Европската унија сака да ја види Украина и тоа ќе се случи со тек на време, изјави претседателката на Европската комисија Урсула фон дер Лајен во интервју за Еуроњуз.

– Имаме процес со Украина кој е, на пример, интегрирање на украинскиот пазар во единствениот пазар. Имаме многу блиска соработка на енергетската мрежа. Толку многу теми каде што работиме многу тесно заедно и навистина со тек на време, тие ни припаѓаат нам. Тие се еден од нас и ние ги сакаме, изјави Фин Дер Лејен на прашањето дали Украина треба да добие статус на кандидат за ЕУ.

Таа исто така нагласи дека Европската унија има исклучително силна солидарност со Украина.

– Ако ги погледнете бегалците кои се прифатени во Европската унија, финансиската поддршка и сега снабдувањето со воена опрема, сето ова покажува длабока солидарност со Украина. Тие ги споделуваат нашите вредности. Тие ги бранат нашите принципи. Украинците сакаат да живеат во мирна демократија, а Русија ги напаѓа. Затоа тие ја заслужуваат нашата целосна солидарност и ја имаат, рече Фон дер Лајен.

Претседателката на Европската комисија истакна дека Европската унија воведе серија остри финансиски и економски санкции против Русија, зелено светло за испорака на оружје за Украина и ги забрани руските пропагандни канали „Русија денес“ и „Спутник“.

Покрај тоа, ЕУ исто така ги проширува санкциите против Белорусија, додаде таа.

Камперите од автокампот Крани оддржаа мирен протест против енормното покачување на цените на закупнина на камповите.

Велат, од лани досега за 100 насто концесионерот ги покачил цените, а не вложува во подобрување на услугите, па сезонава закупнината ќе ги чини дури 45.000 денари за камп кој е во субстандардни услови.

Велат, концесионерот иако ветил, досега не ја поправил водоводната и канализациската мрежа, ниту направил пречистителна станица.

Концесионерот вели цените пораснале исклучиво поради порастот на цената на струјата и на минималецот. Уверува дека цените на овој камп се најниски од сите во државата. Според него, поскапувањето не е поголемо од 30 насто.

На протестот присуствуваше и градоначалникот на општина Ресен, Јован Тозиевски, кој вети дека ќе биде посредник на разговорите помеѓу двете засегнати страни.

Душко Заев, синот на поранешниот премиер Зоран Заев, запливува во водите на бизнисот, откако како сопственик основаше претпријатие за производство на електрична енергија – oбјави порталот “ФАКТОР”

Синот на Заев е 18-годишен тинејџер, а компанијата која ќе ја раководи го носи името Тотал Енерџи со седиште во Струмица.

Колку што е познато, фамилијата Заеви поседува бизниси во повеќе дејности, но ова е прв пат да бидат поврзани со производство на електрична енергија.

Префиксот „Тотал“ го носат уште две компании во кои стонастотен сопственик е Вице Заев, братот на поранешниот премиер, а тоа се Тотал инженеринг и Тотал електрик. Најпозната компанија на Заеви е Тргопродукт и фирмата-ќерка Мамас.

Министерството за внатрешни работи продолжува со интензивната потрага по детето Петар Џобоски, за кое неговиот родител пријави во петокот (25.02) вечерта дека се оддалечило од домот во с. Врбско, општина Прилеп.

Веднаш се преземени мерки и активности за пронаоѓање на детето и во потрагата се ангажирани 102 полициски службеници, хеликоптер, службени кучиња, како и дрон.

Во потрагата се вклучени и членови на Територијалната противпожарна единица Прилеп, членови на спасителната служба „Златоврв“, ловното друштво „Мукос“-Прилеп, жители на околните села, како и граѓани доброволци од неколку градови.

Интензивната потрага продолжува се до пронаоѓање на детето.

Уште еднаш апелираме и до сите граѓани доколку имаат било каква информација која би помогнала за пронаоѓање на детето, да ја споделат веднаш со полицијата и да помогнат во потрагата.

