дома блог страница 1650

Најдобра метода за да постигнете блескаво црвени јајца за Велигден

Црвената е традиционалната боја со која ги бојадисуваме велигденските јајца

Црвената боја ја симболизира пролеаната крв на Исус Христос за време на мачењето и распнувањето на Велики петок. Првото јајце, чуварот, мора да биде обоено црвено, додека вие одлучувате за другите.

Денес постојат многу техники за бојадисување и бојадисување на велигденските јајца, а повеќето од нив вклучуваат вештачки бои. Меѓутоа, ако преферирате природни варијанти, најдовме начин да добиете убава црвена боја без да користите капка хемија.

Сок од цреша

Ако сакате вашите црвени јајца да имаат исклучително интензивна црвена боја, користете сок од цреша. Постапката е иста како кај кромидот – во шерпа ставете јајца, прелијте со сок од вишни, со малку сол и оцет. Во сокот сварете ги јајцата и оставете да се изладат.

Можете исто така да користите цвекло

Сок од цвекло оставен во вашата тегла откако ќе јадете сочно овошје. Постапката е иста како и за сок од цреша. Ако сакате понежни нијанси на црвено, разредете го сокот од репка со малку вода.

Нeceкojдневна cooбpaќajка: Возачите на возраст од 98, 91 и 76 години

Неверојатна сообраќајна несреќа се случила во хрватското приморско место Јањина на полуостровот Пељешац, кога се судриле три автомобили, а возачите имале вкупно 265 години, јавија локалните медиуми.

Сообраќајката се случила во четвртокот, а во неа е полесно повреден еден од учесниците, кои имале 98, 91 и 76 години.

До несреќата дошло кога 91-годишниот возач на автомобил, влегувајќи на крстосница, не почитувал предност на минување на друг автомобил, управуван од 98-годишникот, по што удреното возило се одбило од ударот и се судрило со третиот учесник, автомобилот кој го возел 76-годишниот жител на местото, кој доаѓал од спротивна насока, соопшти хрватската полиција.

Чуда се случуваат: Господ и’ го донесе БОЖЈИОТ ДАР – БОЖИДАР на 49-годишна родилка во “Плодност” (Фото)

Oд болницата “Плодност” информираат за уште една успешна приказна

-По пат на ин витро оплодување, во нашата болница беше зачнат Божидар. Пациентката има 49 години и долго време се бореше со неплодност. Направила претходно неколку ин витро оплодувања, но неуспешни, на друго место. Во Болница Плодност – Hospital Plodnost ова беше прво и успешно ин витро оплодување.

Оваа наша успешна приказна е уште една бременост и породување на прворотка која има 49 години.

Породувањето беше направено со царски рез, а пациентката одлично ја поднесе бременоста со оглед на возраста.

Неделков испрати писмо до подрачните едници на СОНК: Еве колку нуди Владата за крај на штpajкот во образованието

Претседателот на СОНК, господинот Јаким Неделков, испратил циркуларно писмо до подрачните единици на СОНК, а во врска со предлогот на Владата добиен на денешната средба со премиерот и со неколку министри и бара по истото членството да се произјасни, објави еден од професорите кој учествува во штрајкот.

„Господине Неделков, ние, членовите на СОНК, одвај се согласивме да отстапиме од максималното барање – почитување на Колективниот договор, имајќи на ум дека зголемувањето на платите на наставниците за 18,4% е црвената линија од која нема отстапување. Сега испаѓа дека зголемувањето за 18,4% е максималното барање и преговорите ќе бидат дај- што даваш.

Како никогаш досега членството е консолидирано и едногласно во барањата. Зад себе ја имате поддршката на сите вработени наставници во државава и воопшто нема потреба од консултации за некакви преговори под црвената линија. Се друго под 18,4% е добивање трошки и купување време. Во спротивно, Вие, како претседател на СОНК ја губите довербата од членството и се отвара простор за сомнеж“, го предупредува професорот претседателот на СОНК, Јаким Неделков.

Коњановски за отварањето бугарски клуб во Битола: Очекувам сега Петков да иницира отварање македонски клуб во Бугарија

-Битола е космополитски, конзулски град, во кој посебно се почитуваат културите, традициите и вредностите на сите народи и треба да биде вистински пример за негување на македонскиот идентитет и култура во сите други земји, каде што живеат Македонци.

