На 26.03.2026 во 18:40 часот во Скопје, полициски службеници од СВР Скопје го лишија од слобода Б.Л.(46) од Скопје. Тој, околу 15:35 часот на ул.„Бранислав Нушиќ“ во Скопје, управувајќи патничко возило „шевролет авео“ со скопски регистарски ознаки, удрил во паркирано патничко возило „хонда“ со скопски регистарски ознаки и паркирано патничко возило „опел астра“ со скопски регистарски ознаки.

При преземање мерки му било извршено алкотестирање и било констатирано дека Б.Л. го управувал возилото под дејство на алкохол, односно дека има 4,01 промили алкохол во крвта. По насоки од јавен обвинител, тој е задржан во полициска станица и возилото му е одземено. По целосно документирање на случајот, против него ќе биде поднесена пријава по член 297-а од Кривичниот законик – „безобѕирно управување со моторно возило“.

Прилеп доби нова атрактивна дестинација за сите љубители на мотори, адреналин и авантура. Со официјалното отворање на салонот на CF MOTO Прилеп, градот влегува на мапата на модерни мото центри кои нудат комплетно искуство – од избор на возило до врвна опрема.

Станува збор за салон кој нуди огромен избор на мотори, ATV возила и дополнителна опрема, наменет како за почетници, така и за искусни возачи кои бараат квалитет и сигурност.

Посебно место во салонот заземаат моделите од CFMOTO – бренд кој во последните години бележи огромен раст на глобално ниво.

Од урбаниот и практичен NK 125, идеален за почетници и градско возење, до моќниот NK 675 кој нуди динамика и перформанси за поискусните. За љубителите на спортски изглед тука е 450SR – агресивен, модерен и создаден да привлекува внимание.

MT серијата, пак, е наменета за оние кои сакаат долги патувања, истражување и слобода без ограничувања.

Во понудата се наоѓаат и TAO Moto моделите, кои претставуваат одлична комбинација на безбедност, стабилност и забава. Моделите како ATV 300 Outlander и TAO 250 се идеални за оние што сакаат да избегаат од секојдневието и да искусат вистинска off-road авантура.

За најмладите ентузијасти, достапни се и mini ATV модели од 110 до 125 кубици – совршен почеток во светот на моторите, со акцент на сигурност и контрола.

Кога станува збор за теренско возење, изборот на ATV возила од CFMOTO од 450 до 1000 кубици нуди моќ, издржливост и сигурност.

Без разлика дали се работи за планински патеки, калливи терени или екстремни услови – овие машини се подготвени да одговорат на секој предизвик.

Покрај возилата, во CF MOTO ќе го најдете и целиот асортиман на мото и крос опрема – кациги, заштитна облека, куфери и бројни додатоци од DONTI MOTO, кои го прават секое возење побезбедно и поудобно.

Салонот се наоѓа во близина на бензиската пумпа “Лукоил”, на излезот од Прилеп за Скопје, што го прави лесно достапен за сите љубители на мотори од Прилеп и околината.

Со отворањето на новиот салон, Прилеп добива место каде што адреналинот, квалитетот и модерниот стил се спојуваат во едно. За сите што сакаат да го почувствуваат вистинското возење – ова е новата адреса која вреди да се посети.

Посетете ги уште денеска и уверете се во огромниот избор на модели и опрема!

Иницијативата за независна култура „500 денари рекет“ ќе се претстави со уште еден настан пред прилепската публика, овојпат концерт на скопската група НЕМА ЛАБАВО со локална поддршка од прилепскиот бенд SIDE QUEST.

Концертот ќе се одржи на 28 март 2026г во кино салата “Мис Стон” со почеток во 21.00ч.

Влезници ќе можете да набавите непосредно пред почетокот на концертот (на врата) по цена
од 250 денари.

Повелете на концерт и поддржете ја независната културна сцена со вашето присуство.

ПС. листата на иницијатори „500 денари рекет“ е отворена за сите граѓани на Република Македонија и секој од вас може да биде дел од неа…задоволството нема цена.

