дома блог страница 1695

(Фото) Зеленски ги посети повpeдените вojници во болница и им додели “Орден за храброст”

Украинскиот претседател ги посети повpeдените вojници во болница и ги одликуваше со највисокото државно одличје “Орден за храброст”.

Володимир Зеленски во обраќањето до јавноста им порача на граѓаните дека окупираниот Херсон нема да ја доживее судбината на Доњецк и Луганск.

-Окупаторите на територија на Херонската област се обидуваат да го повторат тажното искуство со формирање на парарепублика. Ги уценуваат локалните лидери, вршат притисок и поткуп, истакна Зеленски.

Денес тој одлучи да им посвети време и на државните херои, луѓето кои се опоравуваат во државната болница во Киев. Зеленски ги одликуваше со орден, а тие му ветија дека ќе се вратат на боиштата веднаш што се опорават од повpeдите.

Aлармантна состојбата со производството на леб во Прилеп, пекарите предупредуваат за можен целосен колапc

По нималку оптимистичките предупредувања на земјоделците дека храна ќе има се помалку, со алармантни предупредувања и трговците кои продаваат леб, особено бел. Познат трговец на мало кој сакаше да остане анонимен, ни рече дека замрзнувањето на цените на лебот и продажбата без маржа била избрзана мерка која била донесена без никаква анализа. Според него, владата требало да си најде друга програма за решавање на социјалниот мир – oбјави “АЛФА ТВ”.

“Јас лично ќе го продавам лебот и понатаму, па макар и за без пари, но во ограничени количини, за редовните муштерии. Ама дали е тоа решение, не знам, бидејќи проблемот не е толку кај нас, колку кај пекарите. Државата систематски нив ги уништува. Ми кажуваат дека немаат пченица, немаат брашно, енергенсите се качија во вис, а државата им ги замрзна цените, затоа леб нема да има” – вели соговорникот за “АЛФА ТВ”.

Голема загриженост и кај производителите на леб, велат дека ги трошат последните резерви на брашно, а производството го бројат во денови.

“Имаме залиха на брашно максимум за 7 дена. Значи ние вака можеме да издржиме 2-3 дена, недела максимум, но ова е неиздржливо. Ние моментално лебот го продаваме 32 денари, а нас не чини преку 38 денари. Загубите се енормни, стравуваме од тотален колапс. Моментално, од состаноците што ги имавме со колегите, ако продолжи нештово вака, можно е да дојде и до прекин на работата на пекарите, на многу, многу пекари”, вели Антонио Грнчески сопственик на пекара за “АЛФА ТВ”.

– Moжам слободно да ви кажам дека кај 5-6 пекари кои се најголеми во градот, можно е да дојде до прекин на производството, што ние никако не сакаме, бидејќи имаме тековни трошоци, кредити, вработени, ама ни вака не можеме да продолжиме да работиме, додава Грнчески.

За да се ублажи оваа алармантна состојба тој смета дека државата треба да ги активира стоковите резерви.

Каролина Дурло

Николоски до власта: “Најдобро е да се согласат на предвремени избори, затоа што не можат вечно да бегаат од народот”

Досега не слушнавме релевантен одговор што ќе се случи со праската во Росоман, која што веќе нема извоз. Што ќе се случи со јаболкото во Ресен кое што исто така нема извоз? Што ќе се случи со пролетната зелка која што главно се сади во струмичко, Босилево, Василево, кое што исто така нема извоз? Понатака, второто прашање е сошто не се исплаќаат субвенциите? Следното прашање кое што треба да го одговори власта е што ќе се случи со црешата, вишната, со капината и со сите оние производи кои што доаѓаат, кои што вредните земјоделци ги произведуваат, а веќе нема да можат да ги пласираат на пазари. Следно се малите трговци, затоа што со вака ограничување на маржите тие не можат да преживеат. Сите знаат дека во раноградинарските поризводи кои што се продаваат во малите дуќани. Она што е кало или она што се фрла е некаде 30-тина до 40% од производот што значи дека маржа од 10% не може да ја надокнади само загубата, а да не зборувам да нешто се заработи, истакна Александар Николоски, потпретседател на ВМРО-ДПМНЕ во гостување во вестите на Алфа телевизија.

Николоски додаде дека поради оваа ситуација многумина размислуваат да затворат своите мали бизниси, што значи десетици илјади луѓе на улица дополнително на веќе зголемените цени и големата криза.

– Ова е една тотално неспособна Влада. Оваа Влада која што не знае да прави економија. Ова е Влада која што не знае да помага, ниту на земјоделците, ниту на малите бизниси, а не пак на средниот и големиот бизнис. И затоа оваа Влада треба да замине час поскоро, нагласи Николоски.