Добрососедските односи се градат само со меѓусебно почитување и признавање, но никако со индиректни провокации и оживување на едно мрачно минато на кое потсетува името на Бугарскиот културен клуб „Ванчо Михајлов“.

Кога веќе централната власт и националното законодавство, дозволија во Општина Битола, да се регистрира и функционира ваков културен клуб, тогаш време е нашите источни соседи да овозможат вистински реципроцитет и да покажат почитување на правата на Македонците во Бугарија, можности за нивно културно изразување и негување на македонската култура и историја.

Тогаш, кога ќе добиеме покана за присуство на отворање на Македонски културен клуб во Бугарија, дури тогаш ќе знаеме дека сме на вистинскиот пат кој значи взаемно почитување и искрено пријателство.

После посетата на денешниот настан во Битола, очекувам, премиерот Кирил Петков, да биде првиот иницијатор кој во Бугарија ќе го покрене прашањето за промоција на македонската култура, еднаквост и поголеми права на Македонците кои живеат таму – напиша на ФБ градоначалникот на општина Битола, Тони Коњановски.

Збогување на великаните пред полна “Борис Трајковски”: Лазаров и Миркуловски вечерва го играат последниот натпревар за Македонија

Најдобриот македонски ракометар на сите времиња, Кирил Лазаров, и еден од најдобрите централни бекови, Филип Миркуловски, вечерва ќе ги имаат своите последни репрезентативни настапи.

Двајцата ќе бидат дел од македонската селекција која ќе го игра реваншот со Чешка во финалето на плејофот за пласман на Светското првенство 2023.

На првиот меч одигран пред четири дена во Злин, резултатот беше нерешен 24:24, иако во почетните минути од второто полувреме македонските ракометари имаа седум голови предност.

Натпреварот ќе се игра во СЦ „Борис Трајковски“ вечер со почеток во 19 часот. Сите билети се распродадени па се очекува огромна поддршка од трибините за македонските ракометари.

Влегувањето на Исус во Ерусалим: Православните христијани го празнуваат Цветници- За многу години!

Православните христијани денеска го празнуваат Влегувањето на Господ Исус Христос во Ерусалим- Цветници.

Православните христијани денеска го празнуваат Влегување на Господ Исус Христос во Ерусалим Цветници.

Празникот Цветници познат уште и како Цветоносна недела и Врбица, секогаш е една недела пред Велигден и се празнува во спомен на влегувањето на Исус Христос во Ерусалим, кога неговите ученици и симпатизери со цвеќе и врбови гранчиња, како и со својата облека, му го постилале патот.

Неделата, една седмица пред Велигден е празникот Цветници познат уште и како Цветоносна недела и Врбица, што се празнува во спомен на влегувањето на Исус во Ерусалим, кога неговите ученици и симпатизери кршеле цвеќе од дрвјата и врбови гранки и со нив, како и со својата облека му го постилале патот по кој минувал. Саботата пред Цветници се вика Лазарева Сабота или Лазарица, односно Лазара. Според преданието, во саботата умрел Лазар од Витанија, а во неделата Исус го воскреснал. Поради тоа во народот неделата се смета за поголем празник од саботата.

Според тогашните закони учител можело да биде само лице што наполнило триесет години. Исус веќе четврта година го проповедал своето учење, а бидејќи за Пасха мноштво народ доаѓал во Ерусалим за да го прослави празникот и Исус по четврти пат доаѓал како учител.

Но тогаш разбрал дека неговиот пријател Лазар од Витанија е тешко болен. Исус веднаш се упатил таму, но стигнал четири дена по неговата смрт и по погребот. Сестрите на Лазар, Марта и Марија, го прекориле Исуса велејќи му дека ако дојдел на време немало Лазар да умре. Марта му рекла: „Господи, ако беше Ти овде, немаше да умре брат ми. Но и сега знам што и да посакаш од Бога, Бог ќе ти даде“.

Легендата вели дека Бог сакал Лазар да умре за врз него да се манифестира силата Божја. Кога дошол до гробот, Исус го повикал Лазара: „Лазаре, излези надвор“. И Лазар веднаш излегол завиткан со платно на рацете и нозете и со крпа околу лицето. Сите што го виделе тоа се почудиле и поверувале дека Исус е синот Божји. Со овој чин Исус уште повеќе се здобил со слава. И пак се упатил кон Ерусалим.

