дома блог страница 1658

Тоа што не го прават надлежните, го прават хуманите граѓани: Еве што уште е потребно за да се изгради домот на семејството Петрески од долненско Вранче

Благодарение на хуманоста на неколку компаниите и физички лица собрани се дел од средства и градежни материјали, и се поставија темелите за изградбата на куќата на семeјството Петрески.

Помош за семејството Петковски сеуште е потребно! Затоа, сите оние што сакате да му помогнете, тоа можете да го направите со вложување на средства на следната жиро-сметка: 300027056380756 Комерцијална Банка.

Хуманитарните здруженија, компаниите можат да донираа градежен матерјал, работна рака… За повеќе информации контактирајте ја новинарката Јасмина од емисијата “Срце на дланка”.

(Видео) “Големиот” Роналдо удри ayтистично дете од публиката

Кристијано Роналдо се најде во центарот на скандал по вчерашниот пораз на Манчестер Јунајтед од Евертон, а сето тоа поради неговиот потег при напуштањето на теренот.

Мајката на момчето веднаш по средбата дала изјава за „Liverpool Echo“, откривајќи дека момчето Џејкоб е аутистично и дека ова му е прв натпревар во животот што го гледал во живо, па како сувенир снимил сè околу него.

“Никогаш не е лесно да се контролираат емоциите во вакви тешки моменти. Секогаш треба да имаме почит, трпение и да бидеме пример за сите млади луѓе кои ја сакаат оваа игра. Би сакал да се извинам за мојот испад и да го поканам навивачот да биде мој гостин и да гледа натпревар на „Олд Трафорд“ во знак на фер-плеј“, напишал Роналдо на Инстаграм.

Николовски ќе ги мотивирал граѓаните да садат сончоглед

Особен фокус ставаме на производството на сончеглед и да ги мотивираме граѓаните со доплнителни мерки да ја произведуваат оваа култура. Покрај леб и брашно да имаме и масло постојано, изјави вчера во соето гостување во „Тема на денот“ на Сител телевизија министерот за змјоделство, Љупчо Николовски.

-Особен фокус ставаме на производството на сончеглед и да ги мотивираме граѓаните со доплнителни мерки да ја произведуваат оваа култура. Покрај леб и брашно да имаме и масло постојано. И сите тука имаме одговорност. Имаме доволно залихи, лично се уверив во тоа. Денеска тргаат пченицата и пченката, а следната недела очекувам и маслото. Оваа недела Србија ја тргна забрната и тој процес започна, во секојдневна комуникација сум со српските власти, следната седница на владата во Србија ќе поминат некои одлуки и ќе обезедиме рафинирано и нерафинирано масло за јадење. Очекувам дека ќе се намалат одредени сировини, тие сега се поскапени, рече Николовски.

-Владата го донесе планот за производство на храна, а покрај планот мораме да се бориме за граѓаните да не се грижат, да нема паника и да обезбедиме доволни колични на стартешките култури. Еве Србија донесе одлукла за 100 илајди тони пченица, количината е доволна, оти пред нас е собирањето пченица од домашното производство, изјави Николовски.

Битола: Фрлила отпyшок од цигapa, па се запалила нивата и соседната фабрика – Едно лице повpeдено во обид да го изгacне

На 09.04.2022 околу 15.30 часот во СВР Битола, В.А.(77) од Битола пpиjaвила дека околу 15.30 часот во нејзина нива на ул.„Индустриска“ настанал пожap од отпyшок од цигapa кој го фpлила, но пожapoт не ycпеала да го изгacне.

Според пpиjaвеното, пожapoт се пpoшиpил на соседната фабpика, а при обид да го изгacне пожapoт, со повpeди се здобил М.Ѓ.(29), вработен како обезбедyвање.

Од екипа на Територијалната противпожарна единица Битола пожарот бил изгаснат.

Увид извршила екипа од СВР Битола и се работи на расчистување на случајот, по што ќе следува поднесок.

Aпceње кај патарината Сопот: 33-годишен битолчанец фатен со дpoга

На 09.04.2022 во 23.30 чaсот на наплатна станица Сопот, од страна на полициcки cлyжбеници Одделот за cepиозен и opганизиран кpиминал – Единица за недозволена тpговиja со дpoга, во координација со СВР Велес, СВР Битола и во содејство со Единица за службени кyчиња од cлобода е лишен Д.Д.(33) од Битола, пopaди ocнови на coмнение за извpшено кpивично дело по чл. 215 од Kpивичниот законик.

При преглед на патничко возило „БМВ“, со битолски регистарски ознаки, yпpaвyвано од Д.Д., биле пpoнajдени и одземени ќеса со кокаин и едно пакyвање со мapиxyaна.

Лицето е пpиведено во СВР Велес за понатамошна пocтапка, а за случајот е известен Јавен обвинител и по негово докyментирање пpoтив него ќе биде поднeceн cooдветен поднecoк – информираат од МВР.

КУД “Мирче Ацев” Прилеп врши упис на нови членови: Добредојдени се сите дечиња од 7 до 12 години

Културно уметничкото друштво “Мирче Ацев” од Прилеп врши упис на нови членови. Можат да аплицираат деца од 7 до 12 години.

Уписите ќе се одвиваат во понеделник и среда од 19 часот во домот “Спиро Забрчанец” – Месна заедница “Варошко маало”.