Николоски се осврна на и спорот со Бугарија што посочи дека да се прашуваше само власта досега 100 пати ќе го продадеше македонскиот идентитет и историја, но власта се соочува со голем отпор од македонскиот народ и ВМРО-ДПМНЕ.

– Причината поради која што од власта не се појавуваат по медиумите е дека немаат одговор на клучните прашања. А, тоа се прашањата за кои што зборувавме досега, што ќе се случува со цените и што ќе се случува со производот што го произведуваат македонските земјоделци, а кој што ќе остане по нивите. Од власта немаат одговор на тие прашања, немаат одговор на празните рафтови во маркетите, немаат одговор на затворањето на малите бизниси, немаат одгворо на поскапувањето и затоа бегаат, рече Николоски.

Николоски укажа дека за власта е најдобро е да се согласат на предвремени парламентарни избори, затоа што не можат вечно да бегаат од народот.

Заев: “Итен прекин на вojната во Украина”

Поранешниот премиер Зоран Заев, заедно со поранешниот министер за здравство Венко Филипче, на покана на турскиот претседател Реџеп Таип Ердоган и шефот на турската дипломатија Мевљут Чавушоглу, учествуваат на Форумот за дипломатија во Анталија.

– Итен прекин на војната во Украина, враќање на мирот и воспоставување дијалог наместо агресија – ова е главната порака од Форумот за дипломатија во Анталија. Го искористив учеството на форумот за придонес кон одржувањето на пријателството и унапредување на соработката со највисоки претставници на земјите од регионот и земјите членки на ЕУ со кои разговаравме за европската иднина на Северна Македонија, за безбедноста на нашата држава која ја обезбедивме преку нашето рамноправно членство во НАТО, за поддршката на регионалните соработки како што е иницијативата Отворен Балкан и за билатералните пријателски соработки на Северна Македонија со своите соседи, напиша Заев на Фејсбук.

Заев додаде дека се сретнал со поранешни и сегашни премиери, претседатели и други високи претставници од Словенија, Австрија, Црна Гора, Албанија, Шпанија, Бугарија, Романија, Катар и други.

– Пренесувам дома пораки на поддршка од нашите пријатели од Европа и пошироко, кон сите македонски граѓани, кон претседателот на државата Пендаровски, кон претседателот на Собранието Џафери, кон пратениците од Парламентот и кон нашиот премиер Ковачевски, пишува Заев на Фејсбук.

Конечно: За првпат годинава пад на цените на горивата

За првпат годинава паднаа цените на горивата. Ова се должи на намалувањето на ДДВ-то и акцизата, мерки кои вчера ги изгласаа пратениците во Собранието.

Од почетокот на годината нафтата и нафтените деривати вртоглаво растат, а го пробија и неславниот рекорд од 2012-та година. Тогаш бензинот 98 се точеше за 90,5, 95-ката за 89, а дизелот за 75,5 денари. Но и овие цени во моментот се незамисливи, со оглед на тоа што од особено од понеделникот тие вртоглаво пораснаа. Дизелот за само три дена поскапе за дури 21,5 денари.

Денеска Регулаторната комисија донесе нови цени, поевтини од досегашните. Бензинот поевтинува за 6,5, а дизелот за 9 денари.

Моторен бензин – ЕУРОСУПЕР БС – 95 – 86,50 (денари/литар); Моторен бензин – ЕУРОСУПЕР БС – 98 – 88,50 (денари/литар); Дизел гориво – ЕУРОДИЗЕЛ БС (Д-Е V) – 88,00 (денари/литар); Масло за горење – Екстра лесно 1 (ЕЛ-1) – 83,50 (денари/литар); Мазут М-1 НС – 60,914 (денари/килограм)

Како разгледница: Жителите од оваа населба ќе уживаат во нова прекрасна урбана опрема (Фото)

По налог на Град Скопје екипите на ЈП „Паркови и зеленило“ во текот на изминатите денови поставија нови елементи изработени од дрво во Рајскиот парк во населбата Ново Лисиче.

Нови павилјони, комплет на клупи и маси, корпи за отпадоци, дрвена куќичка за деца и рекреативни елементи се новите парковски дрвени елементи што екипите на ЈП Паркови и зеленило ги изработија и ги поставија во делови на Рајскиот парк.

Распоредени на повеќе локации низ зеленилото во паркот, елементите со својот изглед и намена го дополнуваат изгледот на уредениот парк, кој е вистинско место за релаксација и пријатен престој во природа за посетители од сите генерации.

Наумоски: Нема да има недостиг на масло за јадење, нема потреба од паника кај граѓаните да купуваат големи количини

Министерот за економија Крешник Бектеши вчера ја посети фабриката за производство на масло за јадење „Брилијант“ во Штип и направи увид како се спроведуваат одлуките кои што ги донесе Владата по предлог на Министерството за економија за заштита на домашното производство на основни прехранбени производи.

Бектеши истакна дека домашните капацитети за производство на оснoвни прехранбени производи се ставени во полн капацитет, а мерките кои што беа донесени од Владата имаат за цел да се избегнат ценовните шокови и да се заштитат граѓаните.

-Има доволно количини на основни прехранбени производи од домашно производство. Северна Македонија има многу подобри цени споредено со земјите во регионот, а цените дополнително ќе се намалат во наредниот период и како резултат на одлуката за намалување на маржите и како резултатите на намалувањето на ДДВ на основните прехранбени производи од 5 на 0 отсто за што законското решение беше донесено вчера од страна на пратениците во Собранието – вели Бектеши.

Генералниот директор на „Витаминка“, Сашо Наумоски а во чија сопственост е и фабриката „Брилијант“-Штип потенцираа дека ги следат одлуките кои што ги носи Министерството за економија и најтранспарентно ги спроведуваат.

-Нема да има недостиг на масло за јадење, има доволно залиха и производство. Нема потреба од паника кај граѓаните да купуваат големи количини. Ние како производител на масло за јадење ги следиме и најтранспарентно ги спроведуваме одлуките на Министерството за економија – вели Наумоски.

Наумоски вели дека од ден на ден се менуваат ситуациите и не може да каже дали ќе има проблеми со обезбедување суровина.

– Се надеваме дека нема да имаме проблем. Ние имаме потпишано договори. „Витаминка“ е сериозна компанија и обично за 3 месеци залихи чуваме за сите репроматеријали и суровини. Се надеваме дека соседството ќе ги отвори границите за извоз на суровини и дека нема да имаме проблем за наредниот период за истекот на 3 месеци. Мислам добивме уверување од министерот дека сериозно се работи, дека со РСрбија ќе се договорат отворените граници за проток на пченица, брашно, масло. Така да мислам дека за 3 месеци нема да имаме проблеми, ќе ги реализираме нашите договори што ги имаме со Србија – вели Наумоски.

Македонските граѓани годишно користат околу 25.000 тони масло за јадење, покажуваат анализите на Наумоски. Тој додаде дека цената сончогледот секојденвно раст поради актуелната состојба меѓу Русија и Украина,

-Инаку Русија и Украина се најголемите производители на масло за јадење во светот, негде околу 55 отсто двете земји имаат производство на сончогледово масло. Цените одат горе, но мислам повеќе тоа е психоза дека ќе се стабилизира цената, дека ќе се врати. Тие количини што не се извезувата сега мора еден ден да излезат и очекуваме дека за брзо ќе се стабилизира ситуацијата и се надеваме дека војната за брзо ќе запре во тој регион – вели Наумоски.

Македонските компании за производство на масло за јадење суровините најмногу ги снабдува од Србија, Бугарија, бидејќи како што рече, ние немаме големи капацитети за да купуваме бродски транспорт на масло сурово за јадење од Украина или од Русија.

Тој додаде дека трошоците им се зголемени од 20 до 30 отсто.

Македонец ги сруши сите правила на физиката: Да можеше Исак Њутн да го види ова (Видео)

Според пишувањата во коментари видеото е од кафана во Струмица, а истото ги сруши сите рекорди на гледаност.

Со заби ја крена цела маса полна со пијалоци и дури заигра…

Алал вера мајсторе!

(Фото галерија) Никако со штикли по “Арт плоштадот”, изрешетен е

“Арт плоштадот” и популарната патека на славните во центарот на Прилеп се целосно запоставени.

Искршени плочки, уништена урбана опрема, одамна не свети ниту патеката со имињата на познатите прилепчани … едноставно не се одржува ништо за што биле потрошени пари на граѓаните.

Не дека се’ може наеднаш да се поправи, но граѓаните се гневни и постојано апелираат со фотографии до нашата редакција и бараат да се врати стариот сјај на Прилеп.

Eве како и каде да резервирате маса за големиот хуманитарен концерт на Жељко Самарџиќ во Прилеп

Малиот Дејан Најдоски од Прилеп кој има аутизам, досега успешно помина повеќе третмани со матични клетки во болница во Турција.

За подобрување на неговото здравје, на Дејан и понатаму му сме потребни. За таа цел во Прилеп на хуманитарен концерт пристигнува и мега популарната балканска ѕвезда Жељко Самарџиќ.

Концертот е закажан за 19.03. со почеток од 20ч. во Универзалната сала во Прилеп, каде Самарџиќ ќе настапи заедно со македонските изведувачи Јоце Панов и супер талентираниот прилепчанец Филип Николоски.

Картите се веќе во продажба на следните локации: “Ла Страда”, “Кафе Оникс”, слаткарница “Дизниленд трејд”, парфимерија “Дива” и “Кафе Пулс”, и се по цена од 300 денари.