НЕМА ЛАБАВО е македонски панк рок / инди рок бенд од Скопје. Основач и фронтмен е Ѓоко Зафировски – Шон (Sidewalk 1997, Fragment 2002, Denny Te Chuva 2004, SUNS)

НЕМА ЛАБАВО е замислен како авторски проект на Шон, кој често соработува со различни музичари во снимањето и на концертите.

Членови на НЕМА ЛАБАВО на албумот “Памти па врати” (2024), чија промоција ќе ја уживаме на 28-ми, се:

– Ѓоко Зафировски (вокал, гитара)
– Дени Крстев (тапани, продукција, пратечки вокали)
– Филип Тасевски – Фиц (гитара)
– Мирко Пејковски (бас)

Дискографија:

– “Во чие име зборите” (2015)
– “Проста македонска песна“ (2023)
– “Памти па врати” (2024)

Шумската полициска станица во Прилеп бележи значајни резултати во борбата против нелегалната сеча на дрва уште на почетокот од 2026 година.

Според информациите објавени од заменик директорот на ЈП „Национални шуми“, Кире Михаилов, за период од само 85 дена се евидентирани дури 89 пријави за дрвокрадство, при што се одземени околу 125 метри кубни дрвна маса.

Овие бројки, како што посочува Михаилов, ја позиционираат шумската полиција од Прилеп како една од најуспешните во државата.

„Со поголема заложба, резултатот е неизбежен“, истакнал Михаилов по краткиот состанок со командирот на шумската полициска станица во Прилеп, Рубин Мирчески.

Ова, според него, е јасен пример дека посветената работа и континуираната контрола на терен даваат конкретни резултати во сузбивањето на нелегалната експлоатација на шумите.

Очекувањата се ваквиот тренд да продолжи и во наредниот период, со цел поефикасна заштита на шумските ресурси.

Правите хистерија со урбанизацијата и не дозволувате државата да се развива. Заради вашата партија бегаат инвеститори, не се отвараат работни места, заради хистеријата се дигнаа цените на стабовите и младите бегаат од државата, одговори вицепремиерот Александар Николоски на пратеникот од Левица, Амар Мецановиќ, на седницата посветена на пратенички прашања.

Додека државата води политика на олеснување на инвестициите, партијата Левица води популистички политики на создавање на хаос, истакна вицепремиерот Николоски.

“Менуваме Правилник со кој Правилник овозможуваме побрзо да оди урбаинизацијата со цел да можат да се градат нови маркети и да се создава конкуренција, еве имаме најава од два големи ланци, Лидл и Шпар веќе се тука. А вие повторно пуштатe монтирани соопштениja со слики монтирани од мене, од премиерот, на овој што Ве формираше, па сте ја ставиле во позадина сликата на тој што Ве формираше. Јас сум долго во политика и прашајте го Димче Апасиев како сте формирани. Јас ке ви кажам, со директна материјална подршка на Сашо Мијалков кој сега го обвинувате за градење на хотел во Охрид и ние не сме ги спречиле! И која ви беше улогата во 2015 година, да ја рушите Шарената револуција. И сега правите монтажа и на таа слика не обвнинувате зошто полесно ќе се градат хотели надвор од градови, надвор од Национални паркови, надвор од заштитени подрачја, надвор од заштитата од УНЕСКО. Па се молиме да дојдат инвеститори, зашто тие хотели носат пари, носат вработувања за да не се иселуваат младите, носат туристи и носат пари. А овие маркетиве кои ќе влегувааат носат поевтини цени затоа што не јас туку Комисијата за заштита на конкуренција кажа дека има картелско здружување. Па се донесе Законот за добри трговски практики, почнаа да регистрираат ПР и маркетинг агенеции надвор од државата, па таму ги тераат производителите да се рекламираат. Е затоа ги правиме овие измени, одговори Николоски.

Тој додаде дека се смени закон за полесно да се градат улилишта, болници катни гаражи, и потенцира дека и во тој случај Левица правела хистерија и повикувала законот да не се потпишува.

