дома блог страница 1622

Е сега дури ќе ни тргне: Петков ќе им помогнел на Македонија и Албанија да влезат во ЕУ

Одлучив дека иднината на С. Македонија и Албанија мора да биде во ЕУ. Ова е добро за регионот, изјави бугарскиот премиер Кирил Петков во интервју за романската телевизија Диги 24 ТВ, емитувано на 9 мај, јавија денеска бугарските медиуми.

Според Петков, Бугарите треба да осознаат дека НАТО не е во Бугарија, туку – Бугарија е во НАТО.

Во однос на компромисот за ветото за евроинтеграцијата на Скопје и за тоа што ќе се случи со односите ако неговата Влада падне Петков рекол дека не може да биде одговорен за ништо во таков случај.

– Не можам да сум одговорен за ништо во таков сллучај. Одлучив дека иднината на С. Македонија и на Албанија треба да е во ЕУ, и тоа е добро за регионот, изјавил Петков.

Тој на крајот на април ја посети Романија и таму со својот колега Николае Чука разговараше на тема природниот гас и можностите за набавка на енергенсот преку гасоводот од северениот бугарски сосед.

И денеска корекција на цените на горивата во Македонија

Регулаторната комисија за енергетика и водни услуги на Република Македонија донесе Одлука со која се врши намалување на малопродажните цени на нафтените деривати во просек за 1,13 % во однос на одлуката од 9.05.2022 година.

Малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ-) се намалуваат за 2,50 ден/лит, додека малопродажните цени на бензините ЕУРОСУПЕР БС-95 и ЕУРОСУПЕР БС-98 и на Мазутот М-1 НС не се менуваат.

Од 12.5.2022 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 90,50 (денари/литар)

Моторен бензин ЕУРОСУПЕР БС – 98 92,50 (денари/литар)

Дизел гориво ЕУРОДИЗЕЛ БС (Д-Е V) 87,00 (денари/литар)

Масло за горење Екстра лесно 1 (ЕЛ-1) 85,00 (денари/литар)

Мазут М-1 НС 53,848 (денари/килограм)

Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 0,77 %, кај дизелот има намалување за 3,343%, кај екстра лесното масло намалувањето е за 3,442% и кај мазутот има намалување за 2,142%.

Курсот на денарот во однос на доларот во изминатиот период по кој беа формирани цените со претходната пресметка е повисок за 0,004%.

Напоменуваме дека ова се максималните цени на нафтените деривати од 00:01 часот на 12.5.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени, велат од Регулаторна

МРТ: Андреа утре ќе настапи, но Македонија можеби нема да учествува на Евровизија од наредната година

По инцидентот во кој нашата годинашна евровизиска претставничка Андреа Коевска го фрли државното знаме на земја, од МРТ ја соопштија својата одлука за санкциите кои ќе ги преземат.

Имено, оттаму одлучиле Андреа да настапи на музичкото натпреварување, а откако нашата делегација ќе се врати од Италија, членовите ќе поднесат извештаи за случувањата. Според тоа, ќе биде одлучено кои решенија и дисциплински мерки ќе бидат преземени.

Исто така, се разгледува и можноста нашата држава повеќе да не учествува на Избор на песна за Евровизија од наредната година.

„Македонската радио телевизија, по инцидентот кој што се случи за време на официјалната церемонија за отворање на Евровизија 2022, кога нашата претставничка Андреа Коевска го фрли македонското знаме на тиркизниот тепих и по првичното Соопштение кое што беше објавено по реакциите на јавноста, детално ги разгледа сите аспекти за евентуалното повлекување на нашата претставничка од Евровизија. Таквиот чекор во момент кога сите рокови за повлекување се поминати би предизвикал голема финансиска штета и други санкции кои што не се за занемарување. Имено, со откажувањето би се загрозилo и учеството и отстапувањето на телевизиските права на сите други настани кои што Јавниот сервис ги добива како членка на Европската радиодуфузна мрежа.

Македонската Радио Телевизија ќе ги преземе сите законски решенија и дисциплински мерки по враќањето на нашата делегација од Торино, откако членовите ќе ги поднесат извештаите за случувањата на церемонијата.

Поради негативниот имиџ во јавноста на проектот „Евровизија“ што предизвикува негативен публицитет на МРТ, Уредничкиот колегиум на МРТ ја разгледува можноста од следната година Македонската радио телевизија веќе да не учествува на Изборот за песна на Евровизија“, велат од МРТ.

Уживајте во сонцето до петок: Викендов подгответе се за грмежи

До петок времето ќе биде сончево и потопло, а веќе за викендот во попладневните часови облачноста ќе се зголеми и на повеќе места ќе има пороен дожд и
грмежи.

Особено нестабилно ќе биде во сабота кога процесите локално ќе бидат поинтензивни во форма на невреме со интензивен пороен дожд, грмежи и засилен ветер, а можна е и појава на град.

Дневните температури ќе бидат високи и за време на викендот ќе се движат до 29 степени.

13км низ убавините на Селечка планина: Планинарски марш во организација на ПСД “Момата” од Прилеп

ПСД „МОМАТА„ организира планинарски марш на Селечка планина во должина од 13км.

Маршот ќе се одржи на 22.05.2022 година.

Стартот ќе биде од манастирот Св. Димитрија с. Селце во 07 часот.

Патека на движење e следна: манастир, Домаќинско чешмуре, Рикина чешма, (мала пауза од 10 минути со групно фотографирање), карпа МОМАТА, Желката, Поизохипса, покрај Казанташ, Попова нива, (пауза од 30 минути), срт Ливада и завршуваме на крајната точка за искачување Устрелец, (пауза од 15 минути), спуштање кон манастир Св. Димитрија с. Селце.

Ручек секој од ранец.

Секој добронамерник и вљубеник во природата е добредојден.

МВР: Hajдени бомби и мини во ocновно yчилиште

На 10.05.2022 околу 11.00 часот во СВР Тетово било пријавено дека при чистење на подрумска просторија на основно училиште во с.Јегуновце, тетовско, биле пронајдени три школски противпешадиски распрскувачки мини, една школска противтенковска мина, две школски рачни бомби, 12 парчиња школски електрични детонаторски каписли и две школски мини ПМА 1А, кои потекнувале од периодот на поранешна СФР Југославија.

Увид бил извршен, а од стручно лице од Дирекцијата за заштита и спасување пронајдените предмети биле подигнати за понатамошна постапка.

Министерката Петровска го посети охридскиот воен брод (Фото)

Министерката Славјанка Петровска во посета на припадниците на Армијата во Кампот за обука на вода – „Вложуваме во способностите на секој припадник на Армијата, оттаму потекнува силата на Армијата“ – напиша Петровска на ФБ.

-Посета на припадниците на Армијата сместени во Кампот за обука на вода во Охрид кој е дел од армискиот Центар за поддршка на обука во Командата за обука и доктрини. Непосреден увид во состојбите на овој капацитет и потребите на оваа важна единица од Армијата. Инвестираме во човечките капацитети и опремувањето, за модерна армија за безбедни граѓани и стабилна држава и регион – напиша Петровска.

Убаво им е на власт: Од ЛДП велат не било време за избори

Предвремените парламентарни избори во овој момент не се решение за излез од актуелните проблеми, а иницијативите на опозициските партии се поттикнати единствено од партиските интереси и желбата за освојување на власта, е заклучокот на Либерално-демократската партија по синоќешниот состанок на Извршниот одбор.

– Сега е неопходно целата енергија на политичарите да се насочи кон решавање на проблемите на граѓаните кои се предизвикани од економската и енергетската криза во Европа, велат од партијата.

Според ЛДП Владата има доволно капацитет и стручност да се справи со предизвиците и да одговори на потребите на граѓаните.

– Затоа бараме да се нормализира работата на Собранието, кое во овие моменти на криза треба да работи исклучиво во интерес на народот, а не за теснопартиските интереси на поединци или групации, додаваат од ЛДП.

Партијата ја поздравува и историската одлука на Вселенската Патријаршија за признавање на Македонската православна црква – Охридска Архиепископија.
– Голема благодарност до Вселенскиот Патријарх г.г. Вартоломеј за праведната одлука, со која исправи една голема неправда која и беше нанесена на македонскиот народ и неговото право да има своја црква, велат од ЛДП.

Гимназијата “Мирче Ацев” доби нов директор

Рубин Матески е новиот директор на прилепската Гимназија „Мирче Ацев“.

Матески е со долгогодишно работно искуство во Гимназијата како професор по предметот Филозофија.

Рубин Матески доаѓа на местото на досегашниот директор Димче Настоски

Борбени авиони и хеликоптери преку целиот ден го надлетуваа Прилеп (Видео)

Неколку пати во текот на денешниот ден воени авиони и хеликоптери прелетаа над Прилеп

Прилепчани се прашуваа за што станува збор затоа што досега не виделе толку прелети на воени воздухоплови над градот.

Прелетите веројатно се дел од големата воена вежба, во која ќе учествуваат околу 4.600 американски и сојузнички сили, а истата започнува ви четврток, 12 мај, на полигонот Криволак. Вежната ќе има цел да ги тестира силите на НАТО во случај украинската криза да се прелее на Балканот или во Источна Европа, пренесуваат медиумите во соседството.

Според порталот „Балканска безбедносна мрежа“, вежбата наречена „Брз одговор 22“ почнува со слетување засилен баталјон од американската 173. падобранска бригада на Криволак.

На вежбата, како што анализираат, освен американски војници, ќе учествуваат и припадници на вооружените сили на Северна Македонија, Велика Британија, Италија, Франција, Црна Гора, Албанија и на Грција.

„Сенката на војната во Украина е силна и повеќе нема политички еуфемизми во објаснувањата за сценаријата на вежбата. Јасно е дека ова е проверка на НАТО во случај да треба да се вклучи на Балканот или на Истокот“, се вели во текстот објавен во српските медиуми.

Предвидено е ангажирање 45 авиони и хеликоптери, околу 1.800 падобранци и заштита на борбени авиони.