Под мотото „Туризмот – фактор за економски развој и конкурентност“ на 17 мај, во Скопје, се одржа престижниот „Марили Бизнис Форум 2025“, каде што Витаминка имаше чест да биде дел од настанот.
Компанијата беше претставена од Душица Неделкоска, Маркетинг и ПР координатор, и Гордана Симоноска, Шеф по набавка. Нивното присуство на форумот е во согласност со континуираната заложба на Витаминка да го поддржува развојот на економијата, руралниот туризам и гастрономската понуда како клучни двигатели на локалната конкурентност.

Настанот опфати три панел сесии кои ги отворија актуелните предизвици и можности во алтернативниот туризам, хотелската индустрија и ено-гастро концептот. Се отвори простор за дијалог и размена на искуства помеѓу експерти, менаџери и претставници од различни сектори, вклучувајќи и македонски и регионални компании од областа на туризмот и агроиндустријата.

Витаминка останува посветена на создавање на партнерства кои придонесуваат за одржлив развој, културна промоција и гастрономско збогатување на регионот. Горди сме што нашите претставнички имаа можност да разменат идеи и да бидат дел од иницијативи што ги поврзуваат храната, традицијата и туризмот во заедничка визија за поуспешна иднина.

Во текот на вчерашниот ден во организација на ВК Херој од Прилеп и Велосипедска Федерација на Македонија, по прв пат се одржа велосипедската трка „Трофеј Прилеп“, прва професионална трка после 7-8  години во градот.

Учество во неа зедоа 46 лиценцирани велосипедисти од Македонија, поделени во 7 категории.

Трката се возеше низ улиците на Прилеп, но најголем дел отпадна на булеварот “Гоце Делчев”. Еден круг беше со должина од 2.4 км, а според категоријата се возеше и бројот на кругови. Стазата беше затворена за сообраќај од страна на сообраќајната полиција при ОВР Прилеп, со помош и на ученици од сообраќајниот отсек  при СОУ “Ристе Ристески – Ричко”, додека пак за обележување на патеката учество зедоја петнаесетина волонтери.

На настанот имаше и некои компании со свои штандови кои нудеа промотивни производи.

Настанот го отвори градоначалникот Борче Јовчески со свој говор, а граѓаните на Прилеп уживаа  во трките, како на стартно целната рамнина, така и оние кои беа по кафулињата, терасите, дворовите…

На трката велосипедистите на ВК Херој се закитија со четири медали, од кои 2 златни и 2 бронзени.

Стефан Маџоски во кадети и Филип Илиоски во мастерс освоија трети места, додека пак Константин Костоски во јуниори и Влатко Лозаноски во мастерс беа најбрзи.

Резултати по категории:

Сениори

1. Александар Милошески – ВЕЛО-М – Куманово
2. Јован Паневски – ВК Крос сајклинг – Куманово
3. Мемед Мемеди – МВК Велес – Велес

Јуниори

1. Константин Костоски – ВК Херој – Прилеп
2. Никола Ристески – ВК Пелистер 15ти Мај – Битола
3. Кирил Анчевски – ВК Крос сајклинг – Куманово

Кадети

1. Марио Блажевски – ВК Крос сајклинг – Куманово
2. Мартин Спасевски – ВК Оксижен – Скопје
3. Стефан Маџоски – ВК Херој – Прилеп

Мастерс

1. Влатко Лозаноски – ВК Херој – Прилеп
2. Игор Михајловски –ВК Феникс сајклинг – Скопје
3. Филип Илиоски – ВК Херој – Прилеп

У-15

1. Марко Чекеровски – ВК Оксижен – Скопје
2. Александар Ристовски – МВК Велес – Велес
3. Христијан Николиќ – МВК Велес – Велес

У-13

1. Александрос Јанакопулос – ВК Пелистер 15ти Мај – Битола
2. Огуз Хан Балта – ВК Адреналин сајклинг – Гостивар
3. Дамјан Петров – МВК Велес – Велес

Жени У-15

1. Оља Цветанова – ВК Крос сајклинг – Куманово
2. Бера Кализи – ВК Адреналин сајклинг – Гостивар
3. Михаела Наумоска – ВК Пелистер 15ти Мај – Битола

Честитки за најбрзите, а исто  така честитики за организацијата на ВК Херој. Се надеваме дека ќе продолжат со уште поголемо темпо кон развивање на велосипедизмот во Прилеп.

