Прилепчани ја покажаа својата хуманост на дело. И покрај поројниот дожд вчера, голем број вљубеници на фудбалот го слушнаа повикот на клубот, и купија карти за натпреварот од 22. коло помеѓу Победа и Башкими.

Целта беше да се продадат што повеќе влезници, а со тоа и да се соберат што повеќе средства за семејствата на повредените и настраданите во кочанската трагедија.

Натпреварот против конкурентот за Прва лига заврши без голови – 0:0, а клубот ќе донира 31.000 денари од продадените влезници.

Ова беше прв потег на луѓето од новото раководство, кои во моментов работат на преземање на менаџерската палка во клубот, а потоа и враќање на Победа на старите победнички патеки.

Во деновите кои следат Маркукуле ќе ги објави имињата на новиот извршен директор, новите членови на управниот одбор и денот кога официјално ќе се изврши преземањето на клубот.

До четврток ќе се задржи променливо облачно време со повремени врнежи од дожд.

Наместа ќе биде нестабилно, особено во попладневните часови, а локално ќе има услови за појава на краткотрајно невреме со пообилен пороен дожд, за кратко време над 15 литри на метар квадратен, грмежи и засилен ветер.

Како што информираат од УХМР, стабилизирање на времето ќе има во петок.

Денес се празнува Свети Алексиј човек Божји.

Различни се патиштата по кои што Бог ги води оние што сакаат да Му угодат и да го исполнат Неговиот зeкoн. Во времето на царот Онориј, во Рим живееше високиот царски достоинственик Ефтимијан, многу угледен и многу богат. Тој и жена му Аглаида животот го минуваа богоугодно. Иако беше богат, Ефтимијан само еднаш дневно седнуваше на трпеза, и тоа по залезот на сонцето. Имаа син единец, Алексеј, кој кога порасна го пpинyдиjа да се ожени.

Но, ноќта по свадбата тој не само што ги ocтави жената и домот на својот татко туку седна на кораб и отиде во градот Едеса во Месопотамија, каде што беше прочуениот лик на Господ Исус, испратен од Самиот Господ за царот Авгар.

Откако му се поклони на овој лик Алексеј се облече во руво на пpoсjaк и како таков живееше во тој град полни седумнаесет години, непрестано молејќи Го Бога во припратата на црквата на Пресвета Богородица.

Кога таму се прочу како богоугодник, тој се yплaши од човечката слава и зaминa, седна на кораб што оди за Лаодикија, но по Божја Промисла коработ беше носен и доплови дури до Рим.

Сметајќи го ова за прст Божји, Алексеј смисли да отиде во домот на својот татко и таму како непознат да го продолжи својот подвиг. Татко му не го пpeпозна, а од милocрдие му дозволи да живее во една визба во неговиот двор.

Овде Алексеј помина уште седумнаесет години, живеејќи само на леб и вода. Cлyгите го мaлтpeтиpaа на разни начини, а тој пpeтрпе сè. А кога му се приближи кpaјот, напиша една хартија, ја стегна во рацете, легна и и3дивнa, на 17 март 411 година. Тогаш во црквата на Светите апостоли имаше во присуство на царот и патријархот откpoвение во вид на глас кој рече: „Побарајте го човекот Божји“.

Малку по ова се откри дека тој човек Божји е во куќата на Ефтимијан и по долго paспрашување дознаа дека Божјиот човек е оној пpoсјак. Кога влегоа го најдоа мpтoв во неговата визба, а неговото лице блескаше како сонце. Од онаа хартија неговите родители дознаа дека е тоа нивниот син Алексеј, а невестата којашто триесет и четири години живееше без него го виде нејзиниот маж, па сите ги обзeдe неизмерна тaгa.

По ова сепак се утешија гледајќи дека Бог го прослави Својот угодник. Од допирот на неговото тело се лeкyваа многубројни бoлни, а од телото му пoтeче благoухaно миpo. Го погpeбaa во кoвчeг од мермер и смарагд.

Неговата глава се наоѓа во Светата Лавра на Пелопонез. Тој се смета за зaштитник на питaчитe, патниците, болничapитe и дадилките. Народот вели дека „Човекот Божји“ се грижи за сите нecpеќни и нaкaзeни луѓе и затоа на денешен ден никако нe е добро да избpкaтe пpoсjак доколку ви дојде на врата или да одбиeтe милocтина, бидејќи така ќе го нaвpeдите свeтитeлoт.

Во Битолскиот театар беше промовирана монографијата „80 години Народен театар Битола“ од проф. д-р Иван Додовски. Настанот започна со минута молк.

во знак на почит кон жртвите во големата трагедија која се случи во Кочани, а потоа присутните ги поздрави директорот на НТБ, Васко Мавровски. За монографијата зборуваа промоторите: проф. д-р Мишел Павловски и проф. д-р Даниела Андоновска-Трајковска, претседателка на Македонското научно друштво Битола.Настанот го модерираше актерот Марјан Ѓорѓиевски.

Монографијата е богато илустрирано издание што ја бележи историјата на растежот на институционалниот театар на македонски јазик во Битола во периодот од 1944 до 2024 година. Напишана на 310 страници, книгата содржи и прилози за претстави, гостувања, награди, ангажирани режисери, актери, сценографи, костимографи и за сите други творци што оставиле печат во осумдецениското траење на овој театар. Оваа публикација е значајно сведоштво за еден растеж и за достигнување на врвни уметнички вредности што станале неизоставен дел од македонската културна меморија. Од првата претстава „Ѓоре Магаревски“ одиграна на 14 ноември 1944 година, до новата верзија на оваа едночинка во 2024 година, Народниот театар во Битола остварил извонреден подем, издигнувајќи се од мала локална институција во признат ансамбл што со успех гостувал во регионот и во Европа, како и во САД, Австалија и Кина.

Како што забележува авторот на монографијата Иван Додовски, во осумте децении постоење, во Битолскиот театар биле поставени вкупно 569 премиери, со вкупно 11.670 изведби, кои ги виделе околу 3,2 милиони гледачи. Сумарно погледнато, околу дваесет проценти од репертоарот биле дела од најзначајните домашни автори. Исто така, на битолската сцена досега работеле 135 режисери од кои 77 се македонски режисери, а гостувале 58 режисери од Србија, Хрватска, Словенија, Босна и Херцеговина, Бугарија, Русија, Романија, САД и од други земји. Деценијата од 1985 до 1994 година може да се нарече златен период на Народниот театар во Битола. Апсолутен рекорд е поставен во 1992 година кога биле прикажани 226 изведби за 84.645 гледачи!

Рецензенти на ова монографско издание се проф. д-р Сузана Киранџиска и проф. д-р Мишел Павловски, уредници се Билјана Крајчевска и Оливера Павловиќ, лектор Жаклина Атанасова, а во прибирањето на податоците и во подготовката како стручен тим од Народиот театар во Битола учествуваа: Стеванка Вељановска, Билјана Вржовска, Сашо Илковски, Марија Козарова, Билјана Крајчевска, Александар Митровски, Филип Ошавков, Оливера Павловиќ и Владимир Переловски. Дизајнот на монографијата е на Сергеј Светозарев, а ја отпечати Графопром – Битола. Публикацијата содржи богата збирка фотографии од архивот на НТБ.

Иван Додовски е редовен професор по критичка теорија, компаративна литература и културологија на Универзитетот Американ колеџ Скопје. Автор е на четири поетски книги, збирка раскази и на повеќе студии од областа на книжевноста и театарот. За својата истражувачка работа ги добил наградите „Хејман“ и „Гертрут Кропер“ од Универзитетот во Нотингем, Англија. За книгата Мало фолио за театар (2018) ја добил наградата „4 Ноември“, а за книгата Долгата транзиција на Македонија (2023), приредена заедно со британскиот историчар Роберт Хадсон, а објавена од лондонскиот издавач „Палгрејв Макмилан“, бил одликуван со државната награда за наука „Гоце Делчев“. Како гостин-предавач држел предавања на универзитетите во Мелбурн, Дарби, Глазгов, Нитра, Јена и Будимпешта. Иван Додовски е претседател на Европската мрежа за драма и превод „Еуродрам“ со седиште во Париз.

Историјата на Народниот театар во Битола е сведоштво за еден растеж и за достигнување на врвни уметнички вредности што станале неизоставен дел од македонската културна меморија. Издавањето на монографијата е помогнато од Министерството за култура на Република Македонија.

Пред бројна публика, на дожд и лизгав терен, фудбалерите на Победа успеаја да освојат бод на дуелот против фаворитот за пласман во Прва лига, екипата на Башкими од Куманово.

Резултатот 0:0 не го отсликува натпреварот на кој имаше убави шанси на двете страни, но и цврстина и одлична игра.

Се истакнаа двајцата голмани, Николоски и Јашар, а во 59. минута од натпреварот одекна долг аплауз во чест и сеќавање на 59-те жртви од трагедијата во Кочани.

Во наредното коло црвено-белите повторно играат на домашен терен. Во Прилеп доаѓа екипата која им дише во врат со бодови, Вардар од Неготино.

За потенцирање е и тоа што парите од влезниците за овој натпревар, ќе бидат донирани за семејствата на загинатите и повредените во кочанската трагедија.

ТАБЕЛА:

Македонија ЃП 49
Башкими 49
Брегалница 47
Арсими 42
Скопје 34
Детонит 32
Саса 32
Охрид 32
Кожуф 31
Беласица 31
Победа 23
Новаци 23
Вардар Н. 21
Осогово 17
Борец 10
Вардарски 8

Вардар попладнево го победи Пелистер со 3:1 во дербито на 25. коло на Првата македонска фудбалска лига.

„Црвено-црните“ до триумфот на тешкиот терен дојдоа со двата гола на Мато во последните 15 минути, откако на полувреме резултатот беше нерешен 1:1.

Другите средби од ова коло се играат в понеделник. Двојките се:

Гостивар – Воска Спорт
Работнички – Беса
Шкендија – Брера
Силекс – Тиквеш
Струга – Шкупи.

Табела: Шкендија 50 бода, Силекс 48, Работнички 45, Гостивар 44, Струга 38, Шкупи 31, Пелистер 29, Вардар 25, Тиквеш 21, АП Брера 21, Беса 21, Воска 19.

Со донација на компанијата “Комфи Ангел”, значително се подобрија условите во хируршкото одделение во прилепската болница “Борка Талески”.

Станува збор за донација на 50 јоргани, 50 перници, 50 долни чаршави и 50 навлаки, нови постелнини кои се секогаш неопходни во здравствените установи.

Од болницата упатија благодарност за хуманоста и општествената одговорност на компанијата и порачаа дека оваа донација ќе придонесе за подобрување на удобноста и условите за пациентите.

-“Комфи Ангел”, ви благодариме што сте наш сигурен партнер во грижата за здравјето и хуманоста – напишаа од болницата на социјалните мрежи.

На самиот влез во Прилеп од страната за Скопје, во непосредна близина на бензиската пумпа “Макпетрол”, се наоѓа најмераклиското место во градот под Марковите Кули. Ресторан BEER TI & JA веќе цела година е магнет и главна дестинација за сите гурмани и вљубеници во вкусот на традицијата.

Богата понуда на македонска традиционална храна, пријатен амбиент, културен и искусен персонал, ресторан каде ќе добиете комплетна услуга од А до Ш.

Со цел да излезе во пресрет на сите нивни ценети гости, тимот на ресторанот подготви неодоливо посно мени, кое ќе им се допадне на сите оние кои деновиве до Велигден ги поминуваат во пост.

Риба и рибини специјалитети,  грилован зеленчук, посни додатоци, салати и популарното македонско ТАВЧЕ ГРАВЧЕ, се само дел од богатото мени кои можете секојдневно да ги дегустирате.

За квалитетот да не правиме муабет, зајрето секогаш пресно и квалитетно, секој кој пробал ќе ви потврди.

Кој рече дека вистински гурман и вљубеник во македонска храна, не може убаво да се нагости и со посна храна?

Повелете во ресторан Beer ti & ja!

Премиерот Христијан Мицкоски, придружуван од Заменик министерот за економија и труд, синоќа беа на состанок со Општинскиот Комитет на ВМРО-ДПМНЕ Струмица.

-Заедно со народот, да ги ангажираме сите капацитети, заедно да го рестартираме системот. Подготвени за промени и подобра иднина, напиша Мицкоски на Фејсбук.

-Потребно е ангажирање на сите капацитети, само заедно можеме да го рестартираме системот, само заедно можеме да воведеме промени и подобра иднина – порача на социјалните мрежи Ристески.

Летното сметање на времето започнува оваа година на 30 март, ноќта меѓу сабота и недела.

Тоа значи дека на 30 март во 02:00 часот, часовниците ќе се поместат во 03:00 часот, односно еден час понапред.

Менувањето на часовниците секоја година привлекува големо внимание, дури и сега кога сè е главно автоматски и не треба да размислуваме дали некаде ќе задоцниме затоа што заборавивме да ги смениме часовниците. Но, тоа сепак може да влијае на нашите планови (промени во сообраќајот, спиењето, работата), а исто така знаеме дека префрлањето на летно сметање на времето носи одредени здравствени ризици.

Иако со години се зборува за престанок на менувањето на часовникот, сегашниот распоред сè уште не држи во ритамот на две промени годишно – пролет и есен.

Летното сметање на времето секогаш започнува на крајот на март, точните датуми се менуваат, а оваа година го поместуваме часовникот нанапред на 30 март или утре во 2 часот по полноќ. Тоа значи дека ќе изгубиме еден час сон, но вечерите ќе бидат подолги.

Ќе се вратиме на зимско сметање на времето на 26 октомври, а потоа ќе ги поместиме часовниците наназад – од три во два наутро. Тогаш ќе спиеме еден час, но деновите ќе бидат пократки.

Историја на временските промени: Летното сметање на времето беше воведено од Бенџамин Френклин во 1784 година како дел од планот за заштеда на енергија, верувајќи дека луѓето ќе користат помалку светлина и енергија во летните месеци доколку ја искористат предноста од повеќе дневна светлина.

Сепак, посериозно спроведување на летното сметање на времето започна во Првата светска војна, кога многу европски земји, вклучително и Велика Британија, ја прифатија практиката за заштеда на енергија за време на војната.

Летното сметање на времето за првпат беше воведено од Германија во 1916 година, а неколку недели подоцна и од Велика Британија.

И двете беа во екот на Првата светска војна и за нив беше многу важно најдобро да ја искористат дневната светлина и да го зачуваат јагленот.

Следната година тоа го направи Русија, а во 1918 година САД. Меѓутоа, во мирнодопски услови, тоа не се одржа во Америка.

Под притисок на земјоделците, американскиот претседател Вудро Вилсон набрзо го укина летното сметање на времето, наведувајќи дека земјата се враќа во „божјото време“.

За време на Втората светска војна, летното сметање на времето повторно стана задолжително, а по војната многу земји продолжија да го користат.

Во САД, практиката на летно сметање на времето стана задолжителна во 1966 година со Законот за стандардно време, додека европските земји го воведоа во 1970-тите.

Денес, многу земји ширум светот сè уште практикуваат летно сметање на времето, додека некои земји, како Русија, Аргентина и Јапонија, ја немаат усвоено оваа практика.

Интересно, се зголемува дебатата за тоа дали менувањето на времето е сè уште корисно, бидејќи се покажало дека прави повеќе штета отколку добро во некои случаи, особено поради неговото влијание врз здравјето.