Вицепремиерот и министер за транспорт Александар Николоски и директорот на ЈП за државни патишта Коце Трајановски, во петокот и во текот на вчерашниот ден извршија вондреден надзор над активностите за изградба на автопатот Кичево-Охрид – информираат од Министерството за транспорт и врски..

Во продолжение во целост го пренесуваме соопштението од транспорт и врски:

Надзорот се направи на повеќе позиции каде во моментов се вршат засилени градежни активности за реализација на овој капитален проект.

При извршените контроли беше констатирано дека градежните работи се одвиваат со силен интензитет, согласно новиот динамички план за изградба на автопатот. Исто така беше утврдено дека наследентите проблеми со експропријацијата, дислокација на водовите како и косините се решаваат во континуитет согласно планираната динамика.

По целата траса работите се одвиваат интензивно, се со цел до почетокот на туристичката сезона да се пушти за сообраќај потегот од Врбјани до Охрид со еден мал прекин кај населеното место Ботун каде се работи на санација на свлечиште.

Како што истакна вицепремиерот Николоски, динамиката на работа е планирана на начин што целиот автопат ќе се заврши до крај на 2026 година и истиот да се пушти во употреба.

Во Ликовната галерија од ЦК „Марко Цепенков“ беше отворена изложбата „Уметност во простор“ од уметниците Катерина Деспот и Касиопеја Наумоска.

Изложбата ја отвори Бранче Трајкоски, потенцирајќи дека двете авторки во галеријата ја презентираат последната креација од нивната повеќезначна уметност со содржинско тематска смисла, интимности, осмислена со цел да едицира, инспирира и развива одреден уметнички опус.

-Изложбата отвора прашања за времето, неговата брзина, недостатокот и неможноста од неговото фаќање. Делата не нудат затворени одговори, туку постојат како уметност со асоцијална отвореност што ја поканува публиката на лично доживување и интерпретација – рече Трајкоски, на отворањето на изложбата од Катерина Деспот и Касиопеја Наумоска.

Катерина Деспот и Касиопеја Наумоска, се академски уметници, кои имаат реализирано бројни изложби во земјата и во странство.

-На 13.06.2025 година во 17.15 часот, полициски службеници од ОВР Крушево го лишиле од слобода Н.К.(67) од Крушево. При контрола во патниот сообраќај, полициските службеници го сопреле патничкото возило „Застава“ со крушевски регистарски ознаки, кое го управувал Н.К. и по преземени мерки констатирано е дека тој бил под дејство на алкохол, односно дека имал 2,09 промили алкохол во крвта. Н.К. бил исклучен од сообраќај и задржан во полициска станица, а по целосно документирање на настанот против него ќе биде поднесена пријава по член 297-а од Кривичниот законик – „безобѕирно управување со моторно возило“ – информираат од МВР.

Гоце Бумбароски од општина Прилеп одржа прес конференција како реакција на ОО СДСМ Прилеп, од каде претходно во јавност излегоа со тврдење дека образовните институции и учениците во Прилеп, станале “жртви“ на лажни ветувања.

Прес конференцијата на Гоце Бумбароски во целост ја пренесуваме во продолжение:

Општина Прилеп, како локална самоуправа предводена од ВМРО-ДПМНЕ и градоначалникот Борче Јовчески, со должна одговорност ги отфрла сите изнесени невистини и манипулации искажани на прес конференцијата на ОО на СДСМ Прилеп. Наместо конструктивна критика, граѓаните се сведоци на уште една политичка флоскула од партија која во своето владеење остави траг од занемарен образовен систем.

За разлика од оние кои мислат дека гласови се добиваат со фрази, ние работиме со дела. И ќе продолжиме со уште поголем интензитет, за нашите граѓани и за квалитетно образование на нашите деца.

Викендов во Охрид ПИАЦ на ВМРО-ДПМНЕ и Фондацијата Јарл Хлјармарсон (Jarl Hjalmarson fondation) организираат обуки за кандидатите за градоначалници на партијата и членовите на ИК. На отворањето вчера се обрати Претседателот на ВМРО-ДПМНЕ Христијан Мицкоски, кој потенцираше дека на претстојните локални избори ВМРО-ДПМНЕ е сигурен победник, и дека СДС се на пат да останат без ниту една општина.

Денеска предавање на тема “Подготовка за локалните избори – Моментални и идни активности”, одржа актуелниот заменик министер за економија и труд и најуспешен градоначалник што го имала партијата, Марјан Ристески.

Ристески потенцираше и дека ВМРО-ДПМНЕ ќе издвојува најголема победа досега на престојните локални избори.

На плоштадот „Методија Андонов – Ченто“ во Прилеп, граѓаните имаа можност да присуствуваат на величествен заеднички концерт на воениот оркестар на Армијата на Република Македонија и воениот оркестар на Обединетото Кралство – организиран во чест на Кралот на Обединетото Кралство.

Публиката уживаше во изведби на популарни македонски мелодии и маршевска музика во движење, во духот на пријателство и воено-дипломатска соработка меѓу двете земји.

-Општина Прилеп со гордост беше домаќин на овој настан кој ја истакна моќта на музиката како универзален јазик што ги зближува народите и културите. Благодарност до сите учесници, организатори и присутни граѓани за достоинственото одбележување и за топлиот пречек на гостите од Обединетото Кралство. Прилеп – град на традиција, соработка и култура – напишаа од општина Прилеп на ФБ.

Од денеска (14 јуни) до 17 јуни на полноќ е првото електронско пријавување во јунскиот рок за запишување ученици во прва година во јавните средни училишта во државава за учебната 2025/2026 година.

Пријавувањето на учениците е со електронско аплицирање, преку линк до системот за електронски услуги на Министерството за образование и наука https://e-uslugi.mon.gov.mk/ со посебна најава за средношколци преку сопствените кориснички сметки на schools.mk

Откако ќе заврши електронското пријавување, ученците на 18 јуни (од 8 до 19 часот) и на 19 јуни (од 8 до 17 часот) треба да ја достават потребната документација до училиштата.

Конечната ранг-листа со резултатите од запишувањето и слободните места, секое училиште ќе ја објави на 20 јуни 2025, најдоцна до 12 часот, на јавно место во училиштето и/или на училишната интернет-страница. Во училиштата каде што ќе има квалификациско тестирање ќе се организира на 23 јуни 2025, кога ќе бидат објавени и резултатите.

Второто електронско пријавување на учениците за упис во средните училишта во јунскиот рок ќе биде на 30 јуни 2025, од 00:00 часот до 23:59 часот, а потребната документација до училиштата ќе се доставува на 1 јули 2025, од 10 до 19 часот. Следниот ден (2 јули) ќе биде објавена и конечната ранг-листа со резултатите од запишувањето и слободните места. Во второто пријавување во јуни квалификациско тестирање ќе се организира на 4 јули 2025.

Пријавувањето во августовскиот уписен рок ќе се врши на 21 август 2025 година од 00.00 часот до 15.00 часот електронски, кога ќе биде и доставувањето на документација до училиштата, а наредниот ден (22 август 2025) училиштата ќе објават конечна ранг-листа со резултатите од запишувањето.

Во Конкурсот на Министерството за образование и наука се наведени документите потребни за запишување во јавните средни училишта, како и насоки за негово спроведување.

ВМРО – ДПМНЕ пред малку објави нови осум кандидати за градоначалници за локалните избори наесен.

1. Македонски Брод – Жарко Ристески
2. Могила – Драганчо Саботковски
3. Пробиштип – Тони Тоневски
4. Богданци – Марјан Пеев
5. Демир Капија – Наталија Димитриева
6. Росоман – Ѓорги Крстевски
7. Новаци – Стевче Стевановски
8. Дебрца – Златко Силјановски

Претходно, на 28 ми мај беа објавени овие 25 кандидати за градоначалници.

