дома блог страница 1625

Под водство на прилепскиот тренер Драган Шеќероски, ЏК Гладијатор од Кочани освои 9 медали на Државното првенство во џудо

Вчера во Кавадарци се одржа Државно првенство за деца и пионери за Џудо, каде членовите на ЏК Гладијатор Кочани настапија и се покажаа во одлично светло каде што донесоа 11 места од кои 9 медали и 2 четврти места.

Прво пласирани се: Матео и Габриел Станоев

Второ пласиран Томислав Ристов

Трето пласирани се: Марко Максимов, Милан Станоев, Ефтим Атанасов, Андреја Стојанова, Наталија Лазарова, Дамјан Митев

Четврто пласирани: Лукас Георгиев, Петар Новков

Со ова покажуваме дека сме најдобар и најтрофеен клуб на истокот – вели тренерот на клубот Драган Шеќероски.

Девојките од “Авангард” Прилеп направија pacтyp на силниот меѓународен турнир во Бугарија (Фото)

Клубот за естетско ритмичка гимнастика “”АВАНТГАРД” ПРИЛЕП на интернационалниот турнир во Хасково Р.Бугарија повторно се закити со грст медали со малите граци во следните категории:

-Aнастасија Нешкоска категорија 2010год: Прво место (уред обрач), Трето место(без реквизит), Трето место (повеќебои) меѓународно класирање

Марија Тошеска категорија 2010год.: Прво место (без реквизит), Второ место (со обрач), Трето место (повеќебои) меѓународно класирање

Јана Димоска категорија 2012год: Прво место (со обрач), Второ место (повеќебои)меѓународно класирање, Трето место (без реквизит)

Теа Петеска категорија 2012год: Второ место (без реквизит), Трето место (повеќебои) меѓународно класирање

Јована Везенкоска категорија 2013 год: Второ место (со обрач), четврто место (повеќебои) меѓународно класирање

Илина Кузманоска категорија 2013: Прво место (со обрач), Трето место (без реквизит) меѓународно класирање, Трето место (повеќебои) меѓународно класирање

Клубот се закити со овие медали на интернационалниот четврти меѓународен турнир “Quenn of AIDa” Хасково, на кој се учествуваа конкуренти од повеќе земји како Р.Бугарија, Кипар, Шпанија, Украина, и Босна и Херцеговина.

Од името на клубот под раководтсво на претседателот и тренер Дип.проф.по ФЗО Александра Стојаноска се изразува голема благодарност за несебичната подршка во делот на финансирањето на патните трошоци за Спонзорирањето од фирмите: “KАРАОРМАН 2003″ДОЕЛ ПП;”TРИТЕКС TРЕЈД” ДОЕЛ; “ИНФО ТУРС” ДОЕЛ; ЗДПТУ ИНЖИНЕРИНГ “МАРЛИМ”, “Лејла вода”-ВК дистрибуција

Исто така благодарност за несебичната подршка и ангажираност на родителите. Воедно се изразува благодарност до организаторот на турнирот яна михайлова и клубот “АИДА” Хасково.

Благодарност за вложениот труд на малите грации во оваа ретка дисциплина во нашата држава, која е склоп на убавина, ритам и вештина и е спои од уметност и спорт кој е доведен до совршенство, па со причина се смета за идеална физичка активност за деца со кој се гради фина моторика и координација .

Дилepи на дpoга од Прилеп се апcea во Битола – Фатени три лица

Фото/илустрација

На 08.05.2022 во 22.15 часот од страна на полициcки cлyжбеници од Отсекот за недозволена тpговиja со дpoга и opyжje при Одделението за кpиминалиcтичка полициja од СВР Битола на ул.„Довлеџик“ во Битола биле лишени од cлобода С.Д.(48), С.М.(24) и С.А.(44), сите од Прилеп.

При преглед извpшен кај нив, кај С.Д. биле пpoнajдени и одземени две пакyвања xepoин, амфетамини, како и поголем износ на пapи.

Тие биле пpиведени во полициcка cтаница и во координација со Јавен обвинител, по целосно докyментирање на cлyчajoт, ќе следува cooдветна кpивична пpиjaва.

„Europe Elects“ на ЕУ: ВМРО-ДПМНЕ 39%, СДСМ 30%

„Europe Elects“ е лидер на пазарот во анализата на анкетите и податоците за изборите во Европа.

ВМРО-ДПМНЕ има убедлива предност пред СДСМ, според ова истражување за довербата на граѓаните во политичките партии во Македонија.

Оваа анкета е спроведена од 4 до 6 мај 2020 година на 1.111 испитаници.

Нема договор: СОНК и МОН ќе преговарале уште 10 дена – наставниците и професорите гневни на раководството

Самостојниот синдикат за образование, наука и култура – СОНК и Министерството за образование и наука (МОН) на вчерашната онлајн средба се договорија преговорите меѓу СОНК и МОН да продолжат за уште десет дена.

Како што соопшти СОНК, на средбата, неминовен бил заклучокот дека двете страни на колективниот работен спор имаат потреба од поголем временски период од 10 дена, под покровителство на назначениот помирувач од Министерството за труд и социјална политика, а во рамките на рокот согласно член 27 од Законот за мирно решевање на работни спорови, со оглед на фактот што, како што наведуваат од СОНК, преговорите се движат во нагорна линија.

Со оваа препорака, појаснуваат од СОНК, предвидено е во дополнителните 10 дена, да се утврди процентот за усогласување на платите на вработените во дејностите основно и средно образование, како и дефинирање на крајни рокови за склучување на новите колективни договори за основно и средно образование.

– Содржината на препораката се утврдува со цел во понатамошните преговарања да не се почнува одново, туку од таму каде што е постигната согласност, а со цел изнаоѓање на оптимално решение за страните, во насока на одговорно разрешување на настанатиот спор, соопшти СОНК.

Работната средба меѓу СОНК и МОН се одржа вчера во попладневните часови преку електронски пат, во рамките на десетдневниот рок за помирување, за усогласување на платите на вработените во дејностите основно и средно образование, со пораст на минималната плата на национално ниво.

МРТ со ocтpa ocyда за Коевска: Размислуваме да ја повлечеме Андреа од Евровизиja!

МРТ со жестока реакција за фрлањето на знамето од страна на нашата евровизиска претставничка, Андреа Коевска. Јавниот сервис на ниту еден начин не стои зад ваквото скандалозно однесување на нашата евровизиска претставничка, која со тој гест покажа непочитување кон националното обележје, што е казниво со закон, велат од МРТ и најавуваат можност Андреа да биде повлечена од Евровизија.

Македонската Радио Телевизија најостро го осудува потегот на нашата претставничка на „Песна за Евровизија 2022“, Андреа Коевска којашто за време на фотографирањето во Торино го фрли на земја државното знаме.

-Јавниот сервис на ниту еден начин не стои зад ваквото скандалозно однесување на нашата евровизиска претставничка, која со тој гест покажа непочитување кон националното обележје, што е казниво со закон.
МРТ очекува од Андреа да им се извини на граѓаните за ваквото однесување. Јавниот сервис ја разгледува можноста за нејзино повлекување од Евровизија, иако ќе се води сметка да не се предизвика поголема штета по МРТ.
Против одговорните во македонската делегација ќе бидат преземени сите законски можности за најстрого санкционирање за овој скандал, стои во реакцијата на МРТ.

(Видео) Cкандал! Македонската претставничка на Евровизија го фpли дpжавното знаме на земја

Македонската евровизиска претставничка Андреа Коевска го фрли македонското знаме на земја.

Имено, според видеото Андреа се фотографираше со знамето на Македонија, а подоцна одлучи истото да го фрли на земја и да се фотографира без него.

Исто така, согласно Законот за употреба на грбот, знамето и химната на државата истото е забрането.

Според Член 8 – Грбот и знамето на Република Македонија, како и грбовите и знамињата на други држави и меѓународни организации кои се употребуваат во Република Македонија согласно со одредбите на овој закон, не смеат намерно да се кинат, палат, газат или на друг начин да се скрнават или изложуваат на презир или исмејување.

ИЗВОР: “ТВ 21”

Од времето кога Прилеп беше лидер во поширокиот регион – оттогаш само тонеме? (Видео)

Поранешниот градоначалник на општина Прилеп, Марјан Ристески потсети на фабриката за селекција на отпад која требаше да се изгради во депонијата Алинци кај Прилеп

-Она што требаше да го има Прилеп го доби Риека – најдобрата фабрика за селекција на отпад! Она што не и чинеше на претходнта ЛС-резултат на нејзината огромна неспособност, а го започнвме како проект, го реализира Риека и ја доби најдобрата фабрика за селекција на отпад во Европа.

Истиот проект “Copy paste” од Прилеп и истата фабрика за производство на машини за селекција на отпад “ТЕХНИКС” од Хрватска, од каде е набавена линијата и за Прилеп.

Визија на тогашната ЛС и ЈКП “Комуналец”-Прилеп беше Прилеп да биде лидер во селекција и преработка на отпад во регионот, а денес недозавршената хала и линиска опрема стојат како еден потсетник и спомен на едно убаво време кога Прилеп стана единствен град… и сèуште е, во примарна селекција на отпад и започна фабрика за секундарна селекција и преработка на отпад!

Се надевам сегашната Локална власт во блиска иднина ќе го продолжи овој проект и со тоа ќе обезбеди покрај селекција и преработка на отпадот, како и заштита на животната средина…нови работни места и профит за Јавното комунално претпријатие! – напиша Ристески.

Најдоброто за крај на “Виноскоп”: Прилепско, а светско – Crossroad Blues Band воодушевија со својот настап (Видео)

Со богата музичка програма вечерва ќе заврши најновото издание на “Виноскоп”. Најдоброто се чуваше за крај, па на почетокот од денешната програма на сцената настапи прилепскиот блуз бенд “Crossroad Blues Band”, настап кој предизвика воодушевување кај публиката.

Уживајте во продолжение:

(Фото) Делегација на руската амбасада во Македонија ја посети “Могилата на непобедените” во Прилеп по повод Денот на победата

Делегација на руската амбасада во Македонија, денес по повод Денот на победата над фашизмот положија цвеќе при посетата на “Могилата на непобедените” во Прилеп.

“Во рамки на одбележувањето на #ДенотНаПобедата го положивме венец пред „Могилата на непобедените“ во градот Прилеп, за чие ослободување во 1944 година животот го даде нашиот сонародник Иван Петрович Кириков, кој се бореше рамо до рамо со македонски партизани. #Победа77 #Victory77” – стои во твитот на руската амбасада.