Обиколницата на Крушево ќе овозможи градот да биде центар за развој на, главно, авантуристичкиот туризам, по што е најпознат во светот. Тоа е еден од четирите проекти со кои градот бара средства од 1 милион и 130 000 евра од унгарскиот кредит преку Министерството за локална самоуправа за оваа година. Ќе бидат поврзани скијачките терени и авантуристичките паркови.

-Поточно, обиколницата ќе биде локален пат од Порта до скијачките терени и од познатата чешма на АРМ до скијачките терени со што ќе се формира тој дел, или, тие парцели ќе добијат инфраструктура кои се градат изминатиот период и се продадени од Општината. Инаку, претходно се реконструираше локалниот пат од Порта до Мечкин Камен. Тоа ќе донесе дополнителен раст и развој на туризмот, не само во Крушево, туку и цела држава ќе биде насочена кон Крушево кој ќе биде центар на внимание, рече Томе Христоски, градоначалник на Крушево.

Крушево годинава очекува да го започне проектот со Грција преку Европската Унија и да го гради алтернативното полетувалиште за параглајдеристи на Црн Врв.

-Местото е црни Врв каде, отспротива, има одлична ружа на ветрови и со тоа Крушево ќе биде уште попрепознатливо. Ега е на трето место во светот по параглајдерство, а со ова сакаме да ги има првите места. Многу можности ќе добијат аматерските параглајдеристи, вели Христоски.

Годинава во Крушево ќе се одржат: Светскиот куп за параглајдерство, Европското првенство и уште седум други меѓународни натпреварувања во параглајдерство. Тоа ги зголемува очекувањата во Крушево годинава да има зголемен број туристи.

УХМР информира дека до петок ќе се задржи променливо облачно време со повремени врнежи од дожд.

Во попладневните и вечерните часови локално ќе биде нестабилно, со пороен дожд и грмежи наместа во форма на краткотрајно невреме со пообилен пороен дожд (за кратко време над 15 л/м2) и засилен ветер.

Во сабота ќе настапи преодно стабилизирање на времето, а во недела се очекуваат нови врнежи од дожд.

Кашиковски од ССМ со плата од над 50.000 денари, Трендафилов и луѓето околу него со енормни примања, изјави Бране Петрушевски, пратеник на ВМРО-ДПМНЕ.

„Според информациите кои стигнаа до нас од свиркачи од ССМ, Стојанче Кашиковски, претседател на синдикатот на работниците од угостителството, туризмот и комунално-станбено стопанство остварува и дополнителни годишни примања покрај платата. Вкупните примања на Кашиковски во 2023 година, во кои влегува неговата плата и примања по други основи, биле над 810.000 денари“, додаде тој.

„Ова се синдикалците на Трендафилов и ССМ, не се знае кој од кој поголеми примања има.

Според свиркачите од ССМ, кои се разочарани од актуелното раководство, Трендафилов и луѓето околу него го претвориле синдикатот во приватна фирма.

Трендафилов и луѓето околу него одработуваат за нивните позиции по ноти на СДС, кои и ги поставија на нелегитимен начин.

Ова се луѓето кои додека ги лажат работниците за минималец, тие земаат плати неколку пати поголеми од тоа од синдикатот“, изјави Бране Петрушевски, пратеник на ВМРО-ДПМНЕ.

Изминатиот викенд во Берово се одржа Телеком Мастерс турнирот во пинг понг за кадети до 15 години

Ова беше прв од двата серијали на бодовни Мастерс Телеком турнири, а младите прилепски пингпонгари од Младост 96 по обичај се искачија на пиедесталот.

Давид Јоноски го освои второто место, а Мартин Ристески турнирот го заврши како третопласиран. Првото место пак му припадна на Кристијан Каламадески од Берово.

На 3. мај следи вториот Телеком Мастерс турнир, а кон крајот на мај Државното првенство, додека пак по него ќе се одржи и завршниот турнир Топ 8 на најдобрите 8 од ранг листата У15.

Честитки за младите прилепски пингпонгари и желби за успех на престојните натпреварувања.

