Во организација на здружението за субкултура ПП ЏЕЗ ФЕСТИВАЛ, во недела на 24. август 2025г со концертот на Next To Silence на археолошкиот локалитет Врбјанска Чука, ќе започне четиринаесеттиот прилепски џез фестивал „Prilep Jazz Weekend“,кој оваа година ќе трае седум дена, од 24. до 30. август 2025г.

Првите четири дена ќе ги проследиме концертите од OFF програмата кои ќе се одржат на Археолошкиот локалитет Врбјанска Чука и во клубот Калинка, додека концертите од официјалниот дел на програмата, публиката ќе може да ги проследи на летната сцена од НУЦК Марко Цепенков.

Прилепскиот џез фестивал и овој пат ќе понуди одлична програма со повеќе концерти, и перформанси, со што ветува доживување на ново и незаборавно искуство на сите љубители на добрата музика.

Во своето четиринаесетто издание, оваа година прилепскиот џез фестивал ќе се претстави со следната програма:

OFF програма што ќе трае од 24ти до 27ми август :

• Акустичен концерт на бендот Next to Silence на археолошкиот локалитет Врбјанска Чука.
• DJ сет на ШУРБЕ ( клуб Калинка)
• Концерт на прилепскиот бенд DIATTIC (клуб Калинка)
• DJ сет на ZGROWETIN ( клуб Калинка)

Во официјалниот дел на програмата македонската јавност на летната сцена од ЦК Марко Цепенков ќе може да ги проследи следните бендови :

Четврток 28 август 2025г

Фестивалот ќе го отвори тенор саксофонистот Блаж Шваган со неговиот бенд Blaž Švagan Quartet и ќе ни се претстават со нивниот најнов материјал насловен Absolute Candor снимен во New York кон крајот на 2024г. Стилски, музиката може да се опише како модерен џез, кој се инспирира од дет металот и научната фантастика. Има неколку моменти со висока енергија, но во исто време оваа музика дозволува многу простор, со добра количина на смиреност.

Во продолжение на вечерта публиката ќе може да ужива во еден несекојдневен перформанс, џем – сешн, со кој ќе се оддаде почит на младиот клавијатурист и композитор Филип Стеваноски, кој минатата година настапи на нашиот фестивал со својот бенд и остави незаборавен впечаток. На истиот ќе настапат врвни музичари, пријатели и поранешни членови од неговиот состав — обединети преку музиката што Филип ја живееше и ја носеше во себе: Панко Гелев, Јован Цветковиќ, Боро Шопов, Филип Крстевски,Ѓоле Максимовски,Дино Милосављевиќ, Гоце Стевковски, Кирил Кузманов, Трајче Велков,Ѓоле Грујовски, Маја Капсарова, Владан Дробицки, Владимир Четкар  итн…

Петок 29 август 2025г

Втората вечер ќе започне со настапот на бендот од Скопје, The Local Blue, од кои ќе имаме можност да слушнеме инструментален краут рок со забележливи психоделично-динамични акценти… уникатна спојка на една звучна палета од психоделичен, стоунер, спејс и пост рок..

На крајот од денот PJW  ќе биде домаќин на TOKU, претставник од њујоршката џез сцена, кој на фестивалот во Прилеп ќе настапи со SAMURAI JAZZ QUARTET во придружба на врвни македонски артисти кои оставиле голем белег во Jazz & World music на меѓународната сцена  : Оливер Јосифовски, Симеон Петров и Александар Петров.

TOKU (познат како Џез Самурај) е џез вокалист и свирач на flugelhorn од Niigita, Јапонија, кој  зад себе има 14 издадени албуми за Sony Music, а од 2021 година тргнува на патување за да се поврзе со светот преку својата музика…

Фестивалот ќе го затвориме со концертите на дуото Кондовски/Дробицки и ОБОЈЕНИ ПРОГРАМ.

Сабота 30 август 2025г

Амбиентално – синематски стил на музика преку реализација на проектот „Ноќен пејсаж“ на публиката во Прилеп ќе и презентираат Глигор Кондовски и Владан Дробицки.

„Соникантен пејзаж што нежно се движи кон вашите уши, а потоа ја исполнува вашата внатрешност со богат и прекрасен звук. Темно, а сепак полн со живот и копнеж. Современ, а сепак евокативен. Кратка меморија или поглед во ноќното небо.“

Фестивалот ќе го затворат легендaрните ОБОЈЕНИ ПРОГРАМ кои повеќе од четири децении се присутни на сцената за да не радуваат и повеќе од триесет години не настапил во Македонија.Бендот што кога прв пат ќе го слушнеш, остануваш верен на него се додека слободата и бунтот тлее во тебе.