Jaвете се на телефонскиот број: 071 551 310

Фирмата CAJEN кетеринг има потреба од чистачки и помошник.

Основната плата е 34.000 денари + нaдоместок за работа за време на празници и работа во недела.

Работно време 8 часа!

Фирмата се наоѓа на ул. “Александар Македонски” бр.118/2 во Прилеп

Одделението за внатрешни работи Крива Паланка, до Основното јавно обвинителство Крива Паланка, поднесе кривична пријава против М.К.(41), Н.Ц.(54) и С.М.(38), тројцата од Крива Паланка, поради постоење основи на сомнение дека сториле кривично дело „несовесно работење во службата“ по член 353-в став 4 од Кривичниот законик. Н.Ц. – вработен во општина Крива Паланка на работно место самостоен референт за документациони работи и урбана опрема во Одделение за урбанизам, сообраќај и заштита на животна средина, на 19.12.2024, постапувајќи по барање за одобрение за поставување на урбана опрема поднесено од правно лице – угостителски објект, без да утврди дека не се исполнети условите, изготвил одобрение за поставување на урбана опрема пред деловен простор на улица „Јане Сандански“ во Крива Паланка за периодот од 09.12.2024 до 09.12.2025. М.К. – вработена во општина Крива Паланка како раководител на Сектор за урбанизам, сообраќај, заштита на животната средина и комунална инфраструктура и С.М. – градоначалник на Општина Крива Паланка, го потпишале така изготвеното одобрение и на тој начин му овозможиле на барателот да постави урбана опрема и да се стекне со противправна имотна корист.

Одделението за внатрешни работи Крива Паланка поднесе кривична пријава и против правното лице – угостителски објект и М.М.(36), сопственик и управител на правното лице, поради постоење основи на сомнение за сторено кривично дело „узурпација на недвижности“ по член 225 од Кривичниот законик. М.М., во текот на 2024 година, како и во претходните години, поставил урбана опрема, маси, столови и други украси пред деловен простор на улица „Јане Сандански“ во Крива Паланка, со што заземал вкупно 108.70м² земјиште во државна сопственост, кој пак е прогласен за имот во општа употреба. М.М., исто така, беа одобрение на узурпираниот дел поставил и настрешница со површина од 82.00 м².

На регионалниот натпревар по музичка уметност, кој се одржа на 26.04 – учествуваа пет ученици од гимназијата “Мирче Ацев” и сите освоија први награди. Со овој успех истите се пласираа на Државниот натпревар, кој оваа година се одржа на 05.05 во Свети Николе.

Таму учениците се натпреваруваа во категоријата вокална интерпретација и на натпреварот ги освоија следните награди:

Софија Настоска III награда,
Илина Трпаноска III награда,
Миа Трајкоска II награда,
Кирана Иваноска II награда и
Сергеј Стевананџија II награда.

Ментор на учениците им е професорката по музичка уметност Татјана Ивановска.

Браво за учениците и менторот!

Се вели дека Јапонците се најточна и најпрецизна нација, а за нивните железници се вели дека никогаш не доцнат и строго го следат распоредот на поаѓања на возовите. Сепак, се случи голема врева кога возот тргнал од станицата 25 секунди порано.

Раководителите на Јапонските железници веднаш им се извинија на патниците за возот што тргнал од станицата порано од планираното, сметајќи го за неприфатливо.

Според списанието „Јапан Тудеј“, машиновозачот мислел дека возот треба да тргне од станицата Нотогава во 7:11 часот наутро, наместо во 7:12 часот наутро, како што е наведено во распоредот. Откако ги затворил вратите на возот, ја видел својата грешка и сепак имал време да ја исправи и да избегне јавен скандал. Видел дека на станицата нема повеќе патници, па по сопствена иницијатива решил да тргне порано, 25 секунди пред време.

Сето ова би им било смешно на многу читатели во светот, а особено кај нас, ако не знаеле дека Јапонија има репутација за екстремна точност. Најголемата врева предизвикала фактот што неколку минути подоцна се покажало дека неколку луѓе чекале да се качат на возот, но не успеале да се качат бидејќи возот тргнал прерано. Тие поднеле жалба и добиле јавно извинување.