Со coлзи, cтpaв и загpиженocт, Украинците во Македонија повикаа да се спречи yбивањето на невини лyѓе во Украина. СТОП за Трета светcка вojна и НЕ на нacилcтвото – не ја сакаме Русија во Украина, туку сакаме да чекориме по својот пат – платена е висока цена – вакви пораки yпатиja на пpoтecтот Украинците кои се плашат се животот на нивните роднини и пријатели. Мирниот марш започна на плоштадот “Македонија” и заврши пред Руската амбасада.

-Европа разбуди се, Русија што правиш?! Во Украина имам мајка, татко, внуци, многу блиски роднини. Јас сум на протестов за сите мои Украинци. Ова е минимум што можам да го направам. Јас немам друг избор, сакам да ја одбранам државата. Ако треба ќе одам да се борам. Ние никого не напаѓаме, само се браниме. Путин е убиец“, рече Андриј Хафинец, генерален менаџер на фабриката “Гентерм” во Прилеп кој неколку години живее и работи во Македонија.

Поранешниот премиер Зоран Заев попладнево преку „Фејсбук“ ја осуди агресијата врз Украина и упати поддршка до раководството на земјата и до украинскиот народ да опстои во одбраната.

– Овие денови секој момент го живееме со украинскиот народ. Даваме поддршка, сочувствуваме, ја споделуваме нивната болка и нивната храброст. Тие се нашите херои, а ние, нивните поддржувачи.

Упатувам силна осуда на агресијата која деновиве се спроведува врз суверената Украина и во исто време упатувам уште посилна поддршка до раководството на земјата и до целиот украински народ за да опстојат и за да си ја одбранат татковината. Сите ние, Северна Македонија, НАТО, ЕУ, целиот демократски свет, стоиме исправени на страната на мирот, дијалогот и безбедноста, наспроти опасните воени и нецивилизациски агресори, напиша Заев.

На 26.02.2022 во 19.56 часот во Полициcката канцелapиja Витолиште било пpиjaвено дека избyвнал пожap во кyќа во с.Дуње-прилепско, coпcтвенocт на Т.Х.(80).

Повpeдени лица нема. Пожapoт бил изгacнат од екипа од Тepитopиjaлната пpoтивпожapна единица-Прилеп.

Извршен бил yвид – информираат од ОВР Прилеп.

Првиот руски Т-90 „Армата“ попладнево е фотографиран во Украина. Фотографиран е во правец од Армјанск кон Херсонската област.

Нема податоци за големината на оваа тактичка група.

Очигледно дека Русите испраќаат дополнителни трупи во Украина, и тоа најверојатно од сите правци.

Т-90 е трета генерација на главен Руски тенк. За прв пат е влезен во редовите на руската армија во 1992 година. Овој тенк има 125мм 2А46 мазна цевка, 1А45Т систем за контрола на стрелање, ревидиран мотор, термален нишан, „Контакт 5“ реактивен-експлозивен оклоп, како и „Штора“ инфрацрвен АТГМ систем за блокада на електронски комуникации.

На социјалните мрежи кружат фотографии од Хотелот “Молика” на Пелистер, каде голем број гости се заглавени поради обилните снежни врнежи кои од синоќа ја зафатија Македонија.

– Потребни сме на наште планинари од Лисец! Кој има било какви контакти, нека реагира на надлежните од Македонија пат, за да ги одглават! 150 наши сограѓани се заглавени во хотел Молика, оти има огромни врнежи од снег, а патот е непрооден за да се симнат, пишува на Фејсбук страната “Штипска идила”.

Се бара од надлежните да го расчистат патот.

И по два дена, се уште не е најден 10-годишниот Петар кој во петокот попладнето исчезна од селото Врбско во Мариово.

Според информациите од СВР Битола потрагата продолжува, но засега нема никакви резултати. Временските услови, врнежите од снег и студеното време, ја отежнуваат потрагата.

Пределот се пребаруваше до доцна синоќа со екипи на полицијата, од граничната и од прилепската станица, со доброволци, ловџии, од спасувачката служба од Прилеп и противпожарната единица. Вчера беше вклучен и хелихоптер на МВР.

Роднините со апел за помош:

„Роднини и пријатели се тргнати да го бараат Петар, временските услови се многу лоши, патот е непрооден, на местото нема никаква Екипа. Се молат надлежните за поголема помош. Да го најдеме Петар“, се вели во фејзбук објавата.