Со задоволство го најавуваме отворањето на новиот Бреинобреин центар во Прилеп – дел од светски познатата програма која е револуција во образованието и личниот развој на децата! Бреинобреин е програма која е присутна 21 година во над 40 земји и е призната за својот револуционерен пристап кон образованието. Со повеќе од 2 милиони ученици ширум светот, оваа програма ги менува животите на децата, правејќи ги посамоуверени, пофокусирани и креативни.

Зошто БРЕИНОБРЕИН е уникатена програма?

Бреинобреин е специјално дизајнирана програма за деца на возраст од 4 до 14 години која комбинира:

Ментална аритметика со абакус – развива брзо пресметување, концентрација и меморија.
Невролингвистичко програмирање (НЛП) – техники кои ја зајакнуваат самодовербата, позитивниот став и комуникациските вештини.
Програми за личен и интелектуален развој – поттикнување на креативност, лидерство и критичко размислување.

Награди и признанија – БРЕИНОБРЕИН е глобално водечка програма

Гинисови рекорди: Бреинобреин ги држи Гинисовите рекорди за најголем број ученици кои истовремено решаваат ментална аритметика, што ја покажува силата и ефикасноста на програмата.

Best Kids Academy Award: Бреинобреин е прогласена за најдобра академија за деца благодарение на иновативниот пристап и резултатите што ги постигнуваат учениците.

Меѓународни натпревари: Нашите ученици редовно освојуваат врвни места на светските натпревари, покажувајќи супериорни способности во математика, лидерство и креативно размислување.

Што добиваат вашите деца?

-Подобрена концентрација, меморија и аналитички способности
-Зголемена самодоверба и позитивен став
-Развиени лидерски и комуникациски вештини
-Основи за академски успех и животни предизвици
-Самодоверба за јавно изразување
-Способност за брзо носење одлуки
-Баланс помеѓу когнитивните и емоционалните вештини

Достигнувања и квалитет на програмата

Интернационални награди: Нашите ученици редовно освојуваат награди на меѓународни натпревари, покажувајќи ги своите извонредни математички и когнитивни способности.
Квалитет на програмата: Бреинобреин ги следи највисоките стандарди за едукација, што ја прави една од најдоверливите програми за детски развој. Нашите ментори се специјално обучени да работат со деца, креирајќи пријатна и поддржувачка средина за учење.
Резултати: Децата кои посетуваат Бреинобреин стануваат подобри ученици, ја подобруваат својата концентрација, креативност и лидерски способности, а со тоа добиваат основа за успех во сите животни аспекти.

Специјална понуда за отворањето – 50% попуст на уписите!

Во чест на отворањето на центарот во Прилеп, за сите уписи до крајот на месецот овозможуваме 50% попуст на првата членарина! Не ја пропуштајте можноста вашето дете да биде дел од оваа уникатна програма.

Дозволете им на вашите деца да бидат дел од глобално признатата Бреинобреин програма, која го обликува идниот успех со секој поминат час!

Koнтактирајте на социјалните мрежи:

ФЕЈСБУК: https://www.facebook.com/brainobrainprilep

ИНСТАГРАМ: https://www.instagram.com/brainobrainprilep/

или на телефонскиот број: 075 504 509

Бреинобреин центарот во Прилеп се наоѓа на улица “Сотка Џигиџик” бр.38.

Драги пријатели, родители и членови на нашето училиште. Денес се обраќаме до вас со искрена молба за помош. Еден од нашите ученици, дел од нашето училишно семејство, се соочи со незамислива трагедија – пожар кој целосно ја уништи неговата куќа и остави семејството без покрив над главата. Во еден миг, сè што го граделе со години исчезна во пепел – напиша директорот на ООУ “Климент Охридски”, Ахил Јаков, по пожарот во куќа на улица “Егејска”, кој пред три дена остави без кров над глава семејство од Прилеп.

-Ова не е само нивна борба. Ова е момент кога сите ние, како заедница, треба да покажеме дека сме тука еден за друг. Сега е време да ги отвориме срцата и да подадеме рака на оние кои најмногу имаат потреба од нас.

Ви благодариме од срце што сте дел од оваа хумана мисија – стои во статусот на Јаков.

„Ние како нација направивме се што можевме, претрпевме многу понижувања и прифативме многу лоши договори заради нашата европска перспектива и заради членството во НАТО- изјави премиерот Христијан Мицкоски на обраќање на настанот на Атлантскиот совет во Вашингтон посветен на иднината на транс-атлантските релации на Западен Балкан.

Фрустрациите помеѓу граѓаните на мојата земја се екстремно големи. Сведочам дека во време кога бевме во опозиција во 2018 многу луѓе од целиот свет, високи функционери од ЕУ, премиери од многу моќни НАТО земји, претседатели, членови на Европската комисија, не посетуваа и велеа само сменете го името овој пат веднаш ќе станете членови на НАТО, ќе почнете преговори со ЕУ и ќе ги завршите во период од 4-5 години и ќе станете дел од ЕУ. Тие 4-5 години поминаа пред 2 години и ние сме во иста ситуација како пред 20 години, но во меѓувреме го променивме знамето, валутата, името и се.

Премиерот истакна дека сега пред нас е ново барање за промена на Уставот и тоа не гарантира извесност не евроинтегративниот пат.

Кажете ми втор случај во Европа кој е барем од далеку сличен со нашиот, не зборувам за приближно сличен. Овој пат рековме, ако Pacta sunt servanda се применува за нас тогаш нека се применува за сите, ако ние испорачуваме тогаш очекуваме и другите да испорачаат“, рече Мицкоски и дополни: „затоа сега патувам нив светот сега да ја раширам приказната за македонската судбина, која е типичен пример за двојни стандарди.“

„Ние сега треба да ги внесеме неколку стотина наши сограѓани во уставната преамбула, што е опис на нашиот Устав. Зборуваме за бугарската заедница. Во нашиот устав ние имаме Македонци, Албанци, Срби, Турци, Бошњаци, Власи итн., па ако ги анализирате работите од таа перспектива тоа не е голема работа. Но зошто да ги внесеме во преамбулата? Можеби зборуваме за човековите права, можеби некој им ги крши човековите права на бугарската заедница? Кои сме ние политичарите да судиме дали нечии човечки права се нарушени? Има институција во Европа наречена Судот за човековите права во Стразбур која е одговорна да суди дали нечии човекови права се прекршени или не. И што вели таа институција во последните години? Тие беа јасни, 14 пати човековите права на македонската заедница во Бугарија биле прекршени, и 0 пати на бугарската заедница во Македонија. Четиринаесет наспроти нула. Како да им го појасниме ова на граѓаните, зошто го правиме ова, а не добиваме ништо. Затоа велиме бидејќи ова не е суштинско, бидејќи преговорите значат зајакнување на институции, подобрување на капацитетите на институциите, а не решавање на билатерални прашања. Ние рековме ќе го завршиме ова но кога ќе ги завршиме нашите преговори, затоа што се плашиме дека ова може да се претвори во бескрајна приказна и ќе следат нови и нови барања и никој не знае кога тоа ќе заврши“, истакна премиерот Мицкоски на настанот во Вашингтон во организација на Атлантскиот Совет.

Премиерот Мицкоски посочи дека кога се зборува за европската иднина треба да се зборува за заеднички вредности, за вештачката интелигенција, за добрата животна средина, за економијата, за подобро образование, а не за нешто кое се случувало во средниот век. Балканизацијата на Европската унија според него е проблем, затоа што ако се злоупотребуваат институциите во Брисел за решавање на билатерални прашања, тоа е различно од идејата на Де Гаспер, Шуман и Аденауер, основачите на европската заедница.

Министерството за здравство набави два медицински апарати за потребите на болницата во Прилеп. Станува збор за лапароскопски столб за уролошко одделение и артроскопски столб за ортопедското одделение со 4К резолуција.

Вредноста на двата апарати е околу 20.000.000 денари.

-Станува збор за лапароскопски столб од фирмата Olympus, со кој ќе се работат два типа на операции: лапароскопски и ендоуролошки. Лапоароскопија е минимално инвазивна метода, каде што, преку неколку отвори на преден стомачен ѕид, се внесуваат инструменти во абдоминалната празнина. На овој начин би се оперирале тумори на бубрег (радикална нефректомија), афункција на бубрег (симплекс нефректомија), цисти на бубрег (редукција ), варикоцела (проширени вени на лев тестис ).

Артроскопски столб е од фирмата Smith & Nephew, со LCD екран, и е направен по највисоките стандарди за артроскопски интервенции на колено, рамо и скочен зглоб. Со добивањето на овој современ апарат артроскопските интервенции ќе станат рутински операции во прилепската болница. Досега редовно се извршуваат артроскопски интервенции на колено 50-70 во една календарска година, а наскоро се планира артроскопски интервенции на скочен и рамен зглоб – појаснуваат од прилепската болница “Борка Талески”.

Денеска во посета на болницата беше и министерот за здравство Арбен Таравари, кој заедно со директорот на болницата, Кире Јоноски, ги ставија во употреба двата нови апарати.

До крајот на месецов граѓаните на своите сметки треба да ги добијат парите од „МојДДВ“. Од Управата за јавни приходи денеска информираа дека исплатата е во тек и дека заклучно со денеска исплатени се средства на 344 илјади корисници, а за обработка остануваат уште 152.543 корисници.

– Исплатата на МојДДВ е во тек и заклучно со денешен датум 19.02.2025 година, од вкупно 496.543 корисници на МојДДВ исплатени се средства на 344.000 корисници. Во наредните денови па се до крајот на месец февруари, кога е и крајниот рок за исплата на средствата за последниот квартал од 2024 година, ќе бидат обработени податоците и за останатите 152.543 корисници и средствата ќе бидат исплатени на нивните сметки. За скенирани сметки во период октомври – декември 2024 година кон корисниците на МојДДВ ќе се исплатат над 870 милиони денари по основ на МојДДВ, велат од УЈП.

Промена на податоците во однос на ажурирање на трансакциска сметка треба да извршат само оние корисници на „МојДДВ“ кои немаат исплатено средства за скенирани сметки во претходни исплати, односно во претходни тримесечја не им биле исплатени средствата.

Од денеска се очекува да поевтинат над 1000 прехранбени и непрехранбени производи откако во Службен весник се објавени одлуките на Владата за ограничување на бруто профитните маржи и за замрзнување на цените на дел од производите. На самиот старт на владините одлуки, вчера реагираа од Комората на трговци на големо и на мало, од каде изразија загриженост и побараа повторно средба со премиерот Христијан Мицкоски и со министерот за економија и труд Бесар Дурмиши за да ги разгледаат последиците од овие одлуки.

Владата во вторникот на седница донесе одлуки за ограничување на бруто профитната маржа и за утврдување на највисоките цени на одделни производи со што треба да бидат опфатени 102 групи на производи или на над 1000 прехранбени и непрехранбени производи.

Според Комората, со владините одлуки нема да бидат опфатени 1000 производи, туку од 3000 до 4000 производи, вклучувајќи ги сите видови млеко, како и производите како што се детергентите и сапуните.

-Целиот сектор ја дели загриженоста, иако до Владата, Министерството за економија и труд и Државниот пазарен инспекторат достави конкретни предлози, кои се одраз на реалната состојба. Овие предлози беа на барање на Владата. Тие имаат за цел да се обезбедат ефективни мерки за намалување на цените, а истовремено да не го загрозат опстанокот на трговските претпријатија. Затоа предлагаме Владата посериозно да ги земе предвид нашите аргументирани предлози, кои се во согласност со Уставот и законите на државата, пред да донесува вакви сериозни одлуки, кои можат да нанесат голема штета на сите стопански субјекти вклучени во трговската дејност, информираа од Комората.

Одлуките на Владата ги оценија како избрзани и посочија дека со нив се нанесува значителна штета на голем број стопански субјекти.

Одлуките на Владата веќе се објавени во „Службен весник“ што практично значи дека треба да стапат на сила, а ќе траат до 30 април.

-Нашите очекувања се дека со овие две одлуки цените на основите прехранбени производи кои се содржани во одлуката ќе се намалат во просек за околу 10 отсто, освен осумте основни прехранбени производи – млеко, леб, брашно тип 400 и 500, јајца, масло за јадење, јогурт и кисело млеко за кои се очекува да останат на исто ниво, односно да не се зголемуваат или да има минимално намалување, рече на прес-конференција во вторникот заменик-министерот за економија Марјан Ристески.

Со владината одлука, на пет проценти се ограничува бруто профитната маржа на млекото, лебот, брашното тип 400 и 500, јајцата, маслото за јадење, јогуртот и киселото млеко, на 10 отсто месото и преработките од месо, шеќерот, млечните производи, маргаринот, путерот, конзервирниот зеленчук и овошје, гравот, оризот и тестенините, а на 15 отсто средствата за хигиена, свежото овошје и зеленчукот, детергентите, бебешката храна, пелените, сапунот, тоалетната хартија и слично.

-Анализата на ДПИ покажа дека трговците на големо и тровците на мало пресметуваат БПМ од 20 до 25 осто за основните производи во трговијата на мало, а од 20 до 50 отсто во трговијата на големо. Со оваа одлука се задолжуваат сите кои се учесници во трговијата на големо и во трговијата на мало, сите овие 102 групи на производи, најмалку 70 проценти да бидат присутни на рафт, рече министерот Ристески.

