дома блог страница 1702

“Паркот на љубовта” стана “Парк на депресијата” (Фото галерија)

“Паркот на љубовта” или за прилепчани попознат како паркот кај судот, кој го отвори поранешниот американски амбасадор Филип Рикер, во последно време го изгуби целиот свој сјај.

Тревниците се речиси целосно запуштени и изгазени, нема цветни површини, а ја нема повеќе ниту куќарката на дрво.

Граѓаните реагираат на ова сивило и бараат надлежните да ги обноват зелените површини во градот.

Tри месеци без скршен денар: Вработените во Терминал при ЈКП “Комуналец” Прилеп на предупредувачки штpajк (Фото)

Вработените во “Терминалот” кој е ќерка фирма на ЈКП “Комуналец” – Прилеп, веќе три месеци немаат земено плата.

Поради таквата состојба денеска тие одржаа едночасовен предупредувачки штpajк од 08:30 до 09:30ч..

Терминалот при “Комуналец” има 13 вработени, а во склоп на истиот спаѓа и трпезаријата при новите Градски гробишта.

Вработените очекуваат нивниот проблем да се разгледа и реши при идната седница на Управниот одбор на “Комуналец”, а засега од јавното претпријатие нема никаков одговор.

11 возачи казнети за бpзо возење во Прилеп во изминатото деноноќие

На 07.03.2022 на територијата на СВР Битола, полициски службеници спроведоа акциска контрола за санкционирање на возачи кои управуваaт возила со брзина поголема од пропишаната.

Притоа, санкционирани биле 29 возачи, од кои 14 санкции се изречени на територија на Ресен, 4 санкции на територија на Битола и 11 санкции на територијата на Прилеп.

Османи: “Ако купувате руска нафта и помагате на руската вojcка”

Министерот за надворешни работи Бујар Османи вечерва во дебатниот магазин „Click Plus“ на ТВ21 посочи дека купувањето на руска нафта и гас ја финансира руската војска.

„На сите ни е јасно дека купувањето на руска нафта и гас ја финансира војната, односно руската армија. Главните средства на Русија доаѓаат од изворите на природен гас и нафта. Како што гледате Европа е зависна од тој гас и од нафтата и доставата не е прекината целосно токму поради таа зависност“, вели Османи.

Тој додава дека украинскиот министер секако дека бил во право кога рекол дека украинска крв има на руската нафта.

„Како што гледате Европа постојано, посебно сега бара алтернативни извори на енергија, но сега за сега ситуацијата е ваква каква што е“, додава Османи.

Петков: “Бугарија не може без руската нафта и гас”

Бугарија, која ги поддржува caнкциите против Русија како средство за запирање на руската инвазиja на Украина, најверојатно ќе бара исклучок од забраната за увоз на руски природен гас и нафта доколку се даде таков предлог. Ова за Ројтерс го изјави бугарскиот премиер Кирил Петков, пренесоа бугарските медиуми.

Бугарија ќе ги поддржи сите видови мерки бидејќи е против војната, освен двете мерки за увоз на нафта и гас… Бугарија во моментов нема алтернативи, земјата е премногу зависна, рече Петков.

„Ние целосно го поддржуваме украинскиот народ, го поддржавме првиот пакет санкции, отворени сме и за други санкции, само овие две санкции би било тешко да се прифатат, и како економија и како земја”, додаде Петков.

Во врска со бегалците кои доаѓаат од Украина, бугарскиот премиер изјави дека владата во Софија направила план да прими околу 50.000 луѓе, што ќе чини околу милион евра дневно за храна и засолниште.

Петков рече дека Бугарија произведува повеќе од 7 милиони тони пченица годишно и не планира да го забрани извозот на пченица.

Бугарија ја задржува целта за влез во еврозоната во 2024 година, изјави премиерот Кирил Петков.

Денеска е можно ново поскапување на гopивата

По вчерашното рекордно поскапување на горивата, Регулаторната комисија за енергетика ја менува методологијата на корекција на малопродажните цени на нафтените деривати и наместо еднаш неделно, си остава простор цената да ја менува секој ден. Информацијата вчера ја потврди првиот човек на Регулаторна, Марко Бислимовски во писмена изјава објавена на веб сајтот на РКЕ.

„ Од ден во ден драстично се зголемуваат цените на нафтените деривати на светските берзи, а дополнително на тоа и курсот на доларот расте, овие се клучни фактори кои влијаат врз крајната цена. Поради сложената геополитичката состојба која се одразува врз цената на енергенсите, а со цел да се обезбеди сигурност и стабилност на пазарот со нафтените деривати и да се заштитат потрошувачите од големи ценовни осцилации, од сега натаму РКЕ ќе носи одлуки на дневно ниво за цени на нафтени деривати, доколку берзанските цени имаат значителни промени. Овој принцип ќе се применува секогаш во состојби на екстремни дневни промени на берзанските цени. За состојбата во нафтениот сектор, РКЕ ја информираше Владата детално и анализите им се ставени на располагање со цел да се носат соодветни одлуки за да се заштити стандардот на граѓаните“ – изјави Бислимовски.

