Општина Крушево продолжува со инвестициите во подобрување на комуналните услуги и одржувањето на јавната хигиена, со нова механизација која ќе ги зајакне капацитетите на ЈП „Комуна“.
Како што информира градоначалникот на Општина Крушево, Нико Чонески, за потребите на јавното претпријатие се набавени три нови специјализирани камиони за собирање отпад, преку проектот „Набавка на опрема за собирање и трансфер станици во Пелагонискиот плански регион“, со поддршка на Министерството за животна средина и просторно планирање.
Покрај камионите, набавен е и нов мини ровокопач-натоварувач со комплетна опрема, преку проект реализиран во соработка со Пелагонискиот плански регион и Министерството за локална самоуправа – Биро за регионален развој.
Со оваа механизација значително се зајакнуваат техничките капацитети на ЈП „Комуна“, што треба да придонесе за поефикасно собирање и транспорт на отпадот, подобро одржување на јавната чистота и поквалитетни комунални услуги за жителите на Крушево.
„Посветено работиме за Крушево, со конкретни чекори, инвестиции и подобрување на условите за живот на сите наши сограѓани“, порачува градоначалникот Чонески.