Силен земјотрес со јачина од 7,3 степени според Рихтеровата скала го погоди регионот Сагаинг во северозападниот дел на Мјанмар. Потресите беа почувствувани во неколку градови, вклучувајќи ги Сагаинг, Мандалај, Кјауксе, Пјин У Лвин и Шве Бо.

Геолошкиот институт на САД (USGS) објави дека земјотресот бил со јачина од 7,7 степени, со епицентар на приближно 16 километри југо-југоисточно од Сагаинг и 17 километри источно-југоисточно од Мандалај, вториот по големина град во Мјанмар.

Областа веќе е тешко погодена од тековните судири меѓу отпорот и воените власти.

Во земјотресот целосно беше уништен мост во градот Сагаинг.

Засега нема информации за бројот на жртвите во денешниот земјотрес во Мјанмар.

Викендов почнува летното сметање на времето, со што ќе имаме подолг ден. На 29. март во 02:00 часот се поместуваат стрелките за еден час нанапред, па така времето во 02:00 часот, се смета како 03:00 часот.

Промените во телесниот часовник може да доведат до проблеми со спиењето кои траат со недели, а научните истражувања покажуваат дека постои зголемен ризик од срцеви и мозочни удари веднаш по преминувањето на новото време. Покрај тоа, летното сметање на времето е поврзано и со пораст на сообраќајните несреќи, особено во утринските часови.

Телесниот часовник, или деноноќниот ритам, се регулира преку изложеноста на светлина. Утринското сонце го ресетира ритамот, додека вечерната светлина го одложува лачењето на мелатонин – хормонот кој предизвикува поспаност. Со поместувањето на времето во март, телото тешко се приспособува на новиот ритам, што доведува до замор, недостаток на концентрација и зголемен ризик од хронични болести.

Истражувањата покажуваат дека недостатокот на сон е поврзан со зголемен крвен притисок, срцеви заболувања, дебелина и когнитивно опаѓање. Сообраќајните несреќи со фатални последици исто така се зголемуваат во првите неколку дена по преминот на летното време. Анализите во САД покажале дека ризикот е најголем во утринските часови, кога возачите се најмалку одморени.

Лекарите предупредуваат: Првиот понеделник по промената е критичен

Според Американското здружение за срце, бројот на срцеви удари значително расте во понеделник по воведувањето на летното сметање на времето, додека мозочните удари се зачестени два дена подоцна. Истражувачите не се сигурни зошто ова се случува, но се претпоставува дека ненадејното нарушување на телесниот ритам дополнително ги влошува веќе постоечките здравствени проблеми како што се висок крвен притисок и срцеви заболувања.

Како да се прилагодите на летното сметање на времето?

Експертите советуваат неколку стратегии за полесно адаптирање на новото време:

– Легнувајте 15-20 минути порано во деновите пред промената.

– Будете се во исто време секое утро за да помогнете во регулирањето на телесниот часовник.

– Изложете се на утринско сонце, особено во првата недела од новото време.

– Прилагодете ги дневните рутини, како што се времето за вечера или вежбање.

Наместо со полна сала, актерите на прилепскиот театар “Војдан Чернодрински” го одбележаа Светскиот ден на театарот со видео порака од празна сала и ги прочитаа светската и македонската порака за театарот.

Ова следува откако деновиве Дирекцијата за заштита и спасување го затвори објектот како небезбеден, констатирајќи низа недостатоци.

Вљубениците во театарската игра и во штиците што живот значат, се надеваат дека оваа тажна слика што поскоро ќе се смени. Барем додека се изгради нова театарска зграда, да се изврши итно реновирање и враќање во функција на старата театарска зграда.

Прилеп живее за театарска игра, Прилеп заслужува нов театар!

Со обсмислена стратегија успеваме охридскиот аеродром да го развиваме. Денеска ја воспоставуваме новата и најважна линија Охрид-Истанбул со која Охрид преку Истанбул ќе го поврземе со цела Европа и светот, истака вицепремиерот и министер за транспорт Александар Николоски на воведувањето на новата авиолинија Охрид-Истанбул.

