дома блог страница 1608

Прилепските гимназијалци направија растур на државните натпревари по географија и учествуваа на Светската Олимпијада во Кина

Учениците од СОУ Гимназијата „Мирче Ацев“- Прилеп постигнаа голема доминација на државните натпревари по географија последниве години, а ученикот Давид Димовски зеде учество и на Светската олимпијада IESO 2022 Кина.

Во 2021 год. учениците под под менторство на проф. Виолета П. Велкоска ги постигнаа следниве резултати:

I година
1. Давид Димовски – I место, 2. Давор Петрески – III место, 3. Михаел Матески – I награда, 4. Марија Стојческа – II награда

III година
1. Душица Тодороска – I место 2.Елеонора Мицеска – III место

Во просториите на ПМФ -Скопје со физичко присуство се одржа селекциониот натпревар за да се одреди тимот од 4 ученици кои ќе се подготвуваат за Светската олимпијада по географија IESO 2022 Кина.

Се решаваше комплексен тест согласно видот и обемот на прашањата кои се предвидени за Светската Олимпијада 2022.

Ученикот Давид Димовски стана член на тимот кој ќе учествува на Светската Олимпијада во Кина 2022год. – информираат од гиманизјата.

И оваа 2022год. во просториите на ПМФ во Скопје се одржа Државниот натпревар по географија. На натпреварот учествуваа ученици од втора и трета година од Гимназијата „Мирче Ацев“-Прилеп.

На натпреварот зедоа учество учениците кои ги освоија првите три места на предходно одржаните регионални натпревари од сите средни државни и приватни училишта во Македонија.

Учениците од СОУ Гимназија „Мирче Ацев“-Прилеп под менторство на проф.Виолета П.Велкоска ги постигнаа следниве резултати, а со тоа се стекнаа со право да учествуваат на селекциониот натпревар за Светската олимпијада по географија 2023 год.

III година
1.Софија Гешоска- I место

II година
1.Никола Бонески- III место 2.Михаел Матески- II награда 3.Давор Петрески- III награда

Ова е Македонија! Погледнете како Влатко Миладиноски го честиташе Денот на македонските просветители Св. Кирил и Методиј (Видео)

Една од најголемите фолк ѕвезди во Македонија, Влатко Миладиноски, кој каде и да се појави собира стотици и стотици гости, за Денот на македонските просветители настапуваше во скопско Стајковци.

Влатко дел од неговиот настап го овековечи со прекрасно видео со кое го честиташе празникот.

Една прекрасна глетка со еден од неговите најголеми хитови “Велат не нема” и неговиот прекрасен глас. Секоја чест!

Пендаровски: Ако Пyтин некако ycпee да победи во вojната нема да ја победи само Украина

Претседателот Стево Пендаровски во рамки на годишниот состанок на Светскиот економски форум во Давос, денеска се обрати на панел сесијата „Одржувањето на безбедноста во Европа”. Во фокусот на дискусијата беше војната во Украина, но и чекорите што Европската Унија треба да ги преземе.

На панел дискусијата учествуваа генералниот секретар на НАТО, Јенс Столтенберг, премиерот на Белгија, Александар де Кро, министерката за одбрана на Холандија, Кајса Олонгрен и шефот на претседателската администрација во Украина, Андриј Јермак.

Учесниците на панелот, како што соопштија од Кабинетот на претседателот, ја осудиле руската агресија и изразиле поддршка за украинскиот народ. Била истакната важноста од превенција на ескалација на конфликтот во Украина и неопходноста да се обезбеди заштита на НАТО сојузниците.

Претседателот Пендаровски истакнал дека руската инвазија врз Украина како никогаш претходно ја наметнала потребата Европската Унија да се фокусира на интеграцијата на земјите од Западен Балкан, процес кој дополнително ќе ја зајакне стабилноста, безбедноста, демократизацијата на регионот, а со тоа ќе придонесе и кон целокупната безбедност на континентот.

Нагласил дека НАТО, но и Европската Унија, се двата коридори за подобра, побезбедна и попросперитетна иднина.

– Потребно е да ѝ помогнеме на Украина, да ги убедиме и другите сојузници кои можеби имаат одредена доза на скептицизам. Политиката на „отворени врати” не треба да важи само за НАТО, туку да се применува и за Европската Унија, вратите и на двете организации да останат отворени за украинскиот народ. Украинците се борат за сопствената слобода, но оваа борба е и за одбрана на демократските вредности. Ова е војна на една автократија против демократија. Доколку Путин успее некако да победи во оваа војна, тогаш нема само да ја победи Украина, порачал Пендаровски, додавајќи дека Северна Македонија во рамки на своите можности дава поддршка на Украина, од воена до дипломатска помош.

Според Пендаровски, политиката на отворени врати мора да продолжи, не само во однос на НАТО, туку и во однос на Европската Унија бидејќи во спротивно концептот за обединета Европа ќе биде само сон.

Полициcко возило yдpило во малолетник на велосипед

На 23.05.2022 во 22:50 часот во Охрид на ул.„7-ми Ноември“, во близина на бензинска пумпа патничко моторно возило “шкода“ сопственост на МВР удрило во малолетен велосипедист од Охрид.

По незгодата, велосипедистот бил пренесен во Општата болница Охрид.

Увид на местото на настанот извршила екипа од СВР Охрид и известен е Одделот за внатрешна контрола криминалистички истраги и професионални стандарди.

Урнебесно видео од “Бубамара”: “Kaжи некоја смешка за Таче, а кој е Таче бе Ранко, нит сме го гласале, ни ништо од кај премиер”

Во неделата беше телевизиската премиера на „Златна бубамара на популарноста“, која годинава се одржа по 25 пат. Бидејќи е единствена од ваков вид кај нас, оваа манифестација се раскажува долго откако ќе помине.

Заслужни за тоа секако се водителите, Сашко Коцев, Атанас Атанасовски и Тино Костадиновски, чии шеги за политичката сцена во Македонија и овојпат погодија во сржта:

(Видео) Во Сибир се отвори “вратата на пеколот”: “Од длабочините се слушаат морничави звуци”

Жителите на ова мало сибирско село се во страв бидејќи веруваат дека таму се отворила таканаречената „пеколна уста“. Имено, жителите на Батагајка во Јакутија забележале голем отвор на земјата, а многумина веруваат дека тоа е премин кон подземјето, пишува Mirror.

Извештаите велат дека масата што тоне продолжува да се шири и влијае на пејзажот. Сликите од кратерот Батагајка покажуваат како огромна маса на Земјата тоне и се чини дека влече сè наоколу.

Причината за кратерот е топење на вечниот мраз. Земјата на тоа место била трајно замрзната за време на квартерното ледено доба пред 2,58 милиони години. Кога шумската област беше исчистена во 1960-тите, сончевата светлина стигна до земјата и почна да ја загрева. Мразот во почвата почна да се топи и тоа доведе до набивање и таложење на почвата.

Поради влијанието на глобалното затоплување на температурите, наскоро ширум светот би можело да се појави уште една „пеколна уста“.

(Фото галерија) Прилепчани го преполнија храмот Св. Кирил и Методиј – црквата блескаше од убавина

Светот денеска го празнува Денот на македонските просветители Св. Кирил и Методиј.

Прилепчани традиционално како и секоја година до последно место го исполнија храмот кој го носи името на светите браќа, кај народот познат како “Параклис”.

Храмот Св. Кирил и Методиј уште од синоќа беше прекрасно украсен и блескаше од убавина како и секогаш.

Една убава слика која полни срце и душа. Нека е за многу години и напомош!

Лавров: Не знаете вие што е Русија, не сте научиле добро во училиште

Рускиот министер Сергеј Лавров смета дека западните политичари, кои велат дека е потребно да се порази Русија, најверојатно не ја научиле лекцијата во училиште.

„Велат дека Русија мора да биде поразена на бојното поле за да победат. Веројатно не ја научиле добро лекцијата во училиште“, вели Лавров.

Лавров смета дека западните политичари влечат погрешни заклучоци од минатото и кажа дека Западот на крајот ќе мора да ја признае „реалноста која ја создава“ во светот.

MВР: 3aпленивме мрежи и 100кг. риба во Преспа

На 24.05.2022 година во периодот од 00.20 до 07.00 часот во координирана акција на полициски службеници од Мобилната единица за компензаторни мерки при ОГРМ, БЈБ во соработка со Државниот инспекторат за земјоделие и концесионерот на езерото во водите на Преспанското езеро извршиле инспекција.

„Притоа се пронајдени 22 рибарски мрежи во вкупна должина од околу 1100 метри, со околу 100 кг улов“, информираат од полицијата.

Мрежите и уловот се подигнати и предадени на Државниот инспекторат за земјоделие за понатамошна постапка.

Апасиев во едно поинакво светло: Рапуваше, а имаше што да каже и за Васко Ефтов (Видео)

Познатиот јутјубер Стефан Лазаров ја имаше честа во неговото познато шоу „Карпул караоке“ да му гостува еден од најпопуларните политичари во нашата земја, Димитар Апасиев.

За прв пат имавме можност да го видиме Апасиев во едно поинакво светло. Зборуваше за неговиот приватен живот, за неговото детство, за студиите, за тоа каква музика сака да слуша, а во еден момент дури и почна да рапува..

Видеото со Димитар Апасиев погледнете го во продолжение: