дома блог страница 2862

И оваа година традиционално Коледе на навивачката група “Мајмуни” под северната трибина

Навивачката група “Мајмуни” и оваа година традиционално ќе го одбележи Коледе под северната трибина на градскиот стадион “Гоце Делчев”.

“Традиционално коледарски оган под северната трибина и оваа година,со нова енергија со нови и чисти мисли за успех на Македонија за успех на Победа и конечно завршување на нашиот храм Гоце Делчев. Покана до секој прилепчанец покана до секој искрен и чесен македонец како години назад така и оваа да се прослави православно коледе со Македонско вино и ракија 19:00ч под Северна Трибина. Честито Кумство на годинешните кумови и што побројни за во 2021”, напишаа “Мајмуни” на Фејсбук.

Kaко се празува Божиќ низ светот: Кај нас богата трпеза, во Франција се јаде на полноќ, а во некои земји на масата нема месо

Божиќ – денот на христовото раѓање според христијанската традиција, а кој започнува да се слави со Бадник, односно денот пред Божиќ, кај нас се слави со голема почит и внимание.

Со него се поврзани многу обичаи и симболи, а се почнува со пеењето на коледарските песни и денот кога семејството се собира на заедничка вечера и според обичајот оваа вечер не се оди на гости.

Се поставува богата посна трпеза, која најчесто содржи гравче, сарми, риба, салати, колачи, овошје… Се меси погача (лепче) со паричка, а на некои места паричката се става во пита.

Се верува дека оној кај кого ќе падне паричката ќе го следи среќа во текот на целата година.

Пред почнувањето на вечерата на која сите се собрани, домаќинот ја благословува трпезата, го крши кравајчето, а некаде го дели зелникот, на толку делови колку што има членови во семејството, оставајќи уште дел за Бога и дел за куќата. Исто така, вечерта во огнот се става бадниково гранче кое се смета за најздраво дрво, со значење сите во семејството да бидат здрави.

За време на овој празник се пали и коледарски оган, кој е поврзан со обичајот наречен Коледица или Коледе. На Божиќ, рано утрото почнува богослужба во црквите. Причесната следува по службата кога искараните треба да се помират и да се поканат меѓу себе на гости.

Во некои села во Македонија по богослужбата девојките одат по овоштарниците и ги врзуваат дрвјата за да се сочуваат од разни болести и да бидат плодни. Овој обичај е проследен со песни. Исто така, со Божиќ е поврзана и поговорката – „Пред Божиќ, зад Божиќ дома да си”, што има значење дека за време на големиот празник треба да се биде дома во кругот на семејството и тука да се слушне и да се прослави радосната вест за раѓањето на спасителот.

Со бадниковата вечера завршуваат предбожиќните пости! Богатата трпеза и големиот број традиции го прават овој празник толку посебен, па на една македонска трпеза ќе може да се најде убаво печено месо, сарма или подварок, печен компир, по некоја заостаната риба од бадниковата вечера, црвено вино, а за десерт чоколадна торта, милиброд и печена тиква.

Сепак, од држава во држава, се негуваат различни традиции кои создаваат прекрасна атмосфера помеѓу семејството и пријателите. Еве како изгледаат божиќните трпези во земјите низ светот. Традицијата е поинаква, а богами и храната…

Франција

Божиќната трпеза во Франција и во местата каде се зборува француски јазик е наречена Le Reveillon. Тоа е долга вечера или по можност забава, а името потекнува од францускиот збор réveil (будење), бидејќи обичајот подразбира луѓето да останат будни до полноќ, кога се служи вечерата и часовите кои следуваат потоа.

За предјадење се служи „Foie gras” (џигер од гуска или патка), остриги, пушен лосос или тенки палачинки направени со брашно од хељда.

Главен оброк е печена гуска декорирана со костени, а место тоа може и мисирка, говедско или јагнешко печено месо. Пијалакот кој оди во комбинација со вечерата варира од едно до друго место, но најчесто се служи шампањско.

Перу

Уште на почетокот на декември во перуанските цркви се одржува настанот „Chocolatadas”. Користејќи пари донирани од граѓаните, организаторите на овој настан го печат колачот панеттоне и прават зачинето топло чоколадо во големи казани.

Колачот и чоколадото им се служат на луѓето од пониска социјална класа, во знак на прославување на празникот.

Главен оброк на трпезата е печена мисирка, гарнирана со свежо овошје, а се служи во комбинација со пире од јаболка и разни видови салати, погачица или сладок леб-марципан.

Литванија

Литванскиот божиќен оброк наречен „Kucios” произлегол од паганските обичаи и голем број ритуали се уште се одбележуваат. Специфично за него е што се состои од 12 различни видови јадења. Оброкот традиционално започнува кога првата ѕвезда ќе се појави на небото, која и најавува на мајката во секое домаќинство да скрши лепче за секој гостин.

Според литванските обичаи, а и во останатите Балтички земји, едно место на масата секогаш останува празно. На трпезата не се служат месо и млечни производи. За главно јадење се служи риба (крап, харинга или штука) во комбинација со кисел зеленчук.

Исто така, се служат и погачици т.н. „kuciukai” (мали, слатки печива без квасец, со афионово семе) потопени во млеко од афионово семе, кое е омилено јадење за празникот. Исто така, во Литванија се верува дека секој оној кој ќе ја напушти Божиќната трпеза пред да завршат сите со јадење, ќе го следи несреќа.

Шпанија

Во текот на божиќните празници во Шпанија традиционално се јаде касно навечер. Така, на ноќта пред Божиќ, вечерата почнува некаде помеѓу 22 и 12 часот на полноќ.

Оброкот обично започнува со разновидни мали садови т.н. „тапас” кои се сочинети од различни видови сирења, тиквички, шунка, маслинки. Супата од морски плодови е многу популарна за Божиќ, особено во крајбрежните региони.

Се служи и бела шпаргла, како и јадења од разновидна морска храна, вклучувајќи „angulas” (бебиња на јагула), „langostinos” (морски ракчиња) и „besugo” (печена морска риба од видот спариди).

За десерт Шпанците обично јадат колачиња од марципан, шпански крофни т.н. „churros” и „turron” (колач во форма на цигла направен од мед, шеќер, печени бадеми и белки од јајца).

Аргентина

Во Аргентина празникот се прославува вечерта пред Божиќ, а главен оброк на нивната трпеза е говедско, свинско или мисиркино месо. Во некои подрачја се јаде и печен паун. Исто така, се служат и разни видови пити од дробено овошје и зачини, а состојките кои се ставаат внатре, варираат од едно до друго домаќинство.

Омилено јадење на Аргентинците на божиќната трпеза се сармите т.н. „ninos envuettas” што во превод значи „завиткани деца”, исполнети со сечкано говедско на големи квадрати и тврдо варени јајца, кромид и зачини, кои потоа се печат.

Со вечерата се служи шампањско со парчиња свежо овошје, јаболков сок или друго цедено овошје. За десерт се јаде од слаткиот колач „pannetone” и пудинг.

Германија

Во оваа земја Божиќ се прославува два дена, на 25 и 26 декември. Семејството се собира околу трпезата ноќта пред Божиќ, а јадењето им е прилично едноставно и варира од една до друга фамилија. Главниот оброк традиционално се јаде дента на Божиќ, а е сочинет од печена гуска и печен крап.

Се служат и зготвени зеленчуци како кељ, зелка и кисела зелка. Божиќната трпеза ја заокружува колачот „christstollen” кој е вид на овошна торта приготвена со сушено зашеќерено овошје и јаткасти плодови, посеана одозгора со шеќер во прав.

Полска

Дента пред Божиќ цел ден се пости, а првото омрсување се случува на вечерата. Месо не се јаде на овој празник, а вечерата започнува со кршење лепче и се мести едно место на трпезата плус, како резерва за некој залутан патник кој може да дојде на врата. Тоа се смета дека носи среќа во домот.

Како главен оброк се служат разни видови риба како харинга потопена во кисела павлака, потоа риба приготвена со кулинарската техника „au gratin” потопена во сос од печурки и сирење и штука послужени во комбинација со тврдо варени јајца и варени компири.

Традиционалната божиќна супа во Полска е т.н. „боршч” (супа од цвекло), како што се и различните видови компоти приготвени од сушено овошје. Божиќниот десерт вклучува мед во комбинација со колачиња со афионово семе, како и слаткиот традиционален полски колач.

“Алфа” ексклузивно дознава: Еве кои началници ќе ги промени новиот министер за внатрешни работи

Министерот за внатрешни работи на техничката влада Наќе Чулев одлучи кои началнички позиции ќе бидат сменети во неговиот мандат до одржување на изборите – eксклузивно дознава “ТВ АЛФА”.

Законот дозволува Чулев да направи 15 нови назначувања на челни позиции на сектори, оддели и единици, за кои решенијата се веќе изготвени. Според информациите на Алфа, нови началници ќе има во секторите за внатрешни работи на Скопје, Велес, Битола, Струмица, Штип и Охрид.

Нов началник Чулев ќе назначи и на Одделот за организиран и сериозен криминал, Внатрешната контрола, на Одделот за специјални полициски операции, како и на Единицата за интервентна полиција и Единицата за специјални задачи „Тигар“.

Повеќе погледнете ТУКА

(Фото) Амбасадорот Тимоние ги покани своите пријатели да го гледаат пресот на Мицкоски

Францускиот амбасадор во Македонија, Кристијан Тимоние, на неговиот личен фејсбук профил ги покани своите пријатели да ја проследат денешната пресконференција на лидерот на опозицијата Христијан Мицкоски.

Лидерот на ВМРО-ДПМНЕ Христијан Мицкоски одржа прес конференција на која зборуваше за економијата во земјава за која рече дека тоне, сиромаштијата се зголемува, а стопанството трпи и оди во бездна и дека е потребно, како што рече, да се порази трулиот криминален систем на Зоран Заев.

Филм од Прилеп победи силна конкуренција и ќе се прикажува на реномиран филмски фестивал во Лондон

Краткометражниот филмот „Дество“ („Childhood”) e абстрактна приказна во која е опишан крстопатот на минатото и иднината, метафорично изразен преку природата. Детското срце, тивко се обидува да ги пронајде сите одговори и да се справи со препреките на патот кон возрасните пливајќи во водите на непознатото, во костец со животот и природата…

Автор и Режисер на филмот е Мартин Пресилски кое впрочем е и неговото деби на филмското платно. Претходно учествувал исто така на повеќе Филмски фестивали но како филмски монтажер. Директор на Фотографија е Бојан Трајкоски, додека пак филмскиот звук е дело на Ријучи Сакамото (извадок од Одмаздник на Алехандро Инариту). Филип Блажески во актерска улога и Симона Пресилски (Костимограф/Мејк Ап Артист).

Краткометражниот филм е снимен во Прилеп во повеќе локации на Прилепското Езеро

Филмот е во официјална селекција на Британскиот Филмски Фестивал Лифт ОФ организиран од Пајнвуд Студиос Лондон и ќе се прикажува во средината на Јануари каде што учествуваат голем број на артисти од светот.

Веќе на пролет филмот ќе учествува и на домашните филмски фестивали.

Министерката Стаменковска храбро во интерес на граѓаните: Ќе биде извршен надзор на сите согласности за објавување на огласите за вработување

Дополнителниот заменик – министер во Министерството за информатичко општество и администрација, Невенка Стаменковска Стојковски денеска на првиот работен ден во Министерството соопшти дека ќе биде извршен надзор на сите согласности за објавување на огласите за вработување кои се актуелни во последниов период.

Таа посочи дека имаат сознанија за незаконски постапки при вработување и нејзината цел е да не се загрози европската перспектива на државава преку нарушениот предизборен период и поткупот на гласачи преку масовната партизација на администрацијата.

Според неа, тоа што вистински загрижува е нагласената партизација и десетиците отворени огласи за стотици нови вработувања во пресрет на изборите. Партизацијата, потенцира, е едниот проблем, но тоа што претставува вистински дополнителен проблем е токму непотизмот.

– Заразата од непотизам прави дисторзија на квалитетот на кадрите и дава шанса на роднините и пријателите пред сите други квалитетни кадри. Моето инсистирање на законито работење не е опструкција на политиката на вработување, туку напротив да ставам точка на непотизмот, неквалитетот и партизацијата во институциите. Тоа е и постулатот на моето работење – борба против непотизмот, партизацијата на администрацијата и време е во администрацијата конечно да дојдат квалитетни кадри кои се обучени и треба да ја водат Македонија напред кон Европската унија, рече Стаменковска Стојковски пред просториите на Министерството.

Одговарајќи на новинарско прашање рече дека во нејзиниот тим ќе има шест лица, како што е согласно законот, тројца внатрешни и тројца надворешни лица.

Појасни дека денеска во Министерството ги виделе условите за работа, имаат обезбедно канцеларии, кои треба дополнително да се дополнат согласно потребите за работа на луѓето. Таа рече дека во моментов се задоволни од тоа што го добиле како простории и услови за работа.

– Веднаш не може да се направи ништо, ни треба барем некој период за да ги провериме сите претпоставки кои ги имаме за непотизмот, дел од кои ги објавив на неколку пресови претходно, за дел од нив сум говорела и на дебатни емисии, но тоа што можеме да го направиме во иднина е да ги проверуваме луѓето и да знаеме дека пред се избираме квалитет и дека нема да бидат повторно луѓе на други партиски фунцкионери на СДСМ, бидејќи навистина непотизмот е нешто што ги револтира граѓаните, не остава простор на вистинските професионалци да дојдат во рамки на администрацијата, додаде Стаменковска Стојковски.

БМВ направи оригинално видео за пензионирањето на директорот на Мерцедес (Видео)

Гигантите од автомобилскиот сектор БМВ и Meрцедес се едни од најголемите ривали на пазарот, особено поради тоа што потекнуваат од иста држава.

Но, тоа не било проблем за конкурентот да направи нешто убаво и креативно за другата компанија. Директорот на Мерцедес Дајмлер Дитер Зече замина во пензија, а од БМВ направија оригинално видео за неговото пензионирање.

“Ти благодариме за долгогодишната инспиративна конкуренција”, напишаа од компанијата во видеото.

Погледнете:

Не се важни трпезата и јадењето- еве што е најважно за Бадник

Сите обичаи за Бадник се поврзани со христијанското заедништво, љубовта и радоста.

Бадниковиот ден му претходи на најсреќниот семеен празник- Божиќ. Тој е проследен со многу обичаи што ја разубавуваат подготовката на човечката душа за раѓањето на синот Божји.

На Бадник се носат бадникови гранчиња во домот, се приготвува посна вечера и се оди во црква.

Бадниковите гранчиња се симбол на она дрво, кое според верувањето, пастирите им го донеле на Јосиф и Марија за да запалат оган и да ја згреат пештерата во која бил роден Исус.

Домашните приготвуваат празнична трпеза, посна, но богата, за да биде и новата година богата и плодна. Бадниковите гранчиња треба да горат до Божиќ и тие ја најавуваат новата светлина што ја зголемуваат вербата во новородениот Христос.

Подовите се посипани со слама, исто како во пештерата во Витлеем.

Сите овие обичаи му даваат смисла на празникот кој го слави Христовото раѓање. Не се важни трпезата и јадењето, бидејќи сето тоа може да се приготви кој било ден. Најважно е овој празник да го поминете во својот дом, во кругот на семејството, со радост и љубов.

Оваа вечер сите локали и улици се пусти. Не се оди на гости за Бадник, ниту се зема нешто од други. Се празнува во семејството, а сите обичаи поттикнуваат на љубов, опростување и желба да се стави крај на сите конфликти.

Петир: На 12 април на власт ќе дојдат политичари кои ќе ги сакаат Македонија и македонскиот народ

Поранешната хрватска европратеничка Маријана Петир ги коментира денешните случувања во Македонија со искрена надеж дека на 12 април на власт ќе дојдат политичари кои ќе ги сакаат Македонија и македонскиот народ.

-Премиерот на Македонија Зоран Заев денеска поднесе оставка бидејќи и покрај тоа што спротивно на волјата на народот го промени името и го загрози идентитетот, преговорите со ЕУ не се отворени. Се надевам дека на изборите на 12 април на власт ќе дојдат оние политичари кои ги сакаат Македонија и македонскит народ.

Maкедонскиот “министер за одбрана” ја избриша “северна”, за него постои само Македонија (Фото)

Ракометниот голман Борко Ристовски на својот Инстаграм-профил објави фотографија од хотелот во Словенија во кој е сместен националниот ракометен тим.

На фотографијата тој го пречкртал името Северна и напишал „никогаш северна“.

„Резервирано за играчите на националниот тим на С. Македонија“, пишуваше на ливчето во хотелот во Словенија пред Ристовски кого фановите го нарекуваат “министер за одбрана” ја пречкрта буквата Н.

Македонските ракометари се во Словенија, каде се подготвуваат за Европското првенство, што стартува на 9 јануари а се игра во три земји: Австрија, Шведска и Норвешка.

Борко Ристовски е стратешки советник за спорт на лидерот на ВМРО-ДПМНЕ Христијан Мицкоски.

Извор: “Еxpres.mk”