ПС.не пропуштајте 😊

Prilep Jazz Weekend е веќе четиринаесет години домаќин на најдобрите имиња од македонската, балканската и на дел од европската џез сцена и е позициониран на картата на значајни музички манифестации, не само во Република Македонија, туку и еден од позначајните во регионот воопшто. Во изминатите години сите што настапија на неговата сцена, оставија белег во креирањето на фестивалската историја и извршија силно влијание врз прилепската публиката.

Фестивалот е поддржан од Министерството за култура, Општина Прилеп и неколку општествено одговорни компании на кои од срце им Благодариме.

Влезници за Prilep JAZZ Weekend  може да се купат на плоштадот во #CityTobacco.

Детални информации за фестивалот можете да видите на нашата веб страна

www.prilepjazz.mk

Fun page

https://www.facebook.com/prilepjazzweekend

или на  телeфонскиот број: 075 770 600

На видеолотариските терминали во Ново село, Александар Павлески го освои Милионер џекпотот во износ од 1.621.296 денари!

Александар Павлески од Скопје се приклучи на семејство среќни милинери на Видеолотарија. Тој на 08.08.2025 го освои Милионер џекпотот вреден 1.621.296 денари.

Тимот на Видеолотарија од срце му честита на Александар за освоениот Милионер џекпот. Оваа добивка, нека му донесе уште повеќе радост, исполнети соништа и многу убави моменти со семејството!

Добивката Милионер џекпотот е освоена на видеолотариските терминали кај нашиот деловен соработник Златна Копачка во Ново Село.

Во периодот од 11.08.2025 до 17.08.2025, играчите вкупно освоија фантастични 17.865.588 денари, меѓу кои:

–  1 добитник на Супер Милионер – 7.086.907денари

 – 6 добитници на Милионер –8.260.131 денари

– Добивки од Мини џекпоти -2.518.550 денари

Забавата со ВЛТ продолжува. Кој ќе биде следниот среќен милионер?

Во рамките на културниот настан „Бит Фест“, во книжарницата Book’s House се одржа промоцијата на сликовницата „Битолскиот клавир Петко“ од авторката Елена Наумовски Нена, со илустрации на Мирјана Бубевска. Настанот се одвиваше во волшебна атмосфера и предизвика огромен интерес кај публиката.

Целиот прв тираж на книгата беше распродаден уште за време на промоцијата, а веќе се печати ново издание кое наскоро ќе биде достапно во книжарата Book’s House.

Во своето обраќање, авторката изјави: „Клавирот Петко е упорен – па и кога пропаѓа на дното од морето, повторно сака да свири. Во тоа ја гледам поврзаноста на Петко со Битола. На Битола и јас. Упорни сме и колку и да сме на дното, јас и Битола веруваме во чуда. Го сакам овој град и ова нека биде апел во име на сите македонски автори, театарџии, актери, филмаџии, уметници – Отворете ни ја вратата и слушнете не! “

Бубевска и Наумовски најавија и идни проекти: нови детски приказни поврзани со локалната култура, а и детки сликовници кои ќе зборуваат за културата, историјата, легендите и традицијата во останатите градови низ нашата земја, персонализирани сликовници, како и мала театарска и филмска школа за деца.

„Барајте ја љубовта во децата. Таму најискрено се живее!“ – додаде авторката.

Со „Битолскиот клавир Петко“ започнува едно ново поглавје во современата македонска детска литература, кое го спојува автентичното битолско наследство со свежа авторска визија.

Вицепремиерот Александар Николоски на покана на премиерот на Унгарија, Виктор Орбан, присуствува на Националниот ден кој се слави во чест на Свети Стефан основачот на унгарската држава и христијанството во Унгарија.

Покрај учеството на прославата на националниот ден, предвидени се повеќе средби со високи претставници на владата на Унгарија, неколку министри и потенцијални инвестиции.

На средбите е предвидено да се разговара за динамиката на проектите во Македонија како и за идната засилена економска соработка помеѓу двете држави.

Посетата на вицепремиерот е уште една потврда за одличното пријателство и соработката помеѓу Македонија и Унгарија.

