дома блог страница 1655

Добра вест за светот: Украина извести дека сеидбата на жито започнала речиси во целата земја

Земјоделците почнаа со пролетната сеидба во речиси сите делови на Украина, независно од тоа што продолжуваат нападите на руските сили, соопштија властите во Киев.

-Сеидбата не почнала само во Луганск, изјави синоќа премиерот Денис Шмихал. Луганск инаку е под целосна контрола на руските сили.

Владата во Киев за земјоделскиот сектор обезбедила поволни заеми во вредност од 3,5 милијарди гривни или 116 милиони долари.

-Истовремено настојуваме да ги поедноставиме постапките за регистрација на земјоделска технологија, со цел да нема застои во земјоделските работи, истакна Шмихал.

Украина спаѓа меѓу водечките производители на жито во светот, така што слаб принос би можел да предизвика недостиг и скок на цената на житото на меѓународните пазари на земјоделски сировини.

(Видео) Македонски раководител на смена во царина фатен на камера како зема мито од 120 евра

Албанската телевизија Клан синоќа во емисијата „Стоп“ објави видео на кое се гледа како раководителот на смена на граничниот премин Блаце, Шкрета Елхам, зема 120 евра од државјани на Албанија кои ја минуваат границата. Елхам е познат како голем поддржувач на СДСМ и на политиките на Зоран Заев.

Раководителот на смена на граничниот премин Блаце, Шкрета Елхам е фатен на камера како зема мито 120 евра од државјани на Албанија кои ја минуваат границата. Видеото го објави вчера албанската телевизија Клан во емисијата „Стоп“

Новинарот на ТВ Клан, во улога на патник, платил 120 евра за цариникот да пропушти шест албански државјани без никакви проверки. Ваквата проверка на новинарите следувала откако телевизијата ја контактирал албански превозник, а со информации дека на ГП Блаце македонски полицајци постојано му бараат поткуп за нешто што треба да биде бесплатна услуга.

-Јас сум албански бизнисмен кој превезува луѓе внатре и надвор од државата. Многу проблеми имаме со македонската погранична полиција. Не мито, туку им даваме плати секој ден, од 500 евра, 700 евра по возило. За секој патник тарифата беше 50 евра, но сега падна на 20 евра. Мито! За секој човек. Носам 20-30 патници. За секој патник мора да се дадат 20 евра, открива бизнисменот за ТВ Клан.

Екипа на емисијата „Стоп“ на граничниот премин Блаце ја сними целата постапка како Елхам, како раководител на смена, си бара и си ги зема парите – од шест патници, по 20 евра од човек.

Инаку, Елхам е познат како голем поддржувач на СДСМ и на политиките на Зоран Заев. Неретко на социјалните мрежи објавувал фотографии на кои е фотографиран со високи партиски личности.

Видеото погледнете го ТУКА

Новинар се обиде да го испровоцира Новак, одговорот на тенисерот му ја затвори устата

Првиот меч на Новак Ѓоковиќ по долго време и првиот во сезоната на земјена подлога не помина баш како што се надеваа неговите навивачи.

Сепак, Ѓоковиќ по крајот доби овации од публиката на „домашниот терен“. Но, тоа изгледа не го виде еден од новинарите кој на прес-конференцијата го праша Новак дали е „изненаден од фактот што публиката беше против него“.

Новак не се согласи со коментарот дека публиката лошо го прими на почетокот на мечот.

-Да бидам искрен со тебе, имав сосема поинаков впечаток од твојот. Публиката беше навистина спортска, ги поздрави добрите потези на двајцата играчи – и нормално е што го бодреа во моменти кога добиваше важна предност. Играв во многу посурови средини за време на својата кариера и би сакал да им се заблагодарам на сите што останаа со нас три часа, рече Новак.

Овој одговор не му се допадна на новинарот кој очигледно сакаше да го испровоцира тенисерот да каже некоја критика за публиката.

Благајник во болница, четири години сам си ја зголемувал платата

Педесет и осум годишен жител на струшкото село Драслајца доби кривична пријава поради постоење основи на сомнение за сторено кривично дело „злоупотреба на службена положба и овластување“.

Пријавениот, како што соопшти СВР Охрид, го оштетил Буџетот на Завод за нефрологија над 342 илјади денари.

