дома блог страница 1649

Шефот на државата се проба на рака со светскиот шампион од Словачка (Фото)

-Нерешено со светскиот шампион во бодибилдинг Михал Крижанек од Словачка.

Имав можност да го сретнам за време на неговиот престој во Скопје, како почесен гостин на Бодибилдинг и Фитнес Федерацијата на Македонија, во рамки на меѓународниот натпревар во бодибилдинг – напиша Пендаровски на ФБ.

Вучиќ: Ние сме единствени што не бараме од Македонците да сменат име или јазик

„Ние сме најголемите пријатели на Северна Македонија, ништо не бараме од нив, само да бидеме пријатели и браќа“, изјави српскиот претседател Александар Вучиќ.

Тој ги коментираше податоците што ги изнесе новинарот на ТВ Пинк, дека граѓаните на Северна Македонија во анкета одговориле дека Србија ја сметаат за најдобар пријател.

„Да, го видов тоа, и за политичарите и за земјите. Србија, се разбира, им е најдобар пријател“, посочи српскиот претседател.

На прашањето дали е изненаден од одговорот на Македонците, претседателот Вучиќ одговори: „Како да бидам изненаден? Ние сме најголемите пријатели на Северна Македонија. Кој е поблизок до Србија? Ние сме единствените кои не бараме од нив да ги сменат своите име или јазик. „Ниту нашите барања, ниту ништо друго. Ние го сакаме македонскиот народ. Што бараме од него? Ништо. Освен да бидеме во најдобри можни односи. Не бараме ништо од нив. браќа“, рече Вучиќ.

Да потсетиме, претседателот посочи дека иницијативата Отворен Балкан опстојува благодарение на Тирана, Белград и Скопје и дека САД имаат коректен однос кон оваа иницијатива, што, како што истакна, не може да се каже за Европејците.

Исто така, Вучиќ рече дека планот е Србија да организира еден голем саем на вино на кој ќе бидат поканети сите горенаведени земји.

Премиерот тивок кон Бугарите, ама гласен кон просветарите

Денеска започнува втората недела во која децата нема да бидат во училишните клупи. Со одбивањето на понудата за покачување на платите од 10%, СОНК реши да продолжи со уцени кои се единствено на штета на образованието на учениците и им го отежнува секојдневието на родителите, напиша премиерот Димитар Ковачевски на неговиот фејсбук профил.

– Владата прави сериозни напори за да се избори со кризата, да ги амортизира поскапувањата и да обезбеди достоинствен живот за нашите граѓани, пред сѐ за најранливите. И во вакви тешки услови на светска криза, ние сме веројатно единствената Влада која овозможи историско зголемување на платите и пензиите и силно финансиски ги поддржа граѓаните. И покрај сѐ, СОНК смета дека покачувањето на платите од 2.500 денари е малку. Во услови кога со антикризните мерки кои ги донесе владата сметките на граѓаните се помали за 4.000 денари месечно. Ова едноставно не може да се смета за разумен став туку за очигледен притисок со што е евидентно дека СОНК личните интереси го става пред оние на децата, објави Ковачевски.

Од 2017 година до денес, пишува премиерот, платите во образованието се покачени за 21%. Со овие дополнителни 10% тоа би биле 31% покачување кои за СОНК во услови на светска економска криза не се доволно. За споредба, за пет години, од 2011 до 2016 година платите во образованието беа покачени за само 4%.

– Владата прави сѐ што треба за да го одржи дијалогот и да најде заеднички јазик, но барањата и односот на СОНК се целосно неприфатливи. Местото на децата е во училиштата и во оваа ситуација единствено СОНК и раководството се одговорни за тоа што тие не го остваруваат правото на образование, порача на ФБ премиерот Ковачевски.

Стоилов: Ми беше голема чест да ги бранам боите на Македонија

Македонскиот ракометен репрезентативец Стојанче Стоилов вчера по натпреварот со Чешка, објави крај на репрезентативната кариера.

На прес-конференцијата по одржаниот натпревар, капитенот на македонската селекција истакна дека му било чест 15 години да го носи дресот на Македонија.

-Ми беше голема чест и привилегија е да ги бранам боите на Македонија. Ви благодарам на сите за големата поддршка низ годините од срце. Македонија оди на светско, се огласи Стоилов и на Фејсбук.

Како што нагласи Стоилов, чувствува дека телото не може повеќе да ги издржи напорите што е причина за репрезентативната пензија.

Македонија со победата над Чешка се пласираше на Светското ракометно првенство.

Премиерот со честитка до “нашата земја”: Ковачевски повторно ја заборави Македонија?

Македонската ракометна репрезентација оствари голем успех на вечерашниот натпревар против Чешка, а премиерот во стилот на еден вистински владин претставник упати честитка до “нашите херои” од “нашата држава”.

“Одиме на светско! Честитки момци за одличната игра и големата победа!”, пишува на Фејсбук страната на премиерот Ковачевски.

МАКЕДОНСКОТО СОНЦЕ ПОВТОРНО ЌЕ СВЕТИ НА СВЕТСКО ПРВЕНСТВО

Машката репрезентација на Македонија славеше со 27-25 против Чешка во реванш средбата од баражот и обезбеди место по осми пат на Мундијал. Иако нашите ракометари имаа контрола во текот на мечот, водеа во повеќе наврати со три и четири гола разлика, сепак на крајот имаше драма. Кузмановски со голот од пенал на Кузмановски на 13 секунди до крајот донесе победа за Македонија и пласман на СП.

Продолжува континуитетот и тоа е најважно. Оваа нова генерација покажа дека може да се носи со големи предизвици. Овој пат предводени од најголемиот меѓу најголемите, Кирил Лазаров, но на Светско ќе мора да преземат уште поголема одговорност. Како и да е, веруваме во нашите момци и убедени сме во голем успех.

На Македонија и светка сјајна ракометна иднина и тоа не се само Кузмановски и Талески. Серафимов, Томовски, Младеновиќ и Мишевски со секоја утакмица покажуваат дека нивното место е во националниот тим. И секако, да не ги заборавиме нашите ракометни икони, Ојлески, Митревски и Стоилов.

Битката ја победивме, но вojната не е готова. Пред нас е најголемиот спортски настан, Светското првенство во Полска и Чешка. Ракометарите имаат доволно време да се подготуваат, а нас ни останува да чекаме до 12-ти јануари 2023 и да се подготвуваме за навивање.

Комити приредија спектакл на гpoбoт на Јане Сандански во Бугарија (Видео)

Денеска се одбележуваат 107 години од смртта на македонскиот револуционер Јане Сандански.

По тој повод македонската навивачка група Комити присуствуваше на церемонија во Бугарија, на која се чествуваше годишнината од смртта на македонскиот револуционер.

(Видео) Кинез стана вистински хит на социјалните мрежи: Со дрон и јадица до одличен улов

Шангај, економската престолнина на Кина, влезе во третата недела на “локдаун”, па многу жители мораат да бараат инвентивни начини за да стигнат до храна.

Еден снаодлив Кинез кој живее во еден од облакодерите на Шангај, дошол до генијална идеја како да не го напушти својот стан, а сепак да набави свежа храна.

Видеото стана вирлано на социјалните мрежи и собра неколку милиони прегледи.

Финансиски хороскоп: Парите ќе се се лепат за овие два знаци

Ако може да им се верува на астролозите, овие 2 знаци нема да мора да мрднат со прст, а парите ќе се залепат за нив.

Венера на почетокот на мај ќе биде во знакот Риби, а бидејќи е планета со изобилство, тоа убаво ќе се одрази на финансиската состојба на овие знаци. Еве кој ќе има најмногу среќа во мај, барем кога се парите во прашање:

БИК: Ова е месецот кога вашите напори конечно ќе се исплатат. Работевте со години, сега е време да ги соберете наградите. Ќе имате среќа и во игрите на среќа.

Ќе остварите и финансиска добивка од работата со пријателите, па не бегајте и од таа опција. Овој месец ќе ви се отворат некои неочекувани можности, но размислете добро пред да ја донесете вистинската одлука. Пари ќе има, но важно е добро да размислите.

ЛАВ: Финансиската поддршка може да дојде од постари роднини или да се работи за некои заостанати плаќања за осигурување, вредни подароци, па дури и наследство.

Слушајте ја вашата интуиција и водете се според неа кога донесувате одлуки кога се во прашање парите. Играјте безбедно и не се препуштајте на финансиски авантури. Ако правите паметни потези, ѕвездите ќе ве наградат со голема сума на пари.

СОНК: Штpajкот пpoдолжyва, наставниците, професорите и вработените во градинките не отстапуваат од барањата

Штрајкот продолжува, соопшти Синдикатот за образование, наука и култура (СОНК).

И покрај апелите на министрите за образование и за труд и социјална политика, штрајкот на наставниците и на вработените во предучилишните установи ќе продолжи и неделава.

Понудата на Владата е зголемување на платите за 10 %, по ребалансот на Буџетот кој би бил во мај или јуни.

Од синдикатот велат дека понудата е дадена усно, а не писмено и дека членството останува на тоа дека штрајкот треба да продолжи се до прифаќање на нивните барања за зголемување на платите од 18,4 отсто.

Министерот за образование и наука Јетон Шаќири, со објава на Фејсбук ги повика наставниците во основните и средните училишта да го продолжат образовниот процес бидејќи тоа е од најдобар интерес на децата.

„Децата треба да ни е на прво место, затоа што правото на образование на секое дете е уставно загарантирано право. Губењето на настава во услови како оваа пандемија, кога владата и Министерството за образование и наука направи максимални напори да го нормализира образовниот процес, не оди во прилог никому, најмалку на учениците”, напиша Шаќири.