Во прилог интегралната изјава на вицепремиерот Николоски:

-Ова е комплетно нова димензија за охридскиот аеродром и целосно нов развој на охридскиот аеродром затоа што најголемата светска авиокомпанија Туркиш ерлајнс воведува директна линија, четири пати неделно со најголеиот аеродром во Европа, аеродромот во Истанбул, што многу ќе значи за бројот на патници и не само за туризмот туку и редовното патување, затоа што аеродрмот во Истанбул е со најмногу конектинг летови во Европа. Веќе познавам луѓе кои имаат купено карти од Торонто за Охрид или од Вашингтон за Охрид затоа што преку Истанбул со конектинг летови ќе можат да додјат во Охрид што драстично ќе го зголеми бројот на патници и тоа ќе помогне да се развива тузимот, бизнисот, комуникациите, што е комплетна нова диманзија за охридскиот аеродром.

Ова е резултат на обмислена стратегија, стратегија на субвенционирање што ја водиме откако бевме избрани. Го променивме целосно моделот на субвенционирање, за охридскиот аеродром од претходно 4,5 евра зголемивме на 12 евра по патник. И наместо за заминување, плаќаме за доаѓање затоа што целта е да даѓаат луѓето тука, ги променивме и другите услови и тоа го даваат резултатот. Веќе имаме две нови дестинации до Охрид, тоа е Истанбул и Базел, имаме нови осум дестинации од Скопје. Но од сите 10 дестинации за мене најважна е Истанбул бидејќи отвора нова врата за охридскиот аеродром и за целиот регион. Во преговори сме и тие преговори за брзо време треба да завршат со една голема компанија која што очекувам да донесе две до три нови дестинации и на тој начин да расте бројот на дестинации на охридскиот аеродром.

Мене ми е целта во рок од две години да имаме најмалку десет нови дестинации од Охрид, што целосно ќе го трансформирам туризмот во Охрид, бизнисот и комуникациите и тоа што е особено важно, оние чартери кои што почнаа на Флајбирд во следната година наместо еден да се два дневно и да слетуваат во Охрид наместо во Скопје. И пуштањето на автопататот на тие 40 -тина километри од Врбјани до Охрид секако многу ќе значи за охридскиот аеродром, истакна вицепремиерот и министер за транспорт Александар Николоски.

Помали сметки со соларни панели. Сите основни училишта во Кисела Вода, како и две во Карпош и едно во Зелениково до средината на мај ќе добијат фотоволтаици. Проектот вреден 11 милиони денари се изведува преку Владата и Скопскиот плански регион со кофинансирање на општините кои учествуваат.

„Правиме огромен чекор кон заштеда на енергија, намалување на финансиските трошоци и зачувување на животната средина. Преку користење на обновливи извори на енергија, училиштата стануваат енергетски понезависни, што значи дека значителен дел од средствата кои досега се трошеа за електрична енергија ќе можат да се пренасочат во подобрување на наставните услови и образовниот процес“ вели Орце Ѓорѓиевски, градоначалник на Кисела Вода

Ова е дел од поголем проект на Владата со кој ќе се работи на зголемување на енергетската ефикасност на училиштата низ Македонија.

„Јас како министер за образование и наука, потпишав грант од над милион евра за енергетска ефикасност на над повеќе од 50 училишта ширум државата кој е веќе во процес на обработка. Освен тоа што ќе ја заштитиме животната средина ние придонесуваме и за здрав живот на граѓаните, односно на најмладите што се наоѓаат во овие училишта, што за разлика од претходната Влада не било фокус, вие добро знаете дека таму беа фокус некакви бизнис интереси и дистрибуција на штетни горива и други енергенси“ вели Весна Јаневска, министер за образование и наука

Училиштата се веќе мапирани и обезбедена е потребната документација, како и согласности од ЕВН за поставување на системите.

Во врска со видео записот кој беше споделен на социјалните мрежи, а во кој се гледа како машко лице насилно се однесува кон женско лице, МВР ја известува јавноста дека СВР Струмица ги презеде сите службени дејствија кои се во надлежност на полицијата, поврзани со конкретниот случај, и насилникот е лишен од слобода.

Имено, настанот во СВР Струмица беше пријавен на 23.03.2025 (недела) во 08.25 часот од страна на мајката на жртвата. Веднаш по добиената пријава, преземени се соодветни мерки и активности од страна на полициски службеници од СВР Струмица-ОВР Радовиш. Утврдено е дека машкото лице е А.А.(35) од Радовиш, кој истиот ден во 09.20 часот е лишен од слобода и задржан во Полициската станица Радовиш. Исто така, бил извршен службен разговор и со нападнатата жена, во присуство на социјален работник од Јавна установа Меѓуопштински центар за социјални работи Радовиш, при што таа кажала дека видео записот е од јули 2024 година.

Бидејќи во конкретниот случај постои сомнение за сторено кривично дело „телесна повреда“ по член 130 став 2 во врска став 1 од Кривичниот закон, каде во став 5 од истиот член стои дека гонењето се презема по поднесување на предлог за гонење, од жртвата било изјавено дека не сака да поднесе предлог и дека видеото било доставено од нејзината мајка.

За настанот бил запознаен јавен обвинител од Основното јавно обвинителство Радовиш, по чии насоки биле преземени и понатамошните мерки. Врз основа на преземените мерки, од страна на ОВР Радовиш до Основното јавно обвинителство Радовиш на 25.03.2025 е поднесена кривична пријава против А.А. поради постоење на сомнение дека сторил кривично дело „телесна повреда“ по член 130 став 2, а во врска став 1 од Кривичниот закон. Продолжуваат да се преземаат дејствија за целосно испитување на настанот.

Денеска во просториите на Ракометната федерација на Македонија се извлекоа редните броеви на екипите што ќе се борат за титула и опстанок во Супер лигата.

И покрај високите амбиции на стартот од сезоната, ракометарите на Прилеп и оваа година ќе водат борба за опстанок во плеј-аут разигрувањето.

Во првото коло кое се игра на 2. април, прилепчани ја пречекуваат екипата на Борец ФЛ.

Распоредот на натпревари до крајот на сезоната за РК Прилеп е следен:

ВТОРО КОЛО: РК Прилеп – РК Прилет

ДЕСЕТТО КОЛО: РК Прилеп – РК Струга

Врз основа на предлогот на Комисијата за спроведување на постапка за субвенционирање /надоместување на дел од трошоците на граѓаните на подрачјето на Општина Прилеп зa набавка на грејно тело со инвертор за 2025 година, а во согласност со Јавниот повик од 2025 година, согласно Правилникот за користење на финансиски средства од буџетот на Општина Прилеп за субвенционирање /надоместување на дел од трошоците на граѓаните на подрачјето на Општина Прилеп за набавка на грејно тело со инвертер  година број 09-595/33 од 15.03.2021 година (Службен гласник на Општина Прилеп бр.3 од 15.03.2021) и Правилникот за измена и дополнување на Правилникот за користење на финансиски средства од Буџетот на Општина Прилеп за субвенционирање/надоместување на дел од трошоците на граѓаните на подрачјето на Општина Прилеп за набавка на грејни тела со инвертер број 09-571/6 од 12.02.2025 година (Службен гласник на Општина Прилеп бр.2 од 12.02.2025) и и Одлуката за определување на максимален износ за доделување на поединечна субвенција/надомест на дел од трошоци на граѓани на подрачјето на Општина Прилеп за набавка на грејно тело со инвертер за 2025 година број  09-571/5 од 12.02.2025 година (Службен гласник на Општина Прилеп бр.2 од 12.02.2025),  Општина Прилеп објавува Финална листа на баратели кои ги исполниле, односно не ги исполниле критериумите субвенционирање / надоместување на дел од трошоците за за набавка на грејно тело со инвертер за 2025 година.

Од вкупно пристигнатите 305 (триста и пет барања), 288 (двесте осумдесет и осум) баратели ги исполниле критериумите, 1 (еден) барател го повлекол барањето, а 16 (шестнаесет) баратели не ги исполниле критериумите за надомест на дел од трошоците за купување велосипеди за 2024 година.

Листа на баратели кои ги исполниле условите – преземи

Листа на баратели кои НЕ ги исполниле условите – преземи

Напомена:         Листите ќе бидат достапни на веб страницата на Општина Прилеп www.prilep.gov.mk, во период од 15 дена од денот на објавувањето.

Во периодот од 2.03.2025 година до 20.03.2025 година, директорот на правни и општи работи Орде Ѓорѓиоски, беше учесник на Програмата за Иновациски менаџмент за Источна Европа (EEIM), која што, во организација на AOTS, се одржа во Токио, Јапонија.