Дејан Георгиевски, nакедонскиот таеквондист и олимписки херој, продолжи да ги воодушевува сите со своите спортски успеси. На турнирот Опен Скопје Г1, кој се одржа овој викенд во Скопје, Георгиевски ја освои златната медала. Со тоа ја потврди својата позиција како еден од најдобрите таеквондисти во светот.

На турнирот, на кој учествуваа натпреварувачи од 40 земји, Георгиевски го покажал својот спортски дух и борбеност. Во финалето се соочил со германскиот таеквондист Куецуеексунгур, а победата на Георгиевски била убедлива. Резултатот од 2:0 го предизвикал противникот да го предаде мечот во втората рунда поради повреда.

Оваа победа не само што го донесе новото злато за Македонија, туку и му обезбеди важни бодови за остварување на олимписката норма. Овој успех е само потврда на посветеноста и талентот на Георгиевски, кој и понатаму ќе биде силен кандидат за успешни настапи на меѓународната сцена.

Живее самечки, потстанарски живот во мрачен подрум. Се грее на дрва. Освен светилките и телевизорот, други електрични уреди нема, а по преживеаниот неодамнешен ненадеен мозочен удар, речиси три месеци таа не била ни дома. Се лекувала. Но, нејзината последна сметка за струја е дури 15.000 денари. 69-годишната прилепчанка Ангелина Талеска, која се’ уште незакрепната од болеста што ја снашла, по првичниот шок, сега во очај бара помош за, како што вели, да не плати нешто што не потрошила. А и нема ни од што, бидејќи таа преживува од социјалната пензија од неполни 8.000 денари – oбјави “АЛФА ТВ”

„Само една ламба гореше, јас бев на болница месец дена. Месец и пол бев кај брат ми додека идеше масерот. Јас сум сама тука. Два и пол месеци јас не бев тука за олку големи сметки…и да не бидам дома. Струјомерот е во салонот, клучевите беа во мене на болница и никој не може да влезе“ – видно вознемирена раскажува Ангелина Талеска.

Сомневајќи се некој да не крадел струја, или пак инкасаторот да не направил некоја грешка, таа побарала од ЕВН да дојде Комисија и да го провери броилото. Молбата и’ била прифатена и била задолжена за услугата да уплати околу 500 денари, што и го сторила. Но, наместо да дојде Комисија, таа доживеала нов шок. Била исклучена од електричната мрежа, иако други заостанати сметки – нема. По нејзината реакција, следниот ден струјата повторно и’ била пуштена, со образложение дека по грешка била исклучена. Ама, од ветената Комисија до ден-денес нема ниту трага, ниту глас.

„Ете, платив и после таа ми вели – не, не ти реков дека за Комисија плаќаш. Ами зошто го платив тоа ?! За да ти ја скини струјата тој. Ами, јас ти ја дадов цела социјална, уште 6.000 и нешто!!! Јас си го платив она дури бев дома. И сега, откако сум дојдена од болница, ми дојде 3.000 денари, зошто…за пет дена 3.000 ?! Другиот ден, си идам од ЕВН, плаќам таму, и на порта гледам – 15.000 белешка ?! И тие што ги платив.. оној дел дури бев дома…?! Јас не знам зошто?! – се прашува очајната Ангелина.

Преплашената Ангелина вели дека само таа си знае како со години врзува крај со крај со мизерната социјална пензија што ја зема. Но, досега не останала должна за ниту една сметка. Ама, овојпат, таа е гневна што од неа се бара, како што вели, да плати нешто што не потрошила, и жали што заради влошената здравствена состојба, немоќна е правдата да ја бара по други институции.

КАРОЛИНА ДУРЛО ЗА АЛФА ТВ

Јован е средношколец од Виница кој иако бил надвор кога почнал пожарот, на неколку начини помагал на повредените. Прво влегува да помага на луѓето во дискотеката, а подоцна давал и помош на повредените. Му благодариме од срце за неговата хуманост и пожртвуваност.

Тој сведочи за страшни глетки, девојка која си го поголтнала јазикот, викотници и пискотници на кои никој не сака да се потсетува.

Костадинов вели дека претешко било да се изнесуваат младите, затоа што биле онесвестени, и практично сам на раце требало да ги вади од дискотеката. Ги изнесувал само до излезот, каде ги преземале други, за тој веднаш да се врати по нови загрозени.

