Јавното претпријатие “Стрежево” – Битола склучи Договор со Владата односно со Министерството за земјоделство, шумарство и водостопанство за користење на рибите и другите водни организми за риболовно подрачје “Стрежево” за период од 12 години.

За разлика од претходно, се зголемува времетраењето од шест на дванаесет години и се однесува не само на рекреативната зона “Акумулација Стрежево”, туку и на целото сливно подрачје од грчка граница до заштитната зона на самата акумулација.

Според Новата риболовна основа има промени во однос на порибителниот материјал, како и количините и видовите со кои ќе се порибува.

Со оглед на тоа дека сега е на дванаесет години се овозможува стабилно планирање на активности, долгорочно инвестициско одржување и поадекватна реализација на преземените права и обврски по Договорот.

Концесијата е особено значајна заради:
-Правилно управување, користење и заштита на водите и рибниот фонд;
-заштита на биoлошката разновидност (биодиверзитетот);
-поттикнување и развој на рекреативниот и спортски риболов; и
-заштитата на животната средина.

-Во оваа прилика ги покануваме сите заинтересирани граѓани за рекреативен риболов од понеделник да си извадат дозволи за риболов во Управната зграда на “Стрежево”, а новост е што како нов член на Македонската риболовна федерација може преку нас да извадат државни дозволи и легитимации за риболов – стои во соопштението од ова Јавно претпријатие.

На 28.05.2025 во 13.20 часот во Битола полициски службеници од СВР Битола го лишиле од слобода В.И.(24) од с.Белче, Демир Хисар, со престој во Битола.

При извршен претрес во неговиот дом во Битола, по добиена судска наредба, биле пронајдени 13 паковки со кокаин, 143 таблети екстази, марихуана, дробилки и предмети со траги од растителна и прашкаста материја.

Во домот затекнати биле и М.П.(24) од Битола и М.А.(34) од Битола, кои исто така се лишени од слобода.

По документирање на случајот, ќе биде поднесена соодветна пријава.

Управата за финансиска полиција до Основното јавно обвинителство Прилеп поднесе кривична пријава против И. М. во својство на службено лице при ЈЗУ Општа болница со проширена надлежност „Борка Талески“ Прилеп поради постоење на основано сомнение дека го сторил кривичното дело ПРОНЕВЕРА ВО СЛУЖБАТА од член 354 ст.2 в.в ст.1 в.в. член 45 од КЗ на РСМ и против С.Ч. во својство на службено лице при ЈЗУ Општа болница со проширена надлежност „Борка Талески“ Прилеп, поради постоење на основано сомнение дека го сторил кривичното дело ПРОНЕВЕРА ВО СЛУЖБАТА од член 354 ст.1 в.в член 45 од КЗ на РСМ .

Првопријавениот, во периодот од 01.08.2024 до 30.04.2025 година и второпријавениот, во периодот од 01.08.2024 до 30.04.2025 година, во својство на службени лица при ЈЗУ Општа болница со проширена надлежност „Борка Талески“ Прилеп со цел да прибават за себе противправна имотна корист, во повеќе наврати присвоиле парични средства од благајната, наплатени од пациентите по основ на партиципација и приватни здравствени услуги, за 2024 година износ од 1.508.452 денари, за 2025 година износ од 760.865 денари, односно, во вкупен износ од 2.269.317 денари, од кои првопријавениот противправно присвоил износ од 1.991.240 денари, а второпријавениот противправно присвоил износ од 278.077 денари, со што пријавените го оштетиле Буџетот на ЈЗУ Општа болница со проширена надлежност „Борка Талески“ за истиот износ и го сториле кривичното дело ПРОНЕВЕРА ВО СЛУЖБАТА од член 354 ст.3 в.в член 45 од КЗ на РСМ, информираат од Финансиската полиција.

По насоки на Основно јавно обвинителство Прилеп во текот на утринските часови од страна на службени лица на Управата за финансиска полиција едно од лицата е обезбедено и е изведено пред јавен обвинител за понатамошно постапување.

Владеачката партија вчера на прес конференција објави имиња за кандидати за градоначалници во 26 општини, за Прилеп засега не е познато кој ќе се најде на избирачкото ливче.

ВМРО-ДПМНЕ преку своите претседателства на месните комитети ги сумира резултатите и неофицијално преку војлата на членството, како кандидат доминирал актуелниот заменик министер за економија и труд, Марјан Ристески.

Откако оваа информација проструи во јавноста, социјалните мрежи беа преплавени од коментари со поддршка за Ристески.

“Не само најдобар градоначалник кој го имал Прилеп, туку беше и е најдобар градоначалник кој го имала Македонија од осамостојувањето, напред Марјан, цел Прилеп ќе гласа за тебе”, вели во коментар еден граѓанин.

