Уште еден убав спортски успех за Прилеп! Младиот боксер Давид Карапеев од Боксерскиот клуб „АС Прилеп“ освои златен медал на 13. Меѓународен боксерски турнир „Загреб опен“, кој се одржа во Загреб, Хрватска.
Карапеев, кој годинава е и ДРЖАВЕН ПРВАК НА МАКЕДОНИЈА, до најсјајното одличје стигна со одличен настап во финалната борба во категоријата до 75 килограми (У-17), каде што го совлада домашниот боксер Марио Галешиќ со убедливи 5:0 и се искачи на највисокото место на победничкиот пиедестал.
Успехот на Карапеев е дел од одличниот настап на македонските боксери на овој меѓународен турнир. Македонската репрезентација освои два златни и два сребрени медали, а двајца наши боксери се закитија и со бронзени одличја.
Златни медали освоија Адријан Алими и Давид Карапеев, сребрени Алишан Реџеповски и Кирил Рајков, додека бронзените одличја им припаднаа на Лука Пецевски и Алиу Резард.
Честитки за Давид Карапеев и неговиот клуб „АС Прилеп“ за освоеното злато и успешното претставување на Прилеп на меѓународната боксерска сцена!