Во време кога финансиската сигурност е поважна од кога било, Mint Fintech Group е партнерот на кој можете да се потпрете. Нашата филијала во Прилеп веќе е препознатлива адреса за сите кои сакаат практични, брзи и доверливи финансиски услуги – од кредити и осигурување, до менувачница.

Брзи и флексибилни кредити со Mint Credit

Кога ви треба финансиска поддршка, Mint Credit е вистинскиот избор. Нудиме брзи кредити без сложени процедури, со јасни услови и достапни решенија за секој буџет. Без долги редови и чекање, кај нас го добивате потребниот кредит брзо, едноставно и сигурно.

Осигурување со доверба преку Mint Ins

Со Mint Ins осигурителен брокер добивате целосна заштита. Од осигурување на возила и имот, до патничко и животно осигурување, нашиот тим ќе ви помогне да го изберете најдоброто решение за заштита на вашето семејство и имот. Секогаш со максимална поддршка и професионална грижа.

Сигурна и поволна размена на девизи со Mint Exchange

За оние кои секојдневно патуваат, работат или штедат, нашата менувачница Mint Exchange е тука да обезбеди најповолни девизни курсеви во градот. Нашата менувачница гарантира брза и сигурна трансакција, овозможувајќи ви да добиете најмногу за вашите пари. Дојдете и уверете се во нашите поволни услови.

Зошто да го изберете Mint Fintech Group?

Нашата мисија е да ги направиме финансиските услуги достапни и едноставни за сите. Нашиот тим во Прилеп е составен од искусни професионалци, подготвени да ви дадат индивидуален пристап и стручен совет. Ние не сме само услужен центар, туку ваш партнер во постигнувањето на вашите финансиски цели.

• Брзина и ефикасност во сите услуги
• Професионален тим кој е секогаш на ваша страна
• Решенија по ваша мерка – без скриени трошоци и нејасни услови
• Локација во срцето на Прилеп, лесно достапна за сите клиенти

Ве очекуваме!

Посетете ја нашата филијала во Прилеп и запознајте се со нашите услуги. Нашите врати се отворени за сите кои бараат сигурен и доверлив финансиски партнер.

Посетете нè на ул. Васко Карангелески бр.1, или контактирајте нè на 075 499 546.

Oд 20 до 29 август градот станува музичка престолнина со журки, концерти и урбана атмосфера што ја носи Fresh Union. Фестивалот започнува со посебен музички ритуал среда, на 20 август, во кафе бар „Јагода“ DJ Goce Saf со свој vinyl сет ќе ја отвори атмосферата во духот на вистинскиот битолски урбан вајб.

Два дена подоцна, на 22 август, во „Училница Specialty Coffee“ ќе се одржи урбан afterwork gathering со Street Soul Delight – Тони Зен, DJ Boogiemen и DJ Mawrteen – кои со својата уникатна r’n’b и soul селекција ќе внесат нова енергија во попладневниот битолски ритам.

Електронската сцена ќе добие свој момент на 23 август, кога во клубот „Расчекор“ ќе настапи еден од најпознатите македонски електронски артисти, DJ Галоски, заедно со локалниот фаворит DJ Acika.

На 27 август, фестивалот се сели во легендарниот „Porta Jazz“, каде DJ Cvare ќе понуди уникатна селекција на грувови и алтернативни ритмови – вечер која ќе спои традиција и современ звук.

Сето ова е вовед во спектакуларното големо финале на 29 август на Ракометното игралиште, кога Битола ќе биде место на најголемиот музички собир ова лето. Вечерта ќе ја отвори DJ Чико – симбол на добриот битолски звук, по што ќе следи концерт на еден од најпопуларните македонски бендови – Нокаут – со нивните хитови кои со години ја полнат домашната музичка сцена со емоции. За спектакуларен крај ќе се погрижат легендарните Дивље Јагоде, чиј рокенрол дух и непогрешлива енергија ќе ја запечатат оваа незаборавна фестивалска приказна.

S.O.S. Festival не е само концертна програма – тоа е вистински симбол на битолската сцена и урбаната култура, место каде што музиката станува заедничко искуство и спој меѓу генерациите. Од 20 до 29 август, Битола ќе дише во ритамот на фестивалот – и ќе го слави летото како што доликува. Влезниците за 29 август се во продажба on line на mktickets.mk, а физички во Димпо Тобака (Грозд, Широк Сокак, Ленски Мост, Нов Пазар) и Tobacco Brothers-Широк Сокак.

