Белиот леб не е поскапен во сите маркети, кај некои цената е 25 и 27 денари, рече министерот за економија Крешник Бектеши и уште еднаш апелира да не се крева паника меѓу граѓаните зашто ценовни шокови нема да има.
Бектеши очекува благо намалување на цените на основните производи, согласно Одлуката за трговските маржи кој од денеска стапи во сила, но засега е важно, подвлече, и дека нема поскапувања.
Министерот е дециден дека недостиг на храна нема да има никако, ниту ќе се дозволат какви било манипулации со цените за товарот од кризата да падне на грбот на граѓаните.
-Важно е дека нема зголемување на цените како што објавија некои медиуми вчера и завчера, без да ги имаат влезните податоци и пред да се применува мерката. Може да проверите по супермаркети. Убеден сум дека, како со овошјето и зеленчукот чија цена е намалена, така ќе се случи и со другите производи. Инспеткоратот е на терен, очекуваме благо намалување на цените како што е предвидено со Одлуката, напомена Бектеши.
Тајсон Фјури вели дека ќе се повлече од боксот по неговиот судир во тешка категорија со Дилијан Вајт следниот месец.
Двократниот светски шампион, на 33-годишна возраст, ќе се соочи со својот британски ривал Вајт на стадионот Вембли на 23-ти април.
Се очекуваше Фјури да се соочи со победникот од реваншот на Ентони Џошуа со Олександр Усик подоцна оваа година. Но, боксерот изјави дека ќе ги закачи ракавиците на клин и неговото време ќе го посвети на сопругата и шесте деца.
Вучиќ беше на отворањето на погонот на фабриката „Вакер Нојсон“ во Крагуевац и беше запрашан дали Србија ќе ги сноси последиците од невоведувањето санкции кон Русија, како и за коментарот на твитот на Карл Билт дека Србија може да се збогува со ЕУ.
– Не се сеќавам дека била ваква тешка ситуацијата и дека јас ќе го цитирам Лаушевиќ: „Годината помина, но денот никако“. За три дена остарев за цели 10 години – рече Вучиќ.
Зборувајќи за барањето дека Косово треба итно да биде примено во НАТО, Вучиќ рече:
– Првпат слушнав за тоа пред неколку месеци, тоа не е идеја на Албанците од Косово, тоа е идеја на нивните лобисти во ЕУ и САД. Зошто им е тоа важно? Прво, сакаат да натераат четири земји од ЕУ, кои се членки на НАТО, да ја признаат независноста на таканареченото Косово. Не можете да станете членка на НАТО ако не сте држава. Тоа е начин, но и изговор за некои земји да го прифатат тоа и да кажат дека мораме затоа што немаме друг излез – објасни тој.
На прашањето за притисоците со кои се соочува Србија, тој одговори дека тие се огромни.
– До доцна синоќа имав разговори со претставници на повеќе земји, а и денеска е така цел ден. Само толку за големото почитување на независноста и правото на другите земји да одлучуваат – кажа Вучиќ.
Секторот за внатрешни работи Битола до Основното јавно обвинителство Битола поднесе кривична пријава против двајца битолчани, едниот 23, а другиот 25-годишен, осомничени дека сториле кривично дело – Тешка кражба од член 236 од Кривичниот законик – (објавено во извадок од дневни настани на МВР на 25.02.2022)
Имено, пријавените во периодот меѓу 23.02.2020 година и 12.07.2021 година, насилно влегле во заклучен стан на улица „Борис Бастеро“ во Битола чиј сопственик бил подолг период во САД. Во повеќе наврати се враќале во станот и одземале предмети, меѓу кои шест бас гитари, автомобил „Порше кајман С“ и автомобил „БМВ Х3“,и двете со битолски регистарски ознаки и други предмети, со што се стекнале со вкупна противправна имотна корист во вредност од 4.522.457 денари.
Од страна на полициски службеници од Секторот за внатрешни работи Битола, во координација со Основното јавно обвинителство Битола, Сектор за организиран и насилен криминал при Министерството за внатрешни работи на РСМ и Секторот за внатрешни работи Скопје, преземени се повеќе опетаривно тактички мерки ,при што пронајдени се шесте одземени гитари и вратени на сопственикот. Во соработка со СВР Охрид, на 01.03.2022 на патот Струга – Охрид пронајдено е и возилото „Порше кајман С“ за кое е утврдено дека се работи за украденото возило и истото ќе биде вратено на сопственикот. Понатаму се преземаат дејствија за пронаоѓање и на другото возило и останатите предмети. Осомничените се лишени од слобода и од страна на јавен обвинител до судијата на претходна постапка од Основниот суд на двајцата одредена им е мерка притвор во траење од 30 дена .
Битола има тешка артилерија пред НУ Завод и музеј, па откако Владата одлучи дека Македонија ќе испрати воена помош за Украина, твитерџиите се пошегуваа дека имаме тешка артилерија во Битола.
Од денеска во потрагата по детето Петар Џобоски се приклучи и Дирекцијата за заштита и спасување (ДЗС).
„Во потрагата се ангажирани седум припадници на ДЗС од кои четири од Тимот за брз одговор за спасување од планини од ПОЗС – Битола, еден припадник од Тимот за спасување од високи објекти од ПОЗС – Прилеп и двајца вработени од Секторот за оператива и логистика“, соопшти ДЗС.
На 10-годишниот Петар трагата му се губи во петокот по 16 часот. Родителите на Петар, со своите три деца од Прилеп, каде живеат, неколку дена биле во селото Врбско за да ги проверат пчелите.
Петар е дете со посебни потреби кое тешко комуницира. Кога исчезнал бил во лесна облека.
Командата на воздухопловните сили на вооружените сили на Украина соопшти дека земјата од својот партнер ќе добие 70 борбени авиони МиГ-26 и Су-25.
Доколку е потребно, тие авиони можат да бидат распоредени и на полските аеродроми, од каде што украинските пилоти ќе извршуваат борбени задачи, се наведува во соопштението објавено на Фејсбук, пренесува агенцијата Интерфакс Украина.
Според командата на украинските воздухопловни сили, Бугарија ќе даде 16 МиГ-29 и 14 Су-25, Полска – 28 авиони МиГ-29, а Словачка – 12 авиони МиГ-29.
„Денеска како предлог имаме предлог закон за дополнување на Законот за пензиско инвалидско осигурување во скратена постапка. Имено ако ги оцениме состојбите од областа која што треба да се уреди со предлог измените и причините за донесување на законот, ќе видиме дека со законот за пензиско инвалидско осигурување се уредува задолжителното пензиско инвалидско осигурување, опфатот на осигурениците и правата кои се остваруваат од ова осигурување, матичната евиденција на осигурениците и корисниците на правата од пензиско инвалидско осигурување, основите на капитално пензиско осигурување како и потребните услови под кои одделни категории на осигуреници ги остваруваат правата на пензиско инвалидско осигурување.
Имајќи в предвид дека во изминатиот период имаше појава на пораст на цените на одделни производи и електрична енергија кои се од витално значење за оваа категорија на граѓани има влијание и на животниот стандард на истите се наметна потребата на зголемување на старосната пензија, но и на сите останати видови на пензија од месец април 2022 година.
Секој пензионер има право да живее пристојно со доволно средства за да ги подмири основните трошоци за храна, лекови, греење итн. Со растот на минималната треба соодветно да растат и пензиите“, истакна Миле Лефков, пратеник од редовите на ВМРО-ДПМНЕ и Коалицијата „За обнова на Македонија“ на денешната собраниска седница.
Лефков додаде дека потребно е обезбедување на рамноправност и безбедност на пензионерите со сите останати граѓани.
„Генерациска должност е да се грижиме за повозрасните и да ги почитуваме повозрасните граѓани кои во еден период допринесувале за државата со својот труд, за што и треба да им бидеме благодарни“, потенцира Лефков.
Лефков од собраниската говорница побара да се прифати предлогот на ВМРО-ДПМНЕ за предлог закон за дополнување на Законот за пензиско инвалидско осигурување во скратена постапка со цел да се зголемат и пензиите на пензионерите бидејќи имаат право на достоинствен живот. Но, сепак пратениците од редовите на СДСМ и ДУИ го одбија предлогот на ВМРО-ДПМНЕ со што гласаа против предлог закон за дополнување на Законот за пензиско инвалидско осигурување во скратена постапка. Лажната грижа на пратениците од редовите на СДСМ и ДУИ уште еднаш излезе на виделина и се докажа дека единствено се грижат за своите бизниси и криминали, а не за доброто на граѓаните.
„Доколку не постои зголемување на пензиите, пензионерите ќе бидат доведени до раб на сиромаштија поради неможност да ги подмират основните животни трошоци“, нагласи Лефков, но сепак оваа изјава на пратеникот на ВМРО-ДПМНЕ не допре до пратениците од редовите на СДСМ и ДУИ и го одбија предлогот за покачување на пензиите.
Зголемувањето од 20% на сите пензии не помина во Собранието.
„Висината на пензиите за јануари 2022 година од 11.500 денари земаа пензија 89.174 пензионери. Скоро 90.000 пензионери земаат пензија од 11.500 денари“, рече Лефков.
Владимир Путин е олицетворение на антицивилизацијата и ќе биде поразен. Тој се однесува како мафијаш, вели лидерот на ДПА, Мендух Тачи вчеравечер во гостување на емисијата „Клик плус“.
Тој појаснува дека ова што се случува во Украина е војна на Западот против антицивилизацијата.
-На крајот Путин ќе загуби. Западот е сериозно решен да стави крај на ова. Не знам дали ова го кажал Мајаковски или Достоевски, но денеска не се истите оние Руси од времето на царска Русија, со култура, со уметност. Кај денешните Руси преовладува неморал, блуд, атеизам, вели Тачи.
Благодарение на хуманоста на неколку компаниите и физички лица собрани се дел од средства и градежни материјали, и се поставија темелите за изградбата на куќата на семeјството Петровски.
Помош за oва семејството се уште е потребна!
Затоа, сите оние што сакате да му помогнете, тоа можете да го направите со уплата на средства на следната жиро-сметка: 300027056380756 Комерцијална Банка.
А, хуманитарните здруженија можат да донираа и помогнат со храна, облека, други матерјални добра, покуќнина, мебел, градежен матерјал, работна рака.