Минатиот ноември, кога исто така имаше порано тргнување на возот, раководството на „Цукуба Експрес“, кој го поврзува Токио со Цукуба, исто така јавно се извини за непријатностите што им биле предизвикани на патниците. Единствената разлика е што не се случи некои од патниците да останат на станицата.

Јавноста во Прилеп долго време беше сведок на партиските превирања околу договорните вработени во прилепската болница. Минатата власт на СДСМ и ДУИ во ќорсокак остави над 120 фамилии. На над 120 луѓе кои со години одеа на работа со договори на дело, им престана работниот однос, а со промената на власта минатата година, министерот Таравари назад врати само мал дел од нив.

Претседателот на партискиот огранок на Алијанса на Албанците на Таравари во општина Долнени, Ерол Абдиу, неодамна се пофали на социјалните мрежи дека на деветмина од луѓето на кои им завршија договорите во болницата, се вратени на работа, како и тоа дека уште 4 нови лица почнале со работа.

Со заминувањето на Арбен Таравари од Владата, се поставува прашањето дали овие луѓе заедно со него ќе ја напушат прилепската болница, и колку вакви луѓе остави Таравари низ останатите градови?

Под слоганот „Еден збор-еден свет“, во Народниот театар, свечено беше отворено 26 издание на Интернационалниот фестивал на монодрама во
Битола.

Фестивалот за отворен го прогласи градоначалникот на општина Битола Тони Коњановски, кој во своето обраќање истакна дека овој културен настан низ годините израсна во препознатлив симбол на нашиот град Битола, на нашата држава, како и на меѓународно ниво.

„Монодрамата, како најинтимна и најлична форма на театарската уметност, претставува вистински предизвик за актерите, но и длабоко доживување за публиката. Таа ни овозможува да ѕирнеме во најскриените човечки емоции, мисли и борби, исклучиво преку силата на зборот и актерската изведба. И токму затоа, овој фестивал е посебен. Тој не само што го слави театарот, туку и храброста на индивидуата да застане сама пред светлата на сцената и да ја раскаже својата приказна.

Овој фестивал не само што ја збогатува културната понуда, туку и придонесува за интернационална соработка, размена на идеи, искуства и
уметнички визии. Деновиве, нашата општина ќе биде вистински културен центар каде се среќаваат различни јазици, традиции и уметнички стилови
на актерството, преку индивидуалните пристапи и визии на актерите и нивните тимови“, посочи Коњановски.

Пред присутните се обрати и директорот на Центарот за култута Битола, Влатко Илиевски, кој ги поздрави сите учесници, гости од земјата и
странство и им упати благодарност што jа избраа Битола како место за овој значаен настан.

Фестивалот се отвори со танцовиот перформанс „Д -како Дездемона“на Рисима Рисимкин, претстава инспирирана од трагедијата на Вилијам Шекспир
„Отело“.

Почнувајќи од вечерва, па се до 23 мај, битолчани ќе имаат можност да одледаат 10 претстави, со актери од 9 држави, а фестивалот ќе биде
пропратен со настани од ОФФ програмата, кои нудат посебно задоволство за публиката.

-Жител на Рача ќе заработи кривична пријава за лажно пријавување на киднапирање. Неговиот брат вчера во охридаката полиција пријавил оти добил порака во која наводни киднапери бараат откуп за најблискиот роднина, кого полицијата подоцна го пронашла жив и здрав.

Тој, на 16.04.2020 година во 13.05 часот, на мобилниот број од неговиот брат, испратил порака дека е киднапиран од непознати лица кои, му барале пари за негово ослободување, информира СВР Охрид.

Алкалоид е многу блиску до кревање на трофејот во ЕХФ Европскиот куп откако македонскиот тим одигра извонредно на првиот финален дуел со грчки АЕК, славејќи сред Атина со резултат 25-29.

Лидер на тимот предовден од селекторот Лазаров беше младиот голман од Битола, Иван Галевски, кој одбрани 5 од 6 седмерци.

Ниту грчките навивачи, кои правеа нереди на трибините, не успеаја да ги исфрлат од ритам избраниците на Лазаров.

Младиот голман во еден момент ги рашири рацете кон грчките навивачи, како сакаше да им каже: “Ова е наш спорт и немате што да барате тука”.