Компанијата “Комфи Ангел” која важи за гигант во Прилеп, донираше противпожарни црева за потребите на Територијалната противпожарна единица.

Од ТППЕ Прилеп упатија благодарност до компанијата за покажаната општествена одговорност.

-Голема благодарност од ТППЕ – Прилеп до општествено одговорната компанија КОМФИ-АНГЕЛ ДОО, Прилеп за донацијата на професионални противпожарни црева – напишаа од ТППЕ Прилеп.

Развој на економијата, економски раст, создавање на нови работни места и вработување, пред се на младите луѓе, претставува главната интенција на Министерството за економија и труд, истакна при денешната работна посета на Битола, заменик министерот за економија и труд, Марјан Ристески. Токму во оваа насока, ориентирани се и повеќе проекти кои веќе се реализираат, но и идните програми кои е планирано да бидат спроведени од страна на ресорното министерство.

„Од она што можеме да го видиме, Битола, навистина овие 3 години доживеа еден економски развој, еден пораст и тој продолжува со голем број капитални проекти. Министерството за економија и труд во соработка со Агенцијата за вработување на Република Македонија, веќе реализира повеќе проекти, а денеска посетивме дел од проектите, кои се реализирани од оперативната програма на АВРМ од претходната година, пари кои беа обезбедени од Агенцијата за вработување и помош од УНДП, во поглед на „Зелената економија“ и „Зелената агенда“. Преку вакви проекти се обидуваме да стимулираме отворање на нови бизниси, самовработување, помош на мали и средни бизниси, пред се во активности кои се поврзани со проекти за заштита на животната средина и развој на нови технологии на производство“, истакна заменик министерот за економија и труд, Марјан Ристески, повикувајќи ги стопанствениците и граѓаните, да ги следат и да аплицираат на новите програми на Министерството и Агенцијата, кои ќе бидат активни кон крајот на овој месец и почетокот на идниот.

За економското придвижување во регионот потврдуваат и податоците на Регионалната стопанска комора.

„Ние сме регион со 5000 – 6000 правни субјекти, добро е што некои од микро преминаа во мали и средни компании. Значи дека, порастот кој го имаме оваа година од 3% и зголемен износ од 5%, зборува дека овој регион е потенција за развој на економијата во Македонија. Јас стално зборувам дека ова е локомотивата која што може да повлечи, посебно дека овој регион има добри ресурси, посебно за прехранбени производи за извоз и токму тука е заменик министерот за поддршка во стимулација посебно на мали и средни претпријатија и за поголем и конкурентен економски раст“, изјави Мирко Велковски, претседател на Регионалната стопанска комора, нагласувајќи дека заложбите на Владата мора да бидат насочени и кон задржување и враќање на младите и создавање на стручни кадри, преку квалитетно образование и практикантство.

Градоначалникот на општина Битола, Тони Коњановски, нагласи дека политиките на локалната самоуправа и поддршката од Владата, се особено важни во подобрувањето на сите услови за економски развој, вклучувајќи ја и добрата инфраструктура, како еден од најважните услови за напредок. Коњановски потсети дека, локалната самоуправа со поддршка преку претходниот повик на Владата, обезбеди поддршка на 13 проекти од патна и подземна инфраструктура, 3 проекти за спортски објекти и 1 проект за објект со намена образование. Градоначалникот нагласи дека и за новиот повик на Владата, Општина Битола е веќе подготвена:

„Со 32 нови проекти, го очекуваме новиот повик на Владата. Подготвени сме да аплицираме, со вкупна сума на сите проекти околу 707 000 000 денари, максималниот износ кој би ни следувал како општина, а проектите се во висина од 830 милиони денари и истите планираме да ги дофинансираме. Тоа е од огромно значење за локалната економија и развојот на градот. Станува збор за значајни инфраструктурни проекти, а паралелно имаме сработено и друга проектна документација, за многу нови проекти, што секако е во контекст на создавањето услови за економски развој на градот“, изјави градоначалникот на општина Битола, на денешниот состанок со стопанствениците.

Во црквата Св. Благовештние денеска се одржа Света Архиерејска Литургија каде што беше одбележан празникот Светите Три Светители (Јован Златоуст, Василиј Велики и Григориј Богослов), познат уште како „Денот на Бакалите“.

Со литургијата чиноначалствуваше митрополитот г. Петар, во сослужение на епископите Климент и Никола и протоереи ставрофорите Никола Грамбозов, Влатко Ристески и Илчо Смилески.

Бакалите, односно трговците и дуќанџиите од Прилеп велат дека овој ден се празнува уште од 1954 година и претставува традиција на прилепскиот еснаф која што верно ја одржуваат низ годините.