Кога стигнал во подножјето на Маслиновата гора, Исус пратил двајца свои ученици во Витфагија за да му донесат осле (магаре) и ослица. Им рекол: „Одете во селоно, што е наспроти вас и веднаш ќе најдете врзана ослица и осле со неа; одврзете ги и доведете ми ги. А ако ви рече некој нешто, ќе му кажете дека му се потребни на Господа и веднаш ќе ги прати“.

Учениците ги донесле, а потоа ги ставиле на ослето своите облеки врз кои седнал Исус и така влегол во Ерусалим поздравен од мноштво народ. Ваквиот пречек на Исус во Ерусалим бил последица од неговата голема популарност меѓу народот уште повеќе зголемена по воскреснувањето на Лазара. Се поставува прашањето, зошто Исус во Ерусалим влегол качен на магаре?

Толкувачите на Светото Писмо истакнуваат дека кај источните народи магарето било симбол на мирот, наспроти коњите што служеле за водење војни. Магарето мирно му служело на човекот, како што и Исус му служел на народот. Пречекувајќи го Исуса воодушевениот народ со цвеќе, врбови гранки, но и со својата облека го постилал патот и пеел: „Осана на синот Давидов. Благословен е оној кој доаѓа во името Господово. Осана на вистините“.

Во спомен на ова свечено влегување на Исус во Ерусалим уште од најраните христијански времиња е востановен празникот Цветници кој, меѓутоа, се празнува од III век. На иконата овој чин е насликан како Исус јава на магаре, а неговите ученици и народот му го постилаат патот со цвеќе и облека.

Победа по трет пат сезонава го реши Осогово – На табелата се уште води Слога Виница

Попладнево на Градскиот стадион „Гоце Делчев“ во натпревар од 23-то коло на Втората лига Исток, фудбалерите на Победа по третпат сезонава го совладаа составот на Осогово од Кочани со 2-1, полувреме 2-1.

Црвено-белите во раната фаза од мечот – по само 11 минути игра остварија предност од 2-0 со головите на Јорданчо Нуамоски (7 минута) и Бојан Спиркоски (11 минута), гостите погодија од прекин и може да се рече дека практично тоа беше се’ што околу 1.000 незадоволни гледачи видоа на денешниот натпревар.

Победа: Котески, Бошески, Христов, Стомнароски, Ангелески, Карчески (од 46 мин Јошески), Петејчук, Ј.Наумоски (од 87 мин Ф.Димоски), М.Наумоски (од 83 мин Дебрешлиоски), Б.Спиркоски и Мазари.

Резултати од денешното 23 коло: Победа-Осогово 2-1, Кожуф-Братство 0-0, Слога-Локомотива 8-0, Беласица-Саса 2-0 и Пехчево-Детонит 0-1.

Табела:Слога 51, Победа и Беласица по 50, Саса 44, Кожуф 28, Пехчево и Осогово по 27, Детонит 24, Братство 14 и Локомотива 6 бодови.

Во следното 24 коло на 23 април од 16 часот ќе играат: Саса-Победа, Братство- Детонит, Осогово-Слога, Беласица- Пехчево и Локомотива -Кожуф.

Опожapeно “ауди” од фирма во Битола

На 16.04.2022 во СВР Битола А.П.(34) од Битола пpиjaвил дека околу 05,30 часот на улица “Никола Тесла” во Битола нacтанал пожap во патничко моторно возило „ауди“, сопственост на фирма од Битола.

Увид на местото на настанот извршила екипа од СВР Битола – информираат во дневниот билтен на МВР.

Девојките од “7-ми Мај” амбасадорски ги претставија Прилеп и Македонија во Германија (Фото)

Борачките на „7 Мај“ Прилеп, викендов се во Германија каде зедоја учество на „15. Оффене интернационале Баден-Винтербергише мајстершафт 2022″ во градот Ален.

-Успешна мисија Германија ” 7М ” на Baden Württemberg open Internationale turnament, од 4 учеснички две сребрени две 5-ти места, со вкупно 7 победи. Во конкуренција од многу клубови од Германија, Швајцарија и Франција. Голема благодарност до Martina Göhringer претседателката на женско борење Baden Württemberg – напишаа попладнево од клубот на Фејсбук.