– Кога излегов надвор на воздух паднав на колена и многу ми се слоши. Ме земаа со една кола да ме носта, а мене очите ме печеа и ми се вртеше. Одзади ме возеа со двајца онесвестени, а во болницата беше хаос, рече Костадинов.

Тој наведе и детали за тоа како успеал да се снајде во својата намера да спаси што е можно повеќе животи.

– Го земав цревто, се измокрив. Отидов на главниот влез, ама луѓето таму беа многу заглавени, па влегов низ прозорецот што е кај билетите. Влегов во таа соба, имаше таму четири или пет луѓе. Вратата беше заглавена, ја скршивме и почнавме да ги вадиме еден по еден“, раскажува Костадинов.

View this post on Instagram

A post shared by @supportkocani

-СВР Битола поднесе кривична пријава против Д.М. од Прилеп поради постоење основи на сомнение за сторено кривично дело „спречување на службено лице во вршење на службено дејствие“ и „спречување на докажување“.

На 12.03.2025 во Прилеп, полициски службеници извршиле претрес во домот во домот на пријавениот, при што пронашле и одзеле неколку пакувања со прашкаста материја, кои се обидел да ги проголта, но бил спречен – информираат од МВР.

Платите на здравствените работници за март ќе бидат поголеми за 15 отсто, а до крајот мандатот ќе бидат покачени за 40 – 50 проценти, рече денеска премиерот Христијан Мицкоски.

Одговорајќи на новинарски прашања по посетата на струмичко Ново Село, Мицкоски потсети и дека од 1 април ќе почне исплатата на линеарно зголемените пензии за 2 500 денари.

-Буџетот во здравството, во Фондот за здравстено осигурување (ФЗО) е историски највисок, 53 милијарди денари, споредено со оние 35 кои беа во времето на короната е за 18 милјарди повеќе. Се враќаат долгови што ги генерираше претходната Влада, така што генерално инвестициите во здравството за нас се многу важни, истакна премиерот.

Во однос на пензиите, истакна дека со зголемувањето од април се реализира уште едно владино ветување.

-Сакам да потврдам дека од 1 април ќе почне и исплатата на линеарно зголемените пензии за нови 2 500 денари со што со оние првични зголемувања и ова сега доаѓаме до оние 5 000 денари линеарно зголемување кое го ветивме во првата година. Еве, за помалку од една година, за девет месеци го реализираме. Сето она што го ветивме го испорачуваме кај граѓаните и продолжуваме да работиме за интересот на граѓаните, изјави Мицкоски.

Желбата да се понуди облека со безвременска елеганција, квалитет и препознатлив стил, во денешно време не му успева секому, но тоа не е случај со Елена Велеска, млада девојка од Прилеп која предизвика вистинска модна револуција со нејзиниот ЕLLIE бутик.

Она што за голем број млади луѓе е ризик, за неа беше предизвик. Се’ започна со мало катче во уличките на Старата прилепска чаршија, а денеска ELLIE бутик е препознатлив бренд на градот под Марковите Кули. Го краси посебна енергија, има огромен избор на облека, од секојдневна, до елегантна и модерна за посебни пригоди. Лициран на Булеварот “Гоце Делчев”, веднаш до PEKO SHOES, бутик ЕLLIE е место каде на едно место се спојуваат урбаниот изглед и елеганцијата. Тука има буквално се’ што може да го освои женското срце, па добредојдени се и сите момци кои во било која прилика сакаат нешто да подарат. Од неодамна ELLIE го доби својот втор кат, кој е посебна приказна за сите оние кои се во потрага по уникатна тоалета за престојните прослави, свадбени свечености, матури… Во продолжение разговараме со Елена токму за тоа, проследете го интервјуто и погледнете зошто ЕLLIE е идеално место за шопинг во Прилеп.

Eлена, кажи ни како започна приказната за ЕLLIE и кои цели си ги постави на самиот почеток?