Започна да се спроведува проектот за изградба на фекална канализација за собирање отпадни возди и постројки за нивни третман во преспанските населени места: Претор, Стење, Крани, Долно Дупени, Брајчино и Сливница.

Проектот во вредност од седум милиони евра е финансиран од ЕУ и кофинансиран од Програмата за развој на Обединетите нации.

Во моментов се работи на канализационите мрежи во Претор и Брајчино, а проектот треба целосно да се спроведи до 2027 година.

-Овој проект е еден од најголемите во нашата држава, премногу значаен за локалното население, за заштита на животната средина и за туризмот во овој крај. За мала општина ова е огромен проект. Ќе градиме шест канализациони системи, а инфраструктурниот проект опфаќа и други активности со кои ќе добиеме подобар квалитет на услугите за населението, заштита на животната средина и ќе го унапредиме туризмот во Преспа, изјави градоначалникот Тозиевски.

Преспанскиот регион во изминатите неколку години се соочува со вистински егзодус, најмногу поради повлекувањето на водата на Преспанското Езеро, но тука секако е недостатокот на реална стратегија за развој на овој регион и повторно заживување и враќање на туристите.

Приватните луѓе праќаат пациенти на операција, кај кои не е потребна никаква операција, тврди познатиот македонски кардиолог, д-р Сашко Кедев. Тој за време гостувањето во „Стадион“. на Канал 77 вели дека пречесто се случува да одвраќа луѓе од непотребни операции.

-Најголем дел од мојата консултативна активност е во одвраќање на луѓе од непотрени интервенции. Непотребни статирања, непотребни операции. Ние во моментов се соочуваме со нешто застрашувачко, а тоа се тие непотребни интервенции, коишто се профитно ориентирани. Имае пролиферација на приватни институции, болници, на коишто интересот им е профит. Тоа се лесно докажливи работи, тоа е снимено на филм. Имаме докази дека одредени центри треба да се затворат од медицински аспект. Да се случува тоа во Англија или Америка тоа ќе биде под клуч. Оперирале без потреба, сечеле граден кош без потреба. Имаме докази за тоа – изјави д-р Кедев.

Тој ги повика Министерството за здравство и Фондот за здравство да ги проверат ваквите сознанија и да преземат соодветни мерки.

-Релевантните институции треба да преземат нешто. Пред се мислам на Министерството за здравство и Фондот за здравство. Тоа се институциите што ги плаќаат овие интервенции. Но не само што ги плаќаат. Не е проблемот во парите. Зборуваме за многу сериозни етички проблеми кои што се поврзани со профит. Профит во медицината не смее да има. Пари и профит има на здрави луѓе. На болни луѓе нема профит. Таму каде што има интервенции често има и дополнителни трошоци, дополнителна терапија и тие пациенти не носат профит. Профит има со здрави луѓе. Министерството и Фондот кои што даваат дозвола за работа треба да следат што се прави во тие институции. Ова што го кажувам е мое искуство, но и искуство на десетина доктори што го работат истото со мене. На дневна основа на нас ни доаѓаат луѓе со наод пратени во една од приватните болници за операција. Во тие записи нема апликација за стенд, а не па за операција. И тие луѓе одат на операција – додава Кедев.

Oпштинскиот Комитет на ВМРО-ДПМНЕ Прилеп синоќа во амфитеатарот во “Варош” прослави 35 години постоење. На свеченоста присутни беа премиерот Христијан Мицкоски и вицепремиерот Aлександар Николоски.

Присутните се потсетија и на првиот Конгрес на партијата кој се одржал на 6. и 7. април 1991 год. токму во Прилеп.

Премиерот Мицкоски во својот говор потсети на се’ она што е направено во првата година од мандатот на Владата, потенцирајќи го зголемувањето на пензиите за 7.000 ден., зголемувањето на субвенциите за тутунопроизводителите, патиштата кои што се градат, вратените долгови и исплатените заостанати плати во повеќе институции и претпријатија.

Мицкоски потенцираше дека владината каса ја начекале во минус, а дека сега државното салдо овозможува да се сервисираат сите исплати со цел нормално функционирање на државата.

Мицкоски пред присутните вети дека Прилеп ќе продолжи да се развива, потенцирајќи дека државата и во иднина ќе вложува големи средства за реализација на капитални проекти во општините.

Од 20.08.2025 до 29.08.2025 година, населени места и села од oпштина Прилеп, во одредени периоди од денот ќе бидат без електрична енергија.

Според известувањето од elektrodistribucija.mk планираните прекини се предвидени во следниов период и локации: