дома блог страница 1648

Kpивична за сопружници кои измамиле старица и и’ зеле 777.000 денари

ОВР Дебар поднесе кривична пријава против А.Ц.(39) и Ќ.Ц.(46), двајцата од Дебар, поради постоење основи на сомнение за сторени кривични дела „измама“ и „злоупотреба на лични податоци“. Пријавените сопружници, во периодот од 2010 до 2022 година, свесно и со умисла, во неколку наврати довеле во заблуда повозрасна жителка од Дебар која, од една банка и 2 финансиски друштва, подигнала кредити и како заем им ги дала на пријавените кои и ветиле дека парите ќе и ги враќале на рати.

Пријавените, исто така, ги злоупотребиле личните податоци од личната карта на оштетената и од нејзината е-маил адреса до едно финансиско друштво поднеле онлајн апликација за добивање брз кредит, по што парите ги подигнале од нејзината трансакциска сметка.

Со тоа, пријавените се стекнале со противправна имотна корист од 777.000 денари.

Дипломати од Јапонија, Франција, Германија и Велика Британија воодушевени од вкусот на крушевскиот локум од “Тагас – Балкан”

Во културно информативниот центар на Македонија во Тирана, Албанија, во петокот се одржа изложба на дела од уметникот Зоран Кардула, а присутните гости помеѓу кои и дипломати од Јапонија, Германија, Велика Британија и Франција, го пробаа најдобриот локум – крушевскиот на “Тагас-Балкан”.

Уметникот се претстави со 13 свои дела и доби само пофали зборови од присутните.

Директорот на Македонскиот културно-информативен центар Златко Ориѓански, на својот Фејсбук профил информираше дека дипломатите биле воодушевени од вкусот на крушевскиот локум.

А како и нема да бидат воодушевени кога локумот на “Тагас-Балкан” е производ со 100-годишна традиција, а и ден денеска го има истиот вкус и се произведува по истиот рецепт како и пред еден век.

ФОТО/ГЕРТА КОРДАЛИ/ФБ – Origjanski Zlatko

Се спрема ли Србија за нешто: Објавен повик за сите млади мажи и жени до 30 години за доброволно служење вoeн рок

Министерството за одбрана на Србија ги поканува младите мажи и жени, кои годинава ќе наполнат 19 до 30 години, да се пријават за доброволно служење на шестмесечен воен рок со оружје.

Право на пријавување имаат сите работоспособни граѓани на државата кои во 2022 година ќе наполнат 19 до 30 години, а претходно не го отслужиле воениот рок со оружје, соопшти Министерството за одбрана.

Пријавата за доброволно служење воен рок може да се поднесе во сите експозитури на Поштата Србија, на порталот за е-влада, како и во центрите на Министерството за одбрана – поранешни воени одделенија.

Покрај можноста да го прошират своето знаење, да стекнат нови вештини и да се запознаат со современото оружје и воена опрема, војниците на доброволно служење воен рок ќе добиваат и месечна плата од околу 38.000 динари.

Прилепчанец се загyбил во атарот на село Нежилово, за среќа полициски службеници го пpoнашле во 3 часот по полноќ

На 18.04.2022 околу 00.50 часот во Полициската станица Велес, Д.Т.(59) од Прилеп пријавил дека со патничко возило „фолксваген голф“, со прилепски регистарски ознаки, се изгубил во атарот на с.Нежилово, општина Чашка.

Полициски службеници од Полициското одделение Чашка веднаш излегле на терен и извршиле негово пребарување и во 02.45 часот го пронашле лицето во добра здравствена состојба.

Тој бил однесен во Полициското одделение Чашка, по што бил предаден на семејството.

Гopивата повторно поскапуваат: Ова се новите цени кои ќе важат од полноќ

Се врши зголемување на малопродажните цени на нафтените деривати во просек за 1,90%.

РКЕ одлучи, ова се новите цени на горивата кои ќе важат од полноќ:

– Моторен бензин – ЕУРОСУПЕР БС – 95 – 81,50 (денари/литар)

– Моторен бензин – ЕУРОСУПЕР БС – 98 – 83,50 (денари/литар)

– Дизел гориво – ЕУРОДИЗЕЛ БС (Д-Е V) – 82,50 (денари/литар)

– Масло за горење – Екстра лесно 1 (ЕЛ-1) – 80,50 (денари/литар)

– Мазут М-1 НС – 51,599 (денари/килограм)

Со три состојки до неверојатно предјадење

Ладно предјадење по рецептот на Марта Стјуард.

“Ѓаволските јајца” за прв пат се служеле како мезе во антички Рим и оттогаш станале “неопходни” на секоја гозба. Вака полнетите јајца се зачинети, па можете да додадете лути пиперки или некој друг зачин кој ќе го засили вкусот.

Според рецептот на познатите американски готвачки Џулија Чајлд и Марта Стјуарт, постои тајна состојка поради која полнетите јајца ќе бидат повкусни, а тоа е путерот.

Потоа можете да додадете пржена сланина, кисели краставички или некоја состојка по ваш избор.

Потребни состојки: варени јајца, два лажици путер, сенф.

Подготовка: cварете ги јајцата и пресечете ги на половина, извадете ги жолчките и оставете ги половините настрана. Во блендер измешајте ги жолчките, путерот и сенфот. Истурете во шприц за колачиња и користете го за да ја наполните шуплината на белката.

Зеленски: “Можеме да се бориме со Русија 10 години”

Украина не е подготвена да се откаже од територијата и е подготвена, доколку е потребно, да се бори против Русија „10 години“, тврди претседателот Володимир Зеленски. Тој, исто така, се чини дека признава дека сегашниот конфликт всушност започна во 2014 година, кога Киев првпат започна операција за повторно преземање на отцепениот Донбас.

Во интервју за Си-Ен-Ен, Зеленски рече дека за Украина „битката за Донбас е многу важна“ од повеќе причини, додавајќи дека тоа може да влијае на „текот на целата војна“. Тој, сепак, истакна дека се претпочита дипломатско решение на конфликтот.

„Не можеме да се откажеме од нашата територија, но мораме да најдеме некаков вид дијалог со Русија“, рече Зеленски, додавајќи дека разговорите нема да се водат „врз основа на рускиот ултиматум“.

Зеленски рече дека е потребен дијалог за да се спречат повеќе смртни случаи, иако тој тврди дека неговата земја „може да се бори против Руската Федерација десет години“.

Тој рече дека украинските сили во Донбас се едни од „најдобрите воени“ што ги има земјата. „Тоа е голема групација. А Русија сака да ги опколи и да ги уништи“, рече Зеленски, додавајќи дека зборува за „44.000 професионални воени лица кои преживеаја голема војна од почетокот на 2014 година“.

„Затоа за нас е многу важно да го зачуваме тој дел од нашата армија“. Запрашан од водителот на Си-Ен-Ен дали Украина ќе биде победничка во конфликтот, Зеленски рече: „Да, се разбира“.

Промовирана книгата “Тајната на розата Дафне” од Благица Наумова – 21-годишна студентка од Прилеп

Благица Наумова е 21 година и ова е нејзино прво дело, со кое зачекорува во писателството. Таа е млада амбициозна студентка на Универзитетот „Св. Климент Охридски “ – Битола.

„Тајната на Розата Дафне е приказна за двајца вљубени, сродни души поврзани со митот за ловоровото дрво . Ова е книга за љубовта и разумот , за надежта и безнадежноста, но пред се за срцето и за рационалното оревче во главата. Како срцето може да го измами разумот? Дали секогаш успева во тоа? Може ли да се направи баланс помеѓу нив? Нивната моќ е вгнездена во ликовите и лесно се препознава, а последицата само останува да се претпостави„ – вели Благица.

„Читателот има чувство како повторно да чекори во свет, каде љубовта не е разумна, туку е страст и посакување, можеби сила која му дава смисла на човековиот живот и вредност на неговиот дух. Но, е притоа сила која ги поведува љубовниците кон жртвување. Но дали оваа љубов ќе ги претвори карактерите во жртви на своите дејствувања, останува на читателот да открие.

Писателката прави една нескротлива нишка на љубовта во средниот век онаа недостижната, идеалната, забранетата и онаа во Романтизмот, каде ликот бега во својта осаменост, се повлекува сакајќи да живее во споменот на својата сакана.“- кажува професорката Марија Кулеска, која беше рецензент на ова дело.

Еве го лекот за справување со стpecoт, напнатоста и болките: Спортски реквизити по најниски цени и врвен квалитет – за прв пат во Македонија

За прв пат во Македонија целосна понуда на реквизити за пилатес.

Грижата за здравјето и телото нема цена, а само сега имате можност да набавите реквизити по најниски цени и да си посветите доволно внимание.

Спортските реквизити на USR се со одличен квалитет и се пристапни до сечиј џеб. Достапни се за прв пат кај нас во Македонија и сега е најлесно да ги добиете.

Се што треба да направите е да ги контактирате на нивната Фејсбук фан страна и да си нарачате. Доставата е за 1-3 дена во било кој дел од државата, а за квалитетот ќе кажете откако ќе ди добиете.

Еве го лекот за справување со стресот, напнатоста и болките во грбот, зглобовите, како и патот до зацврстено и силно тело.

Погледнете ја целосната понуда на USR на линкот во продолжение:

СДСМ жecтоко го нападна СОНК: Досега платите им ги покачивме за 21% (Видео)

Правото на штрајк е уставно загарантирано, но исто така и правото на образование. Местото на децата е во училиштата и во оваа ситуација единствено раководството на СОНК се одговорни за тоа што тие не го остваруваат правото на образование. Владата предводена од СДСМ предложи конкретен предлог за зголемување на платите во образованието и детската заштита од 10 проценти или во просек над 2.500 денари, рече Богданка Кузеска, портпаролка на СДСМ.

„Во време на глобална економска и енергетска криза кога владата прави сè да го заштити стандардот на граѓаните и да спречи ценовни шокови. Во време кога течат законските рокови за усогласување на минималната плата.

Одбивање на понудата значи продолжување на бесмислените уцени од страна на СОНК на штета на образовниот процес на учениците и ги става личните интереси пред интересот на децата.

СОНК смета дека 10 отсто или покачување на платите меѓу 2.500 и 3.000 денари не е доволно? Ова едноставно не може да се смета за разумен став туку за очигледен притисок, уцена со што е евидентно дека СОНК личните интереси го става пред оние на децата.

Од 2017 година до денес, СДСМ платите во образованието ги покачи за 21%. Со овие дополнителни 10% тоа би биле 31% покачување кои за СОНК во услови на светска економска криза не се доволно.

За споредба, за пет години, од 2011 до 2016 година платите во образованието, во време на ВМРО-ДПМНЕ беа покачени за само 4%.

Зошто тогаш немало уцени на толку помали плати треба да одговори раководството на СОНК. Зошто цела година нема реакција од СОНК за блокирањето на Законот од страна на ВМРО-ДПМНЕ за законот за наставници и стручни соработници, во кој меѓу другото има и решение за раст на платите е исто така прашање.

Владата предводена од СДСМ нема да се откаже од зголемување на платите во образованието и детската заштита. Но, уцените треба да се заменат со дијалог, а наставата да продолжи.

Сите мора да покажат одговорност, затоа што се работи за нашите деца, за иднината на нашата држава“, изјави портпаролката на владејачката партија.