дома блог страница 1646

Владините закани направија контраефект кај просветрите – Штрајкот продолжува

Штрајкот во училиштата и градинките ќе продолжи, одлучи Советот на Синдикатот на образование наука и култура (СОНК), откако ги разгледа и донесе свои ставови за заклучоците кои произлегоа од вчерашната владина седница.

„Штрајкот ќе продолжи се дотогаш додека не се договориме по спорните прашања и не потпишеме спогодба за нив“, рече претседателот на СОНК, Јаким Неделков.

Според СОНК, вчерашните владини заклучоци не водат кон решавање на несогласувањата со Владата. Од синдикатот велат дека се врши „огромен притисок“ врз наставниците и воспитниот кадар во градинките.

Наспроти заклучокот на Владата дека Министерството за образование и наука и Министерството за труд и социјална политика ќе им исплатат само придонеси на штрајкувачите, СОНК вели дека не е така и оти министерствата се должи да им исплатат и плати.

Во Битола не си играат општина, се работи турбо: Нов градски парк на површина од огромни 25.000м2 (Видео)

На површина од 25.000 метри квадратни, од денес започнаа работните активности со кои ќе биде уреден нов парк во Нова Битола.

Градоначалникот на општина Битола, Тони Коњановски и Претседателката на Советот, Габриела Илиевска, информираа за динамиката со која ќе се уредува паркот кој покрај хортикултурно и партерно уредување, ќе содржи и спортски и детски реквизити, урбана опрема и соодветно осветлување.

Општина Битола, проектот ќе го реализира во две фази, во соработка со јавните претпријатија од градот.

Со уредувањето на оваа површина, која во досегашниот период воопшто не беше уредена и одржувана, Битола ќе добие нова зелена површина, која е многу значајна за подобрување на квалитетот на животната средина, а граѓаните ќе добијат и ново место за одмор и рекреација, како и за игра и забава на најмладите.

Претседателот на бугарскиот клуб во Битола открива како станал Бугарин: Не спиел два-три месеци, а потоа се разбудил како Бугарин (Видео)

Погледнето го интервјуто за БТВ на претседателот на бугарското здружение во Битола „Иван Михајлов“, Љупчо Георгиевски, за тоа како станал Бугарин.

– Тешко е да си Бугарин во Македонија. Ние не сме се родиле како Бугари во Македонија. И така, така читаш, едно два-три месеци не спиеш и ќе се разбудиш како Бугарин – вели Георгиевски.

Апел за помош: 30-годишна самoxpaна мajка на две деца од Кавадарци моли за помош во бopбата со paкот

30 годишната Златка Маркушева самохрана мајка на 2 деца бори со рак. За нејзино лекување потребно е голема сума на парични средства.

„Здраво, Јас се викам Златка. Имам 30 години, самохрана мајка на две деца, 11 и 8 години. Досега животот беше навистина суров кон нас. За оние кои не ме познаваат, пред 5 години го загубив сопругот во сообраќајна несреќа, а моите деца го загубија својот татко.

После тоа за мене секој момент беше борба, емотивно и финансиски. Се трудев толку многу и се борев со се што имав. Згора на сè, неодамна ми беше дијагностициран метастатски карцином на јајчник стадиум III C (Carcinoma planocellulare cervicis uteri invasium стадиум III C) третманот ќе започне со хемотерапија, зрачење и хируршка интервенција.

Сите медицински процедури чинат многу пари, што не можам да си ги дозволам. Ве молам помогнете ми да соберам пари за моите третмани и помогнете ми да се борам со овој рак. Ќе ви бидам навистина благодарна ако размислите да донирате за моите медицински трошоци и да ми се придружите во мојата борба.

Ако можете да донирате, ве молиме донирајте! Секое малку помага. Секоја донација ќе ми помогне мене и моето семејство. Ако не сте во можност да помогнете, многу би ги заблагодарил вашите молитви во ова време. Ви благодарам!

Со почит,
Златка Маркушева“, се вели во апелот за помош.

https://www.gofundme.com/f/help-zlatka-beat-cancer?utm_source=widget&utm_medium=referral&utm_campaign=p_cp+share-sheet

Во сабота голем хуманитарен музички настан за малата Бисера од Прилеп: Ќе настапат над 30 изведувачи

Почитувани хумани луѓе! Ние, ДРИМ ТИМ ОД ДЕЦА ЗА ДЕЦА Прилеп организиравме хуманитарен музички настан СПЛОТЕНИ ВО ХУМАНОСТ за малата Бисера, кој ќе се одржи на 23.04.2022 година на градскиот плоштад Методија Андонов Ченто. Ќе настапуваат многу домашни музичари. Настанот е поделен во 2 дела:

10:00 до 17:00 часот.

1.Преродба, 2.Ѕвончиња Dream team, 3.Матеја Николкоска Матеја Цветковска, 4.Гоце Балада, 5.Донче Наумоска
6. Илина Стефаноска, 7.Чокио, 8.Леонид Бенд, ПРОМОЦИЈА НА “ЉУБОВНИ ПИСМА ЗА ЕДЕН ПРИЛЕПЧАНЕЦ” од Лина Димоска, 9.Чакаро и Кате, 10.Тајфата, 11.Александра и Peaches, 12.No cigarette, 13.Фросина Ристеска, 14.Синдикат, 15.Марија Јаковлеска, 16.Филип Николоски, 17.Александар Темелков, 18.Ритуал Бенд и Џаса, 19.Магдалена Иванова, 20.Мартина Јаневска, 21.Дани Даниела, 22.Елена Велеска, 23.Mарија Наумоска и Ивана Стојкоска, 24.Трио бенд, 25.Благадуша, 26.Марија Бундоска, 27.Благица Белјаноска, 28. Сергеј Попоски, 28.Бранче и Емануел

22:00 до 02:00 часот на Камената Бина.

СИНДИКАТ, ДЈ БОНО, БЛАГАДУША И DJ EXTRA, Dave Schwartz ( Architek), DJ HARIS, DJ MARTIN KAY

Со задоволство Ве покануваме да бидете дел од нашиот хуманитарен настан.

Koвачки обелоденyва cкандал: Утрово кpaжба на масло од мapиxyaна во вредност од 2 милиони евpa кај крушевско Алданци

Утрово повторно кражба на марихуана, овој пат на масло во вредност од 2 мил. евра во “5 летерс” кај Алданци.

Ако веќе 5 дена го чекаме Спасовски да каже за кражбата на оружјето, бомбите и муницијата во СВР Охрид, може да се претпостави дали и кога ќе го расветли случајов со кражбата на масло од марихуана, коментира на социјалната мрежа на Фејсбук пратеникот од редовите на ВМРО-ДПМНЕ Драган Ковачки.

Николоски: СДСМ си поигрува со животниот стандард на наставниот кадар, штрајкот е оправдан

Потсмевање со наставниот кадар и со сите кои протестираат, затоа што 10% покачување во образованието за да и е јасно на јавноста е некаде од 1.800 до 2.400 денари, па нека размислат дали со толку дополнително може да се преживее месецот во услови кога млекото е поскапено за 60%, маслото за 100%. Ако порано за 1000 денари се излегуваше со полни торби од маркет сега за толку не може да се купат повеќе од 5 производи, изјави Александар Николоски, потпретседател на ВМРО-ДПМНЕ, во „Тема на денот“ во дневникот на Сител во врска со штрајкот на СОНК.

Николоски вели дека власта си поигрува со животниот стандард на наставниот кадар и затоа е оправдано да продолжат да штрајкуваат.

-Исто така сакам да изразам поддршка на Конфедерацијата на слободни синдикати и на нивниот протест на 26 април, затоа што сметам дека апсолутно се оправдани барањата затоа што со овие плати во услови на вакво поскапување не се живее. Главен виновник за поскапувањата е владата, затоа што криза и војна има за сите држави, но не во сите држави, други и во нашето опкружување има вакви лоши услови, рече Николоски.

Тој посочи дека Македонија по сите параметри ќе заврши како најлоша држава, со дефицит на буџетот од некаде над 8% и инфлација која може да оди до 10%, што значи енормно поскапување и затоа се оправдани барањата на СОНК и наставниот кадар и на КСС, и на сите останати.

– СДСМ кога кажува дека покачила плати во образование игра со статистика затоа што не кажува дека инфлацијата тогаш беше 0,5 до 1%, а имаше и години и без инфлација. Клучното е колку вредат парите, а не колку имате. Важно е што може да купите со парите. СДСМ треба да одговори што во 2011 можеше да се купи за 24.000 денари колку, а што за толку може да се купи во 2022. Мислам дека сите ќе се согласат дека пола од работите кои во 2011 може да се купат, сега не може, нагласи Николоски.

Зеленски: Да имавме повеќе оружје ќе победевме до сега

Зеленски објаснил и дека е засилен интензитетот на рускиот оган во Харков и во Донбас, дури и врз цивилното население. Претседателот Зеленски изјави дека Украина веќе би ја завршила војната кога би имала пристап до подобро оружје.

„Да имавме пристап до целото оружје што ни треба, кое го имаат нашите партнери и кое е споредливо со оружјето што го користи Руската Федерација, ние веќе ќе ја завршевме оваа војна. Мирот ќе беше вратен и ќе ја ослободивме нашата територија од окупаторите. Затоа што супериорноста на украинската војска во тактиката и мудроста е сосема очигледна. Неправедно е што Украина сè уште е принудена да го бара она што нејзините партнери го складираат некаде со години. Помогнете да се спасат животите на илјадници Украинци“, изјави Володимир Зеленски – претседател на Украина.

Портпаролот на украинскиот Генералштаб изјави дека Русија продолжува со офанзивата на различни локации на исток.

„Сè уште постои закана од ракетни и бомби од руски авиони врз цели на територијата на Украина користејќи ја територијата, мрежата на аеродромите и воздушниот простор на Република Белорусија“, Олександр Штупун, портпарол на Генералштабот на вооружените сили на Украина.

Руското Министерство за одбрана им постави нов ултиматум на украинските сили во Азовстал. Се предлага борците на националистичките баталјони и странските платеници да ги прекинат воените операции од 14 часот по московско време и да го положат оружјето. Се наведува дека ниту еден украински војник не ја прифатил понудата.

Украинците постепено се враќаат во своите домови во северна и источна Украина.

„Еден сосед ми рече дека нема повеќе прозорци во нашата куќа. Има дупка на покривот. Ми рече дека има дури и шрапнели во градината. Навистина е страшно, но сакам да си одам дома во мојот град“, вели украинска бегалка.

Официјален Киев соопшти дека бил постигнат прелиминарен договор со Русија за хуманитарен коридор за евакуација на жените, децата и постарите лица од Мариупол. Властите се надеваат дека ќе евакуираат околу 6.000 луѓе. Претходниот договор за воспоставување безбеден коридор за евакуација на цивилите од Мариупол пропадна на 5-ти март. Оттогаш, повторените обиди за создавање хуманитарен коридор не беа успешни.

Навивачите на Ливерпул ја показаа својата големина: Громогласен аплауз за поддршка на Роналдо по семејната тpaгедиja (Видео)

Кристијано Роналдо и неговата партнерка Георгина пред неколку дена објавија дека по раѓањето починало машкото бебе од близначињата кои ги носеше таа.

Семејството доби поддршка од целиот свет, но сцената која долго ќе се памети се случи вчера на Енфилд.

Манчестер Јунајтед му гостуваше на Ливерпул и си замина дома поразен со 4:0. Роналдо, разбирливо не настапи, но затоа навивачите од трибините имаа силна порака за него.

Во седмата минута од натпреварот, симболично означувајќи го бројот на неговиот дрес, од трибините се слушаше громогласен аплауз, а целиот стадион на пееше химната на Ливерпул „You’ll never walk alone“.

Најголемите македонски фолк-ѕвезди ќе настапат на Прилеп Фолк Фест 2022

Имајќи ја предвид долгогодишната, а сега и постпандемиската состојба на евидентен дефицит на квалитетна македонска народна музика, која што во својата основа би ги задржала сите карактеристики на македонскиот јазично- текстуален контекст со современ музичко- аранжерски пристап и сценско визуелно обликување, оваа година ќе се одржи 6 тото издание на фестивалот на авторска народна музика „Прилеп Фолк Фест“ 2022.

Фестивалот ќе се одржи на 26ти Мај, во домот на културата „Марко Цепенков”.

На овогодишното издание на фестивалот ќе настапат најголемите македонски фолк звезди:

БЛАГА ПЕТРЕСКА, НАУМ ПЕТРЕСКИ, НИНО ВЕЛИЧКОВСКИ, ЗУИЦА ЛАЗОВА, МАРЈАН КОЦЕВ, ЕЛЕНА ВЕЛЕВСКА, АДРИЈАНА АЦЕВСКА, СУЗАНА ГАВАЗОВА, САЊА РИСТЕСКА, САЊА БАРБИКА, СПАСЕН СИЉАНОСКИ, АНЕТА АРСОВСКА, ЖИВЕ МЕШУРЕВСКИ, ЈОРДАН МИТЕВ, ТАТЈАНА СТЕФАНОВСКА, групите ФОКУС, АНЕТА и МОЛИКА, СКОПСКИ БОЕМИ и МАЕСТРО.

Со песни на дел од најдобрите македонски автори: Миле Барбаровски, Милан Завков, Николче Мицевски, Дејан Момироски, Борче Нечовски, Горјан Стојановски, Огнен Неделковски, Ѓорѓи Барбаровски…

Фестивалот е во организација на „Здружението за музичка продукција и организација на настани „One way“- Скопје, а под покровителство на општина Прилеп.

Директорот на фестивалот „Прилеп Фолк Фест”, г-динот Борче Нечовски, ја даде следната изјава:

“Огромна е одговорноста да се организира еден ваков фестивал, но уште поголемо е задоволството што на него ќе настапат голем дел од најдобрите артисти и автори, кои оставиле огромен белег во нашата новокомпонирана народна музика.

Потребата од вакви фестивали е секако многу важна имајќи ја во предвид моменталната ситуација на општествено, а секако и на културолошко ниво. Посебно ме радува што на нашиот повик се одзваа буквално најдобрите и сум убеден дека и љубителите на народниот мелос во Македонија ќе уживаат во новите фестивалски песни.

Сакам да изразам голема Благодарност до општина Прилеп како главен покровител, а секако и до МРТ која е наш медиски партнер.”