 часот, а веќе вечерта со почеток од 20:30 часот, маестралните кавадарчани ви закажуваат ново дружење.

Од “РЕСТОРАН ПОРТА” уште еднаш ќе покажат дека знаат како најдобро да допрат до сите, до оние со срца заљубени, но и до оние кои традиционално ќе празнуваат со вино и лозова ракија.

Резервирајте навреме на 048 424 240. Тимот на Ресторан “ПОРТА” ве очекува! Да градиме спомени полни со љубов и уживање!

Наздравје!

Македонскиот мотокросист, битолчанецот Христиан Илиовски, со своите досегашни резултати докажа дека достоинствено ја претставува својата држава и својот град во меѓународни рамки. Неговите достигнувања, беа повод за средба со градоначалникот на општина Битола, Тони Коњановски, на која Илиовски нагласи дека како член на Мото Клубот „Пелистер“ и член на Мотоциклистичката Федерација на Македонија е Шампион на Националниот шампионат 13 години наназад, но и трикратен добитник на наградата златна кацига.

Во неговата спортска активност евидентирани се и повеќе вице шампионски и шампионски достигнувања во БМУ Европскиот шампионат, каде бил единствен Македонец кој се квалификувал на Светско првенство, носејќи ги првите поени за Македонија во 2012 година и највисок резултат трето место на Европското во 2016 година.

Оваа сезона во Европскиот БМУ Шампионат се одржаа 12 натпревари со што го освои првото место и златен медал на шампионатот.

Градоначалникот Коњановски, честитајќи ги досегашните успеси на Илиовски, рече дека локалната самоуправа, ќе продолжи да дејствува како поддржувач на успешните спортисти, на тој начин овозможувајќи нови достигнувања на нашите спортисти, но и поттикнување на спортскиот развој на младите генерации.

Како поддршка на досегашните спортски достигнувања и за успешна реализација на идните планови, согласно планираните средства во Буџетот на општината, Комисијата за спорт, одобри финансиска поддршка од 150.000 денари за Мото клубот „Пелистер“, со цел Христиан Илиовски и натаму да продолжи да биде силен македонски претставник на Балкански и Европски натпревари.

На денешната седница на Влада се донесе одлука за РЕКОНСТРУКЦИЈА и изградба НОВО КРИЛО на болницата ,,Св. Еразмо ” – Костозголбна во Охрид.
Со денешната одлука предвидени се 2 милиони евра за оваа намена и со ова исполнуваме уште едно ветување – информираше на социјалните мрежи вицепремиерот и министер за транспорт и врски, Александар Николоски.

-Св.Еразмо – специјална болница за ортопедија и траумотологија е од огромно значење за жителите на општините Охрид, Струга, Вевчани, Дебар, Ресен, а се вршат и посложени медицински операции за жителите од цела Македонија. Продолжуваме посветено во сите сегменти и продолжуваме со уште поголеми проекти – напиша Николоски.

На 13 февруари 2025/четврток/ од 19.00 часот во фоајето од ЦК„Марко Цепенков“ ќе се одржи промотивниот настан „Од пештерското сликарство до билборди – сите гласови на човечкото тело“. Модератор на настанот ќе биде Александар Еленин, а истиот ќе биде збогатен и со други гости од повеќе хуманистички области кои ќе бидат инспирација и мотивација за плодна дискусија. Промотивна насловна фотографија: Civette Production.

„Човечкото телото како физиолошки феномен од најстари времиња било објект на цивилизациското креативно изразување во сите форми на уметничка манифестација, а најмногу и најизразено во пластичните уметности како вајарството и сликарството, но и перформативните уметности како театарот и танцот. Транспонираните визуелизации на човечкото тело во разни форми отсекогаш не импресионирале, инспирирале и поттикнувале за проникнувачко разбирање и анализа на нашето физичко постоење, а преку тоа и обид за некаков вид на разбирање на смислата на човечкиот живот и бивствувањето. Едновремено, антропоморфните уметнички дела, кои во минатото имале подлабоко значење во тогашен контест од она естетското и облагородувачкото, тежнеејќи кон едно сеопфатно толкување и разбирање на светот преку антропоморфните изразни манифестации, а кои денес ние ги откриваме и осознаваме преку арехологијата и антропологијата како научно-истражувачки дисциплини, се ехо на гласовите од сите минати цивилизации кои ги поставиле постулатите за ние денес да бидеме тоа што сме (или треба да сме) – напредна цивилизациска форма на постоење на човештвото.

Во таа насока, археологот и музичар Гоце Наумов, со својот труд насловен „Телесност и отелотворување – Иконографии на човечкото тело“ прави солиден обид за толковно перципирање на телесноста во минатото преку археолошките артефакти, притоа и проширувајќи го тоа значење и манифестација на телесноста во другите уметнички и хуманистички дисциплини. Со неговата студиозна анализа на човечкото тело преку археолошките артефакти во општествен контекст, Наумов трасира и нуди можност за една подлабока семиотичко толкување на антропоморфната иконографија. Поради овие факти, неговото промотивно предавање во рамки на културниот циклус настани „Процеп во процес“ кое го трасираше Центарот за култура „Марко Цепенков“, ќе биде убава и инспиративна можност да ни биде приближена една друга димензија на нашата автореференцијална телесна перцепција која ние денес рутински си ја правиме со гледање во огледало.

