дома блог страница 1661

Ќе се реализира големо изборно ветување, прилепчани утре ќе чистат

Утре, сабота (09.04.2022), со почеток од 08 часот ќе се започне со чистење на општинската зграда со цел враќање на нејзиниот поранешен сјај – информираат од општина Прилеп.

Од општината ги повикуваат сите граѓани кои сакаат да учествуваат во акцијата да дојдат пред општинската зграда во наведеното време.

Општинската зграда во Прилеп беше ишарана за време на протестите од “шарената револуција”.

Макрон кажа точен датум кога ќе заврши вojната: “На овој ден Путин речиси сигурно ќе прогласи победа”

Францускиот претседател, Емануел Макрон, изјави дека рускиот претседател, Владимир Путин, ќе ги концентрира нападите во Украина на сепаратистичката зона Донбас, на истокот на таа земја, во обид да постигне победа за 9 мај, на годишнината од капитулацијата на нацистичка Германија во 1945 година.

„За Русија 9 мај е национален празник, важен воен датум и речиси е сигурно дека за претседателот Путин, 9 мај треба да биде ден на победа“, изјави Макрон за француското радио РТЛ.

„Тие ќе ги концентрираат своите напори на Донбас, ќе видиме многу тешки сцени во наредните недели, во таа област во источна Украина“, рече францускиот претседател. Тој потсети дека Франција се обидува да организира хуманитарни операции со Грција и Турција на југот на Украина, во пристанишниот град Мариупол, кој е под опсада, но дека тие се соочуваат со големи тешкотии.

Макрон изјави дека дијалогот со рускиот лидер Владимир Путин е негова должност и дека тој ќе продолжи да ги води тие разговори.

„Моја должност е да разговарам со него, тоа ни треба. Нема да престанам да го правам тоа. Тоа ни овозможува да бидеме играчи во преговорите“, рече тој, додавајќи дека украинскиот лидер Володимир Зеленски исто така бара од него да разговара со Путин.

Според него, Франција треба да биде една од земјите кои ќе гарантираат мир во Украина кога ќе стапи на сила примирјето.

Нови цени на гopивата од полноќ

Нови цени на гoривата ќе има од полноќ. РКЕ новите цени треба да ги соопшти по одржаниот состанок, кои ќе важат од вечер од полноќ, по што дополнително ќе информираме.

Моментално, ова се цените на нафтените деривати:

Моторен бензин ЕУРОСУПЕР БС – 95 81,00 (денари/литар); Моторен бензин ЕУРОСУПЕР БС – 98 83,00 (денари/литар); Дизел гориво ЕУРОДИЗЕЛ БС (Д-Е V) 82,00 (денари/литар); Масло за горење Екстра лесно 1 (ЕЛ-1) 78,00 (денари/литар); Мазут М-1 НС 52,662 (денари/килограм).

Petrol pump

(Фото) Голема чест за Марјан Ристески со еден ромски гест на нивниот празник

Поранешниот градоначалник на Прилеп, Марјан Ристески, упати честитка до припадниците на ромската заедница по повод Светскиот ден на Ромите.

“Најпријатно ме изненадивте и со задоволство ја прифатив поканата за настанот организиран од страна на Здружението за перспективна интеграција и развој “РОМА ПЕРСПЕКТИВ” Прилеп и ми претставува особена чест присуството на истиот.

Искажувам искрена благодарност до Вас за оддадената почит и признанието за “ПРИЈАТЕЛСКИ ГРАДОНАЧАЛНИК И ЗА ДАДЕНИОТ ПРИДОНЕС ЗА РОМСКАТА ЗАЕДНИЦА ВО ОПШТИНА ПРИЛЕП”.

Во знак на одлична соработка и градење мултикултурен соживот, секоја година се реализираа многубројни проекти со цел подобрување на животот на ромското население, а денешниот празник и почитувањето на ромскиот народ се одбележува со богата програма и огромен број настани.

Секој ден и на овој да се потсетиме за потребите на Ромите и заеднички да учествуваме во унапредување на социоекономската позиција на Ромите во општеството.

Со еднакви можности и права за секој припадник на ромската заедница во Прилеп и Република Македонија да се гради солидарно и праведно општество… стабилност и просперитет за сите подеднакво, напиша на Ристески.

Османи повторно во авион, отпатува кон границата на Полска со Украина

Министерот за надворешни работи Бујар Османи отпатува со својот украински колега Димитро Кулеба и неговиот полски колега Збигњев Рау, кон полско-украинската граница

-Заедно со министрите за надворешни работи на Полска, Збигњев Рау и на Украина, Дмитро Кулеба на пат кон полско-украинската граница; како дел од тројката претседавачи на ОБСЕ ќе ни се придружи и министерката за надворешни работи на Шведска, Ан Линде, напиша Османи на Фејсбук.

Ветуваа развој на кошарката, а го исклучија прилепскиот третолигаш “МЕГА БАСКЕТ”

“Заради анонимна дојава и постоечки валидни докази во федерацијата ” ние сме исклучени од натпреварите во македонската трета кошаркарска лига , вели Сашо Костоски тренер на екипата на Мега Баскет за “РАДИО ПЕЛА”, која во регуларниот дел од сезоната во ова натпреварување заврши на втората позиција веднаш зад тимот на Работнички.

Во разговорот кој Радио Пела успеа да го реализира со Костоски во отворената програма РАДИО ШТО СЕ ГЛЕДА , предводникот на прилепчани вели дека ова е неправедно исфрлање од страна на кошаркарската федерација, која го направила овој потег од за него несфатливи причини.

Имено кошаркарот Филип Митрески кој е уредно регистриран на листата на играчи кои имаат право на настап во оваа лига за прилепскиот клуб и кој не играл за ниедна друга екипа освен за Мега Баскет , го немало на списокот во натпревар кој пред два месеци го играла прилепската екипа против Куманово а тој настапувал.

Костоски вели , од тогаш поминаа шеесет дена а дури сега федерацијата реагира со ваква ригорозна мерка на некоја “анонимна дојава” и со некои за нив валидни докази кои ќе оделе во архива а исфрлањето веднаш стапува на сила , само и само тимот на Албест да игра во финалето од плеј офот против Работнички , а не Мега Баскет кој е втор на табелата во регуларниот дел од сезоната.

Целиот разговор со тренерот на Мега Баскет погледнете го ТУКА

(Фото) Ечеше ромската химна пред општина Прилеп: Традиционално одбележан Меѓународниот ден на Ромите

Со традиционално подигање на ромското знаме и интонирање на ромската химна, општина Прилеп го одбележа Меѓународниот ден на Ромите 8. април.

Светскиот ден на Ромите се одбележува во чест на првиот Светски конгрес на Ромите, одржан од 8-12 април 1971 година во Лондон и тоа е еден од најважните датуми во историјата на овој народ. На тој датум на конгресот се стретнале претставници на Ромите од 14 земји во светот.

Како една од најважните усвоени одлуки се одлуката за ромското знаме и официјална химна. Ромското знаме во долниот дел има зелена боја која ја симболизира земјата, а горниот дел е обоен со сина боја која го симболизира небото. Црвеното тркало кое се наоѓа во средина на знамето ги претставува патувањата и миграциите на Ромите.

Официјалната ромска химна се темели на старата ромска песна Џелем, Џелем . Првиот конгрес на Ромите во Лондон резултираше и со прогласување на официјален ромски јазик, како и официјално прифаќање на називот „Ром“ што на ромски значи човек.

На четвртиот светски конгрес на Ромите одржан 1990 година во Полска, решено е 8 април, денот кога е отворен првиот конгрес во Лондон, да се прогласи за Светски ден на Ромите кој секоја година ќе се одбележува во целиот свет. Ромите се најбројното етничко малцинство во Европа.

Тие на Стариот континент живеат над 700 години. На првиот Светски конгрес на Ромите во 1971 година во Лондон. е усвоено официјалното име – Роми. Денес во Европа живеат околу 12 милиони Роми.

Не и’ давај на Австралијанка да се заигра со paкиja, последиците можат да бидат кобни (Видео)

На оваа девојка ѝ се смеат сите оние коишто го виделе видеото на социјалните мрежи.

Австралиската манекенка Луси Џејд првпат во животот се соочила со ракија која прилично очекувано – ја „прегазила“.

Девојката не била подготвена на последиците од пијалакот кај кој содржината на алкохол може да надмине дури и 60 отсто, а покрај сето тоа таа имала и мала незгода – некој ја следел со камера и го снимал нејзиното однесување.

Благодарение на таа личност, корисниците на ТикТок добро се насмеале, па во описот на видеото дознале дека Луси малку се „заиграла“ со семејството на својот сакан.

„Доколку госпоѓата не е Европјанка, не ѝ дозволувајте да пие ракија со вашето семејство цел ден“, напишала и открила дека седум часа се дружела со „бабата“ и пијалакот кој ја „лекува душата“.

Видеото погледнете го ТУКА

A1oн: Зекири ocoмничен дека ја оштетитил дpжавата за 800.000 евpa, обвинител бapa пpитвop

Јавен обвинител од Основното јавно обвинителство за гонење на организиран криминал и корупција донесе Наредба за спроведување на истражна постапка против двајца хрватски државјани и еден државјанин на РСМ. А1он дознава дека се работи за генералниот секретар во Владата, Мухамед Зекири

Според опишаните дејствија во наредбата, постои основано сомнение дека првоосомничениот – висок функционер во Владата на РСМ во својство на службено лице сторил кривично дело Злоупотреба на службената положба и овластување од чл.353 ст.5 в.в. ст.3 в.в. ст.1 од КЗ на РМ, за што му помогнале останатите двајца осомничени.

Според наводите на порталот, Зекири го оштетил буџетот за неверојатни 800 илјади евра, а за случајот е побаран притвор!

Извор: Целиот текст прочитајте го на А1 ОН

Прилепска убавина: Полн храм со луѓе за славата на храмот Св. Благовештение (Фото)

Црковниот храм Св. Благовештение (Стара црква) од Прилеп со света литургија со која чиноначалствуваше Митрополитот Петар, ја одбележа храмовата слава Благовец.

Голем број верници денеска го посетија храмот и се помолија за среќа и здравје за себе и своите ближни.

За многу години!