По повеќе години пауза, вечерва во Прилеп гостуваше скопски Вардар, некогашен двократен европски шампион, сега актуелен македонски шампион.

Според очекувањата, во салата од училиштето „Ристе Ристески – Ричко“ убедлив триумф на „црвено-црните“ со 34:21, полувреме 22:10.

Домашниот суперлигаш Прилеп, некомплетен без повредените Трајкоски, Рустамов, Манчески и Хари Павлов, имаше дуел на кој собираше искуство.

Може да се каже дека прилепскиот тим играше со Вардар, но со мислите беше кон Радовиш. Ова е така затоа што по два дена, в сабота, е мошне значаен меч од 20. коло на Супер лигата, Радовиш – Прилеп.

Вечерашниот натпревар помина во фер-игра од двете страни.

Под ставката „Компјутерски вештини“ во својата биографија кандидатот за заменик министер во Министерството за образование и наука, Лулзим Алиу напишал дека знае да работи на четири генерации на оперативни системи на Windows.

Kандидатот пак за заменик министер во Министерството за култура, Даим Лучи напишал дека знае да работи на три различни интернет пребарувачи.

На 08.02.2022 околу 23.00 часот во ОВР Прилеп било пријавено дека во с.Канатларци, прилепско, настанал пожар во плевна во двор од куќа, сопственост на Б.Н.(33).

Пожарот бил изгаснат од екипа Противпожарната бригада Прилеп, а повредени лица нема.

Извршен бил увид од екипа на ОВР Прилеп- информираат од МВР.

НУ Завод и Музеј – Прилеп подготвува постојана изложбена поставка “Роднокрајно музичко творештво”

-Во интерес на успешно реализирање на овој проект, ги повикуваме нашите сограѓани доколку некој има било какви информации или контакти со прилепски музички дејци на народна и забавна музика од нашето поблиско минато, да ја контактира нашата установа.

Оваа поставка е во интерес на нашиот град и нашите сограѓани, како би го негувале и заштитувале нашето музичко творештво, а истовремено и трајно би го сочувале – информираат од НУ Завод и Музеј – Прилеп

Штипјанец стана хит на социјалните мрежи откако на прашање на новинар за тоа како да се решат сообраќајните проблеми го употреби терминот „умрените полицајци“.

Тој изјави дека пред семафорите треба да се стават, како што рече „од тие умрените полицајци“, а мислеше на лежечките полицајци.

Штипјанецот, секако, мислеше на „лежечки полицајци“. Видеото е снимено од Мнет.мк, а новинарот прави анкета во врска со активностите за проширување на крстосницата во штипската населба Сењак.

Од тие умрените полицајци ???? pic.twitter.com/Bo5LFKBjdQ

— ЗЛОЧКО ШАМПИОН (@srce_swatko) February 7, 2022

Пратеникот на СДСМ од Прилеп, Миле Талевски од собраниската говорница порача:

Ана Андреева од денеска ќе биде одговорна за комуникациите и односите со јавност во Владата, на позицијата Секретар за комуникации и јавни политики во рамки на Канцеларијата на претседателот на Владата на Македонија.

-Андреева ја презема оваа функција од досегашниот Национален координатор за стратегиски комуникации во Владата на Република Северна Македонија, Марјан Забрчанец, кој ги водеше владините комуникации во периодот од август 2017 до денес. Ана Андреева има долгогодишно професионално искуство на извршни менаџерски позиции во сферата на комуникациите во маркетинг агенциите и во граѓанскиот сектор, велат од Владата.

Од таму информираат дека Забрчанец во наредниот период ќе биде ангажиран во Владата за менаџирање процеси и проекти посветени на унапредување на регионалната соработка на Македонија.

Потпретседателот на СДСМ, Стефан Богоев синоќа одржал состаноци со раководствата на СДСМ во Прилеп и Битола

– ДА ГИ ИЗБЕРЕМЕ НАЈДОБРИТЕ! Со раководствата на СДСМ Прилеп и Битола разговаравме за постапката за избор на претседатели на општинските организации.Ги информирав и за актуелните случувања и идните чекори на партијата. Само редовна комуникација на централата со членството може да не донесе до нови успеси и победи – напиша на Фејсбук Богоев.