Летното сметање на времето почнува ноќеска во 02:00 часот кога стрелките на часовникот ќе се поместат еден час напред и наместо 02:00 часот ќе биде 03:00 часот.

Тоа значи дека наредната ноќ ќе спиеме еден час помалку, но ќе имаме подолги денови и повеќе дневна светлина попладне.

Промената на времето кај нас, како и во повеќето европски земји, се случува двапати во годината, и тоа последниот викенд во март кога почнува летното сметање на времето и последниот викенд во октомври кога почнува зимското сметање на времето.

Годинава, летното сметање на времето ќе трае до 25 октомври во 3 часот по полноќ

Одлуката за воведување на летното сметање на времето е во согласност со Законот за сметање на времето („Службен весник на Република Македонија“ бр.17/96 и 16/97) и во согласност со европски директиви.

Освен кај нас, летното сметање на времето ќе го применат и поголем дел од европските земји, освен Русија, Турција, Белорусија и Исланд. Сезонското менување на времето, покрај во Европа, се применува и во повеќето земји од Северна и Централна Америка, како и во повеќе други држави во светот. Европскиот парламент на 4 март 2019 година изгласа да биде укинато сезонското поместување на времето од 2021 година. Но, Советот на ЕУ сè уште нема донесено конечна одлука, па не е сосема сигурно кога ќе биде последното поместување на часовниците. Времето не се менува во Јапонија, Кина, Јужна Кореја, ниту во земјите од африканскиот континент.

Во Ликовна Галерија од ЦК”Марко Цепенков” Прилеп, синоќа беше отворена извонредната изложба “Оган” од академската уметница Бојана Артиновска.

За импресивните дела на Артиновска, говореше м-р Викторија Димеска, која посочи дека уметницата за новите апстрактни дела инспирацијата ја црпи од огнот.

“Острите назабени форми се извршуваат како бранови и создаваат структури што интуитивно продуцираат преку визуелна интерпретација. Трепетливите арабески ги разбудуваат сетилата на набљудувачот и создаваат разголена реалност, синтеза на разиграни бои и интуитивно слоевито колоритни површини”- рече Димеска.

Посетителите на изложбата имаа ретка и несекојдневна можност да го проследат ликовно уметничкиот и музички перформанс “Ширење на светлината”.

Бојана сликаше, а музички ја следеше музичарот Методија Костоски. Бојана Артиновска има реализирано бројни изложби, работи сценографија, костимографија и е мултимедијален уметник.

Со изложбата “Оган” Центарот за култура “Марко Цепенков” ја започна богатата програма за 2026 год.од визуелните уметности.

На прашањето во кој лидер на политичка партија имате најголема доверба, најголем дел од испитаниците немаат доверба во ниту еден од лидерите на политичките партии. Една четвртина од испитаниците (25,2%) најголема доверба имаат во Христијан Мицкоски.

24 отсто од испитаниците, на прашањето за која политичка партија ќе гласате на следните избори, одговорија дека нивниот избор е ВМРО-ДПМНЕ. Втора партија е Вреди со 5,1 отсто доверба, па СДСМ о 4,9%, ДУИ 4,8%, Левица 3,1%, ЗНАМ 2,1… 28,1 отсто од испитаниците одговорија дека нема да гласаат, а 9,7% – „не знам дали ќе гласам“.

Повеќе од половина од испитаниците кои се изјасниле за конкретна политичка партија на следните избори ќе гласаат за ВМРО-ДПМНЕ, додека 11,5% се определиле за Вреди, 11,1% за СДСМ, 10,9% за ДУИ, 7% за ЛЕВИЦА, 4,8% за ЗНАМ…

Анкетирањето беше спроведено од 2 – 18 март со употреба на CAТI метода – телефонско анкетирање со помош на компјутер на примерок од 1.200 испитаници. Примерокот е репрезентативен на ниво на Македонија според: регион, пол, возраст и етничка припадност според податоците за резидентното население од пописот 2021 година. МКД.мк

Во најновата колумна за минатонеделните општествено-политички случувања во Прилеп, новинарот Зоран Момироски се осврна на финансиската состојба во која се наоѓаат јавните претпријатија во градот.

