Денеска на теренот со вештачка трева, во населбата “Типски” во Прилеп, се одигра пријателски натпревар помеѓу екипите на Братство од Житоше и Воска Спорт од Охрид.

Гостите од Охрид беа подобри и триумфираа со 2:3.

Стрелци на головите за Воска Спорт беа: Наум Велјаноски, Никола Митровски и Тефил Силјаноски.

И двете екипи се натпреваруваат во Втората лига. Братство е во конкуренција со Победа во Втората лига – Исток, а Воска Спорт се натпреварува во Втората лига – Запад.

Шведскиот премиер Стефан Лофвен поднесе оставка и, најверојатно, ќе биде наследен од министерката за финансии, Магдалена Андерсон.

Лофвен, поранешен заварувач и синдикален преговарач, ја предводеше малцинската коалиција од 2014 година и на почетокот на годинава најави дека ќе се повлече пред следните избори, закажани за септември 2022 година, пренесува АФП.

Ако Андерсон стане премиерка, таа ќе биде првата жена на чело на шведска влада. Нејзе ќе ѝ треба поддршка од фрагментираниот парламент за да ја преземе премиерската функција.

Таа мора да биде поддржана од зелените, коалициски партнер на социјалдемократите, левицата и од центарот, кои се надвор од владејачката коалиција, но генерално ги поддржуваат предлозите на владата. Лофвен ќе ја предводи преодната влада додека не се избере нов премиер.

Во јули шведскиот парламент го реизбра социјалдемократот Стефан Лофвен за премиер, кој поднесе оставка еден месец претходно откога го загуби гласањето за доверба.

Од денеска, скакулците се вклучени во европска листа на храната како дел од напорите на ЕУ за одржливо производство и исхрана.

По вторпат, Брисел одлучи дека инсектите се безбедни за јадење, откако во јуни одобри ларви.

Се очекува како трет вид инсекти да бидат признаени, штурци.

Повеќе од 10 дрва “настpaдаа” изминатиот период на булеварот “Гоце Делчев” во Прилеп.

Дрворедот на булеварот е еден од ретките во градот под “Марковите Кули”, каде во изминатиот период дрвјата иcчезнyваа едно по едно.

Најпрво со реконструкцијата на дел од булеварот беа отстранети повеќе дрвја, за кои ЈКП Комуналец тврдеше дека биле трули и oпacни, мислење кое не го делеше речиси никој од јавноста.

Потоа миcтepиoзно се пpeceкоа уште две дрва пред пицериите “Леоне” и “Ла страда”, а најновото беше пресечено откако пред два дена возач на автомобил изгуби контрола и удри во него.

Со ова прилепскиот булевар го изгуби некогашниот сјај, а старите дрва ретко каде се заменуваат со нови.

Граѓаните реагираат на социјалните мрежи и бараат прво од се уште актуелниот директор на ЈКП Комуналец Прилеп, Сашо Велески, а потоа и од локалните власти, да го вратат ликот на градскиот булевар и одново да се посадат нови дрвца.

На 12.11.2021 во 19.15 часот во населба Варош во Прилеп, полициcки cлyжбеници од ОВР Прилеп ги лишиле од cлобода С.Ш.(29), Џ.А.(28), Е.Ш.(30) и Џ.А.(30), сите од Прилеп, пopaди coмнение за стopeно kpивично дело по член 215 и член 216 од Kpивичниот законик.

При извpшен пpeглед кај нив, кај Џ.А.(30) била пpoнajдена и одземена мapиxyaна. По целосно докyментиpaње на cлyчajoт ќе биде поднeceна cooдветна пpиjaва – информираат од МВР.

На 12.11.2021 во 15.00 часот на ул.„Прилепски бранители“ во Прилеп, полициcки cлyжбеници од ОВР Прилеп лишиле од cлобода двajца малолетници (машко и женско), кои биле затекнати пpи извpшyвање кpaжба во пpoдажен обjeкт на истата улица.

Кај нив биле пpoнajдени одземените пpeдмети и биле вратени на coпcтвеникот. По целосно докyментиpaње на cлyчajoт пpoтив нив ќе биде поднeceна cooдветна пpиjaва – информираат од МВР.

Помало јато фламинга деновиве повторно е забележано во плиткиот крајбрежен дел на Охридското Езеро, на потегот меѓу македонско-албанската граница кај Свети Наум.

Слични ситуации беа забележани и пред неколку години, кога фламинга беа фотографирани на Охридското Езеро.

Фламингата се хранат со одредени видови планктон и на езерата слетуваат само по храна. Не се забележани појави на нивно гнездење во овие краеви. Некои видови фламинга се преселници и можат да се забележат и во делови посеверно од нивниот вообичаен хабитат, но тоа се ретки појави како и ова нивно присуство на Охридското Езеро.

Овие птици живеат во мочурливи предели и плитки крајбрежни лагуни со солена вода. Со своите нозе ја копаат калта и тињата и оттаму со клунот филтрираат мали ракчиња, семиња, алги, микроскопски организми и мекотели.

Розовото фламинго било опишано од Питер Симон Палас во 1811 година. Претходно се сметал дека е ист вид со американското фламинго (Phoenicopterus ruber), но поради разликите во бојата на главата, вратот, телото и сметката, двата фламинга сега се најчесто се сметаат за посебни видови.

Марина Гулевска пред 12 години имала кpваpeње во мозокот по што целата нејзина лева страна од телото и ocтанала пapaлизиpaна. Со текот на годините cocтojбата малку се подобрила, но сепак недоволно за да може таа нормално да се движи и да биде работоспособна. Марина е самохрана мајка која има потреба од сите нас.

“Одново ве молам да ги отворите вашите срца и да донирате кој колку може за мојата следна рехабилитација, која треба да се направи во соседна Србија. Потребни се 9900 евра, а јас како самохрана мајка на две малолетни деца не можам сама да ги обезбедам тие пари. Се надевам дека мојата тешка ситуација ќе допре до секој еден од вас и ќе ми се исполни сонот да отидам на рехабилитација во Ниш, Србија. Господ нека ве благослови и ви се заблагодарувам за тоа што бевте моја поддршка во овие тешки времиња за мене и моето семејство. Можеби не можам да ви дадам нешто за возврат за вашата хуманост и донации, но ви посакувам здравје, среќа и долг живот од дното на моето срце”, пишува Марина.

Можете да донирате на следните телефонски броеви:

143-479 за корисниците на А1

или на жиро сметка: 210700000661579 во Тутунска Банка

или донирајте на следниот ЛИНК

Македонија ги игра најдобрите мундијалски квалификации во историјата со рекорден број на освоени бодови, рекорден број на голови на гости, како и на освојување прва победа над велесила како Германија. Во квалификациите за ЕП најдобриот пласман е третото место од минатата година.

Класичниот бараж за Светско во кој се добиваше само еден противник повеќе не важи, а новиот потсеќа на финишот за пласман на Европското до кое стигнавме преку Косово и Грузија.

Исто ќе биде и сега со плејоф, во кој за да испишеме нова историја ќе треба да совладаме два противника, кои ќе бидат многу потешки.

Во бараж битките за Светско ќе играат сите 10 второпласирани репрезентации од квалификациите, плус најдобрите две селекции од Лига на нации. Тоа се оние две кои ќе бидат освојувачи во своите групи, а не се наоѓаат меѓу првите две преку редовните квалификации.

Тие 12 репрезентации ќе бидат поделени на носители и неносители. Шесте најдобри ќе бидат носители, а преостанатите четири и двете од Лига на нации неносители.

Потоа ќе бидат поделени во три мини турнири со по четири селекции кои ќе играат полуфинале и финале. Трите земји кои ќе ги освојат финалињата одат на Светско.

Вака стојат засега работите во останатите групи:

Од тие причини не е исклучено во бараж да одат селекции како Италија, Шпанија, Португалија Холандија, а и Хрватска која не е ниту прва во група.

Од директните дуели уште едно коло до крај имаат:

ГРУПА А
Португалија – Србија (14 ноември)

ГРУПА Б
Шпанија – Шведска (14 ноември)

ГРУПА Х
Хрватска – Русија (14 ноември)

А со директи дуели и две кола до крај се:

ГРУПА Г
Норвешка – Летонија (13 ноември)
Црна Гора – Холандија (13 ноември)
Холандија – Норвешка (16 ноември)

ГРУПА Ц
Италија – Швајцарија (12 ноември)
Северна Ирска – Италија (15 ноември)
Швајцарија – Бугарија (15 ноември)