“Правевте хистерија, баравте од претседателката да не го потпишува законот. Кај е урбаниот хаос кој што велевте дека ке се случи? Гледам, многу сте загрижени за Охрид. Знаете колку е цената на квадрат во Охрид, 4000 евра? .Заради такви како вас затоа што правите хистерија. Се кандидиравте за градоначалник на Скопје. Како планиравте градот да го водите со ваква хистерија. Даноци кој ќе плаќа, буџетот како ќе се полни? Лесно е да водите ултра пополустички политики, ама тие ви се удираат во ѕид. Еве ја следиме вашата политика во урбанизаицјата и цената на квадратот стигна до 2500 евра за квадрат. Ако продолжиме, 5000 евра ќе стигне”– одговори вицепремиерот Николоски.

PR текст

Во свет каде што сме преплавени со „непропустливи“ понуди, ситни букви и сложени услови, довербата стана најскапата валута. Сите ја знаеме ситуацијата: месецот трае подолго од платата, а непредвидени трошоци се појавуваат токму кога најмалку ви требаат. Токму тука се појавува моделот кој ја менува играта на македонскиот пазар – Аванс до плата од Минт Кредит.

Но, во морето од реклами со ознака „0%“, како да се препознае вистинската понуда? Како да изберете „нула“ што навистина вреди?

Математика без скриени променливи

Во многу постоечки понуиди, „0% камата“ доаѓа со „скриени пријатели“: административни трошоци, такси за аплицирање, провизии за обработка. Сите тие ситни трошоци на крајотго јадат вашиот буџет.

Во Минт Кредит, процесот за финансискиот продукт “Аванс до плата“ е едноставен и транспарентен:

-Земате 40.000 денари – враќате 40.000 денари.
-Без ситни букви.
-Без „скриени“ трошоци.
-Без дополнителни пресметки.

0% камата. 0% трошоци. 0% изненадувања.

Токму ова е суштината на „нула“ што навистина вреди – јасна, фер и предвидлива финансиска поддршка за реални ситуации.

Зошто Аванс до плата е различен?

Додека други финансиски модели ве обврзуваат на долгорочни рати и сложени договори, Аванс до плата е дизајниран за моментална слобода. Тоа не е задолжување, туку мост до вашата наредна плата.

–Брзина: Сè се случува дигитално со инстант одобрување за 10 минути. Вашето време е исто толку вредно колку и вашите пари.

–Контрола:Преку Минт Кредит точно знаете со колку располагате и колку треба да вратите. Нема изненадувања, само чиста логика.

–Транспарентно финансирање: Целта е ви овозможиме паметно менаџирање со сопствениот буџет.

За нас, транспарентноста не е само збор на хартија, туку ветување дека корисникот нема да плати повеќе од она што го подигнал. Тоа е вистинска финансиска поддршка.

Кога е време за Аванс до плата?

Овој продукт е идеален за секоја ситуација каде што ви треба малку повеќе ликвидност:

-Непредвидени трошоци, како поправка или медицински сметка.

-Сметки што не трпат одложување.

-Момент кога едноставно сакате да ја преживеете „долгата недела до плата“.

Со Аванс до плата, земате средства точно кога ви се потребни и, уште поважно, ги враќате точно толку. Без камата, без дополнителни трошоци, без комплицирани пресметки.

Како да препознаете понуда која вреди?

Следниот пат кога ќе видите реклама за 0%, поставете едноставно прашање: „Колку точно ќе вратам вкупно?“

Ако одговорот е идентичен со сумата што ја земате, тогаш сте на вистинското место.

Минт Кредит продолжува да поставува нови стандарди во финансискиот сектор во Македонија. Со „Аванс до плата“ нудиме мир и сигурност дека вашиот буџет е во сигурни раце.

Со Аванс до плата до „нула“ што навистина вреди

Во време кога довербата е најскапата валута, „нула“ што навистина вреди е онаа која ви дава брзина, слобода и сигурност без скриени услови. Паметните одлуки почнуваат со јасни бројки, и Аванс до плата од Минт Кредит е токму тоа: финансиска поддршка што е разбирлива, фер и во корист на клиентите.

Кога ви треба веднаш – изберете „нула“ што навистина вреди со Аванс до плата.

За дополнителни информации контактирајте нѐ на 15 107, нашата веб страна, или во најблиската филијала до Вас.

*Оваа понуда важи за првиот земен кредит од ваков тип.