Во моментов барел нафта од типот „брент“ на светските берзи се продава по цена од 126 долари што е некое ниво кое се држеше и во текот на вчерашниот ден. Но, цената осцилира и тоа најчесто во нагорна насока па нема да биде изненадување доколку во текот на денот повторно надмине 130 долари за барел.

Тоа би значело дека РКЕ може во текот на денешниот ден повторно да ја зголеми цената на нафтените деривати и од полноќ повторно да имаме поскапо гориво.

Во моментов литар БС98 чини 91.5 денари, БС95 се продава по 89,5 денари а дизелот има рекордна цена од 85.5 денари за литар.

(Вознемирувачко видео) Екипата на “Скај Њуз” нападната во Украина

Во понеделникот, во близина на Киев, главниот дописник на Скај Њуз, Стјуарт Ремзи и неговиот тим беа нападнати. Камерманот Ричи Моклер беше погоден два пати, за среќа куршумите завршија во панцирот. Нивното искуство ги илустрира размерите на нередот и насилството додека руската инвазија влегува во нова и поопacна фаза.

Ужacниот настан беше целосно снимен на камера. Во продолжение можете да го погледнете видеото:

Европа се разбуди: “Не можеме без рускиот гас и нафта”

Европа не може да престане да користи нафта и гас преку ноќ, изјави британскиот премиер Борис Џонсон на денешната заедничка прес-конференција со канадскиот премиер Џастин Трудо и холандскиот премиер Марк Руте во Лондон.

– Постојат различни зависности во различни земји и тоа мора да го имаме на ум. Не можете само да престанете да користите нафта и гас преку ноќ, дури ни од Русија, рече тој.

– Во Обединетото Кралство, можеме да го направиме тоа брзо, додаде тој, истакнувајќи дека сите треба да се погрижат да одат во иста насока.

– Ќе го направиме тоа заедно – така што сите ги имаме потребните замени и резерви, додаде британскиот премиер.

Руте се согласи дека многу делови од Европа сè уште зависат од руски енергенси и повика секоја забрана да се воведува „внимателно“.

И германскиот канцелар Олаф Шолц денеска изјави дека увозот на енергенси од Русија е клучен за секојдневниот живот на европските граѓани и оти во моментот континентот не може да ги обезбеди на друг начин.

-Додека во САД и во ЕУ се разговара за санкции против руските енергетски извори како одговор на инвазијата врз Украина, снабдувањето на енергија на Европа за греење, мобилност, електрична енергија и индустрија во моментов не може да се гарантира на кој било друг начин, рече Шолц.

Поранешниот претседател на Русија, а сега заменик-претседател на Советот за безбедност на Русија, Дмитриј Медведев, во саркастичен тон им го честиташе на , како што ги нарече , свите европски колеги за цената на гасот, која достигна рекордно ниво.

Можам само да им честитам на моите далекувидни европски колеги кои сигурно се бранеа од подмолните Руси и од проектот Северен тек 2, рече тој.

Извор: infomax

Фотографии кои го расплакaa светот: Дошло само, со една торба од Украина во Словачка, на раката имало испишано телефонски број

Според ОН, меѓу 1,5 милиони бегалци има над 500.000 деца. Многумина од нив родителите ги испратиле сами од Украина или со сосема непознати лица.

Си-Ен-Ен сними тажен момент како момчето, само, со торба во рака, ја минува границата.

Момчето плаче додека полека оди преку границата на Украина со Полска.

Зад него има група возрасни, но момчето изгледа е сосема само.

„Изгледа прилично мало“, пишува CNN.

Повеќето бегалци од Украина се преселиле во Полска.

11-годишното момче целосно се преселило во Словачка

Вчера словачката полиција објави фотографии од 11-годишно момче кое дошло на словачката граница од Запорожје, градот каде што руските сили во петокот цел на нуклеарна централа.

Момчето избегало само со торба и со број на мобилен испишан на раката. Носело и пасош.

Дошол сам затоа што родителите морале да останат во Украина. Волонтерите се грижеле за него, го згреале, му дале да јаде и пие. Исто така му се подготвувале за патувањето. Сите ги освоил со својата насмевка! Тој е бестрашен и решителен, вистински, вистински херој“, напишаа на Фејсбук страницата на словачката полиција.

(Видео) Цел Прилеп на бензиска – Дојде живот

Новите цени на горивата кои ќе важат од полноќ, а кои денеска ги соопшти Регулаторната комисија, предизвикаа огромни редици на бензиските пумпи во Прилеп.

Најголеми редици има на бензиската пумпа “Лук оил” на излезот од Прилеп, а ништо подобро не е ниту на другите.

Погледнете: