Спортските игралишта во ОУ „Даме Груев“ во Битола, ќе добијат комплетно нов лик. Подлогата на овие спортски игралишта не е обновена повеќе од 20 години, со видливи оштетувања на асфалтот, кои ги отежнуваат училишните спортски активности на учениците.

Градоначалникот на општина Битола Тони Коњановски, денес на терен од стручните служби беше запознат со идејните решенија за новите спортски
игралишта во ова училиште.

Според проектната документација, новата постоечка асфалтна подлога ќе биде заменета со нов, модерен материјал, погоден за спортските
активности на учениците. Паралелно со тоа, ќе се изврши и проширување на димензиите на постоечките игралишта, кои ќе овозможат и официјални
школски спортски натпревари. Во училишниот двор ќе бидат сместени игралиштата за тенис, кошарка, одбојка, а ќе има и дополнителна фитнес
зона. Во состав на училишниот двор предвидена е и училница на отворено, со клупи за седење и можност за оджување на настава во дворот.

Просечната месечна исплатена нето-плата по вработен, во декември лани изнесувала 43 587 денари и во однос на истиот месец во 2023 година, била повисока за 9.0 %, соопшти Државниот завод за статистика.

Ваквото зголемување се должи, пред сѐ, на растото на просечната месечна исплатена нето-плата по вработен во секторите: Административни и помошни услужни дејности (13.2 %), Транспорт и складирање (12.3 %) и Рударство и вадење на камен (12.0 %).

Зголемување на просечната месечна исплатена нето-плата по вработен, во однос на претходниот месец, е забележано во секторите: Рударство и вадење на камен (13.4 %), Административни и помошни услужни дејности, Градежништво (7.0 %) и Финансиски дејности и дејности на осигурување (5.6 %).

Просечната бруто-плата во декември 2024 година изнесувала 65 582 денари.

Православните христијани денеска ја одбележуваат Задушница во знак на сеќавање на починатите.

Оваа Задушница секогаш се паѓа в сабота пред месопусната недела во пресрет на велигденскиот пост и празникот Прочка.

Црквата пропишала посебни денови во годината – задушници, кога верниците се молат за покој на душите на починатите. Задушница е секогаш в сабота, ден кој црквата го одредила за помен и молитва за упокоените.

На задушница се оди во црква каде што се служи литургија и парастос. На овој ден се посетуваат гробиштата каде што со молитва, пченица и лепче осветено со црвено вино се изразува помен за починатите. На Задушница верните им даваат милостина на сиромашните во име на покојните и се молат за покој на нивните души.

Крис Павловски, основач и сопственик на платформата „Rumble“ и еден од блиските поддржувачи на претседателот на САД Доналд Трамп и дел од тмот Трамп, вечерва се огласи за говорот на премиерот Христијан Мицкоски на CPAC, Конференцијата за конзервативна политичка акција (CPAC) во Вашингтон.

-Еден од најдобрите лидери во Европа и еден од единствените момци кои ракоплескаа на говорот ба Џеј Ди Венс минатата недела во Германија, напиша Павловски на Х.

One of the best leaders in Europe and one of the only guys clapping for @JDVance’s speech the other week in Germany.

Macedonia has a bright future. https://t.co/fOIaoRCOTL

— Chris Pavlovski 🏴‍☠️ (@chrispavlovski) February 21, 2025

-На 19.02.2025 во 14.20 часот на ул.„Трајко Николоски” во Прилеп, полициски службеници од ОВР Прилеп го лишиле од слобода О.Т.(32) од Прилеп, кој бил баран по потерница врз основа на наредба од Основен суд Прилеп за издржување на казна затвор од една година и шест месеци.

Тој бил спроведен во Казнено – поправната установа Затвор Прилеп за издржување на назната – информираат од ОВР Прилеп.

На 20.02. во Битола, полициски службеници од Отсекот за превенција при СВР Битола во соработка со граѓанското здружение „Сумнал“ од Битола реализираа превентивна работилница на темите – „Превенција од малолетнички бракови“ и „Заштита од родово и семејно насилство“.

Работилницата беше одржана со цел да се подигне свеста за штетноста од рано стапување во брак и генерално околу малолетничките бракови, потоа за ризиците коишто доаѓаат од рано влегување во таква институција, како и подигнување на свеста за поголема едукација кај ранливите категории граѓани и помеѓу етничките заедници.

Целта на активноста, исто така беше насочена и кон подигнување на свеста кај граѓаните кон крајно девијатни појави како што се родовото и семејното насилство, препознавање на формите на родово и семејно насилство, и информирање за надлежностите на полицијата и за мерките што се преземаат за заштита на жртвите од овие видови кривични дела.

По магистер Диме Бозоски актуелен заменик градоначалник, Ирена Стерјоска Локвенец, Марјан Ристески, дознаваме дека неофицијално уште еден млад бизнисмен има амбиции да седне на најатрактивната фотелја во Прилеп.

Позициите и рејтинзите ќе варираат до октомври, но едно е сигурно дека овојпат изборот за кандидат ќе биде посодржаен и од квантитетот ќе произлезе квалитетот.

Позитивно во сето ова е што сепак има надеж за Прилеп и жителите што одлучиле да живеат во него. Време е Прилеп да се врати на старите патеки и да биде лидер како порано.

Економистите, правниците веќе се будат во амбициите и несебично ќе се вложат за подобро утре на младите генерации.

21 февруари е Меѓународен ден на мајчиниот јазик. Од 2000 година, овој ден е промовиран како Ден на лингвистичка и културна разновидност и мултилингвизам.

Веќе тринаесет години со ред, прилепските гимназијалци на најразлични начини го одбележуваат овој ден, со што даваат значаен придонес кон подигнувањето на свеста кај младите луѓе за важноста на мајчиниот јазик.

Оваа година дванаесет ученици од прва година под менторство на проф. Емона Јованоска ја продолжија оваа долгогодишна традиција. Под мотото „Говорете македонски – пишувајте со кирилица“, тие, посетувајќи го секој клас во училиштето споделија поважни факти за нашиот мајчин јазик и им укажаа на своите соученици на најчестите јазични грешки.

Нивниот настап беше динамичен, информативен, интересен и го задржа вниманието на учениците, а и на професорите.

Во најновата петочна колумна, новинарот од Прилеп, Зоран Момироски пишува за партиските комбинаторики околу потенцијалните кандидати за градоначалници.

-Изборни игранки и мали циркузи ќе гледаме толку колку што има интерес и кандидати и за градоначалници и за советници. Од самиот почеток може да се забележи ,,НАВАЛИ НАРОДЕ – ОВДЕ ИМА ДОМА НЕМА,,. Допрва ќе има ,,играорци,, кои ќе се фаќаат на орото, особено кога и СДСМ ќе ја отвори постапката за предлози и анкетирање како што тоа го направи ВМРО-ДПМНЕ.

Но,тука не запира играта. Откако дојде насоката од Централата во Прилеп да биде евидентиран актуелниот Борче Јовчески, повеќе како про форма и претседателот на ОК на ВМРО-ДПМНЕ Дејан Проданоски како сигурен можен иден кандидат за градоначалник, Мицкоски се предомисли и побара право и тој да си предложи свое кадровско решение.

Суптилно, повеќе како самопромовирање ама не верувам дека без да добие премолчена согласност преку портали се појави и сегашниот заменик градоначалник Диме Бозоски. Само неколку дена како можна кандидатка своите амбиции ги афирмира и претседателот на советот Ирена Стерјска-Локвенец, но и екс градоначалникот Маријан Ристески, актуелен заменик министер за економија.Инаку во последно време во Прилеп почнаа да го викаат ,,ПОТРОШУВАЧКА КОШНИЧКА,,.

Многумина па и од противничките партиски табори се со став дека ако евентуално Мацио биде кандидат, што е многу тешко тогаш нема што другите партии да очекуваат, иако позициите на партијата се дека кој и да биде победата е во владеачката партија. И додека тапанот си врти, чаршијата нагаѓа, упатени преку контакти тврдат дека за некои општини ќе има сериозни договори и меѓусебна подршка на ВМРО-ДПМНЕ со СДСМ.

Во овие комбинаторики се претпоставува дека во Општините Кривогаштани и Долнени градоначлниците да бидат од СДСМ.За возврат во Крушево да биде од ВМРО-ДПМНЕ и така натаму. Колку од овие претпоставки и наѓања има вистина ,,пазарот,, допрва ќе покаже – пишува Момироски во дел од колумната.

Со задоволство го најавуваме отворањето на новиот Бреинобреин центар во Прилеп – дел од светски познатата програма која е револуција во образованието и личниот развој на децата! Бреинобреин е програма која е присутна 21 година во над 40 земји и е призната за својот револуционерен пристап кон образованието. Со повеќе од 2 милиони ученици ширум светот, оваа програма ги менува животите на децата, правејќи ги посамоуверени, пофокусирани и креативни.

Зошто БРЕИНОБРЕИН е уникатена програма?

Бреинобреин е специјално дизајнирана програма за деца на возраст од 4 до 14 години која комбинира:

Ментална аритметика со абакус – развива брзо пресметување, концентрација и меморија.
Невролингвистичко програмирање (НЛП) – техники кои ја зајакнуваат самодовербата, позитивниот став и комуникациските вештини.
Програми за личен и интелектуален развој – поттикнување на креативност, лидерство и критичко размислување.

Награди и признанија – БРЕИНОБРЕИН е глобално водечка програма

Гинисови рекорди: Бреинобреин ги држи Гинисовите рекорди за најголем број ученици кои истовремено решаваат ментална аритметика, што ја покажува силата и ефикасноста на програмата.

Best Kids Academy Award: Бреинобреин е прогласена за најдобра академија за деца благодарение на иновативниот пристап и резултатите што ги постигнуваат учениците.

Меѓународни натпревари: Нашите ученици редовно освојуваат врвни места на светските натпревари, покажувајќи супериорни способности во математика, лидерство и креативно размислување.

Што добиваат вашите деца?

-Подобрена концентрација, меморија и аналитички способности
-Зголемена самодоверба и позитивен став
-Развиени лидерски и комуникациски вештини
-Основи за академски успех и животни предизвици
-Самодоверба за јавно изразување
-Способност за брзо носење одлуки
-Баланс помеѓу когнитивните и емоционалните вештини

Достигнувања и квалитет на програмата

Интернационални награди: Нашите ученици редовно освојуваат награди на меѓународни натпревари, покажувајќи ги своите извонредни математички и когнитивни способности.
Квалитет на програмата: Бреинобреин ги следи највисоките стандарди за едукација, што ја прави една од најдоверливите програми за детски развој. Нашите ментори се специјално обучени да работат со деца, креирајќи пријатна и поддржувачка средина за учење.
Резултати: Децата кои посетуваат Бреинобреин стануваат подобри ученици, ја подобруваат својата концентрација, креативност и лидерски способности, а со тоа добиваат основа за успех во сите животни аспекти.

Специјална понуда за отворањето – 50% попуст на уписите!

Во чест на отворањето на центарот во Прилеп, за сите уписи до крајот на месецот овозможуваме 50% попуст на првата членарина! Не ја пропуштајте можноста вашето дете да биде дел од оваа уникатна програма.

Дозволете им на вашите деца да бидат дел од глобално признатата Бреинобреин програма, која го обликува идниот успех со секој поминат час!

Koнтактирајте на социјалните мрежи:

ФЕЈСБУК: https://www.facebook.com/brainobrainprilep

ИНСТАГРАМ: https://www.instagram.com/brainobrainprilep/

или на телефонскиот број: 075 504 509

Бреинобреин центарот во Прилеп се наоѓа на улица “Сотка Џигиџик” бр.38.