Во најавата за најновата неделна колумна, каде ги отсликува сите минатонеделни општествено-политички случувања во Прилеп, новинарот Зоран Момироски пишува и за состојбата во која се наоѓаат прилепските јавни претпријатија, од кои се чини ЈКП Комуналец е во најтешка финансиска позиција.

-Додека во ЈКП Водовод и канализација новите пописни тимови бројат и пребројуваат, а ревизорите ќе си ја работат својата работа, во ЈКП Комуналец финансискиот извештај покажа дека 2025 година ја заврши со неплатени обврски спрема добавувачите од околу 540.000 евра. Дали ова претпријатие ќе се дели на ЈКП Паркови и зеленило и ЈКП Комунална хигиена?!

ЈП ПУП лани останало должник кон своите добавувачи околу 80.000 евра. Не се плаќани рати за автобусите на метан. Врботени тужат за остварување на своите права, а од вкупните приходи околу 61% се за плати и за придонеси за вработените. Дали е можна делба на ЈП Просторно и урбанистичко планирање и ЈП градски или меѓу општински соообраќај?!

Колумната на Момироски читајте ја секој петок ТУКА

Компанијата КРИНГ КГ од Прилеп покажа вистински пример за општествена одговорност со донацијата на мермерни плочки за црквата „Света Троица“ во с. Ропотово. Со вакви дела не се гради само храм, туку се зајакнува духот и заедништвото во целата заедница.

Ова е потсетник и апел до сите стопанственици – да ги поддржуваме светите храмови секогаш кога сме во можност. Заедно можеме да направиме многу повеќе.

Сопругата на премиерот Мицкоски, Рози Мицкоска, учествуваше на глобален самит за унапредување на образованието и дигиталната писменост во организација на првата дама на САД, Меланија Трамп.

На настанот Рози Мицкоска лично се сретна со Меланија Трамп и одржаа конструктивен разговор.

Настанот беше насочен кон унапредување на образованието, дигиталната писменост и употребата на технологија и вештачка интелигенција за поддршка на децата ширум светот.

„Денес ми е посебна чест денес да примам толку импресивна група лидери. Четириесет и петмина од вас патуваа од секој агол на планетата за да ја претставуваат својата нација како дел од оваа нова коалиција. Заедно ја негуваме иднината. Нашата мисија, да им дадеме моќ на децата преку технологијата и образованието, е остварлива“, истакна во своето обраќање првата дама на САД.

Централен момент беше претставувањето на американски изработен хуманоиден робот, кој јавно се обрати и комуницираше со присутните, покажувајќи ги можностите на напредната роботика и вештачката интелигенција.

Овој дел од програмата беше замислен како симбол на технолошкиот напредок и улогата на САД во развојот на иновации.

Настанот во Белата куќа послужи како платформа за меѓународно поврзување, размена на идеи и демонстрација на технолошки достигнувања, со акцент на иднината и глобалната соработка.

ВИДЕОТО погледнете го ТУКА

Државна Видеолотарија на Македонија – Касинос Австрија, преку проектот „Играј одговорно“, континуирано ја истакнува важноста на одговорниот пристап кон игрите на среќа.

Во рамки на активностите за едукација и превенција, компанијата овозможи функционирање на неколку советувалишта низ државата. Покрај постоечките центри во Скопје, Куманово и Прилеп, веќе следната недела се очекува да започне со работа и ново советувалиште во Радовиш.

Советувалиштата се дел од поширок проект за превенција и психо-социјална поддршка на лица со проблематично играње игри на среќа, под наслов „Играј одговорно“, кој се реализира од 2019 година во соработка со Здружението на лекувани зависници на Република Македонија.

Како општествено одговорна компанија, Државна Видеолотарија на Македонија – Касинос Австрија посветува сериозно внимание на поставување и почитување на стандарди за одговорно приредување игри на среќа. Преку едукација, поддршка и заштита на играчите, компанијата активно работи на намалување на ризиците, особено кај ранливите категории граѓани.

Со ваквите активности, ДВЛМ се позиционира како предводник во индустријата во делот на одговорното играње, со јасна цел – превенција на негативните последици од прекумерното играње и градење повисоко ниво на свесност кај јавноста.