дома блог страница 1676

Репертоар на народниот театар “Војдан Чернодрински” – Прилеп за оваа недела

Две претстави на репертоарот на прилепскиот театар неделава

Четврток – 31.03.2022 – 19.30 ч. – „Да инспекторе, претстава со грешки“

Петок, 1.04.2022 – 19.30 ч. – „Светулки“

Резервации на влезници на тел.076 442 378

Прилепчанец кpaдел во угостителски објект и го фатиле на дело

Денеска (28.03.2022) во Прилеп, полициски службеници од ОВР Прилеп го лишиле од слобода Н.Ш.(56) од Прилеп, кој бил затекнат при извршување на кражба од угостителски објект во Прилеп.

Одземените предмети биле пронајдени и вратени на сопственикот, а по целосно документирање на случајот против него ќе биде поднесена соодветна пријава – информираат од СВР Битола.

Уaпceн 26-годишен прилепчанец кој се бapaл за пpoдажба на дpoга

На 27.03.2022 во Прилеп, полициски службеници од Надворешната канцеларија за кpиминалистички работи Прилеп го лишиле од слобода Х.Р.(26) од Прилеп.

За Х.Р. била распишана потерница по наредба од Основен суд Прилеп, по чл.215 од Кривичниот законик за неовластено производство и пуштање во промет на наркотични дроги, психотропни супстанци и прекурсори и истиот бил спроведен во Казнено – поправната установа Затвор Битолa – информираат од МВР.

За една недела дизелот пак оди накај 90 денари, ова се новите цени на горивата од полноќ

Регулаторната комисија за енергетика и водни услуги на Република Северна Македонија донесе Одлука со која се врши зголемување на малопродажните цени на нафтените деривати во просек за 2,22% во однос на одлуката од 25.03.2022 година.

Малопродажните цени на бензините ЕУРОСУПЕР БС-95 и ЕУРОСУПЕР БС-98 и на ЕУРОДИЗЕЛ (Д-Е V), се зголемуваат за 1,50 ден/лит и со тоа малопродажната цена на ЕУРОСУПЕР БС-95 изнесува 83,50 ден/лит, малопродажната цена на ЕУРОСУПЕР БС-98 изнесува 85,50 ден/лит, додека малопродажната цена на ЕУРОДИЗЕЛ (Д-Е V) изнесува 87,50 ден/лит.

Малопродажната цена на Екстра лесното масло за домаќинство (ЕЛ-1), се зголемува за 3,00 ден/лит,

малопродажната цена на Мазутот М-1 НС, се зголемува за 1,140 ден/кг и со тоа малопродажната цена на Екстра лесното масло за домаќинство (ЕЛ-1) изнесува 84,00 ден/лит, додека на Мазутот М-1 НС изнесува 57,347 ден/кг.

Од 29.3.2022 година од 00:01 часот максималните цени на нафтените деривати ќе изнесуваат:

– Моторен бензин – ЕУРОСУПЕР БС – 95 – 83,50 (денари/литар)

– Моторен бензин – ЕУРОСУПЕР БС – 98 – 85,50 (денари/литар)

– Дизел гориво – ЕУРОДИЗЕЛ БС (Д-Е V) – 87,50 (денари/литар)

– Масло за горење – Екстра лесно 1 (ЕЛ-1) – 84,00 (денари/литар)

– Мазут М-1 НС – 57,347 (денари/килограм)

Референтните цени на нафтените деривати на светскиот пазар во споредба со претходната пресметка бележат зголемување кај бензините во просек за 1,788% или за 19,150 $/тон, кај дизелот зголемување во просек за 2,412% или за 28,700 $/тон, кај екстра лесното масло зголемување во просек за 2,184 % или за 24,450 $/тон, и кај мазутот зголемување во просек за околу 2,268% или за 16,200 $/тон.

Курсот на денарот во однос на доларот во изминатиот период, во просек изнесува 56,0533 ден/$ и е за околу 0,133 % повисок од курсот на доларот (55,9790 ден/$) по кој беа формирани цените со претходната пресметка.

Напоменуваме дека ова се максималните цени на нафтените деривати од 00:01 часот на 29.3.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Зеленски не го поштеди Макрон: “Tи се плашиш од Путин”

Володимир Зеленски, претседателот на Украина, даде интервју за „Економист“ и зборуваше за земјите кои не ѝ помагаат на неговата држава во војната против Русија.

Зеленски го критикуваше францускиот претседател Емануел Макрон за тоа што не обезбедил воена поддршка за Украина.

„Зошто? Затоа што се плашат од Русија. И тоа е тоа. А оние кои први велат дека ќе помогнат, први се плашат“, вели Зеленски.

Украинскиот претседател го пофали и Борис Џонсон, кој најмногу ѝ помогнал на Украина.

„Да бидам искрен, Џонсон е лидер кој повеќе помага. Лидерите на земјите реагираат на однесувањето на нивните гласачи. Во овој случај, Џонсон е пример“, коментира Зеленски.

Пандев го подбра министерот Османи: “Смешен си господине и жален”

Низа реакции во јавноста по вчерашната информација дека дипломатски пасоши од Министерството за надворешни работи ќе добијат двајца фудбалски репрезентативци Александар Трајковски и Енис Барди, како и селекторот Боби Милевски.

Околу ситуацијата жестока реакција имаше и големиот Горан Пандев.

„Смешен си господине и жален. Гледај си политика и пушти ги хероите да уживаат. За нив треба споменици, а не пасоши“, напиша Пандев на инстаграм.

Влада: Седиме на иста маса со најголемите и најразвиените земји во светот

На 27 март 2020 година, Република Северна Македонија стана триесетта земја членка на Алијансата. Со тоа се реализира еден од трите стратешки приоритети на надворешната политика на земјата, околу кој беше изграден најширок политички консензус, проследен со силна поддршка од граѓаните уште во 1993 година, соопшти Владата на официјалниот фејсбук профил.

-Седиме на една иста маса заедно со најголемите и најразвиените земји во светот. Од 30-те членки на НАТО, 21 земја се членки и на ЕУ. Ние сме еднаков дел од ова големо семејство на развиени демократии и заедно со нив го даваме нашиот придонес кон светскиот мир и безбедност, наведува Владата.

По повод две години од членството на НАТО, денеска фејсбук статуси напишаа и премиерот Димитар Ковачевски, вицепремиерот Бојан Маричиќ, министрите за одбрана и за надворешни работи, Славјанка Петровска и Бујар Османи, како и поранешниот премиер Зоран Заев.

Денеска е Светскиот ден на бабите – Гушнете ги и кажете им дека ги сакате

Празникот е воспоставен за прв пат во 1987 година во Франција.

Ширум светот денеска се одбележува Светскиот ден на бабите – жени кои гордо ја носат својата улога и се важни во воспитувањето на децата.

Светски ден на бабите е празник воспоставен во 1987 година во Франција. Постојат и записи дека за прв пат е одбележан во Соединетите американски држави кон крајот на седумдесетите години на минатиот век.

Набрзо одбележувањето на овој празник во своите календари го вметнаа и Канада, Австралија, Велика Британија, Италија, Полска, Естонија, Сингапур и Тајван, додека Јапонија веќе со децении го одбележува како Ден на почитување на возрасните.

Бројот на стари лица во последната деценија пораснал за 15 отсто, а САД очекуваат дека во нивната држава до крајот на оваа деценија нивниот број да надмина 80 милиони, што е за 25 отсто повеќе од моменталната состојба.

(Видео) И “Оскарите” не се тоа што беа: Синоќа се делеа шамари наместо статуетки

Оваа ноќ на “Оскарите” дефинитивно ќе биде запаметена, па барем од Крис Рок…

Она што на почеток изгледаше како дел од сценариото, набрзо беше јасно дека е вистински скандал меѓу актерите Крис Рок и Вил Смит.

Оскарите беа местото каде што се разбиваа предрасудите и беше дозволено буквално се’. Тоа веројатно ќе се промени после оваа ноќ.

Имено, за Вил Смит беше навреда кога колегата Крис Рок му рече дека неговата сопруга Џада Пинкет може да ја игра „Г.И.Џејн“ во вториот дел зошто немаше коса, па стана и му врза шамарчина на сцената.

Невкусната шега на Крик Рок беше навредлива за Вил Смит и за Џада која уште лани отворено зборуваше дека има агресивна форма на алопеција што довело да ја изгуби косата за еден ден, а потоа воопшто да не и поорасне и дека за тоа нема лек.

Гласајте за талентираниот Арсениј Ангелески од Прилеп за најнадежен млад пијанист

Piano Day Skopje организира избор на најнадежен млад пијанист во Македонија.

Стручната комисија во состав: м-р Даница Стојанова, д-р Татјана Божиновска, м-р Марија Максимова, м-р Светлана Димитриевска, проф.д-р Марија Ѓошевска ги номинираше:

1.Виктор Рафајловски 4 год.,ДМБУЦ “Илија Николовски – Луј”, Скопје / Kласа:проф.Катерина Ќетковиќ Фидановска

2. Михаил Димовски 4 год.,ДМБУЦ “Илија Николовски – Луј”, Скопје / Класа:проф.Јасна Аврамовска

3. Арсениј Ангелески 2 год.,ДМУЦ Битола / Класа:проф.Татјана Божиновска

4. Климентина Бојаџиева 1 год.,ДМУЦ “Сергеј Михајловски”, Штип

Гласањето ќе се одвива до 28.03.2022г, а победникот ќе биде објавен на денот на одржување на Piano Day Skopje 2022.

Гласајте на следниот ЛИНК