После црковната литургија бакалите се збираат на заедничка трпеза и со дружба го одбележувааат својот патрон празник.

За многу години!

Николоски додаде дека минантата година, вкупно милион и сто илјади евра преку министерството за транспорт беа префрлени на наменска сметка на општина Кавадарци и се реализираат веќе 5 проекти и сме во напредна фаза.

-За оваа година повикот беше отворен и очекувам во следниот период очекувам да дојдат апликациите, а она што можам да го најавам дека на следната седница на владата очекувам околу еден милион евра да поминат за донација, за водоводни мрежи кои што трреба да бидат извадени во село Строгово и село Сопот кои што исто така ќе помогнат за подобрување за животот на граѓаните и уште една работа ни е во тек за месец јануари, бевме во близина на Кавадарци и пуштивме дел од она што треба да е експресен пат од Градско до Прилеп, односно ја пуштивме делницата од Градско до Дреново, можам да кажам интензивно се работи на делницата Дреново-Фариш на заштита на косини, на заштита на одредени безбедносни проблеми кои што ги имаше и за многу скоро ќе можеме да видиме отварање и таму, истакна Николоски.

Во петок (14.02.) со почеток од 18.00 часот, во фоајето на Центарот за култура „Марко Цепенков“ ќе се одржи поетскиот настан „Љубов и вино“ кој Клубот на литературни творци-Прилеп традиционално го организира во соработка со Центарот.

Со поезија за виното и љубовта, а по повод празниците „Св. Трифун“ и „Св. Валентајн“ членовите на Клубот на литературни творци ќе приредат пријатна поетска средба пред прилепската публика.

Ќе настапат: Петар Петрески, Марија Ѓорѓиоска, Блага Тутеска, Тони Павлески, Андриана Ристеска, Филип Димкоски, Лина Димоска, Миленко Тодески, Блажо Стојаноски, Елена Јандреовски, Билјана Павлеска, Илина Тодороска, Весна Шереметкоска, Марија Мантова, Дана Тембелеска, Божана Тренческа, Петре Кироваков, Фаница Корошевска, Наде Велјанова, Јасмина Колеска Кузманоска, Верче Искова, Снежана Паноска, Тамара Насевска, Виолета Ристевска и Ацо Тришоски.

Музички гости во програмата ќе ја бидат учениците од OOMМУ „Ордан Михајлоски-Оцка“.

Денеска, заедно со Anna Chernyshova, заменик постојан претставник на UNDP MK во Македонија посетивме повеќе успешни бизниси во Битола, корисници на мерката „Поддршка за создавање нови работни места преку зелени инвестиции“ – напиша на социјалните мрежи заменик министерот за труд и економија, Марјан Ристески.

-Компанијата Млекара Велковски – Vemilk е исклучително успешна компанија, регионален пионер во млечната индустрија и производство на млечни производи. Млекара Велковски се корисници на зелената мерка од 2023 година, каде го користат грантот за набавка и инсталирање на соларни панели како дел од системот за топла вода и реализираат дополнителни вработувања.

Поддршката продолжува, Министерството за економија и труд и Оперативниот план за активните програми и мерки за вработување и услуги на пазарот на трудот за 2025 година предвидуваат многу средства за програмите за самовработување и поддршка за отворање на сопствени компании – стои во објавата на Ристески.

Информацијата која неодамна ја објави новинарот Зоран Момироски, е потврдена и од Основниот суд Прилеп.

На судскиот портал на Република Македонија, истио ден кога Момироски ја објави информацијата е објавено дека сите закажани расправи за кривични предмети се одлагаат за неодредена дата.

Ваквата информација треба да биде аларм за судските власти час поскоро да го решат проблемот со недостаток на судии во Прилеп.
Според Момироски

-ЕДИНСТВЕНИОТ СУДИЈА КОЈ СУДЕШЕ КРИВИЧНИ ПРЕДМЕТИ, А БЕШЕ НА ДВЕГОДИШНА ИСПОМОШ И ДОАЃАШЕ ОД РЕСЕН МУ ЗАВРШИ ОВЛАСТУВАЊЕТО ЗА ИСПОМОШ, А СО ТОА И СУДЕЊЕТО ВО ПРИЛЕП. НОВО КАДРОВСКО СУДСКО РЕШЕНИЕ ЗА ИСПОМОШ И ПРОДОЛЖУВАЊЕ НА СУДСКИТЕ ПРОЦЕСИ ВО СУДОТ ВО ПРИЛЕП РЕАЛНО МОЖЕ ДА СЕ ОЧЕКУВА ЗА ДВА МЕСЕЦИ. КОЈ ГО ОСТАВИ СУДОТ БЕЗ ДОВОЛЕН БРОЈ НА СУДИИ? ВО ТОЈ КОНТЕКСТ ПРИЛЕП ДА НЕМА СВОЈ СУДИЈА КРИВИЧАР, А ОКОЛУ 90 АДВОКАТИ. КАКО Е МОЖНО ВО УСЛОВИ НА НАЈАВЕНА БЕЗКОМПРОМИСНА БИТКА ЗА КРИМИНАЛОТ ВО ДРЖАВАВА, ВО СУДОВИТЕ ДА НЕМА ДОВОЛНО НИТУ СУДИИ НИТУ ПАК ОБВИНИТЕЛИ?!? – напиша Момироски во неговата најнова колумна.

Основиот суд во Прилеп е првостепен суд со проширена надлежност и е основан за подрачјето на општините: Прилеп, Долнени и Кривогаштани.

Алка без која не може да се замисли современото живеење. Нераздвоив дел од денешниот глобален свет без кој работењето и комуникациите ќе бидат речиси невозможни. Тоа е во денешно време АНГЛИСКИОТ ЈАЗИК, и токму затоа е толку потребен за развој на секоја индивидуа од најмали нозе, а со цел трасирање на патот кон успешна кариера и напредок. Но како да се избере вистинското училиште за изучување на јазикот и да се направи вистинскиот избор за усовршување и совладување на јазичните бариери? Во шаренилото на понуди секогаш изберете професор чиј “бекраунд” говори сам по себе. Со четврт век работно искуство зад себе како професор по Англиски јазик, магистер, доктор, со еден куп зад себе награди, признанија, мал милион успешно завршени обуки и усовршувања, Д-р Марија Дулеска е “доктор” во секоја смисла за англиски јазик во градот под Марковите Кули.

Долгогодишното успешно работно искуство во образовниот процес, може да се каже дека го “круниса” во 2019 година, од кога постои и реномираното училиште “Англиски кај Марија”.

Со ОМИЛЕНАТА TEACHER како што ја викаат учениците, разговараме за почетоците на училиштето “Англиски кај Марија”, како се одвива наставата, како и за некои успешни стории на ученици, кои денеска се репрезенти во своите професии насекаде низ светот.

Колку време постои “АНГЛИСКИ КАЈ МАРИЈА” и која е приказната позади формирањето на истото?

– “Англиски кај Марија” е формирано и основано на 1. јули 2019 година во спомен на мојата мајка Дора… месец, два по нејзината смрт, затоа што таа беше инициајтор и главниот визионер, и покрај сите притисоци да не ме запише во тогашниот и единствен пинерски дом “Мирче Ацев” Прилеп, сепак во мое трето одделение успеа да ме запише. По нејзините тогашни раскажувања, која во 70-тите години има живеено во Торонто, Канада, сметаше дека ќе ми биде потребен Англискиот јазик, и со тоа ми го тасира патот за денеска да станам доцент доктор по Англиски јазик. Второто име на “Англиски кај Марија” е Дора. Како се нижат годините на нејзиниот спомен – така се множат годините на постоење и раст на “Англиски кај Марија”. Училиштето во моментов има 5.671 фанови досега, а објавите достигнуваат и до 30.000 прегледи на социјалните мрежи. Ние сме во постојан раст што посебно ми значи. Секоја година на 1. јули славиме роденден.

Постои ли возрасна граница на ученици кои можат да посетуваат настава и колку пати неделно се одвиваат часовите?

– Настава посетуваат најмалите од 5 години, но и возрасните, кои исто така активно и континуирано посетуваат курсна настава и часови во “Англиски кај Марија”. Се доаѓа слободно по своја желба и нормално со мотивација за тековно и вистинско исполнување на сите обврски. Секој започнува од соодветно ниво, соглалсно возраста кај помладите, а за возрасните утврдуваме ниво од А1 до Ц2, за да знаеме каде ни е стартната позција. Секоја возраст носи свои специфики, зависно од вештините кои треба тековно да се развиваат, а сите се меѓусебно поврзани. Посебно се работи и со учениците од средно образование, 4-та година, за полагање на државна матура, како и со студенти. Имам студенти од Економски факултет во Прилеп и Технички Факултет Битола, како и еден постдипломец.

-Часовите се еднаш неделно, четири до пет пати месечно, но е индивидуална работа, како во старо време – еден ученик и еден професор, и тука ми е потешко, затоа што на секој еден му обрнувам посебно внимание и го оформувам. Индивидуализираната работа е многу тешка, плус се работи за комбинирани групи, со цел исполнетост на термините. Од друга страна пак ефектите се многу моќни и продуктивни. Со индивидуализираниот пристап секој има можност да постигнува повисоки нивоа над својата календарска возраст. Имам ученици кои се и по две постигнати нивоа над својата календарска возраст. За секој знам до каде е, кои му се послаби страни, што треба да подобри и кои му се силните страни. Нема успех без напорна и посветена работа.