“Ако сакате да му се врати сјајот на градот и да се обнови разурнатото и уништеното и да се изгради ново, само тој”

“Само Марјан и не треба воопшто да размислувате за друг кандидат, а докторите да ги оставите да си ја работат хуманата работа за која учеле и дале заклетва, затоа што ем немаме доктори, ем не ги бива за градоначалници, докажано во досегашните нивни избори, размислете малку, за таа функција треба да имаш менаџерски способности”

“ПРАВ ЧОВЕК НА ПРАВО МЕСТО, БОРЕЦ ЗА УНАПРЕДУВАЊЕ НА НАШИОТ ГРАД, ЌЕ ПОБЕДИ УБЕДЛИВО УШТЕ ВО ПРВИОТ КРУГ”

“Откако дојде Марјан за градоначалник на Прилеп градот заличи за град. Тој е вистински човек за градоначалник”

“КОЛКУ ТОЈ ШО ГО ИМА СРЕДЕНО ПРИЛЕП СИТЕ ЗАЕДНО 3% НАМААТ СРАБОТЕНО”

“Марјан Ристески потребен си му на градот за да го вратиш повторно стариот сјај на градот, чист град, средени паркови, обнова на канализационата мрежа, организирање на безброј манифестации, културно уметнички проекти, а секако и на “Пиво фест” по кој Прилеп стана препознатлив на Балканот”

“Марјан Ристески тоа што го среди, уреди и направи за Прилеп, другите градоначалници не можат да го одржуваат, НЕ па да направат! После Марјан сите други се лага”.

Oва се само мал дел од коментарите на граѓаните, кои бараат токму Ристески да биде кандидат на владеачката партија на престојните локални избори.

Православните христијани денес го слават Вознесението Господово или Спасовден. Овој празник се паѓа 40 дена по воскресението Христово. Спасовден секогаш се паѓа во четврток во шестата недела по Велигден и е еден од десетте празници посветени на Христа.

Четириесет дена по Воскресението, Спасителот го остварува она што го вети од почетокот. Се врати при Својот Отец за да Го испрати при учениците Духот на Вистината. Оттогаш Христос седи од десната страна на Отецот.

Според христијанското верување, со воскресението Господ покажал дека е посилен од смртта и 40 дена од воскресението неговите ученици се нашле зад трпезата. Тој ден Христос повторно им се јавил и им рекол:

„Одете по светот и проповедајте го Евангелието на секое суштество. Кој ќе поверува и ќе се крсти, ќе биде спасен, а кој нема да поверува ќе биде осуден“, се наведува во Новиот завет.

На Спасовден не се работи никаква тешка работа, зашто е голем празник кој, според верувањата, може да го спаси домот од неволја, а децата од болест.

Според народното предание, тој ден Бог се спасил од лошите луѓе и заминал – се вознесе – на небото, а останала приказната дека Бог избегал во рајот од злите и непослушни луѓе на Земјата. Ова е многу среќен ден, кога сè треба да се започне зашто ќе роди со успешен плод.

Уште од античко време, Спасовдан, како длабоко вкоренет празник во народот, е пролетен празник на сточарите и земјоделците.

На Спасовден наутро не се јаде ништо додека не се вкусат јагоди.

Според народните верувања, на Спасовдан мажите не треба да се бричат, жените не треба да се мијат, а децата да не се капат.

На Спасовден, сметале нашите прабаби, не треба да спиете преку ден за да не дремете цела година.

Тој ден, по одењето во црква, побогатите канеле гости на ручек, додека посиромашните останувале да се дружат пред црквата каде што народот се собирал и се радувал.

Вообичаено било и на Спасовден да се капе во река, пред да зајде сонцето.

Извршниот комитет на ВМРО-ДПМНЕ вечерва одржа седница, на која се дискутираше за предлози за кандидати за градоначалници од ВМРО-ДПМНЕ за претстојните локални избори.

По состанокот, генералниот секретар на партијата Ѓорѓија Сајкоски ги соопшти имињата на кандидатите:

Посочи дека овие кандидати уживаат најголема доверба меѓу граѓаните. Според рејтингот, сите кандидати водат со 4 пати разлика, а во некои општини и 5 на 1.

-ВМРО-ДПМНЕ и кандидатите кои се предложени од ИК на партијата убедливо водат на сите анкети во општините за кои се предлагаат. Сите кандидати кои се избрани, го имаат поминато тестот на граѓаните, велат од партијата.

1. Аеродром – Дејан Митески
2. Бутел – Дарко Костовски
3. Ѓорче Петров – Александар Стојкоски
4. Чучер Сандево – Зоран Бајовски
5. Штип – Иван Јорданов
6. Велес – Марко Колев
7. Свети Николе – Дејан Владев
8. Карбинци – Виктор Паунов
9. Градско – Киро Нацков
10. Кавадарци – Митко Јанчев
11. Гевгелија – Андон Сарамандов
12. Зелениково – Коста Маневски
13. Илинден – Александар Ѓоргиевски
14. Конче – Златко Ристов
15. Делчево – Иван Гоцевски
16. Ново Село – Ѓорге Божинов
17. Василево – Славе Андонов
18. Босилово – Ристо Манчев
19. Берово – Петар Ружински
20. Петровец – Борче Митевски
21. Битола – Тони Коњановски
22. Охрид – Кирил Пецаков
23. Вевчани – Спасе Кочовски
24. Брвеница – Јовица Илиевски
25. Јегуновце – Димитар Костадиновски

За Град Скопје целиме да го избереме најдобриот кандидат, рече тој, не посочувајќи име засега.