Телефон за контакт 077/725-743 (Славе) и 071/320-249 (Горан) или побарајте ги на нивната Фејсбук страна

Утре генерален штрајк, училниците празни, децата дома?

Штрајкот на членовите на Синдикатот за образование, наука и култура (СОНК) ќе се одржи утре со тоа што наставниците ќе престојуваат во заеднички простории договорени со директорите на школите и градинките и нема да извршуваат воспитно-образовни и згрижувачки активности. Штрајкот ќе трае додека не се изнајде соодветно решение, информираше денеска претседателот на СОНК, Јаким Неделков.

Според Неделков, СОНК нема да ги затвори училиштата и градинките, но никој нема право да ги присилува вработените да прифаќаат деца за време на штрајк. Директорите пак имаат одговорност да организираат прифаќање на децата кои евентуално ќе дојдат во училиштата или ќе бидат донесени во градинките.

Неделков најави и дека од утре ќе бидат одложени и активностите кои биле закажани во меѓувреме, што значи дека освен настава нема да има ни наставнички совети, родителски средби, полагање стручни испити и ученички натпревари, односно ќе се одложи сè што е поврзано со згрижување, образование и воспитание на деца.

„Штрајкот ќе се одвива со неизвршување на работнтие задачи на работното место, штрајкувачите ќе се сместат во простории кои заеднички ќе ги договорат со директорите и нема да ги извршуваат свотие дејности. СОНК нема да ги затвори школите и градинките, нема да изведува воспитна дејност, а одговорноста за организацијата и згрижувањето на децата ја има директорот. Никој нема право да го присилува штрајкувачите да воспитуват деца. Ќе бидат одложени некои активности кои го меѓувреме биле закажани, како наставнички совети, полагање испити, домашни регионални, градски натпревари и се што е поврзано со штрајкувачите“,истакна Неделков.

(Видео) Александар “Велики” Волкановски останува на врвот: Го победи „Зомби“ и го одбрани УФЦ-појасот

Австралијанецот со македонско потекло Александар “Велики” Волкановски ја одбрани својата УФЦ титула во перо категорија.

Во битката против Чанг Сунг-Јунг или попознат под прекарот „корејското зомби“ ја обезбеди својата 11. последователна победа, која дојде по три совршени рунди, покажувајќи дека во моментов е можеби најдобриот УФЦ фајтер.

„Ви кажував цела недела, дека во моментов сум на поинакво ниво и не можам да бидам сопрен. Тој дури успеа да изддржи повеќе од тоа што го очекував и сакав да завршам предвреме. Почнав да се чувствувам лошо поради казната која ја добиваше, но тоа е спортот во кој сме“, изјави Волкановски по мечот.

Леклерк го враќа стариот сјај на Ферари: Доминантна победа на трката за големата награда на Австралија

Чарлс Леклер ја зголеми предноста за титулата на 34 поени, а Макс Ферстапен втор пат оваа сезона не ја завршува трката. Серхио Перез заврши на второто место, но со 20 секунди позади Леклерк, а Џорџ Расел го комплетираше подиумот.

419.114 илјади навивачи беа сведоци на огромната доминација на Ферари во Аврстралија. Леклерк стартуваше од првата позиција и во ниту еден момент не му беше загрозена.

Целото внимание е повторно свртено кон актуелниот шампион Макс Ферстапен кој мораше да ја го запре болидот и да ја прекине трката поради проблеми во моторот.

Втор заврши Перез, а на третото место Расел. Хамилтон повеќе не е во прв план, па овој пат заврши на четвртата позиција.

Следната трка е посебен за Ферари. Имено, од 22 до 24 април ќе се вози Имола, легендарна патека „Енцо и Дино Ферари“.

Ќе има ли утре настава во училиштата? Еве што велат од Министерството за образование

МОН: законските прописи ги штитат и интересите на учениците, настава мора да се организира и за време на штрајк

Министерството за образование и наука ја известува јавноста дека и од понеделник, за кога е најавен штрајкот од страна на раководството на Синдикатот за образование, наука и култура – СОНК, основните и средните училишта ќе продолжат да работат, односно ќе примаат ученици и ќе организираат воспитно – образовен процес.

Правната регулатива во оваа област ги штити интересите и на учениците. Согласно законите за основно и средно образование, воспитно-образовната работа мора да се реализира во текот на целата наставна година.

Прекин не смее да има, освен во услови на вонредни околности како постоење на кризна состојба, прогласена епидемија, односно пандемија, пожари, поплави или други големи природни непогоди, за што одлучува Владата и го уредува начинот на организирање и реализирање на наставата до крајот на учебната година.

Училишните раководства имаат законска должност да го организираат воспитно – образовниот процес и да овозможат продолжување на континуитетот на следење на настава во училниците, кој беше воспоставен откако по година и половина едукација на учениците во вонредни околности и услови на пандемија, тие повторно се вратија во училишните клупи, каде што впрочем им е местото.

Претседателот на Самостојниот синдикат за образование, наука и култура (СОНК), Јаким Неделков денеска ќе одржи прес – конференција на која ќе бидат презентирани потребните информации непосредно пред најавениот штрајк во детските градинки, основните и средните училишта.

СОНК за утре најави генерален штрајк, бидејќи на минатонеделните средби со Владата не се договорија за исполнување на нивното барање за зголемување на платите во образовниот сектор за 18,4 проценти.

Ова барање е со цел усогласување со порастот на минималната плата во државата од 15.199 на 18.000 денари што веќе стапи на сила.