Европската централна банка (ЕЦБ) планира да ги донесе сите клучни политички и правни одлуки што би овозможиле лансирање на проектот за дигитално евро до почетокот на следната година. По усвојувањето на регулативата, се очекува дигиталната верзија на европската валута да им стане достапна на корисниците во рок од две до три години, изјави членот на Управниот одбор на ЕЦБ, Пјеро Чиполоне.

– Се надевам дека сè ќе биде завршено многу рано следната година. Донесувањето на законската рамка е неопходно, а потоа ќе имаме доволно време да го пуштиме дигиталното евро во оптек, рече Чиполоне на финансиска конференција.

Дигиталното евро како безбедна алтернатива на готовината и картичките

За разлика од традиционалните платежни картички како што се Visa или Mastercard, дигиталното евро би им овозможило на корисниците да поднесат директни побарувања против самата централна банка на еврозоната. Средствата би биле функционално и безбедносно слични на готовината, што значи дека граѓаните би можеле да го користат дигиталното евро за онлајн и физички плаќања без посредници и без отворање банкарска сметка.

Дигиталното евро би се имплементирало преку електронски паричник гарантиран од ЕЦБ, додека оперативното управување би им било оставено на комерцијалните банки.

Се очекува максималниот износ што корисниците можат да го држат во дигитална форма да биде ограничен на неколку илјади евра, со цел да се спречи дестабилизација на комерцијалниот банкарски систем.

Денеска најавувам дека по редовниот конгрес на партијата на крајот на годината, најдоцна почетокот на следната, ќе има големи промени во партијата и Владата. Кој ќе се покаже со својата работа, ќе остане, а, тие што нема да ги исполнат очекувањата на граѓаните, ќе ги поздравам и ќе им се заблагодарам, рече премиерот Христијан Мицкоски во обраќањето на годишнаѕа конференција на Унијата на жени на ВМРО-ДПМНЕ.

-Пред нас се локалните избори. Кандидатите за градоначалници ќе ги објавиме во два циклуси, а првиот ќе биде кон крајот на месецов. Тоа што можам да го соопштам е дека нашите кандидати речиси во сите општини водат најмалку 3 до 4 пати, во споредба со кандидатите на опозицијата. ВМРО-ДПМНЕ победува на овие избори, а прашање е дали опозицијата ќе освои 2,3 или 4 општини. Нема да бидам изненаден ако не освојат ниту една општина, кажа Мицкоски.

Во пресрет на 11. издание на “Виолин фест – фестивал”, посветен на класичната музика и развојот на младите гудачи – на 12 мај во Офицерскиот дом во Битола се одржа концерт на кој настапија ученици од музичките училишта од Битола, Прилеп и Охрид.

Фестивалот е под уметничко и организациско раководство на познатиот македонски виолинист Владимир Костов, роден во Битола, кој веќе единаесет години стои зад оваа визија – да се создаде платформа што ги открива, поттикнува и поврзува младите виолинисти од Македонија и од светот.

Концертот во Битола беше емотивен омаж на младоста и уметноста – со изведби полни со страст, дисциплина и љубов кон музиката. Публиката имаше ретка можност да ужива во чистата енергија на млади музичари кои со својата искреност и храброст ја претставија виолината во нејзината најавтентична форма.

Претходно, во просториите на Државното музичко училиште – Битола, се одржа и јавен час, на кој учениците имаа можност да работат директно со Владимир Костов и да добијат вредни насоки и мотивација од врвен уметник и педагог.

Посебна благодарност до наставниците и менторите од:

• Државното музичко училиште – Битола • ООМУ „Методи Патче“ – Охрид

• ООМУ,,Ордан Михајлоски-Оцка” – Прилеп како и до пијанистката Доминика Робе Поповска, која со својата корепетиција создаде музички баланс и поддршка на секој настап на младите виолинисти.

Главниот фестивалски концерт на Виолин фест 2025 ќе се одржи на 9 јуни во Камерната сала на Филхармонијата во Скопје, каде повторно ќе се слави звукот на виолината. Проектот е поддржан од Министерството за култура.

