дома блог страница 1746

Не само Бугарите и Хрватите и Црногорците може да влезат во Уставот

Вицепремиерот за европски прашања, Бојан Маричиќ денеска одговарајќи на новинарско прашање рече дека не е добро да се лицитира со временски рокови околу барањето за вклучување на бугарското малцинство во Уставот, но Владата е за тоа да се направи пред нашето влегување во ЕУ.

„Ние, нашата Влада, повеќе пати јавно истакнавме дека поради нашиот концепт на Уставот утврден уште во 2001 со Охридскиот рамковен договор, немаме проблем да ги впишеме во нашиот Устав и други заедници коишто досега не се вклучени, како хрватската заедница, и црногорската, и бугарската заедница. Така што, постои јасна политичка волја за тоа. Нашиот став е дека тоа треба да се направи пред нашето влегување во ЕУ. Останува во наредниот период во разговор и отворен дијалог со Бугарија да најдеме и начин, меѓутоа и временски рок којшто ќе биде најсоодветен за тоа“, рече Маричиќ.

Повpeдени лица и пpecметки со ocтap пpeдмет во населбата “Три багреми” во Прилеп

На 31.01.2022 год. полициски службеници од ОВР Прилеп го лишиле од cлобода С.И. (31) од Прилеп, пopaди coмнение дека во текот на ноќта со ocтap пpeдмет го нападнал и повpeдил C.M. (25) од Прилеп.

Претходно, во 03.00 часот во ОВР Прилеп, С.И. пpиjaвил дека во населбата “Три багреми” во Прилеп, тој и неговата сопруга биле физички нападнати со твpд пpeдмет од С.М. и О.М.

По целосно документирање на случаите ќе бидат поднесени соодветни пpиjaви.

Производите на прилепскиот гигант “Витаминка” пред светската јавност на саемот ISM 2022 во Келн, Германија

Витаминка ги претставува своите производи на саемот ISM 2022 во Келн, Германија, којшто се одржува од 30ти јануари до 2ри февруари. ISM 2022 е најголемото саемско случување за кондиторски производи и присуството на овој саем е единствена можност за воспоставување нови деловни релации и пробивање на странски пазари. Овој саем важи за најдоброто место каде што една компанија може да се информира за движењата на пазарот и за сопствените компетитивни предности.

„ISM Келн е најголем светски саем специјализиран за кондиторија. Тука изложуваат најзначајните фирми од оваа индустрија и доаѓаат посетители од целиот свет. Годинава, иако под пресија на пандемијата, со програмата, учесниците, активностите и можностите што ги нуди, ISM Келн уште еднаш си ја потврди репутацијата како најзначајно место за промовирање на еден производител. Витаминка е редовен изложувач тука и во досегашното искуство сме се увериле во придобивките и реалните резултати. Истовремено, со нашата разновидна, богата и квалитетна понуда високо се позиционираме во нивото на производители и изложувачи присутни тука“, вели Љупчо Велески, директор за извоз во Витаминка.

Оваа година на саемот во Келн учествуваат повеќе од 1800 производители од 76 земји од светот, а се очекуваат повеќе од 38 000 посетители од индустријата и сегментот кондиторија сите страни на светот.

(Видео) Нови потпретседатели и нов Извршен комитет на ВМРО-ДПМНЕ

Изјава за медиуми на претседателот на ВМРО-ДПМНЕ, проф. д-р. Христијан Мицкоски.

Ова се новите лица во раководството на партијата:

Славјанка продава кучиња, откако тргна на Русија?

Македонското Министерство за одбрана објави продажба на 11 службени кучиња по цена од 60 до 200 евра. Се продаваат осум германски и три белгиски овчари, објави српската национална телевиџија РТС.

Кучињата се стари меѓу шест месеци и година ипол, а овие животни поминале низ комплетна обука.

Како што пишува телевизијата, продажбата на службени кучиња е втора одлука на новата македонска министерка за одбрана Славјанка Петровска, која претходно најави можност македонската армија е подготвена, доколку тоа го побара НАТО, да се вклучи во евентуален вoopyжен конфликт меѓу Украина и Русија.

Голем број на новозapaзени и починати од Koвид: Најмладиот пациент имал само 29 години

Досега во земјата се направени вкупно 1.788.251 тестирања на KOBИД-19. Вкупната бројка на KOBИД-дијагностицирани лица во нашата земја од почетокот на епидемиjaта изнесува 268.901, бројот на оздравени пациенти е 246.864, на починати е 8.409, а бројот на активни случаи изнесува 13.628.

Министерството за здравство информира, согласно податоците од Институтот за јавно здравје дека во последните 24 часа:

Направени се 3.197 тестови, а регистрирани се 711 нови случаи на KOBИД-19:
Скопје – 505, Кавадарци – 30, Струмица – 26, Куманово – 25, Охрид – 21, Битола и Штип – по 17, Прилеп – 12, Струга и Гевгелија – по 9, Тетово – 7, Велес – 5, Гостивар, Неготино и Богданци – по 4, Делчево – 3, Кочани, Пробиштип и Демир Капија – по 2, Кичево, Свети Николе, Ресен, Крива Паланка, Берово, Македонски Брод и Дојран – по 1. Од вкупниот број на позитивни (711), регистрирани се 84 реинфekции.

Регистрирани сe 7.170 оздравени пациенти од: Скопје – 3.633, Битола – 602, Куманово – 309, Кавадарци – 284, Прилеп – 230, Тетово – 191, Охрид – 177, Штип – 175, Велес – 174, Гевгелија – 159, Струмица – 147, Гостивар – 134, Кичево – 120, Кочани – 98, Ресен – 94, Радовиш – 88, Неготино – 87, Струга – 86, Делчево – 65, Валандово – 56, Свети Николе – 51, Богданци – 31, Демир Хисар – 29, Крива Паланка – 28, Крушево – 25, Македонска Каменица – 18, Пробиштип – 17, Берово – 16, Дебар – 10, Виница – 8, Демир Капија, Македонски Брод и Кратово – по 7, Дојран – 4, Пехчево – 3.

Во текот на изминатите 24 часа, регистрирано е 22 починато лице: 10 починати лица од Скопје (49г, 52г, 59г, 62г, 67г, 68г, 70г, 71г, 85г и 87г), по 2 починати лица од Гевгелија (67г и 75г), Охрид (79г и 86г) и Струга (73г, и 74г) и по едно починато лице од Битола (84г), Делчево (75г), Кичево (86г), Кратово (29г), Неготино (56г) и Струмица (82г). Од пријавените лица сите се починати во болнички услови.

Согласно Регистарот на умрени лица со дијагноза КОВИД-19 од Мој Термин, пријавени се дополнително 4 починати лица, Кичево (2), Валандово (1) и Тетово (1). Починатите се на возраст од 56г до 81г. Пријавените лица се починати во домашни услови, во период од 26.01.2022 -27.01.2022г.

Дали само во Прилеп се работело чесно? Град Скопје закопан во криминали?

Портпаролот на ВМРО-ДПМНЕ, Наум Стоилковски прашува како фирма блиска до Рашковски земала тендери вредни 850.000 евра од Дрисла?

-Како во време на СДСМ, додека со Дрисла управува Коста Начевски, роднина на Рашковски и функционер на СДСМ, фирмата Алпима Градба на Александар Пиперевалиев од Струмица, бизнис партнер на Заеви и роднина на Рашковски склучува договори за изнајмување на машини со јавното претпријатие, за што му се исплаќаат близу еден милион евра? Фирмата Алпима Градба, сопственост на Пиперевалиев, од Струмица, близок до Рашковски, со само два договори од 2019 и 2020 година успева со изнајмување на машини да оствари приход од Дрисла близу еден милион евра?, прашува Стоилковски.

Како токму фирмата од Струмица, блиска до Заеви и до Рашковски го добива тендерот за изнајмување машини во Дрисла? Дали за Алпима Градба е менувана тендерска документација во отворена постапка?

Како тече постапката и како се мести тендерот за струмичката фирма? Одговор ќе ви дадам сега, рече Стоилковски.

Според договорот од 2020 година, вреден над 12 милиони денари, и тоа е првата работа откако Дрисла станува ЈП и со претпријатието почнува да управува Коста Начевски. Се распишува оглас за изнајмување на механизација, којшто првично содржи услови за заинтересираните да имаат минимален годишен приход од 20 милиони денари годишно три последователни години, последните години, да имаат најмалку 12 вработени и други критериуми коишто замислете додека е отворена постапката, се менуваат и се бришат! Односно огласот почнува да ги добива контурите токму како на фирмата на Пиперевалиев од Струмица, бизнис партнер на Заев и роднина на Драги Рашковски, во тој момент генерален секретар на Владата.

Вториот спорен момент е што за договорот меѓу Дрисла и фирмата на Пиперевалиев е прекршен Законот за јавни набавки и договорот е склучен во четири очи.

Додека државата тонеше економски, здравствено, образовно, и на секое поле, СДСМ тера бизниси во чија што основа лежат криминал и корупција. Се менуваат услови на тендери во отворена постапка, а бизнисите ги делат братучеди и роднини на функционери од владата. Тоа беше тенденцијата и сликата за владеењето на СДСМ изминативе пет години, тоа е сликата која што се уште не е сменета. Единствена промена ќе дојде со предвремени, брзи парламентарни избори.

Ново поскапување: Цените за горивата туркаат рекорди

Цената на бензините од ноќеска на полноќ се зголемува за еден денар по литар, а дизел горивата поскапуваат за половина денар, одлучи денеска Регулаторната комисија за енергетика и водни услуги (РКЕ). Со оваа одлука се врши зголемување на малопродажните цени на нафтените деривати во просек за 1,01 отсто.

Новата малопродажна цена на ЕУРОСУПЕР БС-95 изнесува 79,5, а ЕУРОСУПЕР БС-98 – 81,5 денари за литар, додека ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) ќе се продаваат по 71,5 денари за литар.

Со одлуката на РКЕ за 0,509 денари за килограм се зголемува и малопродажната цена на Мазутот М-1 НС и ќе изнесува 44,722 денари.

Како причина за зголемувањето на малопродажните цени на нафтените деривати од РКЕ ги посочуваат зголемените референтни цени на нафтените деривати на светскиот пазар во изминатите седум дена кај бензинот во просек за 1,601 отсто и кај дизелот за 0,766 отсто, како и за 1,005 отсто повисокиот курс на доларот во однос на денарот.

ВМРО-ДПМНЕ: Со 90 пратеници за 4 години ќе се заштедат пари за 2 училишта, 4 градинки или една амбуланта

Од ВМРО-ДПМНЕ велат дека со 90 пратеници за 4 години ќе се заштедат пари за 2 училишта, 4 градинки или една амбуланта.

За 4 години со Собрание со 90 пратеници, што е за 30 пратеника помалку од сега ќе се заштедат околу 4 милиони евра. Тоа се пари кои наместо во плаќање на функционери со разни привилегии ќе се насочат кон народот. За само 4 години со 90 пратеници, 2 општини низ државата можат да добија по едно ново училиште, се вели во соопштението на партијата.

Оттаму посочуваат дека за 4 години со 90 пратеници, 4 општини ќе добијат по една градинка. Додека за истиот период може да се изгради и нова амбуланта.

Со 90 пратеника на долг рок се крати на трошоци и се добиваат повеќе средства за инвестиции.

Баба Илинка од петричко село: Во 1965. сите Македонци ги пишавме Бyгapи. Едно момче не се пиша. Го пpeтепaa

Баба Илинка од петричкото село Боровичене близу границата со Македонија во репортажа на Бугарската телевизија (БТВ) се сеќава на 1965 година, кога Македонците ги пишувале Бугари, како и за односот кон тие што не го прифатиле тоа.

Прилогот на БТВ насловен „Како Бугарите и Македонците живеат заедно во погранично село до Северна Македонија“ во целост го пренесува порталот “Експрес.мк”

„Додека двете влади на Бугарија и на Северна Македонија се обидуваат да постигнат консензус за политичките прашања, живото на обичните луѓе што живеат непосредно до нашата граница со Северна Македонија целосно ја отфрла темата за конфликтот меѓу Бугарите и Македонците.

40 души. Толку останале денес во село Боровичене на само неколку километри од границата со Северна Македонија. Тивко е. И покрај чувството дека времето е замрзнато како студот надвор, тоа си го продолжува својот од. Баба Илинка исто така се обидува да го запре времето, за да се врати во него – кон оние времиња кога селото требало да се нарече ‘македонско’, а потоа – ‘бугарско’.

‘Јас бев повереник. Првата работа што ја завршив како повереник беше во април 1965 година. За една ноќ им направив документи на 360 жители на Боровичене. Од Македонци ние ги напишавме Бугари. Едно момче не се напиша Бугарин. Го претепаа, му го сменија пасошот’, раскажа баба Илинка.

Пасошите и имињата зсе менуваат, границите исто така, но не и чувствата меѓу луѓето.

Луѓето велат дека не виделе ништо лошо едни од други и според нив сè се политички игри.

‘И Бајрам го тераат заедно, и нашите пости на Велигден ги тераат заедно. И ние тука сме такви. Само времето нè дели со еден час. Ние сме си браќа.

Ниту границата, ниту власта, ниту политиката не можат да ги искоренат идентитетот и историјата.

Си тргнуваме од Боровичене кон Софија. На посета на жолтата калдрма е новата македонска влада.

Политичарите зборуваат за уште едно зближување, нешто што луѓето, како 40. преостанати во малото село, одамна го имаат направено“, вели репортерката на БТВ, Антонија Јаворова.