Само до пред 100 денови секојдневно слушавме најави дека сите сомнежи за кpиминал ќе почнат да се pacветлуваат од првиот ден со доаѓањето на новата власт.

Темите за индиции за кpиминал во набавката на автобусите, адвокатските услуги во јавните претпријатија, набавката на резервни делови, привремени вработувања, легендарното мовче од “милион евра”, булеварот, сообраќајните знаци од по 8.000 евра еден… и уште многу теми, беа мотив да се чека разврската за овие небулози.

Наместо официјални бројки за борчот на општината и јавните претпријатија, до денеска ниту една институција не излезе со официјален пресек колку е задолжена. Во 105 денови нема ниту една пресконференција од раководителите на таа тема.

Дали има превработеност и каде? Дали има несоодветни кадри на раководни места? Овие се прашања на кои прилепчани очекуваат одговори.

Да Ве потсетиме дека во првите месеци од мандатот во 2017., за најбанални работи тогашаната власт на екс градоначалникот му поднесе преку 25 обвиненија, исто така и на директорите на ЈП…

За време на церемонијата по повод 150 годишнината од раѓањето на Гоце Делчев, насобраната толпа пред црквата Свети Спас ги исвирка Пендаровски, Груби и Бочварски.

Се слушаше “Уааа, предавници…”

Видеото погледнете го на “Инфомакс”

Koшаркарот на Мемфис Гризлис, Дезмонд Бејн, ја има досега најлудата статистика во НБА лигата на еден натпревар.

Неговиот Мемфис на 02.02.2022 играше против Њујорк, а Дезмонд имаше реализација на шут 4 од 18, или 22% успешност.

Покрај тоа Бејн постигна две асистенции, два блока, имаше две украдени топки, направи два фаули и две загубени топки.

Плус на тоа Бејн го носи дресот со број 22.

Самиот играч бил вчудоневиден од информацијата, па иако одигра една релативно слаба утакмица доби мала сатисфакција.

Desmond Bane tonight:

— 2/2/2022
— Wears #22
— 2nd year in the league
— Shot 22.2%
— 2 assists
— 2 steals
— 2 blocks
— 2 turnovers
— 2 fouls
— Didn’t make a 2-pointer
— PTS/REB/AST add up to 22

(h/t @NBAReddit) pic.twitter.com/GN1phTv2B6

— StatMuse (@statmuse) February 3, 2022

Народната банка денеска соопшти дека е забележана појава на фалсификувани банкноти од 2000 денари, за што е известено и Министерството за внатрешни работи.

Со цел да се заштитат граѓаните и правните лица, Народната банка укажува на начинот на којшто може да се провери дали станува збор за фалсификат. Доколку се забележи фалсификувана банкнота, граѓаните треба да се обратат до банките или до Министерството за внатрешни работи.

– Појавениот тип на фалсификат е изработен на обична (комерцијална), двослојна хартија којашто при допир значително се разликува во дебелината, цврстината и еластичноста во однос на оригиналната хартија на која се изработуваат банкнотите. Покрај тоа, оригиналните банкноти содржат високософистицирани заштитни елементи според кои граѓаните можат да направат разлика и да ја препознаат нивната автентичност, велат од Народна банка.

Фалсификуваната банкнота може да се препознае по основниот заштитен елемент, отпечатен со оптички варијабилна боја, којшто се наоѓа на горниот средишен дел на предната страна на банкнотата. Кај фалсификуваната банкнота, овој елемент воопшто не ја менува бојата со придвижување на банкнотата, додека кај оригиналните банкноти, со придвижување под одреден агол, може да се забележи како се менува неговата боја од зелена во сина и се појавува светлозелен прстен којшто симулира ефект на движење, како што е прикажано на сликата:

Втор елемент по кој може да се разликува оргиналот од фалсификатот е заштитниот конец којшто е вметнат меѓу двата слоја хартија со видливи засеци. Со придвижување на банкнотата создава лажен впечаток на делумно менување на боите, но, доколку се набљудува малку повнимателно јасно може да се воочи дека е имитиран:

Чешка ќе престане да бара пропусници за Ковид-19 за влез во ресторани и други услужни или забавни места од следната недела отворајќи ги и за невакцинираните лица, изјави денеска чешкиот премиер Петр Фијала.

