На 03.06.2022 во 14.00 часот на магистралниот пат Градско-Прилеп кај Росоман се случила cooбpaќajна нecpeќа помеѓу патничко моторно возило “голф“ со кавадаречки регистарски ознаки, управувано од С.И.(23) во с.Камен Дол-Росоман, и мопед „априлиа“ без регистарски ознаки, управуван од Ц.В.(49) од Росоман.
Во нecpeќата со тешки телecни повpeди се здобила Ц.В. конcтатирани во Општата болница во Кавадарци. Извршен бил увид од увидна екипа од Полициската станица Кавадарци – информираат од МВР.
Политичката партија Достоинство изработи Предлог закон за измена и дополнување на Законот за посебните права на припадниците на безбедносните сили на РМ и на членовите на нивните семејства, односно на Законот за бранители.
Со предлог измената, како што информираше на денешната прес-конференција претседателот на Досотинство, Стојанче Анегелов, ќе побараат дополнување во глава 4 на членот 12 каде што е предвидено право на еднократен паричен надомест.
-Предлогот кој што ние го нудиме е еден милион денари по член на семејство на загинат бранител од 2001 година, кој е необештетен или вкупно по околу 50 илјади евра. Воедно, нудиме една формула за обештетување на воените инвалиди по 50 илјади евра за сто процентен воен инвалид и сразмерно на тоа, 5 илјади евра за 10 процентен воен инвалид. Да напоменам дека сите тешки воени инвалиди се обештетени, имаме само 30 полесно ранети воени инвалиди кои се надевам дека најпосле праведно ќе бидат обештетени, рече Ангелов.
Тој информираше дека во државата има околу 15-тина семејства на загинати бранители кои досега се необештетени. Останатите семејства на бранители се обештетени, некои од нив со склучување на спогодби со Министерството за одбрана, други со судска пресуда. Како што рече, има околу 30 воени инвалиди кои до ден денес се необештетени.
-Со оваа измена и дополнување на Законот ќе се обидеме да ја исправиме неправдата која до ден денес ја трпат дел од семејствата на загинатите бранители и дел од воените инвалиди, ранети или повредени во 2001 година. Ги повикуваме сите семејства на загинатите бранители од 2001 година и потоа да се јават до Достоинство, за да ги ажурираме податоците и сите да бидат опфатени во измената која се надеваме дека оваа недела ќе влезе во собраниска процедура, додаде Ангелов.
Во врска со оваа иницијатива за измени и дополнување на Законот за бранители, Ангелов посочи дека пред неколку месеци оствариле средба и со премиерот Димитар Ковачевски кој, како што рече, позитивно гледа на оваа иницијатива и ги упатил во Собраниска процедура кај координаторот на пратеничката група на СДСМ. Воедно, како што додаде, има позитивна волја и разбирање и од лидерот на ВМРО-ДПМНЕ, Христијан Мицкоски.
Оваа недела од Достоинство ќе побараат средба со пратеничките групи и од власта и од опозицијата, вклучително и Левица
Ангелов денеска исто така ја поздрави и одлуката на Владата донесена на седница минатата недела, со која се стопира присилното извршување, односно одземање на оштетата на бранителите од 2001 година, која што ја имаат добиено како надомест на нематеријална штета. Владата со одлука го задолжи Министерството за финансии сите оние пари кои што минатите години државата им ги одзела присилно, да им бидат вратени назад.
На овој начин, според Ангелов, ќе биде исправена една голема неправда.
-Во kpвавата 2001 година во одбраната на татковината беа paнети околу 350 бранители, 350 припадници на безбедносните сили на Македонија. Повеќемина беа силно тpayматизирани. Околу 70 припадници на безбедносните сили загинаа или починаа подоцна како резултат на здобиените рани или повреди. Дел од овие припадници на безбедносните сили кои беа ранети беа обештетени, дел останаа необештетени до денес. Триесеттина бранители според нашите информации, за жал до ден денес се необештетени, рече Ангелов.
Додаде дека од оние кои беа обештетени, во минатата декада против 30 од нив беа покренати тужби да ја вратат оштетата.
-Благодарение на притисокот на Достоинство, тогаш Здружение во 2009 година, Владата на ВМРО-ДПМНЕ излезе во пресрет на нашите барања и тужбите против воените инвалиди но и семејствата на загинати беа повлечени. Значајно да напоменам дека апсурдот отиде до таму што дури и неколку семејства на загинатите бранители кои изгореа во заседата кај село Вејце исто така беа тужени да ја вратат земената оштета. За жал, четворите од воените инвалиди кои што настрадаа во 2001 година и потоа, продолжија и понатаму да ја враќаат земената оштета. Овие луѓе се до сега беа принудени преку извршител со камата да ја враќаат земената оштета, додаде Ангелов.
Тој се заблагодари на Владата поради покажаната добра волја и грижа за бранителите.
Германската влада исполни едно од главните ветувања – минимумот ќе биде поголем. Но, дебатата во парламентот во петокот веднаш го отвори прашањето дали тоа е доволно за нормален живот поради високите цени.
Законската минимална саатница во Германија од 1 октомври ќе изнесува 12 евра, одлучи Бундестагот со гласовите на владејачката коалиција на Социјалдемократите, Зелените и Либералите и Левицата.
Членовите на Конзервативната Христијанско-демократска унија (ЦДУ/ЦСУ) беа воздржани, како и членовите на екстремно десничарската Алтернатива за Германија (АфД).
Во моментов минимумот во Германија е 9,82 евра на час бруто. Таа сума на 1 јули треба да се зголеми на 10,45 евра. Во исто време, минималната плата за кратки, таканаречени мини работни места се зголемува од 450 на 520 евра.
Предлог-законот се базираше на тоа што во моментот околу 6,2 милиони вработени работат за саатница помала од 12 евра.
Македонскиот претседател Стево Пендаровски експресно реагираше на социјалните мрежи откако беше опожарен културниот центар „Иван Михајлов“ во Битола.
Непознати сторители го запалиле влезот на културниот центар, при што изгорела плочката која го пишува името на објектот.
„Најостро го осудувам палењето на објектот на културниот центар на бугарската заедница во Битола. Ваквите чинови се провокација и не одат во прилог на унапредување на односите со Бугарија.
Ги повикувам надлежните институции да спроведат брза и детална истрага, да ги преземат сите потребни мерки, да се откријат и санкционираат сторителите“, напиша Пендаровски.
Живееме во време кога нормалниот живот станува луксуз. За повеќе од нормалното не може ни да се помисли во време кога живеачката станува сè поскапа, а семејниот буџет сè потенок. Ќе кажат кризата е увезена, но неспособноста на тие кои ја водат земјата е автентична, затоа и инфлацијата е двоцифрeна, затоа струјата е поскапена, затоа половина милион луѓе живеат во сиромаштија во нашата земја, и 90 илјади луѓе и овој месец работеа, но не земаа плата, истакнува лидерот на ВМРО-ДПМНЕ, Христијан Мицкоски.
Неговото обраќање го пренесуваме во продолжение:
Неважни се бројките со кои се фали Владата кога сè погласен е крикот на оние кои не можaт да си ја платат струјата, на оние за кои маслото за јадење станува луксуз, скапите бензини недостапни, трпезите празни, а иднината за која сме сонувале – недостапна.
И продолжувањето по таа патека значи сигурна пропаст без можност за поправка, точка од која нема враќање, губење на Македонија и која така веќе ја има сè помалку. И сигурно ви е позната максимата дека како што е сега, никогаш не било порано, но секој еден човек на нашата Македонија длабоко во себе знае дека се доближуваме до точката која доколку се продолжи со истото, навистина нема да има поправка ниту промена за иднината за која сонуваме, ја заслужуваме, и за која се бориме.
Не постои ниту најмала надеж дека со оваа Влада може да биде барем нешто подобро, тие се веќе во шестата година од своето владеење кое донесе живот на национална катастрофа, во секое поле, во секој сегмент.
Пет години на загубена надеж, на изневерени очекувања, разочарувања и национални предавства. И ова што го констатираме не е простодушна партиска порака, туку човечко обраќање на човекот до вас, кој ви се обраќа вам, слободните луѓе на нашата Македонија.
Ова обраќање е во име на ВМРО-ДПМНЕ, но во својата суштина е надпартиско, обединувачко, неполитичко, со чиста емоција, јасна порака која треба да ечи дека дојде часот, дека молкот во овие времиња не е опција, дека е премногу, а границите на разумот се надминати.
Премногу е затоа што со оваа Влада животот вреди најмалку, премногу е од несреќи во кои загубените животи се само статистика, без одговорност од кој било, било да е Ласкарци, модуларната болница во Тетово, или автобуската несреќа во Бугарија.
Премногу е затоа што 10.000 наши пријатели, нечии браќа и сестри, роднини, познаници, соседи го загубија животот поради короната. Премногу е затоа што здравствениот систем не е во распаѓање, туку е распаднат.
Премногу е поради неплатената мака на земјоделците, чесните работници, поради плачот на мајките кои се делат од своите чеда што одат по белиот свет, поради неправедно осудените, упропастените судбини, поради животот во кој љубовта кон нашата Македонија се претставува за грев, и тоа од страна на оние кои нема светост по која не посегнаа, нема идентитетско прашање кое не го проблематизираа.
И со секој ден сè подалеку од ЕУ, сè повеќе криминал, корупција и тендери. Дојдоа со голема надеж и ветувања за напредок кон ЕУ, наместо тоа нема европска вредност која не ја погазија, а испорачаа рекет, договори во четири очи, фабрики со марихуани. И кога ќе ви кажат можат подобро, тие можат само полошо.
И затоа велиме во еден глас ПРЕМНОГУ Е. Време е за промени. А, промената сме сите ние, секој од нас ја носи силата на промените, слободна индивидуа со свој став, своја верба, надеж за иднината која мора да ја донесеме.
Сега е тоа време кога треба да се застане на вистинската страна, и да се заборават сите поделби помали од заедничката цел тоа е Македонија, иднина, и надеж за добар живот. Тие се подготвени на сè само за да ја задржат власта која ја гледаат само низ призма на привилегии, но нивната подготвеност не е поголема од нашата решителност и борба за преземање на контрола над нашите животи и извлекување на нашата Македонија од катастрофата во која сè подлабоко навлегува.
Ова се историски времиња, да не ја пропуштиме оваа шанса за вистинска пресвртница и спас на државата од сигурна пропаст. Постојат такви моменти кога е потребна одлучност и непоколеблива борба за вредностите во кои верувате. Постојат такви времиња кога е важно, вистински важно на која страна сте биле.
Замислете ако не беа комитите, и Илинденската епопеја, зарем ќе се изродеа партизаните кои ја продолжија битката на своите предци. Ако не беше тогаш решителноста на АСНОМ, ќе се дојдеше ли до независна Македонија? Ако не беше тој 8-ми Септември и силината на народот и неговата свесност, ќе имавме ли своја држава? Одговорите ги знаете. Како што сега знаеме дека не смееме да ја пропуштиме оваа шанса за спас на Македонија и победа на вредностите во кои веруваме и иднината што ја заслужуваме.
Повикуваме на обединување, здружување на секоја иднивидуа, машко и женско, христијани, муслимани, атеисти, Македонци, Албанци, Турци, Роми, Срби, Власи, Бошњаци и останати, ова е твоја битка за нашата Македонија, за твојата и иднината на твоите деца. И кога каузата и влогот се големи, тоа значи дека нема да биде нити брза, ниту лесна таа битка, но нашата цел е праведна и со сигурност можеме да кажеме дека ќе победиме, ќе победиме заедно, силно, за големи чекори напред, за иднина која е светла, напредна, и која носи сигурност. Затоа ќе се излие таа енергија низ улиците, маалата, градовите и селата.
Почетокот на крајот вели дека тргнуваме за рушење на владата која е именител на сите наши колективни порази и неуспеси.
Стануваме на нозе, еден до друг, заедно, против владата затоа што ПРЕМНОГУ Е! ПРОТЕСТОТ Е ЗА ПРОМЕНИ.
Заедно, здружено, одлучно, за нашата Македонија.
Ве поканувам, почетокот на протестот за промени започнува 18.06.2022 во 20 часот, пред Влада на Република Македонија.
Во Општина Прилеп во тек е имплементацијата на проектот „Означување на културни и природни знаменитости во руралните средини во Пелагонискиот регион“ кој се реализира преку Центарот за развој на Пелаонискиот плански регион во партнерство со Општина Прилеп.
Проектот се реализира со финансиска поддршка од Агенцијата за финансиска поддршка во земјодејството и руралниот развој(АФПЗРР).
Во изминатите денови поставени се 36 патоказни знаци за означување на природни и културни знаменитости во руралните подрачја на Општина Прилеп.
Следува поставување на 75 информативни табли за означување на природни и културни знаменитости во рурални средини – информираат од општината.
Во 10 часот денеска во средните училишта низ земјава започна полагањето по првиот екстерeн испит – Мајчин јазик и литература од државната матура за учебната 2021/2022 година. Според податоците на Државниот испитен центар (ДИЦ), за тестот по македонски јазик се пријавени 11.060, за албански јазик 4.308 и за турски јазик 313 матуранти.
За полагање на матурата, која е услов за запишување на факултет, годинава се пријавиле 15.899 ученици кои завршуваат средно образование. Од нив, 7.135 се од гимназии, 8.504 од стручни и 260 од уметнички училишта.
Полагањето на вториот екстерен испит ќе биде на 13 јуни од 10 часот. Тој е по избор на учениците, а и оваа година најмногу се пријавиле за тестот по англиски јазик – 14.320 кандидати. Математика ќе полагаат 1.231, германски јазик 118, триесет кандидати има за тестот по француски јазик, 10 за руски јазик, 15 ќе полагаат филозофија и 100 кандидати се пријавени за естетика.
Резултатите треба да бидат објавени најдоцна 30 дена од полагањето на вториот екстерен испит. Тие што нема да ја положат државната матура или не во целост, ќе имаат втора можност во августовската сесија. Тестот по мајчин јазик (македонски, албански или турски) ќе биде на 10 август, а на 12 август испитот по изборниот предмет: математика, англиски јазик, француски јазик, германски јазик, руски јазик, филозофија или естетика.
Покрај екстерни, матурантите имаат и два интерни испита и една проектна задача. Учениците кои завршуваат средно образование и оваа година полагаат државна матура како и минатогодишната генерација, која се избори за два наместо три екстерни предмети и за скратени испитни програми. На барање на минатогодишните матуранти да им бидат олеснети условите поради пандемиската година, бројот на екстерни испити беше намален од три на два односно третиот екстерен беше спуштен на ранг на интерен испит.
Државната матура во земјава се спроведува од 2007 година. На крајот на 2019/2020 првпат не беше организирана поради ковид-19.
Матурата во јуни 2021 ја полагаа околу 15.300 ученици. Средната оценка од двата екстерни испита лани беше 3,61 и подобра од претходната државна матура, во 2019 година, кога просечниот успех беше 3,48.
Културниот центар во Битола “Иван Михајлов” само што објави дека се опожарени нивните простории.
Во раните утрински часови беше опожарен објектот на Културен центар “Иван Михайлов” – Битоля. Очекуваме институциите во нај брз можен рок целосно да го расветлат случајот и сторителите да ги извадат пред лицето на правдата!!, пишува во нивната објава на Фејсбук.
Отворањето на центарот долго време ја брануваше јавноста, а бугарската државна делегација во Битола беше дочекана од голем број граѓани кои изразија револт против отворањето на бугарскиот клуб „Ванчо Михајлов“.
Со претставата “Народен непријател” од Македонскиот Народен театар, вечерва започна 56. издание на театарскиот фестивал “Војдан Чернодрински” во Прилеп.
Фестивалот ќе трае до 9. јуни, а на програмата се осум претстави. Најновото издание на театарските игри во Прилеп започна со доделување на признанијата за животно дело на актерката Бедија Беговска, доајен во Турскиот театар и драматургот и професор на ФДУ Русомир Богдановски.
Со „Артуро Уи“ од Бертолд Брехт, во режија на Ќендрим ќе настапи Народниот театар од Битола, а со „Бракот на Марија Браун“ од Рајнер Вернер Фасбиндер, во режија на Драгана Таневска, Народниот театар од Струмица. Другите претстави во официјална конкуренција се „Вишновата градина“ од Антон Павлович Чехов, во режија на Владимир Милчин, во изведба на Турскиот театар од Скопје.
„Декамерон“ според Џовани Бокачо, во режија на Мартин Кочовски, во изведба на Народниот театар од Прилеп, „Јазли“ од Рефет Абази, во режија на Куштрим Бектеши, во изведба на Албанскиот театар од Скопје, „Клетвата на Скотје“ од Нил Сајмон, во режија на Синиша Евтимов, во изведба на театарот „Комедија“ од Скопје, „Народен непријател“ од Хенрик Ибзен, во режија на Нина Николиќ, во изведба на Македонскиот народен театар од Скопје и „Се викам Горан Стефановски“ во режија на Бранислав Миќуновиќ, во изведба на Драмскиот театар од Скопје.
Во овие претстави може да се издвојат значајни актерски, драматуршки, сценографски, костимографски и композиторски остварувања. Оваа театарско остварување, ќе го доживее своето 56-то постоење.