-Приказната започна многу интересно. Од мали нозе посакував да сум исполнета и независна личност. Работев од свои 16 години, како продавач во бутиците низ Прилеп, па во пандемијата, за време на карантинот, дојде и самата бизнис идеjа. На моја 21-годишна возраст одлучив дека ќе направам простор што ќе ја одликува мојата душа. Па така првиот дуќан изнесуваше 12 квадрати, колку мојата детска соба, уреден со љубов и скромност.

Тука започна се’, во уличките на Старата прилепска чаршија

Припадничките на понежниот пол велат дека ELLIE е посебен, дека имате посебна понуда на облека и избор каков не може да се најде на друго место. Од каде доаѓаат моделите и како успевате да го погодите вкусот на толку многу муштерики?

-Уникатноста на нашиот дуќан и избор е тоа што работиме пред се со љубов и страст кон самата работа. Како јас, така и девојките кои се дел од тимот, ја работат работата што ја сакаат. Е сега, моделите се од турско потекло, некои од нив се изработени од врвен турски памук, а некои и од арапски памук. Во секој случај станува збор за прва рака на турски квалитет. Некои модели доаѓаат и од директно производство, конкретно сега на вториот кат. Изработуваме модели во соработка со турска компанија што работи табеларно по мерка, материјал и бои. А за вкусот тоа е најлесно, нашите муштерии знаат што е квалитет и затоа го бираат ELLIE.

Новиот ELLIE бутик лоциран на бул. “Гоце Делчев” веднаш до PEKO

После само неколку месеци успешна работа на новата локација, на располагање на сите оние кои сакаат да изгледаат беспрекроно во секој пригода е и вториот кат на бутикот. Што се’ ново ќе може да се најде во оваа проширена понуда?

-Напорната работа и довербата од муштериите и нивната побарувачка мораше да ја исполнеме. Од нас побараа избор на свечени тоалети и секако уникатни, па одличивме да го направиме тоа. Сега можат да најдат пред се соодветна бројка за секоја градба на тело, во соработка со табела на величини, саемски избор на модели и секако квалитет и уникатност.

Oвој простор има посебен изглед и зрачи со силна енергија. Од каде инспирацијата за еден ваков модерен, би рекле со барокни мотиви изглед на ентериерот?

-Идејата за нашиот совршен и моментално најдобар ентериер ја изградивме заедно, со задоволство ќе го споменам Гаврил Бошкоски, и неговиот тим на gvrl design за долниот кат, додека изгледот на вториот класичен кат беше моја лична замисла. Иизработката е дело на тим на мајстори, кои што неуморно и со кеиф ја реализираа мојата идеја. Идејата за горниот дел беше да има мирен и пријатен дух, налик на едно мало сопствено атеље.

Доаѓа период на прослави, свадбени свечености, матури… Што е тоа посебно што треба да ги натера припадничките на понежниот пол да го посетат вашиот бутик?

-Уникатноста. Дефинитивно подобро е да имаш уникатна тоалета што ќе те направи да си посебна и своја.

Дали примате и онлајн порачки за оние кои не можат да ве посетат во секое време?

-Да зад нас стои тим кој што располага со работа на онлајн услугите низ нашата држава.

Кажни ни кои трендови се ин во моментов, кои бои ќе се преферираат во престојната пролет-лето сезона?

-Пастелните нијани се секогаш во тренд, поточно класиката нема сезона. Класиката претставува еден вечен тренд.

За крај кажи ни дали девојките и жените од Прилеп знаат што е убаво и знаат да бидат во тек со модните текови?

-Стилот и модата напредуваат. Прилеп како помало место има супер стил, најбитно е да им е комотно и пријатно во парчето облека. Тогаш жените и девојките се најубави, и секако тие го бираат ELLIE.

На Елена и посакуваме огромен успех во проширувањето на нејзината бизнис идеја. Ги заслужува сите пофалби од жените, мајките, девојките… ги заслужи и сите пофалби од нас. Нека пораката од оваа успешна реализација на идеја допре до што поголем број млади луѓе. Верувајте во себе, верувајте во вашата умешност, вложете се во исполнување на вашите соништа!

Следете го ELLIE на социјалните мрежи: ФЕЈСБУК и ИНСТАГРАМ и бидете во тек со сите новитети.