Екипите на АСП ПАК од Охрид – ТЕА АНДРЕА/ХАЈВ КАФЕ од Прилеп, вечерва требаше да се сретнат во финалето на традиционалниот Светиниколски турнир во мал фудбал, но финалниот натпревар не се одигра, откако дел од екипата од Охрид доживеа сообраќајна несреќа доаѓајќи кон Прилеп.

Организаторите во договор со екипата финалист од Прилеп, и двете екипи ги прогласија за победници, а одлуката беше проследена со аплауз од публиката.

Според организаторите фудбалерите кои вечерва доживеаја сообраќајна несреќа не се тешко повредени и моментално им се укажува медицинска помош.

Како што дознава Маркукуле, сообраќајната несреќа се случила околу 21 часот пред населеното место Тополчани, каде од патот излетале две возила, а интервенирале и екипи од противпожарната единица.

Засега нема точна информација колку лица се повредени и во каква состојба се наоѓаат.

Екипата на прилепски Мега Баскет стигна до голема победа над ривалот за првото место во Првата кошаркарска лига на Македонија. Вечерва во спортската сала на ООУ “Добре Јованоски” падна Вардар и сега прилепчани се на врвот на табелата.

Во тежок и исклучително изедначен натпревар, прилепчани стигнаа до тесна победа од 111:107, на огромна радост на публиката и вљубениците во кошарката во Прилеп.

Со вечерашниот натпревар, Мега Баскет всушност му се реваншираше на Вардар за поразот на почетокот од сезоната, и најавија дека не се шегуваат со намерата да се пласираат во Супер лигата.

Честитки момци!

IV-3 oдделение од ООУ “Блаже Конески” и оваа година подготвија празнична песна и изведба со која ќе ве воодушеват. Ментор на распеаните дечиња кои ја изведуваат “Ѕвончиња ѕвонат – Јingle Bells”, е одделенскиот наставник Весна Арсиќ.

-Ние сме семејство! Училницата е нашиот втор дом! Да ги сочуваме вистинските вредности: семејство, љубов, топлина, надеж, добрина, стои во описот на видеото.

Учениците и нивната наставничка упатуваат и благодарност до проф. Марјан Златески (пијано) и диригент проф. Јулијана Д. Златеска, за нивниот ангажман во овој проект.

-На 27.12.2025 во 16,00 часот на Плоштад „Методија Андонов Ченто” во Прилеп, полициски службеници од ОВР Прилеп ги лишија од слобода С.М.(48), Л.М.(36), З.М. (49) М.М.(36) и М.О.(41), сите од Прилеп. Тие биле затекнати при продажба на пиротехнички средства, при што од нив се одземени околу 900 парчиња пиротехнички средства. По документирање на настанот, против нив ќе следува соодветна пријава – информираат од МВР.

Денеска (28.12.2025), полициски службеници од Отсекот за недозволена трговија, дрога и оружје при СВР Битола во координација со Единицата за недозволена трговија со оружје, опасни материи и радиоактивен материјал при Одделот за криминалистичка полиција го лишија од слобода А.А.(51) од с.Кишава, битолско. При претрес во неговиот дом, извршен со судска наредба, пронајдени и одземени се една автоматска пушка „М70АВ2″ од југословенско производство, една рамка за пушката и 258 куршуми калибар 7.62х39мм. Исто така, пронајдени се и четири ловечки пушки, еден пиштол, 78 ловечки патрони калибар 12мм, 50 куршуми калибар 8х57мм и 72 куршуми калибар 9мм.

По целосно документирање на случајот, против лицето ќе боиде поднесена соодветна пријава по член 396 од Кривичниот законик.

Студените зимски вечери се најубави кога се поминуваат со шолја топол чај и добра книга во раце. Празниците се совршен момент да си подариме време за себе, да забавиме и да се изгубиме меѓу страниците на некоја убава приказна.

Во Викели Прилеп ве очекува богат избор на изданија од светската и македонската литература – книги што инспирираат, раскажуваат и оставаат трага. Без разлика дали барате подарок за најблиските или ново четиво за себе, сигурно ќе пронајдете нешто што ќе ве освои.

Подарете си празнична магија со книга – затоа што најубавите патувања започнуваат меѓу корици. Деновиве сите изданија од АНТОЛОГ> се со неверојатен попуст од -25%