Одлуката за утврдување на највисоки цени ќе се однесува на осум групи основни прехранбени производи при што како највисока цена ќе се земе онаа што важела на 1 февруари годинава.

Со оценка за владините мерки излезе и опозициската СДСМ според која мерките се задоцнети.

Според пратеникот и поранешен вицепремиер за економски прашања Фатмир Битиќи, требало да се оди со порадикални мерки и наместо 102 категории на производи да бидат опфатени 238 групи на производи што се со повластена даночна стапка од пет отсто.

Пратеничката група на СДСМ до Собранието поднесе и измени на Законот за ДДВ со кои предлагаат намалување на данокот за електрична енергија од 18 на 5 отсто, како и укинување на ДДВ за основните прехранбени производи. Со оваа мерка, како што посочија од СДСМ, значително ќе се намалат сегашните високи сметки за електрична енергија, а укинувањето на ДДВ за основните прехранбени производи, ќе доведе до нивно намалување за пет проценти.

Пред Владата да ја донесе одлуката, новоформираната Комора на трговци на големо и на мало на нивно барање имаше средба со министерот за економија по што достави предлог решенија со кои предложи поевтинување на 100 до 200 производи кои се најнеопходни за живеење во периодот од 22 март до 22 април со што, според нив, би биле опфатени двата големи празника Велигден и Рамазан.

Ваквите чекори на Владата уследија по зголемувањето на цените на основните прехранбени производи и по двата бојкота за време на кои граѓаните беа повикани да не пазарат во маркетите.

Градоначалникот на општина Битола, Тони Коњановски, согласно воспоставениот принцип за редовна соработка со граѓаните и отвореност на локалната самоуправа, денеска организираше отворен ден на општината. На истиот присуствуваа и дел од раководителите на општинските одделенија и сектори, кои беа значајна поддршка за согледување на проблемите со кои се соочуваат граѓаните, советодавно делување и изнаоѓање на конкретни решенија.

Најголемиот дел од прашањата за кои побараа решение граѓаните се однесуваат на прашања од комуналната сфера, но и други области поврзани со образование и социјална заштита.

На денешниот отворен ден, беа доставени и предлози и иницијативи за организација на нови и дополнување на постоечките програми со нови содржини, како и предлози за уредување на повеќе локации, но и прашања поврзани со економската состојба во општината и можностите за нови вработувања.

Градоначалникот Тони Коњановски и во следниот период, продолжува со одржување на отворени денови, а доставените барања се решаваат тековнo или согласно надлежноста се вклопуваат во плановите и програмите на општината.

Минатата година ќе биде рекордна по инвестиции, ќе надминеме една милијарда евра, пренесе во Охрид при посетата на „Костал“ вицепремниерот и министер за транспоорт Александар Николоски.

„Според информациите кои ги имаме од Државниот завод за статистика – минатата година ќе биде рекордна за Македонија по инвестиции, ќе надмине една милијарда евра. Не само со нови инвестиции, туку и со проширување на веќе постојните. Тоа е нешто што ќе продолжиме да го протежираме како влада и ќе се трудиме оваа поддршка да продолжи“, посочи Николоски.

Заменик претседателот на Владата и министер Николоски, во охридски Костал присуствуваше на глобалниот состанок на добавувачи и логистика на дивизијата за автомобилска електроника.

Како изгледаше предизборната кампања пред десетина години во Прилеп:

Во организација на Сојузот на училишен спорт – Прилеп, вчера во собраниската сала на општина Прилеп, беа доделени признанија на најдобрите млади спортисти, кои со својата упорност, дисциплина и посветеност го покажаа вистинскиот дух на спортот преку натпреварите помеѓу училиштата.

-Вашите успеси не се само лични достигнувања, туку и гордост за нашиот град, за Сојузот на училишен спорт и за вашите училишта и ментори кои секојдневно вложуваат во вашиот напредок. Општина Прилеп останува посветена на создавање подобри услови за спорт и за поддршка на младите. Ќе продолжиме да го поддржуваме Сојузот на училишен спорт-Прилеп и да инвестираме во спортската инфраструктура, да поддржуваме вакви манифестации и да ви даваме мотив уште посилно да чекорите кон нови победи. Нека ова признание ви биде поттик за уште поголеми успеси! Ви посакувам многу спортски триумфи, исполнување на вашите соништа и продолжување на патот кон успехот. Честитки за сите вас – порача градоначалникот на општина Прилеп, Борче Јовчески.