Покрај интензивните предавања од реномирани експерти во областа, во периодот беа организирани средби со јапонски компании, како и посети на четири компании во Осака, кои што применуваат иновативни практики и продаваат иновативни производи.

Дополнително, оваа обука претставува исклучителна можност за запознавање со јапонскиот начин на работа и нивните принципи, што можат да најдат примена во работењето на „Витаминка“ АД Прилеп.

Во рамките на курсот, од страна на директорот на правни и општи работи и неговиот тим, беше изготвен финален проект, кој беше прогласен за најдобар во рамките на завршните презентации.

До овој момент повеќе колеги од „Витаминка“ АД ги имаат посетено програмите организирани од AOTS и нашата компанија останува партнер и понатаму во овој процес на стручно усовршување.

Видеолотарија Касинос Австрија го слави успехот на Јана Атанасовска- прва ФИС победа. Верувајќи во нејзиниот потенцијал, со гордост споделуваме дека и ја дадовме нашата безрезервна поддршка. Благодарна сум што Видеолотарија Касинос Аустриа го препозна мојот талент и посветеност и одлучи да ми даде несебична поддршка и доверба на мојот спортски пат. Нивната поддршка ми дава можност да ги имам потребните професионални услови за работа и ми дава мотивација за создаваме уште поголеми успеси, изјави Атанасовска.

Јана ја направи Македонија горда. Видеолотарија Касинос Австрија како спонзор на Јана Атанасовска се радува и се гордее на нејзиниот историски успех. Со задоволство споделуваме дека нашата млада и талентирана скијачка, стигна до својата прва ФИС победа. Ова е победа за Јана и за Македонија.

Напорната работа секогаш се исплаќа! Горда сум што овие резултати влегоа во историјата на македонското алпско скијање. Ова е само почеток. Пресреќна сум за постигнатите резултати и би била нескромна ако кажам дека не ги очекував и порано во сезоната. Во текот на оваа сезона имав одлични штопинзи на тренинзите во споредба со некои од светските скијачки, но, некако на трките ми недостасуваше некој клик, за да спојам две добри возења. Како што поминуваше сезоната, мислам дека успеав да направам симбиоза на мојот агресивен темперамент и тактичкото возење. Тоа го работевме последните триесетина дена и ја пронајдовме формулата за успех. Среќна сум што докажав дека и натпреварувач од мала држава како нашата, со труд, работа и посветеност може да се носи рамо до рамо со големите скијачки нации, изјави Јана Атанасовска. Се надевам дека со ова барем малку ќе им помогнам на сите млади спортисти да веруваат во својата спортска приказна. Би сакала да истакнам дека за врвни резултати се потребни професионални услови за работа, додава Јана.

Благодарна сум што Видеолотарија Касинос Аустриа го препозна мојот талент и посветеност и одлучи да ми даде несебична поддршка и доверба на мојот спортски пат. Нивната поддршка ми дава можност да ги имам потребните професионални услови за работа и ми дава мотивација за создаваме уште поголеми успеси, изјави Атанасовска.

„Не можам да бидам погорд на нашата натпреварувачка Јана! Ова беа извонредни трки, во кои покажа огромна посветеност, техничка прецизност и одлучност. Знаевме дека имаме потенцијал за врвен резултат, но сега таа го потврди тоа на најдобар можен начин – со победа. Подготовките беа интензивни, работевме на секој детал, а оваа победа е резултат на напорната работа и дисциплината што ја покажува секој ден. Ова е само почеток – продолжуваме со уште поголема мотивација кон нови предизвици и успеси. Постигнувањето на овие рекордни 25.02 ФИС точки за наредната сезона ни обезбедуваат подобар стартен број и можност за остварување на уште поголеми резултати, изјави Александар Атанасовски – Чаве, претседателот на клубот на Јана-АСК СКАДИ Скопје.

Со ова спонзорство, Видеолотарија Касинос Австрија ја поттикнува кариерата на една од нашите најталентирани скијачи, а едновремено, го поддржува и развојот на македонскиот скијачки спорт. Ние сме горди што можеме да бидеме дел од нејзината патека кон успехот. Уверени сме дека нејзината посветеност и труд ќе донесат големи успеси како за на, така и за Македонија.