– Р.Л., во својство на благајник-вработен во ЈЗУ „Завод за нефрологија“ во Струга, во периодот од 2018 до 2022 година, секој месец во различни износи вршел незаконско зголемување на својата плата со што го оштетил буџетот на болницата стекнувајќи се со противправна имотна корист од 342.317 денари, појасни портпаролот на СВР Охрид Стефан Димоски.

Економското училиште доби нов директор

Средното општинско економско училиште “Кузман Јосифоски – Питу” од Прилеп е второто од средните училишта кое од денеска има нов директор.

После промената на директорската позиција во индустриското училиште, денеска и економското доби нов директор.

На местото на досегашната директорка Билјана Марковска е именувана Цеца Видова Трајческа, професорка по македонски јазик и литература.

Засега промена нема во средните училишта “Орде Чопела”, “Ѓорче Петров” и гимназијата “Мирче Ацев”.

Конечно во Прилеп! Продавница за сите љубители на адреналинот – најквалитетна опрема од глава до петици (Фото)

За сите љубители на две тркала, за сите кои го сакаат адреналинот, конечно во Прилеп е отворена првата специјализирана продавница за мото опрема.

“Донти Мото” се наоѓа на улица “Борис Кирдич” бр.164 – отспротива на касарните.

Продавницата располага со секаков вид на мото опрема за сечиј вкус. Во “Донти Мото” ќе можете да најдете професионални кациги, крос кациги, класични шлемови, мото јакни и пантолони од реномирани брендови, секаков вид ракавици, протектори за колена и лакти, одела за дожд, мото појаси, чизми, елеци, мото крос дресови и пантолони, боди армори, водоотпорни торби и ранци во секаква големина, гел акумулатори… и уште многу други нешта кои ви се потребни за вашата безбедност и комфорност во возењето.

Посетете ги и проверете. Возете секогаш безбедно и сигурно. Опремете се за новата сезона само во “Донти мото”.

Moто опремата е клучен дел од секоја мото авантура и само со квалитетна опрема безбедно и сигурно ќе стигнете на саканата дестинација.

“Донти мото” секогаш прв и вистински избор за мото опрема.

Телефони за контакт: 071 316-039 и 071 369-799

Спектакл во најава во СП “Борис Трајковски”: Пуштени во продажба картите за натпреварот Македонија-Чешка

Ракометната федерација на Македонија денес ги пушти во продажба влезниците за дуелот на сениорската селекција со Чешка.

Средбата ќе се игра на 17 април со почеток во 19 часот во Спортскиот центар „Борис Трајковски“ во Скопје. Ова ќе биде реванш од бараж за пласман на Светското првенство 2023.

Продажбата на влезници се одвива online на интернет-страницата на МК Тикетс (https://mktickets.mk ), а влезници можат да се купат и на сите продажни места на МК Тикетс низ државата.

Влезниците се продаваат по ценa од 100 денари.

Уапceн 24-годишник затекнат при извршување на кpaжба на улица “Прилепска”

По целосно документирање на случајот против 24-годишниот А.Џ. ќе биде поднесена соодветна пријава.

На 11.04.2022 на ул.„Прилепска“ во Битола, полициски службеник од Отсекот за општ криминал при СВР Битола го лишил од слобода А.Џ.(24) во Битола. Тој бил затекнат при извршување тешка кражба во објект во изградба. Одземените предмети биле пронајдени и вратени на сопственикот.

Владата го избра човекот што ќе го замени Зеќири: Oва е новиот Генерален секретар

На денешната седница на Владата, Методија Димовски беше избран за нов Генерален секретар, потврдија од Владата.

Методија Димовски ќе седне на жешката столица. Досегашните генерални секретари имаа краток рок, се надеваме дека Димовски нема да го следи примерот на Зеќири и Рашковски.

На седницата била констатирана оставката на неговиот претходник Мухамед Зеќири кој е осомничен за кривично дело и си поднесе оставка.

Димовски е член на Инспекцискиот совет од областа на животна средина и заштита на здравје на луѓето, а досега работел на повеќе работни и раководни места во јавната администрација, во меѓународни организации и како независен консултант.

Kpaдец фатен на дело на улица “Прилепскa”

На 11.04.2022 на ул.„Прилепска“ во Битола, полициски службеник од Отсекот за општ криминал при СВР Битола го лишил од слобода А.Џ.(24) од Битола.

Тој бил затекнат при извршување тешка кражба во објект во изградба.

Одземените предмети биле пронајдени и вратени на сопственикот.

По целосно документирање на случајот против А.Џ. ќе биде поднесена соодветна пријава – информираат од МВР.