Фотографија: Емилија Трајковска

Нашите прилепски борачки, Ангела Трајкоска и Тамара Цветкоска се пријавени на престојното Европско првенство У17, кое ќе се одржи во Скопје.

Ангела и Тамара се подготвени, вели главниот тренер Стојанче Тушески.

Клубот има многу инвестирано во овие борачки, секој месец најмалку 7 денови се на припреми во Косово, Србија и Бугарија. Но, од клубот стравуваат да не им се случи, како минатата година на Европското у17 во Белград, каде поради “нечија грешка” и’ беше оневозможено да настапи на Ангела.

Големи се очекувањата од двете борачки, бидеќи во моментов се во топ форма.

Да им посакаме успех, а ќе им треба и среќа, да не им се случи како лани “нечија грешка”.

Пенелопа така се викаше пред да се крсти, беше ќерка на некој мал цар, чија престолнина беше некојси балкански град Магедон. Родителите и беа незнабошци.

Во христијанската вера ја воведе некој учител Апелијан, а потоа неа и нејзините дворски дами ги крсти свети Тимотеј, ученикот на апостол Павле.

Света Ирина во срцето се одлучи да живее девствен живот. Кога татко и слушна за тоа, се разлути и сакаше да ја стави на маки, но таа на чудесен начин го обрати во Христовата вера. Подоцна претрпе многу тешки измачувања од неколку цареви. Царот Савориј дури и ја умртви, но Бог повторно ја оживеа.

Нејзината проповед и чудата што Бог ги правеше преку неа приведоа многу незнабошци во Христовата вера. Најпосле, таа самата легна во гроб и му кажа на Апелијан да го затвори гробот. Кога по четири дена го отворија гробот, таа не беше внатре.

Така Бог ја прослави оваа голема маченичка и светителка.

По победата од 10:1 над ФК Влазними, на едно коло пред крајот, екипата на ФК Големо Коњари е шампион во Третата лига Југ и ќе игра бараж за пласман во вториот по ранг фудбалски шампионат на Македонија.

Покрај екипата од прилепско, во баражот се пласирани и екипите на: Шкендија Арачиново, Слога Виница, Преспа од Ресен и Тетекс Тетово.

Од екипата најавуваат големо славје, кое ќе одржи утре (18.05) на стадионот во Големо Коњари, со почеток во 19часот.

Од ФК Големо Коњари ги повикуваат сите поранешни играчи, членови на управа, сите симпатизери, а посебно верните навивачи кои ги бодрат на секој натпревар, да бидат дел од овој историски момент.

Вицепремиерот и министер за транспорт, Александар Николоски вечерва соопшти дека следната недела во Лондон ќе се потпише Договорот за стратешко партнерство со Обединетото Кралство, по принцип Влада со Влада и образложи кога Македонија може да ги очекува првичните бенефити од ваквото партнерство.

-Следната недела ќе патувам за Лондон и ќе ја имам таа чест во името на Владата на Македонија, да го потпишам договорот со Владата на Велика Британија, тоа е договор Влада со Влада, договор кој што ги утврдува овие полиња на економска соработка и оваа рамка од 5 милијарди фунти, односно 6 милијарди евра, кој што се ставаат на располагање на Македонија. Со мене ќе има и други министри од Владата, така што очекувам деновиве да излеземе со детали, но веќе е дефинирано дека посетата ќе биде следната недела и таму ќе имаме средби на највисоко ниво. Еве можам да кажам еден куриозитет кој што мислам дека многу говори за симболиката, знаете во големите држави симболиката многу значи. Најавено е дека потпишувањето ќе биде во кабинетот, кој што Винстон Черчил го користел во Втората светска војна, што мислам дека многу говори за симболиката која сакаат да ја дадат од Велика Британија, да се потпише во кабинетот на историската личност број еден во Велика Британија, истакна вицепремиерот Николоски.

Николоски детално образложи како ќе се одвива постапката по потпишувањето на Договорот за стратешко партнерство се до ратификувањето на поединечните договори и почетокот на работите на терен.