-Додека во ЈКП Водовод и канализација новите пописни тимови бројат и пребројуваат, а ревизорите сигурно ќе си ја работат и благовремено ќе си ја завршат својата работа, во ЈКП Комуналец веќе се е избројано, а финансискиот извештај констатира. Ова јавно комунално претпријатие 2025 година ја завршило со неплатени обврски спрема добавувачите од околу 540.000 евра. Или вкупните обврски во споредба со 2024 година биле зголемени за близу 40.000 евра. Факт е дека до пари се потешко се доаѓа наспротив зголемените трошоци, а услугите кои ги очекуваат граѓаните не ги добиваат на потребното ниво. Засега остануваат отворени три клучни прашања. Дали ќе се изврши внатрешна реорганизација преку нова систематизација, оти толку под шефови, шефови и над шефови ретко може да се најдат на друго место.

Второ, дали ЈКП Комуналец ќе се дели на два правни субјекти: ЈКП Комуналана хигиена и ЈКП Паркови и зеленило. Или клучното за иднината е јавно приватно партнерство. Која од овие варијанти ќе биде избрана сигурно дека ќе биде подобара од сегашната и за фирмата и за вработените во претпријатието и за граѓаните, оти вака повеќе не можи. Инаку целиот извештај за финансиското работење во текот на 2025 година ќе биде тема на расправа и пред советниците на една од следните седници. Оти на 1 април денот на шегата и лагата се закажани не една туку две. Првата ,советнички прашања, а веднаш потоа е следната на која ќе се расправа за ребаланс на општинскиот буџетот за 2026 година и финансиските извештаји на јавните претпријатија за 2025 година, освен оној за ЈКП Водовод и канализација.

Ништо не е подобра финансиската состојбата и во ЈП ПУП.Иако по обем мнгу помало ова претпријатие лани останало должник кон своите добавувачи околу 80.000 евра.Од вкупните приходи, велат од новиот управен одбор околу 61% одат за плати и за придонеси за вработените. Дали се многу вработени или малку допрво ќе покажат анализите, но факт е дека желба за излез има и кај вработените и кај членовите на новиот надзорен и управен одбор. Уште да има пари се ќе биде во ред.Ама нив се помалку ги има. Поради тоа има над 600.000 денари заостанати и неплатени рати за автобусите на метан купени од времето на СДСМ и тогашниот градоначалник Илија Јованоски.

Тогаш многу актуелни контраверзни информации и реакции околу набавната цена ама и со многу сомнежи за тоа дали се можни финансиски малверзации кај тогашната опозиција, ама сегашна позиција.Повеќе од шест години поминаа, тогаш најгласните сега молчат и без грам страм се прават на ,,мутави,,како јавно да не изразувале или како да немало сомнежи, односно дека се било обичен ветар и магла за пред граѓаните.

Покрај за репрогамирање на долгот во ЈП ПУП пред новото раковдство лежат и тежат и тужби на вработени по разни основи што се на се ја прават оваа состојбат уште по сложеа. Поради сето ова најверојатно можна е поголема внатрешна реорганизација. Па така одделот за Просторно и урбанистичко планирање да биде едно ,а градски или евентулно меѓу општинско сообраќајно претпријатие сосема друго. Со пуштањето на донираните четири автобуси во минатата година некои пресметки покажуваат дека би можело да се заштеди и во трошокот за горивата особено во ова кризно енергетско време. Притоа не е исклучено и минимално покачување на цената на некои од услугите на ЈП ПУП.

Целата колумна на Момироски, прочитајте ја ТУКА

Скандалозен случај од образовна институција во Прилеп ја бранува јавноста, откако Павлинче Матеска објави статус на социјалните мрежи во кој опишува понижувачки однос кон вработен пред пензија.

Според напишаното, станува збор за настан во кој вработен со долгогодишен стаж бил оттурнат од работното место токму на денот кога требало достоинствено да се пензионира.

Статусот на Матеска го пренесуваме во целост во продолжение:

„ОВА СЕ КАДРИТЕ ОД ТИМОТ!? Ова ви се случува по образовни институции? Вие сеуште немате разбрано за случката? Повеќе од 15 години работиш во институција. Денес ти е последен работен ден – си заминуваш во пензија. Купуваш благо, солено, носиш на работа да ги почестиш колегите. Те вика директорот во канцеларија и ти вели за две минути да си заминал одовде. Ти културно враќаш да се поздравам со колегиве и ќе си заминам. Директорот го фаќа хистерија, почнува да урла по ходници и вика полиција. Ама се си може – директор од партија го донеле да се изживува врз вработени оти институцијата личен нивни имот е. Какви личности водат образовни институции!“

Засега не е познат идентитетот на директорката на која се однесуваат обвинувањата. Јавноста со право прашува – дали ќе има одговорност и кој стои зад ваквиот однос во образовниот систем во Прилеп?

Конечно по 14 дена без прв човек, денеска беше назначен нов В.Д. директор во прилепската гимназија “Мирче Ацев”.

На местото на Снежана Спиркоска, која ја вршеше директорската функција во ова училиште нецели 6 месеци, од денеска именуван е Роберт Стојаноски, професор по латински јазик.

Поради тоа што училиштето немаше директор, немаше кој да ги свика класните, а потоа и наставничките совети. А без овие совети прашање беше како ќе се дадат тримесечните оценки на учениците. Поради тоа професорите како и учениците, а преку нив и родителите реагираа што поскоро да биде избран и именуван новиот директор.

-СВР Битола поднесе кривична пријава против Д.В.(49) од Прилеп поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“. На 21.03.2026, полициски службеници извршиле претрес на патничко возило, кое го управувал пријавениот и во неговиот дом и помошни простории, при што биле пронајдени и одземени хероин и кокаин – информираат во полицискиот билтен на МВР.

На 25.03.2026 во три часот по полноќ, П.К.(62) – такси возач од Прилеп, пријавил дека на ул.„Тризла“ во Прилеп бил физички нападнат од три лица, кои му ги одзеле парите од прометот.

ОВР Прилеп поднесе кривична пријава против М.А.(19), С.А.(18) и 15-годишник, сите од Прилеп, поради постоење основи на сомнение за сторено кривично дело „разбојништво“. На 24.03.2026 на ул.„Дабничка“ во Прилеп, пријавените физички нападнале такси возач и му одзеле пари.

Видеолотарија Касинос Австрија, во рамки на своето партнерство со Националната опера и балет, со особено задоволство ја најавува премиерата на еден од најомилените балети на сите времиња – „Оревокршачка“ од Петар Илич Чајковски.

Оваа волшебна балетска фантазија во два чина ќе биде изведена на сцената на МОБ на 28 март 2026 година со почеток во 19:30 часот, како и на 8 април од 20:00 часот.

Диригент на претставата е Едуард Амбарцумјан, додека кореографијата и либретото се дело на Саша Евтимова. Сценографијата ја потпишува Марија Ветероска, костимографијата Марија Пупучевска, концерт мајстор е Климент Тодоровски, а асистенти кореографи се Дмитро Чеботар и Маја Митровска Богојевска.

Во главните улоги настапуваат: Христина Наќевска Митрашиновиќ (Шеќерна Вила), Франциско Хименез Руиз (Кавалер), Балаж Лочеи (Снежен крал), Наташа Трендафилова Гицев (Снежна кралица), Игор Веланоски (Дроселмаер), Бобан Ковачевски (Крал на глувците), Веселин Трајкоски (Лукас – Оревокршач), Гала Кочевска (Клара) и Марко Мијатовиќ (Фриц). Во изведбата учествуваат истакнати солисти, ансамблот, оркестарот и хорот на Националната опера и балет, како и ученици од балетскиот оддел при ДМБУЦ „Илија Николовски – Луј“.

Поддршката на културните проекти претставува значаен дел од корпоративната стратегија на Видеолотарија Касинос Австрија. Силно веруваме дека културата е двигател на убавина, инспирација, духовност и заедништво – вредности што ја збогатуваат заедницата и придонесуваат кон развојот на општеството.

Градоначалникот на Битола, Тони Коњановски денеска имаше поздравно обраќање на работилницата за зајакнување на активностите за контрола на тутунот и унапредување на услугите за одвикнување од пушење на локално ниво.

Настанот го организира Министерството за здравство, во соработка со Светската здравствена организација (СЗО) и Центарот за семејна медицина, како продолжение на посетите реализирани во месец декември 2025 година.

Работилниците се организираат во контекст на новиот Предлог-закон за заштита од пушење и програмите за јавно здравје, со цел подобрување на координацијата и активностите на локално ниво.

Целта на работилницата е да се поттикне дијалог и координација меѓу локалните институции и да се подготви Акциски план на ниво на Општина Битола за 2026 година за зајакнување на активностите за контрола на тутунот, со посебен фокус на унапредување на работата и видливост на советувалиштата за одвикнување од пушење и подобро информирање на населението за достапните услуги.

Градоначалникот ја истакна значајната улога на општината во поддршката на активностите за унапредување на здравјето на населението.

„Како градоначалник на Битола, но и како доктор епидемиолог ја искажав подготвеноста и лична и на локалната самоуправа за уште поголем акцент во кампањите против овој порок. Општина Битола има успешна соработка и со канцеларијата на СЗО во Македонија, министерството и со Центарот за јавно здравје Битола, во кој неколку години функционира советувалиштето за одвикнување од пушењето“. рече Коњановски.