„Од 9 февруари потребата за прикажување докази за вакцинација или неодамнешно закрепнување од Ковид-19 за влез во ресторани и други угостителски или услужни простори престанува да важи“, рече Фијала, пренесува „Ројтерс“.

Владата од 18 февруари ќе го укине и задолжителното тестирање во фирмите и училиштата.

Сепак, мерките што бараат носење маски во затворени простории и ограничување на бројот на луѓе на јавни настани ќе останат во сила.

Чешкото Министерство за здравство објави рекорден дневен број новозаразени во вторникот – 57.226.

Вчера беа пријавени уште 43.307 случаи и повеќе од 7.000 повторно заразени.

Сепак, бројот на хоспитализирани сè уште не е зголемен и е далеку под нивоата забележани за време на претходните бранови на пандемијата.

Претседателот на ВМРО-ДПМНЕ Христијан Мицкоски во вечерашното гостување во емисијата „Само интервју“ на Канал 5 вели дека пратеничката група на ВМРО-ДПМНЕ во текот на утрешниот ден по повод 150 години од раѓањето на макеедонскиот револуционер Гоце Делчев во македонското собрание ќе поднесе Декларација која што ќе ги исцрта позициите по прашањето за Гоце Делчев.

Во текот на утрешниот ден пратеничката група на ВМРО-ДПМНЕ ќе предложи во рамките на парламентот Декларација со која што јасно ќе ги исцртаме нашите позиции по прашањето на Гоце Делчев, нагласи Мицкоски.

На прашањето доколку би бил премиер дали заедно со Крили Петков би положил цвеќе на споменикот на Гоце Делчев, претседателот Мицкоски рече да само доколку бугарскиот премиер Петков се сложи дека Гоце Делчев се борел за своја македонска независна држава.

Ако Петков се сложи дека Гоце Делчев е Македонец и се борел за своја македонска независна држава, тогаш немам никаков проблем, дециден е Мицкоски.

Досега во земјата се направени вкупно 1.803.508 тестирања на KOBИД-19. Вкупната бројка на KOBИД-дијагностицирани лица во нашата земја од почетокот на епидемиjaта изнесува 274.144, бројот на оздравени пациенти е 251.688, на починати е 8.494, а бројот на активни случаи изнесува 13.962.

Министерството за здравство информира, согласно податоците од Институтот за јавно здравје дека во последните 24 часа:

Направени се 4.811 тестови, а регистрирани се 1.715 нови случаи на КОВИД-19:
Скопје – 882, Битола – 87, Куманово – 75, Тетово – 69, Кавадарци – 66, Велес – 63, Охрид – 56, Прилеп и Струмица – по 48, Гостивар – 36, Гевгелија – 33, Неготино – 29, Штип – 28, Кочани – 26, Кичево – 24, Радовиш – 20, Валандово – 17, Богданци – 16, Струга и Крива Паланка – по 14, Ресен – 12, Виница – 9, Свети Николе и Делчево – по 8, Демир Капија и Пехчево – по 5, Кратово и Македонски Брод – по 4, Пробиштип – 3, Дебар и Демир Хисар – по 2, Македонска Каменица и Дојран – по 1.

Од вкупниот број на позитивни (1.715), регистрирани се 240 реинфекции и една втора реинфекциja.

Регистрирани сe 2.057 оздравени пациенти од: Скопје – 1.276, Тетово – 192, Гостивар – 101, Куманово – 88, Кавадарци – 84, Велес – 63, Гевгелија – 44, Кочани – 25, Штип – 24, Неготино – 20, Битола – 19, Радовиш – 18, Крива Паланка – 13, Прилеп, Струмица, Свети Николе и Делчево – по 12, Виница и Богданци – по 6, Кратово – 5, Кичево, Македонска Каменица, Демир Капија и Пехчево – по 4, Берово – 3, Пробиштип и Демир Хисар – по 2, Струга и Дојран – по 1.

Во текот на изминатите 24 часа, регистрирани се 20 починати лица: 7 починати лица од Скопје (58г, 70г, 70г, 74г, 76г, 82г и 87г), 2 починати лица од Битола (77г и 81г) и по едно починато лице од Велес (59г), Гевгелија (81г), Кавадарци (64г), Куманово (66г), Неготино (63г), Охрид (57г), Ресен (82г), Свети Николе (73г), Струга (68г), Тетово (66г) и Штип (66г). Од пријавените лица 19 се починати во болнички услови, а едно лице е починато во домашни услови.

Согласно Регистарот на умрени лица со дијагноза КОВИД-19 од Мој Термин, пријавени се дополнително 4 починати лица, Струмица (1), Штип (1), Вландово (1) и Битола (1). Починатите се на возраст од 51г до 76г. Од пријавените лица сите се починати во болнички услови. Пријавените лица се починати во период од 26.01.2021 – 01.02.2022г.

Од вкупниот број на починати лица (n=24), 9 лица се целосно вakцинирани, а кај 20 лица се регистрирани коморбидитети.

Направени се 4.811 тестови преку: ИЈЗ-469, ЦЈЗ Скопје-99, ЦЈЗ Битола-100, ЦЈЗ Прилеп-48, ЦЈЗ Тетово–12, ЦЈЗ Куманово-87, Клиника за инфективни болести и фебрилни состојби-0, Судска медицина-4, лабораторија болница Козле-13, УК Пулмологија со алергологија –1, ГОБ 8-ми Септември-0, Институт за микробиологија–186, Жан Митрев (Филип Втори)-130, Авицена-193, Биотек-222, Систина-70, лабораторија Лаор-98, Синлаб-43, Ремедика-25, Плодност-41, Генеа-15, Никоб Лаб-429, ВФВ Медикал-78, Ели Медика-31, Ројал Медика–16, Спектра-ММ-46, Рапид Лаб–24, Жан Митрев Струмица–10, Нова Лаб Дијагностика–4, Рамус-27, ЈЗУ и ПЗУ (рапид тест) – вкупно 2.290.

Тешка сообраќајна несреќа се случила на излезот од Битола кон Кравари. Во несреќата учествувале три возила, патничко комбе, кое пренесувало работници од фабриката Кронберг и Шуберт, патнички автомобил и паркиран камион влекач, пренесува ТВ Телма.

Според првичните информации од битолската клиничка болница во сообраќајката има 10 повредени лица, од кои две се здобиле со потешки телесни повреди.

Несреќата се случила неколку минути пред 15 часот, кога работници од утринската смена од фабриката „Кромберг и Шуберт“ се враќале кон Битола.

Увидот од страна на екипи на СВР Битола сѐ уште трае.

Го знаете, голманот што играше во Интер ШЕСТ сезони? Не? Па, ви простуваме.

Тоа е затоа што, иако Берни беше во Интер шест години, тој всушност не одигра ниту еден натпревар. Тоа е прилично интересна приказна и би сакале да ја споделиме со оние кои никогаш не слушнале за него.

Фактот што воопшто не влезе во игра не не’ изненадува. Но, Берни е познат и по тоа што има добиено 2 црвени картони.

Нула одиграни минути за шест години. Два црвени картони. Исто така, беше објавено дека голманот земал одлични 200.000 евра годишно. Не е лошо ако не правиш апсолутно ништо.

Сосема очекувано, Берни се пензионираше по 2019/20 година бидејќи не одигра професионален натпревар во последните седум сезони.

Tommaso Berni has parted ways with Inter Milan:

✅ Years at the club: 6
❌ Appearances: 0
? Red Cards: 2
? Salary: €200,000 a year

Club legend ?#InterMilan pic.twitter.com/22FEYdbozf

— GiveMeSport (@GiveMeSport) September 2, 2020

Претседателот на Демократската Унија за Интеграција, Али Ахмети денес оствари средба со амбасадорот на Кралството Шпанија Хозе Луис Лозано Гарсија изразувајќи подготвеност за блиска соработка.

Тема на дискусија во овој состанок беа последните политички случувања во земјава како и преговорите за спорот со Република Бугарија.

Во однос на Изборниот Законик, Ахмети смета дека сегашниот модел со шест изборни единици е посоодветен бидејќи за промена на изборниот законик и изборните единици потребен е поширок консензус и усогласеност со сите политички фактори во државата и дека како прашање треба да се постави на расправа во Собранието.

Овој став е во целосна спротивност со барањата на помалите политички партии кои воедно се и коалициони партнери со ДУИ во новата влада. Па оттука и прашањето: Како ќе реагираат ДОМ, ЛДП и Демократски сојуз на ваквите изјави на Али Ахмети?