Дејвид Џонс е првиот британски новинар кој го посетил, како што вели, од Бога заборавениот мега-затвор во Ел Салвадор. Според него, предметниот затвор има капацитет да собере околу 40.000 затвореници, од кои најлошите, убијци и опасни криминалци.

Како што вели Џонс, низ затворот можете да видите илјадници затвореници со избричени и тетовирани глави, од кои вдлабнати, шупливи и темни очи на затворениците ѕиркаат и гледаат директно во вас – набљудувачот.

Тоа се мажи кои извршиле злосторства што е речиси невозможно да се замисли.

Членовите на двете најопасни ривалски банди што светот ги знаел во Ел Салвадор – MS-13 и Barro 18 – силувале, мачеле, убивале, осакатувале луѓе, сечеле тела на парчиња и фрлале делови од тела низ улиците на Ел Салвадор.

Еден од најголемите затвори во светот, со капацитет од 40.000 места (еднакво на речиси половина од сегашната затворска популација во ОК) е изграден пред две години во услови на масовно уништување на бандите кои го уништуваат ткивото на салвадорското општество.

„Sport Life“ обложувалници, потпишаa договор за стипендирање на тројца врвни македонски спортисти, учесници на последните Олимписки игри во Париз (2024). Маратонецот Дарио Ивановски, тaеквондистката Милјана Релјиќ и пливачот Никола Ѓуретановиќ, се тројцата млади спортисти кои ќе добијат по едногодишна стипендија од „Sport Life“, во вредност од 3000 евра, коишто ќе се исплаќаат во месечни рати од по 15000 денари.

– Согласно мисијата на обложувалниците „Sport Life“ и како општествено одговорна компанија, преку чинот на стипендирање, сакавме да го наградиме успехот на нашите млади и талентирани спортисти, и да им помогнеме во овогодинешните предизвици со кои се соочуваат на спортски и професионален план. Се надеваме и посакуваме нашата заедничка соработка да придонесе за уште подобри спортски резултати и секако за нивен настап на следните Олимписки игри во 2028 година во Лос Анџелес. – изјави Петар Поцков, маркетинг директор на компанијата „Sport Life“.

Тренерот на маратонецот и олимпиец Дарио Ивановски, Игор Јакимовски, во однос на стипендијата, изјави дека поддршката на врвните спортисти е клучна алка за развојот, напредокот и континуитетот на самиот спортист.

– Денес во Македонија е навистина тешко да се опстане на врвно ниво во услови кога се работи за индивидуален спортист, но вербата секогаш се враќа токму во моментите кога општествено одговорни компании ќе го препознаат квалитетот, талентот и жртвата на спортистот за врвните достигнувања со своја конкретна поддршка. Таа за мене и за Дарио е од круцијален значај и наш неопходен ветер во грб за да продолжиме со остварување на следните зацртани цели. Веќе на 23 февруари е нашиот прв голем предизвик за оваа сезона, а тоа е „Севиља маратон“ на кој Дарио ќе се обиде да постигне уште еден врвен маратонски резултат во професионалната кариера. – истакна тренерот Јакимовски.

Во друштво на добитниците на стипендиите е и олимписката спортистка Милјана Релиќ. Таа тренира и освојува медали во боречката вештина таеквондо, под надзор на тренерот Александар Ефтимов од ТК „Тигри“ од Скопје. Тие истакнуваат дека им следуваат бројни натпревари за кои напорно тренираат и за кои поддршката на „Sport Life“ е добредојдена и значајна, особено пред Светското првенство во октомври месец во Кина, и за натпреварите каде ќе се обезбедува норма за Гранд При натпреварите од следната година, а тоа се натпреварите во јуни во Шарлот, САД, во август во Кореа, и во ноември во Тајланд.

– Меѓу овие натпревари претстојат и натпревари за собирање на поени за светската и олимписката ранг-листа. Веќе викендов имаме учество на силниот Туркиш Г2 Опен, каде ќе учествуваат бројни светски, европски и олимписки медалисти. Потоа следат натпреварите во Словенија, Бугарија, Холандија, а на 30 март е Скопје Г-1 Рамус Опен, итн. Напорно тренираме и очекуваме тоа да го потврдиме со медали на овие турнири, истакнува тренерот Ефтимов.

Својата благодарност ја искажаа и нашиот пливач и олимпиец, Никола Ѓуретановиќ и Горан Стаменов, главен Тренер на ПК „Вардар 2018“.
– Навистина сум благодарен за оваа стипендија од „Sport Life“, која ми дава мотив да продолжам напорно да работам и да ги поместувам границите. Оваа поддршка е признание за моите достигнувања и ќе ми помогне во подготовките за големите натпреварувања. Се надевам дека со моите успеси ќе инспирирам уште многу млади пливачи да веруваат во себе и да ги следат своите соништа, изјави Никола Ѓуретановиќ, нашиот рекордер во пливање.

– Оваа стипендија од „Sport Life“ не е само финансиска поддршка, туку и силен мотив за Никола и за сите талентирани млади пливачи кои сонуваат за големи спортски успеси. За Никола, ова значи уште повеќе вложување во тренинзи, подготовки и настапи на меѓународната сцена, каде што веќе докажува дека е меѓу најдобрите. Ќе продолжиме да го градиме патот кон нови рекорди, поголеми натпреварувања и репрезентативни настапи за Македонија. Од името на ПК „Вардар 2018“, од Никола и неговото семејство, упатуваме огромна благодарност за искажаната доверба, која покажува дека трудот, дисциплината и посветеноста се вреднуваат, истакна Стаменов.

За спортистите добитници на стипендиите:

Маратонецот Дарио Ивановски, е првиот атлетичар кој остварил норма за Олимписки игри. Тој има истрчано бројни атлетски патеки и дистанци во кариерата, а дебито на маратонските патеки го имаше на Скопскиот маратон во 2020, на кој следната година и победи. Во последните години неколкупати го подобруваше државниот рекорд во маратон, што во моментов изнесува два часа, осум минути и 26 секунди. Тој е првиот македонски олимпиец кој завршил една маратонска трка.

Таеквондистката Милјана Релиќ, беше знаменосецот на нашите олимпијци на минатогодишните летни Олимписки игри во Париз, каде и ја победи двојната олимписка и светска шампионка од Велика Британија Џејд Џонс. Таа има освоено бронзен медал на Европското првенство во теквондо У-21 во Букурешт 2024 година, како и бројни медали од најсилните Г класа турнири, во Турција, Израел, Естонија, Хрватска, Босна, Србија, Црна Гора, Албанија, Бугарија, Романија итн. Прогласена е за наша најдобра спортистка за 2024 г. од Министерството за спорт, МОК и од бројни организации.

Пливачот Никола Ѓуретановиќ од ПК „Вардар 2018“, е државен рекордер во пливање на 400 m, 800 m и 1500 m слободно, златен медалист на Државното првенство на Македонија во дисциплините 200 m и 400 m слободно, 100 m и 200 m грбно, 100 m и 200 m градно и 200 m и 400 m мешано. Од поновите успеси, ги

вбројуваме: финалист на Меѓународниот пливачки натпревар „Свети Никола” – Ниш, на 400 m и на 1500 m и личните рекорди и норми за учество на Купот на мултинации (Кипар), на Европското јуниорско првенство (Словачка) и на Светското јуниорско првенство (Романија).

Вака утрото изгледаше „Жена парк – Борец“ во центарот на Скопје – скршени и откорнати клупи, расфрлан отпад…

Повторно излив на грд и нископриземен вандализам во главниот град. Фотографиите деновиве ги споделуваат по социјалните мрежи граѓани на Скопје со повик конечно да се преземе нешто за зачувување на општите добра. Граѓните бараат итни мерки од Општина Центар.

Лука Дончиќ заврши со 14 поени, 5 скока и 4 асистенции, а Леброн Џејмс додаде 24 поени, 7 скока и 8 асистенции во победата на Лос Анџелес Лејкерс над Јута Џез со 132-113 во дебито на словенечката ѕвезда за тимот. Дончиќ одигра 24 минути.

Остин Ривс постигна 22 и забележа 9 скока, а Руи Хачимура додаде 21 поен за Лејкерси, кои ја забележаа шестата последователна победа.

Џордан Гудвин постигна 17 на својот втор натпревар за Лејкерс.

Лаури Марканен и Џон Колинс постигнаа по 17 поени, а Џордан Кларксон додаде 16 за Јута, која сега запиша деветти пораз по ред на гостувањата.

Уште малку време останува до 28.02.2025, а со тоа и малку време за да учествувате во вредната наградна игра на АВТО КОНТРОЛ.

По првиот доделен скутер, следува уште еден и бројни други награди и ваучери. За тие кои подзаборавиле, да ве потсетиме што треба да направите за да учествувате во извлекувањето на 01.03.2025.

-Во времетраењето на наградната игра извршиле технички преглед при регистрација на возило во нашата станица за технички преглед;

-Добиле 2 (два) идентични наградни купона кои содржат единствен сериски број внесен во дневникот за евиденција на техничките прегледи при регистрација на возила на шалтерите во нашиот технички преглед;

-Едниот од наградните купони го оставиле во кутијата за собирање на наградни купони, која ќе биде поставена на видно место во нашата влезна просторија со шалтери за клиенти за време на траењето на наградната игра;

– Вториот награден купон го чувале кај себе како доказ за учество во наградната игра. Во случај на извекување, вториот примерок од наградниот купон ќе треба да биде презентиран од страна на добитникот на наградата. ИЗВЕЛЕКУВАЊЕ НА НАГРАДАТА Извлекувањето на добитникот на наградата ќе се изврши во вторник на 01.03.2025 година.

Времето на извлекување ќе биде дополнително објавено на FACEBOOK страната на компанијата: https://www.facebook.com/AvtoKontrolPrilep