1. Аеродром – Дејан Митески
2. Бутел – Дарко Костовски
3. Ѓорце Петров – Александар Стојкоски
4. Чучер Сандево – Зоран Бајовски
5. Штип – Иван Јорданов
6. Велес – Марко Колев
7. Свети Николе – Дејан Владев
8. Карбинци – Виктор Паунов
9. Градско – Киро Нацков
10. Кавадарци – Митко Јанчев
11. Гевгелија – Андон Сарамандов
12. Зелениково – Коста Маневски
13. Илинден – Александар Ѓоргиевски
14. Конче – Златко Ристов
15. Делчево – Иван Гоцевски
16. Ново Село – Ѓорге Божинов
17. Василево – Славе Андонов
18. Босилово – Ристо Манчев
19. Берово – Петар Ружински
20. Петровец – Борче Митевски
21. Битола – Тони Коњановски
22. Охрид – Кирил Пецаков
23. Вевчани – Спасе Кочовски
24. Брвеница – Јовица Илиевски
25. Јегуновце – Димитар Костадиновски

Со реализирана инвестиција од 11, 7 милиони евра денеска се пушти во употреба магистралниот пат Охрид-Св.Наум. Патниот правец е во должина од 24,3 км и извршена е целосна реконструкција, a со цел да се подигне безбедноста на сообраќајот се направи и растеретување на одредени косини.

Во своето обраќање, потпретседателот на Владата и министер за транспорт Александар Николоски истакна дека овој е еден од најзначајните патни правци за Охрид кој е витален за целиот охридски регион и за туризмот.

Во продолжение интегралното обраќање на вицепремиерот Николоски:

“Навистина ми е драго што eве сме покрај Зaливот на Коските, најпосетуваниот Mузеј во Макeдoнија кој што од денеска е достапен по еден реконструиран пат. Особено ми е драго што овој пат се реализира, овој пат е витален за целото крајбрежје и за целиот туризам. Она што ми е особено драго е тоа што се направи модерен пат и по кој побрзо преку целата година ќе можат да стигнуваат и луѓето кои што живеат и на овој дел од езерото, а исто така и туристите полесно да комуницираат. Овој пат не беше реконструиран и не беше чепнат на одредени делници од годините кога прв пат бил правен, кога во поранешната држава генералот Карангелески го пробивал, па се до реконструкцијата не бил чепнат овој пат. Еве сега е завршен и реконструиран и ќе помогне на туристите и на жителите полесно да комуницираат.

На настанот покрај вицепремиерот Николоски, се обратија и претседателот на Владата Христијан Мицкоски, како и директорот на ЈП за државни патишта, Коце Трајановски и градоначалникот на Охрид, Кирил Пецаков.

Во салата на кино „Манаки“ во Битола денеска беа презентирани мерките од Оперативниот план за вработување за 2025 година. Пред голем број на граѓани претставниците од министерството за економија и труд, Агенцијата за поддршка на претприемништво и Агенцијата за вработување ги презентираа мерките од Оперативниот план, со акцент на трите подмерки од мерката за самовработување (претприемништво), каде јавните повици се објавени и сите заинтересирани можат да аплицираат до 20 јуни.

– Со мерките за самовработување на сите невработени лица им даваме финансиска поддршка за отворање на сопствен бизнис, која се движи од 7.000 до 10.000 евра, а со здружување на две лица од 14.000 до 20.000 евра. Имаме исклучително голем интерес за овој јавен повик и за само четири дена се пријавени повеќе од 2.500 лица. Ги повикувам сите лица кои се заинтересирани да аплицираат во било кој од 30-те Центри за вработување при Агенцијата за вработување низ државата – кажа заменик-министерот Ристески.

На информативниот ден во Битола присутни беа градоначалниците на општините Битола и Новаци, Тони Коњановски и Стевче Стевановски, како и претставници на општините Могила, Ресен и Демир Хисар, кои ги поздравија мерките и апелираа до жителите на нивните општини да ги искористат понудените поволности и да аплицираат на јавните повици.

Во рамки на јавните повици од мерката 1 „Поддршка за самовработување (претприемништво)“, во тек се три јавни повици со кои се дава можност на повеќе од 1700 лица да отворат сопствен бизнис и со истите се предвидени:

– Финансиска поддршка во форма на грант до 7.000 евра за основање и започнување на бизнис за лица постари од 29 години.

– Финансиска поддршка во форма на грант до 10.000 евра за основање и започнување на бизнис за млади лица до 29 години.

– Финансиска поддршка за здружување на две лица во ДОО, каде истата изнесува од 14.000 до 20.000 евра, зависно од целните групи.