Дали учениците се стекнуваат со некаков СЕРТИФИКАТ и каков?

– Да, се стекнуваат со валиден сертификат за своето ниво. Сертификатите најмногу им се потребни на возрасните, поради тоа што аплицираат за најразлични позиции во сверите на општественото живеење. Најчесто за свое професионално усовршување, или добивање унапредување на работно место. Серфтикатот е безвреден ако не е заслужен, или подарен, а да нема никакво или слабо знаење, што кај мене не смее да се случи. Одговорно стојам зад својата работа за нејзиниот квалитет и значење.

По која програма работите во вашето училиште?

– Со возрасните работам со Hamilton House Akademska kniga – Hamilton House publishers – English Download, чии налсови посебно ги препорачувам, а постојано сум во сите современи текови и се што е повразно со Англискиот јазик и многу повеќе. Имам прекрасна соработка со City и Dream team Maxi и нормално со Hamilton House Akademska kniga- Hamilton House publishers , Младинскиот совет во Прилеп.

По што се разликува вашето училиште од останатите?

“Англиски кај Mарија” е комплетно реновирано по најновио стандарди и е официјано реотворено на 8 Сeптември 2024 год., на Денот на неазвиснота на Република Македонија, а што ми е особено драго, и на 19-тиот роденден на мојот син Стефан. Располага со најсоверемни услови за учење, пријатна атмосфера за работа и топлина. Заедно со тоа оди напорно, но достижно темпо за работа. Работам индивидуализирано. Можам да работам по групи, што би ми било полесно, но не. Бирам потежок пат заради квалитет и секој со свој индивидуален раст и развој. Можат да седат шестмина во исто време, јас ќе работам со сите шест различен материјал во исто време, и секој е на различна позиција, и секој постепено напредува. Водам напред!

Издвојте дел од вашите лични достигнувања

– 24 годишно работно искуство како професор по Англиски јазик од 2001 год
– Магистратура просек 10.00
– Докторат просек 9.40
– 9 години како доста успешен раководител на ООУ “Блаже Kонески” – Прилеп во периодот од 2008-2017 год.
– Овластен судски преведувач од англиски јазик на македонаки и обратно
– Локален координатор за ЕЛТАМ натпревари по Англиски јазик од 2010 год. за 5 општини
– Ментор за помлади наставници по Англиски јазик, преку Македонската менторска мрежа за наставници по Англиски јазик
– Избран во звање доцент доктор по Англиски јазик на Славјанскиот универзитет “Гаврило Романович Державин” – Битола

Издвојте некој убав пример од ученик кој постигнал нешто поголемо на професионален план, а посетувал настава кај вас

-Поголем дел од моите ученици живеат и работат во светските метрополи, активно користејќи го англискиот јазик или се успешни менаџери. Ги има многу. Пример првата ученичка Стефани Ржаникоска живее и работи во Лонодон. Бојан Димески живее и работи и води успешна компанија во Германија. Филип Ѓорѓиоски е магистер инжинер архитект кој работи во Прилеп. Владимир Митрески е пулмолог во Скопје. На страната на “Англиски кај Марија” ги имав постирано сите со слика и опис на успешни личности, а мои ученици што со гордост секогаш ги истакнувам. На страната ги има во обајвите сите еден до еден.

Koи се вашите планови за иднина?

– Животниот сон ми е да работам како професор доктор на факултет или во научен иснтитут, и по години да се пензионирам. Не сакам да завршам во основно образование, затоа што не ми ги храни клетките во мозокот. Ми треба предизвик согласно на мојот постигнат степен на образование, за да се чувствувам покорисна и поисполнета, како и општетствено уште покорисна. На мојот ум му е потребен соодветен интелектуален предизвик.

“I don’t wanna miss a thing”.

Премиерот Христијан Мицкоски денеска ќе биде во посета на општина Кавадарци, каде ќе го пушти во употреба реконструираниот пат од село Дабниште до село Ресава.

Како што соопшти владината прес-служба, Мицкоски ќе го посети селото Дабниште, каде се врши реконструкција на фекална канализација, потоа ќе направи увид во реконструкцијата на пристапниот пат од село Ресава до викенд населбата Косовец покрај Тиквешкото езеро и ќе ја пушти во употреба спортската сала во село Возарци.

СВР Битола поднесе кривична пријава против Т.В. од Прилеп поради постоење основи на сомнение за сторено кривично дело „напад врз службено лице при вршење работи на безбедноста“.

На 08/09.02.2025 пред ноќен клуб во Прилеп, пријавениот физички нападнал полициски службеник кој извршувал службени дејствија.