-Нашиот календар е следен, следната недела да се потпише договорот влада со влада. После тој треба да биде ратификуван од страна на македонската Влада и македонското Собрание, како и од страна на британската влада, таму е поедноставна процедурата. После тоа, врз основа на овој договор да почнеме да ги конкретизираме и да ги пишуваме договорите за брзата пруга, за болниците и за финансиската компонента. Истите потоа да бидат презентирани пред Владата и пред Собранието, и еве да не е преамбициозно, но очекувам дека до крајот на летото, не подоцна од крајот на август, се’ ова да биде ефективно, да имаме мобилизација во месеците септември, октомври, и да ги видиме првите машини на терен доколку не’ послужи времето на крајот од октомври и почетокот на ноември, додаде Николоски.

Во организација на Велосипедскиот клуб “ХЕРОЈ” од Прилеп и Велосипедската федерација на Македонија, утре (недела), 18.05., со почеток од 12 часот, во градот под Марковите Кули ќе се одржи првата велосипедска трка насловена како “Трофеј Прилеп”.

Трката ќе започне од пред Камената бина во центарот на градот, a настанот е поддржан од општина Прилеп и голем број општествено одговорни компании.

Рутата е следна:

Трката е кружна, а стартот е на булевар “Гоце Делчев” од пред споменикот Александар III Македонски во правец на кружен тек кај Основниот суд, каде што се врти лево по ул. “Димо Димоски – Наредникот”. Се продолжува до “Кеј 9-ти Септември”, каде се врти лево се до раскрсницата со ул. “Кузман Јосифоски”, каде повторно се врти лево. На кружниот тек пред домот на културата “Марко Цепенков” се врти десно по булевар “Гоце Делчев” се до кружен тек “Карпалак”, каде се врти 180 степени и се стигнува до целта, која е каде што е стартот. Должина на еден круг е 2.4 километри.

Kругови по категории:

У-13 – 5 круга или 12 километри
У-15 – 6 круга или 14.4 километри
Кадети – 8 круга – 19.2 километри
Јуниори – 15 круга – 36 километри
Жени – 15 круга – 36 километри
Мастерс – 15 круга – 36 километри
Сениори – 20 круга – 48 километри

-СВР Велес, до Основното јавно обвинителство Велес, поднесе кривична пријава против Ѓ.П.(56) од село Ореше, општина Чашка, С.М.(40) и Д.Д.(37), двајцата од Прилеп, поради постоење основи на сомнение за сторено кривично дело „предизвикување општа опасност“ по член 288 во врска со член 22 од Кривичниот законик.

Имено, на 10.05.2025 во 10.35 часот во СВР Велес било пријавено дека во близина на село Капиново, општина Чашка, настанал пожар во викенд куќа, сопственост на Д.Ј.(32) од Скопје. Пожарот бил изгаснат од екипа на Територијалната противпожарна единица Велес, а повредени лица немало.

По преземени мерки и активности и спроведена истрага од Полициски службеници од Одделението за криминалистичка полиција Велес, Одделот за криминалистичка полиција при БЈБ и ОВР Прилеп, било утврдено дека Ѓ.П., С.М. и Д.Д., со патничко возило „опел“ со прилепски регистарски ознаки дошле во село Капиново, со употреба на сила влегле во викенд куќата и со запалива течност предизвикале пожар од кој целосно била зафатена куќата. Ѓ.П. и Д.Д. на 16.05.2025 се лишени од слобода и задржани во полициска станица, а се преземаат мерќи за пронаоѓање на С.М. – информираат од МВР.

-Инвестициски циклус што ќе ја промени Македонија и ќе ја направи поубаво место за живеење, објави Вицепремиерот Александар Николоски.

Николоски посочи дека ќе објави ексклузивни детали за договорите со Велика Британија во вечерашното интервју на ТВ Сител во 19:00 часот.

Прв пат во јавност детали за Договорот за Стратешко Партнерство и Договорот Влада со Влада, потенцира Вицепремиерот Николоски.